#NSS個人 [Guest] 我大約2月同咗一個識咗一年嘅friend反面，而同我反面嗰個就簡稱為A啦。同A就喺中一識嘅，都幾friend嘅，而今年又同班，所以我同A就同另一個今年熟嘅人一齊玩（簡稱為B)。同A反面嘅詳情唔多講，真係好難去解釋，我可以briefly咁講，係A搞件事出嚟，而我對佢自此改觀+失望+嬲。搞咗件事之後，我就同B講件事嚟來龍去脈，佢自己都覺得A嘅行為非常怪，所以就變咗得我同B單獨相處。而前幾日A post 咗個story係A同B call 既截圖，咁睇到嘅我就當然唔歡喜啦，但係我自己係比較樂觀嘅，就冇當過咩事 。而今日A又post咗一個story，係同B打機嘅，所以我又唔開心。其實我唔係介意佢哋兩個friend，因為未發生件事我哋都幾熟嘅，而係前幾日我同B call 緊嘅時候佢無端端話A

#NSS個人 [hotung] 爹哋媽咪嚟咗婚之後媽咪叫我自己搵嗰個新爸爸..

#NSS學校 [GUEST] 佢成日叫我幫佢做嘢，應該點做🥲 Hii小妹F3，我不嬲都好細膽，又怕羞，所以中學基本上好難識朋友～今年好好彩識到個女仔A，我哋好快就好熟，佢仲令我識埋佢嘅其他frd。A份人好好，會成日主動搵我傾計，或者陪我去搵下老師咁。 我覺得朋友互相幫助係非常之好嘅事，所以佢問我借下功課，我都會畀佢。 到咗呢次長假期，我因為想多啲時間休息或者出下街，頭嗰兩個禮拜已經做晒啲功課。然後A都係有問我功課，我初頭都會send啲答案畀佢。 但之後發覺A差唔多全部功課都問我攞答案，除咗一啲作文，或者啲抄咗一定會畀人發現嘅功課。但係因為我覺得A真係我一個好好嘅朋友，都冇咩所謂，我都會send畀佢。 最後有差唔多三分之嘅功課，A都係唔使自己做，有答案抄，我就喺度諗，我嗰兩個禮拜做得咁辛苦，咁樣公平咩🥲。啱啱提到一啲抄咗一定會畀人發現嘅功課，A冇問我抄，但係， A會問我關於嗰啲功課嘅details，我真係想就咁同A講，其實老師已經打晒喺個google classroom度㗎啦。最終我都係直接話畀佢知，因為我驚會令我哋鬧一埸交，或者唔知點，我唔想之後小息，分組嗰啲要自己一個。我真係好細膽🥲。

#NSS社會 [GUEST] 放鬆啲啦，香港人。 你睇吓，李家超都做特首啦，識人好過識字。 睇啲外國影片嘅留言，Grammar 錯，又點啫，又唔見有人會鬧「 WTF！Your English sucks！」， 睇明咪得囉。

#NSS個人 [GUEST] (受 #NNS220423I 啟發) 我自認係一個核突嘅人 小弟15歲，有自慰嘅喜好，都算正常 而我估大多數會用色情網頁等自慰 唔同嘅類型啱唔同嘅口味，好似食物咁 小弟會留意朋友ig，廣告或者電視節目等，將「可對其自慰」嘅女性記錄低，好似名單咁

#NSS學業 [Guest] 我覺得我好似揀錯科，定係中四咁樣係正常架？本身中3讀science，聽人講到高中會好唔同，都預左。不過唔同嘅程度真係令我好驚。 理科嗰3科宜家冇一科聽得明，做功課嘅時候一個鐘頭都做唔到一題。Quiz嗰陣30分滿分，攞個位數已經預料之內，從未冇驚喜過。啱啱好合格都已經謝天謝地。 因為考得唔好，搞到連上堂嘅心機都冇。反正聽同唔聽嘅結果都一樣，都係聽唔明。望著本書半個鐘睇都睇唔明。有試過問老師都係唔明。 我嗰班啲老師比較嚴格，對我地要求好高，因為上學期考得唔好，個老師同我講希望下次見到我有進步，但係我宜家嘅情況反而係日況愈下。唔好講進步，退步都話唔埋。 所以搞到自己喺讀書依方面成日都好唔愉快，有冇咩方法可以改變下？ Sorry for 1999

#NSS個人 [Guest] 小妺今年f3 ，對自己嘅朋友好有佔有慾 ，見到佢同其他人傾電話會好唔開心 ，見到佢同其他人去街唔叫埋我去又會好唔開心，而家仲有一個人同佢越嚟越frd， 然後我又會諗明明我識佢先點解佢同另外一個人咁frd ，又會喺度比較自己同嗰個人諗自己有咩唔夠佢好， 跟住就會開始慢慢唔會同佢放好開咁傾， 甚至想遠離佢(?

#NSS家庭 [GUEST] 【長文慎入】求admin 出post 本人第一次投稿，講嘢可能一舊舊，請各位高抬貴手，要屌的唔該細力d同埋希望大家可以畀少少意見。 講返少少背景，小妹今年form1， 讀緊band 1 中學，屋企算係中產家庭，冇兄弟姊妹。我嘅家庭背景同埋父母對我嘅期望搞到我好大壓力。 【以下內容係100%真實】

#NSS社會 [Hkg] 嚟緊考LS，咁我溫溫下就突發奇想：如果當年接受袋住先方案，宜家特首選舉會係點樣~

[guest] 大家好，小妹第一次投稿。 上個月黎左澳洲，而家放緊term break 。27號就正式第一日返學。 好緊張自己會係學校識唔到朋友，因為事關我學校係公校，大部分都係外國人，好驚佢地歧視我。我英文唔係講唔到，但係到日常生活講野就好多字都load唔到。 自己本身係香港都唔算好多朋友，大家有冇建議點樣可以容易啲識到朋友？ 唔該曬admin幫我po ig 🙏

#NSS學校 [有一句話我想講好耐但講唔出口] 小妹13y，日日都受到壓力嘅折磨，有一句話我自從小三後，我一直好想講，但我永遠都講唔出口：「咁不如我死咗佢算！大家開心我開心。」件事由幼稚園講起。幼稚園我係讀所稱嘅happy school，冇乜功課冇乜測驗默書，唔洗考試。咁樣嘅生活持續咗3年，機本上我日日無所事事，讀下故事，練下琴，睇下youtube咁就過咗一日。直到小一我先開始感覺到辛苦，因為小一我靠我家姐嘅成績，拉咗我入間九龍城區都出名同chur嘅小學。而事實上，我真係冇果個能力入。 幼稚園時日日咁嘅生活令我個人好天真，以為升咗小一之後都可以開心過。結果係，入到去因為我成績差，樣又生得唔靚，見識又少，性格粗心大意，老師同同學個個都唔鍾意我，佢地成日蝦我、唱衰我、做錯事屈錯事落我度等，正心朋友正係好少。 小一到小二我自己覺得還好，覺得佢地蝦我都係同我玩下姐。但係小三佢地變本加厲，越蝦越過分。偷我支筆，放垃圾入我櫃桶、VA袋，將佢支等放入我書包話我偷，全部壞事通通都有。我有即時狡辯，叫老師check cam但係佢地cam都冇check就賴落我度，今我失去咗我形象。而且咁啱有親戚離開咗，令我對「死」哩方面好敏感。而且因為唔開心嘅事越嚟越多，長期受欺凌而冇人肯聽我訴苦，我開始有啲抑鬱。但係因為我唔想令家人擔心我，所以我一直將哩度所有發生嘅事隱瞞，所以喺朋友面前嘅我同真實嘅我性格完全唔同。 到小五就更加仆*，因為學校為呈分試做準備，根據我地中英數成績分為小組教學。最勁係第一組，最差係第四组。唔洗講，我就係所稱嘅444。但事實上，只係我主要核心科目中英數差，其實但我他其科係拉返高個分嘅。有一次，我個校車同學問我我係咩組。我冇答佢，因為我唔想答，我覺得好冇面。之後佢用各種理由迫我答，我都唔太想答，所以我冇理佢。結果，佢打開我書包，拎起我本手冊…就係咁…佢見倒晒。真係冇冧過佢個人咁衰，過咗唔夠3日，佢將我啲秘密傳到全校都知。果刻我放學返到屋企，放低咗書包，企咗喺打開咗嘅窗前2個鐘。有一刻，我真係好想三二一跳落去死。但係一冧到我幾個朋友，身邊嘅親戚，同佢地開心相處嘅時光，我真係唔隱心就咁走，畢竟我仲係10歲，應該仲有好夠嘢未做夠。而且我仲好記得我冧過：如果我跳落去死咗，我就可以安心死唔洗再受折磨，但係身邊必定有會唔捨得我。我咁樣死又代表我不孝，又對唔住咗我家人同創造我嘅天父。如果我跳落去未死得，會更難受又更加加重屋企人負擔。總之成件事好矛盾，我冧冧下開始無咗意識咁。 後嚟我升咗間中挺中學，級入面我唔算好叻，前15左右，但係可能因為有能力？老師都經常揾我參加比賽，佢地對我期望越嚟越大，令我壓力越嚟越大。而且我經常受到「朋友」嘅孤僻、拋棄、對我嘅冷漠，同埋因為受到太多因素影響，包括小學發生嘅事，令我開始控制唔倒自己思想。一唔開心，就好易衝動，好易冧負面嘢，或甚至自閉唔見人。有時我一唔覺意，甚至好易就整傷咗自己。我一唔順意，一消唔倒啖氣，就經常冧起小學發生嘅事，令我好想快啲死咗算。 但係小妹從細一直都有個夢想做youtuber，希望靠網絡分享生活點滴/消消氣，為大家帶嚟歡樂，但係就一直受到父母反對，令我好咀喪…我一直渴望將以上心底話同身邊老師/社工/朋友/親人講，希望有人為我打氣，希望有人同我傾心事，但我一直冇哩個勇氣。

#NSS個人 [GUEST] ［超長文慎入⚠️⚠️⚠️］ 我今次係以某post(出咗1.0&2.0）個樓主個frd嘅身份投稿（大家應該知係邊一個post)［我唔係佢兩個小學同學其中一個，我哋中學先識］，我之所以用呢個身份，係因為我都有一啲算係普遍好多人會遇到嘅問題嘅經歷（下面係分享我一啲經驗&啟發&鼓勵大家嘅一啲說話）事先講明⚠️我唔係嚟賣慘嘅，真人真事（依家中一，但我覺得我上咗中學先明白感覺好遲🤦🏻‍♀️⋯⋯） -經歷- 有時真係經歴過先知，自己一個捱過嘅係一件幾痛苦嘅事，我更加多係學業上同家庭上嘅壓力，被人針對、無人理解，有好多時都係自己夜晚訓覺頂唔順自己係到偷偷喊，有一段時間我係喊到心好痛個隻，有時重好似透唔到氣咁，之前一直以為呢啲只係電視劇先會發生嘅嘢，冇估到真係發生咗係我身上⋯我有一段時間真係好討厭返學，甚至處於放棄狀態；到家庭方面，我其實覺父母都唔係太理解我，我有時同佢哋講，佢哋都以為我係到玩玩下，都話我‘正經讀書啦你！’ ’你一定係睇太多電視劇‘ -堅持落去嘅動力- 學業方面，而家升咗中學，慢慢有返之前對返學嘅熱誠，坦白講我係真係開心過以前，多咗以前冇個種動力；家庭方面，我其實覺得，只有阿哥真係理解我，佢包容我所有嘅任性同每次都好耐心聽我講嘢，我係佢話入面從來冇聽過佢話我做唔到呢樣嘢，佢永遠都係最支持我個個人，就算係吵交，我哋好快就會好返，所以呢個都係我比較親近阿哥嘅原因，雖然我好遲先意識到阿哥對我有幾好，不過起碼我哋兩個依家都算係雙向奔赴兄妹情嘅感覺。 -堅持係生命入面係最重要嘅-

#NSS學業 [GUEST] 小妹依家中五，學校banding唔算top,大概band1C, 中一嘅時候校內成績唔好，中後左右，但一直有進步到依家全級頭十，但都知出到去公開試同啲band 1A嘅名校生根本冇得鬥。自己有諗過讀啲神科（醫），想醫人、救人，但知自己未夠班，所以一直都唔夠膽同屋企人、老師講，驚佢哋反對/對自己要求、期望高，只會自己偷偷地睇讀醫嘅資料，可能大家會覺得我睇緊啲無謂野、浪費時間，因為我都冇乜能力入醫科。 我今次考到頭十之後，其實老師都已經對我期望愈來愈高，我都感受到好大壓力，被人哋過份重視嘅感覺都幾可怕。。。 而假期前本身都算會做齊功課，但冇啦啦放咗個「暑假」，本身諗住7-8月嘅暑假先開始操卷，但乜計劃都變曬。諗住呢個假操卷，但要應付功課、測考，發現自己嘅拖延症嚴重咗，做1個鐘嘅功課要做成3個鐘，成日分心、坐唔定，之後就走咗去打機、煲劇。同埋好多都未教曬，結果冇操過卷。 我呢個假期hea咗好多，求其做咗啲功課就不停打機、煲劇，都有想溫書都真係冇動力，假期一日一日咁過，依家完曬，好快又UT。感覺自己會大退步，因為之前真係用盡曬力先可以考到頭十。又成日覺得其他人一定好好利用呢個假期溫書，人哋升2-3個grade, 我就冇進步過，真係好驚。。。而家做好多嘢都力不從心，不論係音樂方面定讀書方面都係。 加上我屋企唔大，300-400尺

#NSS社會 [某中西區中學] 標題：中國香港 ＊以下內容含敏感議題 小妹讀中學，以下嚟段文字會用繁體，因為繁體漢字都係中國漢語體系入面嘅其中一種文字，從來冇人話唔俾我哋用。 好啦，宜家入正題。 我想講嘅係，香港自秦朝起，就已經係中國嘅一部分。喺英國於鴉片戰爭入面打敗咗清朝之後，香港先變為英國嘅殖民地。自1997年7月1日香港回歸中國後，香港已經再次成為中國領土，採用「一國兩制」嘅政策統治。所以，「港獨」之說全屬無中生有。 第二，好多人都話宜家啲初中學生，小學生等等，都被「大陸化」咗，但小妹反而覺得，好多學生都被「港獨」等思想影響咗，而因為咁離棄自己嘅國家。 第三，無可否認中華上下五千年，國家總有地方做得唔好，但係，邊個國家冇啲唔光彩嘅歷史？即是等同「人誰無過」嘅道理一樣。知錯能改，善莫大焉。識得從錯誤中學習就得。相信我哋嘅國家會越變越好。 第四，小妹雖然會睇陸劇，聽普通話嘅歌，有時會講兩句普通話，但我亦熱愛香港文化，有睇香港嘅電視劇，有聽廣東歌，亦十分鍾情於老香港嘅懷舊文化同氣息。對於我唔太鍾意嘅文化，我都會尊重，希望各位就算唔鍾意內地文化，都可以尊重下，始終嗰啲都係中國五千年來演變，衍生出嚟嘅；亦都對內地人俾返少少尊重，少部分可能有啲帶惡意嘅人，並唔能夠代表全個地區嘅人係點，始終，邊到都會有壞人㗎嘛。

#NSS個人 [Guest] admin麻煩po IG🙏🙏🙏唔該 係咁嘅，小妹今年15，有打開拳，我好鍾意呢項運動，因為我讀書成績好差，泰拳係我唯一鍾意又比較勁嘅運動，以後都會想參加下啲比賽咁。 琴日練拳踢沙包嗰陣失咗平衡，菠蘿蓋移咗位跟住跌落地，即刻痛到慘叫，然後call白車送咗去醫院。 醫生話我之前都試過咁，可能會變成習慣性甩骹，而且今次搞到我軟骨碎裂，韌帶都傷咗。雖然話唔使做手術，但我好幾個月冇得練拳，明明上一秒踢沙包仲踢得好過癮，下一秒就攤喺床到郁唔到，真係覺得自己好廢，麻煩到我爹哋媽咪，又令身邊嘅朋友擔心。 聽到幾個月冇得練拳，我真係好唔開心好絕望，唔知接下來幾個月應該點樣渡過，再加上本身有情緒病，我直接喺醫院熄燈嘅時候崩潰爆喊，喊到對眼又痛又腫，依家番到屋企諗起呢件事，甚至係打緊呢篇嘢嘅時候又會忍唔住喊，差唔多10分鐘就會喊一次，我驚自己幾個月冇做運動就會肥番，驚肌肉量跌番，又驚復操嘅表現直線下降，驚自己因為情緒問題而做傻事，呢幾個月完全冇一樣嘢去俾我發洩情緒，我真係唔知點算。 我接受唔到冇咗泰拳嘅生活，我真係好鍾意好鍾意呢樣嘢，唔知依家除咗養傷應該點算好。多謝大家睇到呢度，希望大家可以為我打下氣，等我舒服少少，多謝晒！ sor

#NSS學業 [Guest ] 而家f.4,讀一間band1既學校,成績越嚟越差,上學期考試既成績係要留級嘅成績,所以我想搵下補習(我知而家先補有啲遲）,我呢排都睇咗好多唔同嘅補習（eg 學思, 學博, 靜研中心, YYlam, 經致,同埋好多hkdsemath既acc……）,但係都揀唔到, 想問下大家有冇咩建議?如果可以就講埋係點樣教,大概教啲咩…🙇🏻‍♀️

#NSS個人 [guest] 點解要逼我轉校 是咁的，小弟08依家喺uk，依家喺uk讀嘅學校都幾多香港人， 我入到嗰間學校一個月都唔夠就同好多人混到好熟，都有一班幾好嘅friend， 但係就喺今日， 阿爸無啦啦同我講有一間好好多嘅學校收咗我， 如果我應承入嘅話，一個月之內就可以轉校。 我好想既刻推咗佢，但係我知我屋企人都好想我入呢一間學校， 咁我唯有話考慮下。

#NSS個人 [guest] 小妹今年中二，自從上年我個best fd因為我性格問題同我絕交，我唔開心咗好耐。雖然我宜家知衰，已經改曬之前所以乞人憎嘅嘢，但係因為呢件事我之後就變得內向，好care人地點諗我，唔敢同人講嘢。我好想有個可以分享所有嘢嘅fd，可以點做……我宜家真係好辛苦，每日想搵fd傾訴都無 唔該曬admin放出嚟 萬分感激🙏🏻 sorry for 1999/錯字

#NSS愛情 [Guest] 其實有女朋友嘅男仔係唔係應該要同異性保持返少少距離？ 事緣就係咁，我同我男朋友就拍咗差唔多4個月，佢就讀緊某band 1男校，而我就讀緊某band 3嘅男女校，一直都還算幾穩定，直到有一日，我哋因為佢成日同女仔傾電話而鬧交，鬧交嘅原因係因為佢同某個女仔frd 有幾次凌晨先傾電話，而且仲要係call住瞓 然後我就好好地同佢傾，但係佢反而鬧我「呢個世界朋友唔係男就係女㗎啦，你可唔可以唔好咁霸道」，咁我都有同佢講我嘅諗法，我同佢講「我唔係唔俾你同異性聯絡，但係你都要識得分寸㗎，其實我都會唔開心….」，佢原本應承我會好好注意分寸，但係隔唔夠一日之後，佢同我講佢又同嗰個女仔凌晨傾電話，但係佢話今次冇傾住瞓覺，一點傾到三四點，佢同我講已經好過之前，我笑笑口冇點答，其實心入面覺得好唔舒服，同埋其實因為我自己好自卑，佢差唔多識嘅女仔都係band 1，自己根本都唔係嗰個圈子嘅人，總係覺得自己好似一個外人…🥲😭😭 我想問吓係唔係我真係好霸道，定係個個女仔都接受到自己嘅男朋友同其他女仔凌晨call住瞓覺？🥲🥲（希望大家可以俾啲意見我可以點樣做🥲🙏🏻

#NSS其他 [Guest] 呢個post可能有小小無聊 但我想做個意見調查 🙂 請問你哋覺得無印/zebra sarasa 邊隻筆好用D 同埋可唔可以講下佢哋嘅優點決點 因為我見到身邊啲同學大多數都係用呢兩款筆