#NSS愛情 [GUEST] 朋友不甘 戀人不敢 我同你之間 只差一步 但係又感覺距離好遙遠 下一世 我想做一個男仔 光明正大咁鍾意你

#NSS愛情 [[GUEST]] 兩個幾月前，我鐘意左一個男仔。佢係我第一個真心鍾意嘅男仔。我哋日日見，由一開始唔出聲到越嚟越熟，雖然佢唔算靚仔，但係我原全比佢嘅性格吸引到。佢好溫柔，有時又傻下傻下，好得意。我哋平時都有係網上面傾計，有時悶得滯都係一齊打機傾電話，令我更加確定我鍾意佢。 我唔開心嗰陣，收到佢一條訊息，可以令我開心返，佢做乜我都好留意佢，聽到佢個名會不自覺地望過去。 有時，我身邊嘅人都話我哋嘅關係唔簡單，話過你鍾意我，我表面上係咁話冇可能，但其實心入面好開心。 但最近，佢同我個frd a突然之間好熟，成日問我a啲嘢，甚至我覺得佢鍾意a，令我有種失落同妒忌嘅感覺，好驚失去佢。 以下嘅話係同你講的： 我唔敢比你知我鍾意你，唔想破壞我哋嘅關係。我真係好鍾意好鍾意你，但我諗，繼續以好朋友嘅身份陪住你會更合適吧。未來一齊加油，我愛你。

#NSS愛情 [Guest] 希望各位可以講下睇法，呢件事煩左我好耐🙇🏻‍♀️講下背景先，小妹中學生，中幾就唔講，有個拍左一年拖既男朋友。我地本身係超好既朋友，個陣發現自己鐘意左佢，糾結緊表唔表白嘅時候佢同左我表白，嗰陣時真係好開心，亦都係埋左一齊。同佢出街都還好，但係佢唔肯公開，喺學校見到大家只會點一點頭，呢樣嘢直到而家都係咁，介意一定有不過其他方面都幾好所以我就冇理到。 但係呢排發現問題開始出黎。 第一，佢成日唔睇我msg。 我唔係要佢秒讀，但係我真係唔相信兩日都冇一個時間攞起部電話覆我。 第二，聖誕節禮物。 我自己周圍跑終於搵到佢鐘意既figure，咁就送比佢做聖誕禮物。首先，有冇聖誕節禮物我真係完全唔介意，但係問題係佢比左一包糖我，我本身好開心，但係我聽其他人講先知係佢啲男仔friend送比佢既，而佢就用黎送比我… 第三，我地好似變返朋友咁。 佢已經好耐冇拖起我隻手、攬我。我有時會嗲下佢，佢會同我講你自己唔想嘔咩？唔好咁啦…甚至會fing開我。

#NSS學校 [GUEST=］] 考緊中文reading嗰陣時,右邊學校嚟首國歌,隔5mins,左邊學校又嚟首國歌,有咩特別事需要咁做？

#NSS學校 [SSC] 因為太憎呢間學校 所以作咗段rap 《垃圾學校》 點解呢間學校咁鬼離奇 嗰嗰學校旅行去海洋公園迪士尼 我哋仲喺度對住ih對住習維尼 National people

#NSS學校 [SSC] 呢間學校D老師又差又hea 日日等出糧 冇乜嘢需要緊張 依家學校啲學費又貴 但係啲嘢又超級殘 仲有有個教家政嘅A老師 平時教家政淨係煮下飯仔 洗碗又唔識

#NSS文化 [SSC] 想問係唔係冇晒香港老師？ 是咁的，小妹係中文作文上面，寫咗一句廣東話：「唔執輸」想表達當時作文裏面嘅主角嘅心情，明白作文應該寫返書面語，上年試過都係咁寫，個老師比左個tick我，我只要加「」就可以寫，我認為用「唔執輸」先最能夠表達到當時作文裏面嘅主角嘅心情，但係改我篇作文嘅A老師，係個大陸人，佢竟然睇唔明廣東話，打咗個大？俾我，最後我篇作文完全冇comment 剩係得個分數，個分數緊緊合格，我平時作文真係唔差，至少有6/7字頭，今次得5字頭，我將我篇作文俾咗好多個朋友睇，佢哋都話我作得好好，唔明點解個老師比咁低分，於是我就去問教我中文嘅B老師（唔係改我篇作文嘅老師)，問佢點解考得咁低分，佢將我篇文睇晒，話我寫得好好，佢話係因為我寫咗句廣東話，最後A老師喺表達方便扣咗我20分，寫廣東話話我分裂國家喎😨香港教育制度玩完 Admin pls pls pls lo

#NSS個人 [guest] 標題 : 係咪我英文太差 我去咗外國讀書 同外國人都溝通到 但佢哋喺ig寫嗰啲cation 我就唔係好睇得明 隻隻字都明

#NSS個人 [GUEST] 是咁的，我有一個鍾意到極點嘅偶像，香港歌手嚟，邊個就唔講了，問題就嚟啦，近日我發現我嘅x幻想對象係佢。。。當刻個腦淨係諗住佢😔😔覺得自己好衰

#NSS愛情 [[GUEST]] 唔該版主可唔可以唔好post 今朝暗號ily3000嗰個post🙏🏻thanks

#NSS學校 [女校] Admin post ig pls 🙏🏻 我想講我學校d女仔好唔尊重人😶 之前宗教堂老師講簡樸生活 跟住播咗條片

#NSS愛情 [GUEST] 講就話鍾意我，但係佢一直追緊另外一個女仔，以為我吾知🙄

#NSS個人 [Guest] 小妹今年F2，之前一直住宿。唔知係咪脫離唑宿舍，突然之間有d唔習慣，係屋企完全瞓唔著，又成日頭痛，但係宿舍冇試過失眠。因為失眠同埋頭痛呢個問題，一直困擾著我成兩個月，但呢個問題冇同daddy mami講過。d frd都叫我去睇醫生，但我冇時間去，最近又要考試，失眠呢個問題好嚴重，已經搞到我上堂冇精神，近排仲要考試，根本集中唔到精神。 我最多淨係得兩個鐘瞓，上堂完全聽唔入耳。夜晚瞓唔著好鍾意睇下夜媽媽仲有冇人係度散步，睇下睇下就已經天光。 講返頭痛，我個頭痛到食唑止痛藥都冇咩用咁，然而我d止痛藥係之前受傷叫醫生開嘅，但而家d止痛藥都食到七七八八，都唔知可以點。 失眠同埋頭痛已經困擾唑成兩個月，真係唔知點算好，求意見 求Admin po

#NSS個人 [Guest] 係咁嘅，小妹因為有左腸胃唔舒服好耐，咁近期打算去照胃鏡！！想問一下有冇人試過，有啲乜嘢要注意同埋過程大概係點？？🙇🏻‍♀️🙇🏻‍♀️🙇🏻‍♀️因為第一次所以好驚，希望有試過嘅人可以分享下，thxxx

[新界某學校] 小弟F3， 尋日突然收到消息我下年要去外國讀書 1.其實本身應該係值得開心嘅事 但係我好唔捨得而家係香港嘅朋友 2.驚而家唔去 大咗會後悔 3.如果去嘅話 可能以後都唔返嚟香港 .·.我諗唔到點算

#NSS學業 [GUEST] 小妹啱啱今年升上中一，整體上來講大部份嘅學科成績目前為止都還可以，係人哋口中所謂嘅「學霸」，但正正係因為呢一啲稱呼，搞到我一直以來都好小心翼翼，好似考低分多少少都好驚。 我自問英文一直唔算好，喺小學嘅時候英文已經係拉低我平均分嘅嗰一科，但我從來冇因為呢樣野而放棄佢，可能本身同英文無緣～但我會更加努力去嘗試讀！ 但啱啱考完嗰個mid term exam英文閱讀理解嗰份卷，其實我大部份題目都識做，但唔知點解我返到屋企之後有種想喊嘅感覺… 我真係好驚，我驚我唔合格，我咁大個女從來未試過驚到咁。以前最多都係驚自己唔滿意個分，從來未去到驚唔合格咁誇張… 可能係因為之前做嘅uniform practice全部都係合格再多少少，俾唔夠信心自己～

#NSS愛情 [QES] 說來話長，簡單啲來講就係我鍾意咗隔離班個男仔已經有五年。 當年讀緊中一我就已經識佢，果陣時佢仲係有啲baby fat，肥肥哋，不過佢係一個好 nice 嘅男仔，對大家都超級細心同溫柔，亦都好有責任心，成日都會周圍幫人解決麻煩。就係咁我對佢開始有咗 feel。 😇 不過我同佢稱唔上係朋友，只係普通同級同學。我地傾計嘅次數不多於

#NSS家庭 [Guest] 小妹今年中五，之前同阿媽關係唔好，但宜家大個咗明白咗阿媽嘅苦心，所以今年同阿媽關係好咗好多。平時學校開心唔開心嘅嘢都會同佢講，佢又會同我講佢返工嘅嘢。 佢係一個敢愛敢恨嘅人，活在當下係佢嘅人生態度，佢都係一個好獨立、自強嘅人，稱她為女強人也不為過。雖然她都好固執，成日堅持己見，但她從不會做任何唔好、傷天害理嘅事。 今日佢放工返屋企，我好自然咁同佢傾計，佢突然同我講佢最近隻眼睇嘢變得好模糊，連睇巴士都要架巴士來到眼前先睇到係乜車。我好想強裝鎮定咁叫佢去睇醫生，但先啱啱開口眼水就不受控制咁流。 阿媽其實宜家先四廿幾歲，但我一直以來都好唔省心，先會令到佢有咁多白頭髮。阿媽話佢隻眼咁樣已經有一個月時間，我真係好內疚、好慚愧……阿媽，其實我真係好愛你，我希望你健康平安，我會努力讀書、生活，盡量令你唔好再為我操心。

#NSS學業 [Hwc ] 呢排都班上嘅人熟咗有啲唔捨得，我係轉班生嚟㗎，因為係舊個班關係唔係咁好，就走咗，屋企就係住得比較遠少少返學要80min，然後就想轉校但係班上嘅同學都對我好好，但係返學要咁多時間就要早起身，同埋比較social，每日都要同好多人傾計，然後班上同隔離班又有幾個女仔鐘意我，然後我同識得嗰啲女仔嘅男仔friend好熟，佢哋就成日叫我唔好同女仔傾偈（我同一啲識咗好耐或者有男/女朋友嘅男/女仔傾偈佢哋都話我溝佢哋😅本人bi）然後班女仔又會因為呢啲事而吵，我又唔可以拒絕佢哋，而家嗰啲關係都係透過啲女仔而建立嘅

#NSS學校 [GUEST] 唔知有無人可以畀下意見我，畢竟件事過咗咁多年，要追究都好難追究落去，而過咗咁多年我都仲記得證明對我嘅心理陰影都幾大。 呢幾年同屋企人傾傾下先發現原來自己喺小學嘅時候試過畀老師叫埋啲同學一齊欺凌，小學嘅時候有參加童軍，返到去會被呢個貴為我班主任老師同同學取笑，攞我嚟同嗰啲同學比，點解人地做到但我做唔到之類，但明明我都達到老師嘅要求，佢偏偏畀晒其他比我仲遲入去嘅人做隊長/副隊長嚟暗示「睇下你有幾唔掂」，記憶基本上已經好模糊，只係記得自己原本係一個好鍾意笑嘅人都變到唔識笑。 當時我成日諗呢個老師同呢班同學幾時離開間學校，唔好喺我面前出現，每日都好唔想面對呢班人，最尾當然quit咗個咁嘅團體，個老師仲要係所謂嘅天主教徒。 而家諗返轉頭好後悔點解當時無講出嚟就咁忍咗佢，當時仲細竟然連咩叫「欺凌」都唔知，而呢個老師喺件事嘅差唔多8年後仲可以咁舒服咁繼續喺我間小學度教書，一開始以為佢講啲嘢好勁好有說服力，咁多年後先發覺原來佢講嚟講去都係嗰三篤屁，而家只係想佢承擔返個後果，唔知有無咩方法？