#NSS學校 [guest，廢事比人話我損害學校聲譽] 急，admin plz po ig🙏🏻🙏🏻🙏🏻 小妹第一次投稿，先講一句sor for 1999 有咩要鬧即管鬧

#NSS個人 [GUEST] 覺得自己好無用，好鐘意亂諗嘢，影響到睡眠質素。或者我係個唔識感恩嘅人，屋企人好錫我，屋企又唔算好窮，要乜有乜，大把人慘過我，佢地都好努力咁生存，點解我仲要為小事怨天尤人？ 我份人好自卑，無乜自信心，驚驚青青。以前屋企人成日鬧我打我，細佬又聰明過我，牙尖嘴利，啲長輩好鐘意佢，我成日會同細佬、同學比較，覺得自己又蠢又鈍又唔靚，咩都做唔好。 雖然係咁，我都好想讀大學完成自己嘅夢想，我想讀嗰科好講天份，但係我依然認為熱誠兼努力可以解決所有問題，直至識多咗所謂嘅勁人，發現我依種諗法實在太天真。 我算係一個獨行俠，鐘意同人交流，尤其係大過我嘅人，每次嘅交流都會有得著，但唔習慣同外人交心，信得過嘅人永遠只有自己。以前我都好鐘意埋堆，但漸漸覺得應酬人好攰，寧願一個人靜靜地做自己嘢。 當一個人對住四埲牆，就會不斷諗好多無謂嘢。我曾經問過自己，幾時可以休息下，唔再亂諗嘢折磨自己？又幻想過十幾歲嘅煩惱咁濕碎都咁多嘢諗，出到嚟社會做嘢點算？成日有種難以形容嘅空虛感，生理加心理上嘅攰令我覺得做人好攰好辛苦。 最後想同今年考dse嘅同學講聲共勉之，直入A1!! 純發洩 sor

#NSS愛情 [PCCSS] 我今年F1，我有個男仔好鍾意佢，開學嘅時候我見到佢成日瞓覺，9月10號我鍾意咗佢，到而家119日，但係好唔好彩🥲，同班有個同學都鍾意佢，仲要同佢拍過拖，本身我同嗰個女同學冇咩關係，但係唔知點解熟咗，因為咁樣佢同我講咗原來佢都鍾意佢🤐，嗰陣時候真係好唔開心，同佢一齊打機我都會好開心，不過次次都有嗰個女仔喺度，直到上上個禮拜，佢有女朋友啦🤕，我喊咗好耐，跟住我哋班嗰個女同學，佢都有條仔啦，我唔知點解，我好鍾意佢，但係唔想同佢拍拖，我冇辦法，咪一直暗戀佢囉，記得喺11月嘅時候，比同班嘅女同學，知道咗我鍾意佢，我淨係可以呃佢，我之前鐘意過，1月2日，佢寫咗好長篇文鬧我🤐，我真係壓力好大，所以喊咗成個鐘，隻眼都腫晒，我今日上科學堂同佢玩得好親密🥰，感受到幸福嘅感覺，真係好開心好開心

#NSS個人 [Guest] 覺得自己好似係一位性單戀者，之前有男仔係自己feel ，嗰陣時佢仲未鍾意我，但係嗰陣時我就對佢有好感。我哋傾咗幾個月之後，佢話鍾意我，同咗我表白。之後一齊咗。過咗兩日我就開始反感 甚至覺得有少少嘔心 但其實明明之前自己好鍾意佢 講得好聽就係性單戀 講難聽啲嘅就係渣。但係冇辦法克制。

#NSS愛情 [Secret] 大家有冇話識唔識拍拖呢個concept？小弟有三段情史左右，名個大不同，一開始我嘅first，就係好黐身，無時無刻都想知你做ing乜野，成日見成日dating，之後我好自然就時刻都報備，我問佢點解要咁，佢就話呢個係愛嘅表現，時刻搵佢，搞到我冇心機溫書，但一段時間後半左右，我開始厭倦呢種states，其間都分分合合又吵話邊個女仔黎嫁管我同女fd嘅關系又會check電話， but finally都係分左，雖然我愛佢，但我改變唔到我她之間，唯有分手，之後亦都好潛移默化地，認為拍拖，先係咁樣要黐實對方先叫”愛”同”付出”。 到O2嘅時候，但佢畀我一種feelin我，我係配唔起佢，佢好優秀，而我只係好普通嘅人，同佢一齊我只係我感動到佢，但係我地之間係隔住一樣野，就係忙，小弟係學音樂，補習，青訓等等咁冇乜時間，我同佢住嘅學校嘅又遠，一至五我同佢都全線忙，星期日我返工，佢都要tutorial，唯一嘅星期六都畀佢一個”tutorial”就打上full stop最後係分左。嗰陣我就開始諗，點先叫拍拖 到O3嘅時候我同左一個同校同學嘅拍拖，同佢一齊左只有一個月，呢個女仔都係比較黐身，但佢係比較被動，同佢由相識到相戀都係只隔左1個星期，我覺得係有d快，令我懷疑我地relationship同係咪真係鐘意我？佢有時屋企有事，我隔幾日就ck佢個電話，佢好抗拒，但我照嗱，我當時ck係因為我認為呢d先係拍拖，被我個初戀受到影響，亦都受第二任影響，覺得我呢個人好冇用，好廢，想額外補償care多d佢，，亦都會因為自己忙可以唔睇手機完全唔理佢，但過多幾次之後，佢就話唔想我ck，最後話因為同我一齊好攰，我同屋企人出街你都問話我識拍拖…等等而分。我之後心諗返，其實乜野係拍拖呢？自己拍到1999，好失敗，對你好會分，冷淡d嘅感情會分，太黐身又會厭。其實愛情拍拖要需要d乜，點先叫識拍拖，乜野相處方式先可長久？ thx admin

#NSS愛情 [某男校] 小弟今年F2，上年識咗一個男仔，佢嗰時同我同班，一開始因為一啲興趣而同佢開始熟。之後半年因為停課所以同佢少咗聯絡。到學期尾又因為一齊做project (for interest嗰啲) 所以熟番，開始約出街，慢慢咁唔知由幾時開始我好似有少少鐘意咗佢。 我自己本身唔多friend 但係我好清楚同佢嘅感覺係同其他可能識咗更耐嘅friend唔同，每次同佢出去我都會好珍惜，可能有時搵唔到嘢講但係我都好enjoy嗰個moment，到走嘅時候雖然知道我哋可能過幾日又會見但係都會有啲唔捨得。有時我睇電話gallery見到，都會笑一笑。 佢係一個好caring 嘅人，有乜要佢幫忙，佢都會好樂意幫手。之前有次做project嘅時候原來plan

#NSS學業 [Guest] （純粹想呻下點解hist咁多嘢背 救命嘩嘩嘩嘩嘩嘩嘩好多嘢背呀呀呀呀呀 點解咁多嘢要記㗎嘩呀呀呀呀呀 記完後面唔記得前面 翻返去前面背完又唔記得後面 點解會咁㗎呀呀呀呀呀呀 痴線啲人名想點 勁難串

#NSS社會 [Guest] 有啲嘢擺喺自己個page唔會有人睇，首先要多謝親愛嘅朱克伯格。人在英國半年有多，仲喺度思考緊人生思考，咁快拎完仲有成百幾人等緊嘅政治庇護之後仲可以做啲咩，所以開咗個問卷調查問下呢一度嘅學生需要啲咩。 望望下個結果，我發現我忽略咗好多嘢，單親家庭，ADHD，兩老低學歷……呢一啲喺我身邊嘅朋友（同屋企人or 寄宿），或者我（一個人自己嚟）都未遇到嘅情況， 我好感激有人願意係一個「唔知係咩ge組織」（其實係小弟）搞嘅問卷到，講番自己嘅情況出嚟。 呢啲都係我會繼續搞好我未來想做嘅嘢嘅動力， 我見到呢個page有好多英國嘅朋友，有啲個結局好好嘅故事，但係都有啲過到嚟唔係太開心嘅嘢發生咗？呢篇嘢純粹都係講返我係英國見到嘅嘢，自己一個人嚟，初頭一個人都冇講，又係因為個身份，就連send cv去麥當勞或者係 tesco收銀都係唔比我做，本身自己喺香港都係搞啲admin嘢，做到要走，倒不如真係放手一搏，做一啲我覺得需要做嘅嘢。

#NSS個人 [GUEST] 而家喺外國讀緊書 由小學到而家都有個目標就係好想做演藝行業 (歌手/演員) 有諗過大個咗之後返香港/繼續留喺呢度去向呢一行發展 想問下大家 我呢個目標(夢想)係唔係好渺茫🥲定係一定冇可能… 各位可唔可以俾啲意見我🙇‍♀️🙇‍♀️🙇‍♀️ Sorry

#NSS愛情 [chilwell School (in UK)] 第一次投稿，文筆太差唔好意思， 小弟最近移民咗係英國讀中學，咁因為我係插班生啦， 唔係識好多人，咁我就搵番啲香港人一齊玩， 識咗幾個女仔，其中有一個，我一開始好憎佢， 因為我習慣gel頭出街，我每次返學佢都會係咁整亂我個頭，

#NSS個人 [Guest] Admin pls po ig thxxx~ 唔知大家會唔會有好多夢想？是咁的，小妹今年中四，諗住大個咗讀醫，亦都正在向住呢個方向努力，呢個係我升咗上中學之後嘅夢想。 但係其實小妹喺好耐以前仲細細個嘅時候有另一個夢想，就係想做fashion designer。雖然我美感麻麻地，但係我好鍾意設計靚衫同埋睇人哋真係落手落腳整件衫出嚟，搞到我都想整埋一份。但係我好細個已經明白做設計好考天份，又要哂好多錢，最慘嘅可能堅持咗好耐最終都係冇成果。我屋企又唔係富裕家庭點support我學設計？所以我就放棄咗呢個夢想。揀科嗰陣都冇揀VA，btw我啲同學唔知點解好似都好睇唔起讀VA嘅人🙁，我哋級讀VA嘅人真係五個都冇。

#NSS其他 [TWPHCYMC] 何傳耀個廁所爛咗10年仲未整🥱 認同請分享 麻煩admin出post~~thx

#NSS學校 [MSs] （第一次投稿，若有過錯，請多多包涵，） Hello 大家好，小妹係某band 1 中學學生。 以前成日以為band 1 一定係最好，D人好純淨係會專心讀書。但近來我有同學（A）被人言語欺凌。有一班同學成日用英文粗口去話佢，仲要係冇原因。A有比我睇過佢同嗰班同學其中一個人嘅聊天記錄，發現嗰個同學成日都用粗口去話佢，仲要無用

#NSS個人 [GUEST] 我係一個band1中學既學生但係我覺得band1學校唔適合我。小妹今年f1係小學度英文成績唔算好大概每次都70幾分有陣時仲會唔合格，但係係報分試嗰陣我超常發揮攞到個A，就入度band1中學啦 但係係中學適應左幾個月之後我就發覺呢間學校既程度唔適合我，啲同學係課堂度都聽得明，而根本就係小學三年級既英文程度咩都聽唔明，所以我每日都係度溫書諗住俾其他同學努力多啲就可以趕返個進度，但係我點都溫唔入腦每次溫完轉個頭就唔記得嗮。雖然已經有少少進步，但係呢個速度要好耐先會趕得到 我諗過要轉去中文學校亦都同家長溝通過，佢地就話係我冇去努力溫書，所以就唔俾我去 請問有咩辦法可以高效率溫書😵‍💫😵‍💫

#NSS學校 [CFSS] 緊急，希望admin盡快post，thanks🙏🏻 冇得去迪士尼同我哋要返學有咩關係？ 本來我哋全校可以係1月23日（過咗14日封鎖期）去迪士尼，我哋樂團仲可以喺迪士尼度表演添，不過因為防疫要求，學校係受到壓力下只好延遲。 目前為止都好正常，之後嘅嘢就好有問題啦。本來我哋1月24號係放假嘅，學校突然之間話要如常上課，我哋準備咗成三個月先冇得表演都算，竟然突然之間話要返返學，我哋全校都勁嬲。冇得去迪士尼都算，你竟然同我講要返學？又話要防疫嘅？咁做乜返學造成人群聚集啊？點睇去迪士尼呢啲空曠地方都安全過喺學校上堂啦。 有啲同學慘到本來一早已經plan好晒嗰日要做咩，甚至俾埋錢book添。你係毫無預警下突然話要返學，知唔知幾影響到人㗎。 仲有你知唔知道有啲同學為咗個表演給仆心仆命，你而家將個表演延遲甚至取消，簡直浪費咗同學嘅心血囉。

#NSS個人 [荃灣某中學] 小妹我係中一嗰陣時識咗個好好嘅friend（叫佢做A），到咗中三嗰陣時，學校嚟咗啲外來生。我好快就同其中一個外來生（當佢係B）都幾friend，將佢介紹咗俾A識，之後我哋就成日都一齊玩。但係最近唔知點解B好似同A好friend咁，甚至有陣時會忘記咗我嘅存在，完全唔理我。例如上某啲堂嘅時候，我哋三個係一齊坐嘅，但係B就淨係同A講嘢，好似完全唔識我咁。我都有諗係咪自己做錯咗啲乜嘢，搞到佢唔理我，都有同B傾過，佢就話係因為我最近對佢冷淡。但係點解我會對B冷淡?其實係因為B唔理我，再加埋好似每次我去搵佢傾偈，佢都淨係覆一兩句。可能係因為佢同A坐得近，搞到佢哋嘅關係變得好好，就忽略咗我。B話好想keep番我同佢嘅關係，又話之後會改。但係我感覺上，佢好似想踢走我淨係同A做朋友咁。而我每次同佢講嘢，都好似要睇佢心情咁，有陣時就覆一兩句、有陣時甚至已讀不回。我之後都有同A傾過，A其實同我同埋B嘅關係都幾好，所以佢就冇乜嘢意見，但係佢都感受到B好似係刻意咁樣排擠我。我真係覺得好煩，好似日日都要睇B嘅心情。鍾意就理下我，唔鍾意就唔理我，仲要話係因為我避開佢所以就唔同我講嘢。我其實本身同B都幾friend，完全諗到點解會發生啲咁嘅事。其實係咪我嘅錯？我應該點樣做？🙇🏻‍♀️🙇🏻‍♀️ Admin pls post😖😖🥺 (Sorry for1999)

#NSS學業 [港島區某band1男校] 是咁的，小弟今年F5，修中西史同Econ。鑑於學校老師教學水平過高，而小弟資質平庸，未能有效吸收。時間越久，更見小弟愚笨。因此，小弟最近有意補返主科同選修科，以搞清concept。 **請問邊間補習社/導師補得好？（如有whatsapp問嘢同改卷嘅服務，自然係錦上添花）** 若各位能提供補習經驗更佳。此外，也歡迎幫小弟避雷🙇🏽 感謝。🙏🏻 小弟不才，sor for 1999

#NSS愛情 [Guest] 我有男朋友，但我好似仲係放唔低ex 講返先，我f4，男朋友f5 大概上年嘅四月份，我同我ex一直有曖昧，我好確定我已經係鍾意咗佢，喺學校見到佢會心跳加速，完全移不開目光，然後我就好順理成章地表白，想同佢復合，但佢再三思考都係冇應承，可能係因為之前我提分手，但其實我地係已經分開咗大概兩年，然後我先發現我好似鍾意返佢。 當時我ex同我講話，我地更適合做朋友，因為情侶始終好大機會會散。而家諗返其實佢都啱，但我一直都放唔低，一直好鍾意佢，都因為咁樣低落咗幾個月，係差唔多日日喊。直到暑假，我真係唔想日日喺屋企頹廢，決定去返下暑期工，然後識咗我現任男朋友。 我同佢大約7-8月識，都算投契，識咗冇耐就開始ig傾計咁，嗰陣因為返工，生活充實好多，個人都冇咁down，係開心咗，但當時諗返起我ex每次都係好失落，但其實都算抵死，分咗手先想嚟挽留。 我同我現任男朋友大概識咗2-3個月，一次機緣巧合下佢同我表白，話我第一日返工已經好留意我，我嗰陣好驚訝，同埋都少開心，因為佢係一個外在同內在條件都好好嘅男仔，其實嗰陣第一次見到佢我都忍唔住望多兩眼，因為佢真係好靚仔，我係有啲外協sry🙏🏾 後來我諗咗一排，先應承同佢一齊。原因係我唔太肯定我係咪真係可以將自己心入面清空，係咪真係放得低我ex，但後來同佢相處真係好開心，開始慢慢覺得佢取代到我ex，所以就一齊。 去到而家都一齊咗幾個月，未算好耐，但我發現我每次喺學校見到我ex，同佢講嘢嘅時候都好似仲係有以前嘅嗰種感覺，但從容咗好多。每次都會忍唔住偷望佢，我覺得自己好仆街，我已經有男朋友，男朋友都對我好好，但我就一直都取捨唔到，但我完全控制唔到，我好肯定我係鍾意我男朋友，但唔肯定係咪真係放得低我ex

#NSS學業 [GUEST] Hiiii 小妹依家Form3 愁緊揀咩科 由於數學非常差 所以就與理科無緣了 幸好記憶力幾好 對歷史科都好有興趣 所以打算揀中史+世史

#NSS學校 [山區女校] 話說小妹我就欠交左二十次功課（我也知道很不應該）跟住就收到張通告話我欠交二十次功課，最新果次日期係一月三號，但係班上邊個張紙就寫著一月一日重新累計，問返老師咩事老師就話打錯字，係一月十一號先重新計算，張紙明明寫著十二月三十一號重新結算，咁十二月三十一號至一月十號呢段時間係點？？唔係想責怪學校，只是想搞返清楚，呢個理由就好似話我老母係男人一樣😅