#NSS家庭 [［GUEST]] sor for 1999 想問大家如果自己啊媽好鍾意飲酒點算 每次有少少唔開心就開始飲，飲到勁醉，每次一飲醉就開始喺度尖叫、打自己或者揼爛晒屋企啲嘢，最癲仲可以持續超過兩個禮拜，之前仲試過差唔多打爛晒全屋嘅嘢 試過喺佢清醒嘅時候同佢講過不如飲少啲 每一次佢聽到之後又話好，但又唔做 有同我老豆講過不如去搵個心理醫生或者乜嘢社工去幫佢

#NSS學校 [HTC] Admin pls po ig!🙏🏻 hihi大家好 小妹係一個F.3上智人 相信各位嘅上智人都知道我地22係全校一齊去咗睇55th musical啦

#NSS家庭 [某男校] Title：通关 跪求 admin po ig🙏 先交代下啲背景，我今年讀 form 2，有個80幾歲嘅爺爺，疫情前長期住喺大陸，半年先返嚟香港兩三日，但係自從舊年有疫情，佢就返嚟我屋企住，直至到而家。

#NSS學校 [大角咀橡樹街名校] 由於啲留言真係過於偏激，可能大家唔理解po主講緊乜，又或者佢講得唔好，等我來解釋一下 。 首先話我哋有Party已經幸福，唔好身在福中不知福？咁香港都好「自由」，五十年不變喎，唔好身在福中不知福😮‍💨如果comment judge嘅人真係咁樣諗，咁可以當我呢篇文廢～咁而家等我來解釋一下點解校長會引起民憤。 其一，校長改我哋學校傳統。聖誕節着便服+mass dance其實可以話係我哋學校嘅傳統嚟，幾廿年都冇變過，咁我唔知50年前有冇啦（戴返頂頭盔)，咁每逢聖誕節同學都會準備好自己嘅服裝，有人係特登去買，亦都有人係去訂製（我就曾經望過監獄服、公仔睡衣服裝、Mario服）。為咗聖誕氣氛，都為左一年一度唯一可以光明正大喺學校玩嘅日子，但係對於着校服嘅消息，我哋到咗前幾日都仲未知，係無啦啦臨時臨急同我哋講唔可以着，仲再三警告如果着咗就記缺點，冇得着嘅原因係乜？係話因為往年都係因為有捐款活動，今年非洲唔使捐，所以我地冇得着便服。咁可能又會有人話，係你地唔嘗試爭取，咁其實我哋學校嘅學生會有嘗試同學校提出，爭取俾我哋着返便服，最後得出嘅結果就係concert唔俾着，但係四社活動同埋mass dance就可以，令學生最不解嘅，係到底點解早上唔得晏晝就得，校方作出嘅解釋，佢話因為早上要頒獎要嚴肅，但係往年我哋頒獎都係着便服，即係話緊過往校方都太過唔嚴肅了？講埋啲嘢完全可以令學生順服，所以先會令大眾感到憤怒。 其二，校方嘅態度極度惡劣。對於想爭取着便服嘅同學，校方對此十分不屑，甚至出言一人一個大缺點，咁可能睇到呢度你哋就會諗，有咩問題你哋學校都係咁啦，咁兩年前嘅香港就係咁，政府攞嘢嚟恐嚇香港人，當時有冇人怕嘅？當然大家都會選擇爭取，勇敢地企出嚟，學校係社會嘅縮影，我咁講唔知你地明唔明。講真我就覺得我哋學校喺未換校長之前一直都係對同學好好，係真係一間充滿愛嘅學校，然而依家？面對着直接着便服返嚟嘅同學，直接趕咗佢哋出去+記缺點，咁你哋可能又會話，佢唔俾你早上便服咁下晝可以你哋咪下晝返，冇錯佢有一班選擇咗咁樣做嘅人，最後嘅結果係，被通知一定要着着整齊校服或者運動服入學校，一樣一人一個大缺點，但係今次冇直接趕出門口，而係留咗喺訓導室會議室，令同學心寒嘅係校方嘅態度，在我們滿懷歸屬感的學校，發生咗啲咁嘅事，論誰都會覺得無奈並且痛恨吧。

#NSS個人 [某ban3女校] 純粹抒發意見 當我自言自語食花生啦 我學校雖然係ban3 但係其實呢間學校啲人成績都好好 我嗰班就係成績最好嗰班 但係當我以為大家都好friendly之後 佢地就黎料 我地班完全唔團結

#NSS其他 [Guest] A. B同C有一個維持咗大概兩年, 三個人嘅友情。喺C嘅加入之前, A同B已經係朋友, 其後C再加入。 三個人入面, A有著衝動,但性格火爆; B平易近人,但無所事事;

#NSS家庭 [GUEST] 唔通得我自己一個嘅家庭係咁咩？ 先介紹下背景: 小妹今年f.2 有個成年家姐，係單親家庭，跟住阿媽住。 喺我得幾歲既時候，我阿爸阿媽開始有好多嘅爭執，爭執慢慢又嘈架變成打架 ，最後變成警察上屋企。我阿爸長期外地工作，有賭博，飲酒同食煙。我啊媽喺香港自己一個養大我同我家姐，但係阿爸經常唔會主動寄錢翻嚟做生活費，搞到我阿媽次次要過去外地搵佢苦苦哀求佢，佢先俾。幾年之後，我阿爸返咗嚟香港，屬於失業狀態，佢成日換工作，又成日唔去翻工，但又會去賭博，跟住屋企多咗好多爭執 。一開始只係互相鬧交，但之後一發不可收拾，越嚟越激烈，最係仲出埋手，但我無能為力，只可以喺房間入面聽佢地嘅吵架聲，我家姐都試過出去勸架，但都係無法改變，成日將屋企搞成烏煙瘴氣。一個月會有兩三次嘈架，警察上屋企已經係家常事。之後我阿媽頂唔順提出咗離婚(距離宜家已經離咗婚四 五年)。一開始只係分房間訓，但係阿爸一直騷擾，半夜敲門，踢門。跟住我地搬咗出去租屋住，本來以為可以有安心嘅生活，只不過阿爸開始跟蹤，恐嚇，騷擾，我哋陸陸續續搬左好多次，只不過每次都俾佢搵到，越搬越遠。佢見宜家搵唔到我哋，開始信息，電話騷擾，一日打十幾個電話俾我，不斷信息騷擾，都成日發恐嚇信息「你哋小心*全家」。小妹宜家都唔知點算，希望可以俾啲意見俾小妹。

#NSS個人 [Guest] 大家好，小妹今年F2，對金錢呢樣野有少少煩惱 背景： 屋企唔太有錢，而爹地媽咪嘅工資只係夠我哋屋企六個人（阿妹、細佬同退左休嘅嫲嫲)嘅日常開支，幾乎儲唔到錢，有攞津貼 4-5人嘅公屋住6個人實在好逼（之前入伙既時候嫲嫲未過嚟，佢而家只係暫住)而我哋三姐弟一開始已經無自己既房，三個人三張床放係一間長房，而家嫲嫲搬埋過嚟變左4個人一間房，我訓上層，我嘅「房間」就係我張單人床，床圍欄就裝我張書枱，呢兩年都住得冇乜問題，不過爹地媽咪都有計劃幾年後嫲嫲拍搬返去自己屋企後重新裝修過屋企，始終男仔女仔要分開返房 問題： 因為想裝修屋企，所以要一定數量嘅金錢，但係以我所知媽咪話我哋屋企儲唔到錢，而我又未夠15歲冇得返工，但係又唔想爹地媽咪咁辛苦 爹地都話我係屋企最讀到書既人，我都知道我咁細個應該讀好書，唔應該諗呢啲，不過我好想分擔下屋企人 想知道各位既睇法同建議🙇🏻‍♀️多謝睇到呢度~

#NSS學校 [橡樹街名校] 講真我覺得今次嘅Christmas party好令我失望，雖然換咗新校長，但係使唔使為咗谷成績而令一班學生失望？明明以往可以着便服點解今年唔可以？但係到而家都一直未有一個可以令人信服的答案。明明係普天同慶的日子，但係卻搞到咁樣，令全校大部份學生都感到憤怒，真叫人唏噓。嗰啲中一的學生先啱啱加入學校就遇到呢啲令人不忿的事，嗰啲中六的師兄師姐們最後一年想好好地享受一下學校的時光，最後落得個着便服返學校比校內偷竊，打交，頂撞老師更為嚴重的缺點。真為那些為校腸奔波忙碌的老師們叫油呀！

#NSS愛情 [赤柱 聖士XX書院] 來自聖士XX書院嘅F2小妹,唔知點樣表白好… 我係一位F2嘅小妹,我鍾意咗一位同樣都係F2嘅男仔。我識咗佢有一段時間,佢音樂同運動都好勁,佢又好好人。我鍾意咗佢之後,我經常諗住佢、關心佢、支持佢。可惜嘅係,佢好似唔知到我對佢有心意。我做事又唔係好高調,我又唔係好夠膽同佢表白,因為我會覺得好尷尬,而且我都唔知佢點諗。我好想畀佢知道我鍾意佢,但唔知道用咩間接方法話畀佢聽好。我有好多個friend幫我,但佢都好似唔知道。我有時想直接Text 佢話畀佢聽我鍾意佢,但又唔夠膽,成日都覺得好尷尬。我成日做主動嗰個會有好多問題,我真心好想佢到知道我嘅諗法,我而家都唔知點做好…… 多謝Admin幫忙post

#NSS愛情 [GUEST] 偶爾仰望天上的浮雲 便會想起了妳 妳也在香港仰視着同一片天空嗎？ 可是我已經知道一切也無法挽回了 那天妳羞澀的向我告白了 可是我卻狠狠地拒絕了妳 想起我那時候的無知 我真的狠不得揍以前的那個我

#NSS家庭 [Guest] 抱歉打攪晒大家🙏🏻 我宜家f2 阿媽唔知點解好鍾意喺我沖緊涼嘅時候突然間入嚟 或者屋企人冇端端做緊嘢嘅時候唔敲門就入房 因為我間房個門鎖壞咗所以冇得去鎖住道門 呢個問題困擾左我好耐 我好似咩私隱都冇咁，連手機都要比佢哋日日check ——

#NSS愛情 [GUEST] 唔知大家有無暗戀老師既經驗呢？ 今年遇到一個新既中史老師 一開始對呢位啊Sir無咩特別既感覺 但 我幾鍾意上佢既堂 因為佢真係幾幽默風趣 成日都會同學生講下笑 書又教得好

#NSS愛情 [Guest] 首先多謝admin揀我 同匿名的大家分享我的心事 我喜歡一個人 那人剛好是女生 她平平無奇 卻占據我的心多時 她甚麼都好 運動讀書全都好

#NSS個人 [GUEST] 游水大提琴鋼琴現代舞芭蕾舞….樣樣都學，個個領域都有唔同嘅成就而且都唔差，但係最近越嚟越有壓力，屋企人嘅期待老師同學成日都話我好犀利學咁多嘢😥樣樣都唔差😥但係得我一個人知道，其實自己一直為咗佢哋一句讚美而繼續落去，同時有個青梅竹馬由我兩歲陪到我依家，我好多謝佢！陪左我咁耐！呢段期間入面，成日都同我講要取捨😔但係我又唔知道應該要點樣同啲老師講😞搞到好大壓力😣唔知道各位有冇咩好方法可以提供😔thank you!🙏🏻

#NSS個人 [GUEST] 跪求admin po IG 「所有感情問題一律建議分手」 小妹而家係Band 1A中學讀緊f3，由於父母之前有段不愉快嘅婚姻，加上種種外在原因，導致我而家唔係好想拍拖，同埋其實我都冇鍾意嘅人，但係我身邊最close 嗰幾個friends 全部都出咗pool！！😒

#NSS個人 [Guest] 是咁的，小妹係一個有社交恐懼症嘅人，連同朋友講下嘢都會好緊張好驚嗰隻。今年啱啱升上高中，老師開始對我哋dse緊張，又叫我哋參加多d校外活動。我原本都打算參加多d活動，當去玩下，但係次次叫朋友一齊去，佢哋又話麻煩唔去，得我自己一個我又唔敢去報名。結果次次miss咗個機會之後，見到參加嗰d人po曬相咁又會慶幸自己唔洗同一班人打交道，同時又會覺得自己好冇用，明明去參加下根本冇乜嘢，點解我會唔敢去。 其實小妹好清楚自己將來想做乜，我好想讀獸醫，大學讀獸醫其中一個條件係高中時期要去做義工。但係我又怯，驚冇人陪我一齊去做義工。見到其他人好成功嘅一面，又會覺得自己好失敗。咁我諗住先讀好書再講，又覺得自己反正都冇辦法成功，又冇曬剛勁。 我對自己嘅前路好迷茫，我唔知我宜家要做乜，同埋我係咪真係可以讀到獸醫。 我知道呢種時候應該要揾人諮詢下，但係我硬係覺得夢想呢d嘢好秘密好私人，講咗之後做唔到會俾人笑，唔敢同其他人講。同阿爸阿媽講又唔係，佢哋最鍾意攞我嚟做同保安街坊傾計嘅話題，講個秘密俾佢哋知嘅結果就係全村都知。同家姐講，我哋根本無熟，佢有佢自己嘅生活，基本上我哋一年365日都未必講到365句話。我根本唔知可以揾邊個。 其實我知道我會有呢個問題最根本嘅原因係我懶，但係我唔知點改（廢到笑sorry）。我好想劈低一切乜都唔做，做返舊垃圾。利申我完全冇自殺傾向，我仲係好努力咁讀書追夢。但係我真係唔知我應該要點樣去處理我宜家呢個心態，btw我覺得我宜家嘅心情真係好似人間失格嘅大庭葉藏（just kidding)。 我唔知我講到咁1999有冇人明，其實我都唔知我想點。但係就算冇人明，或者覺得我好莫名其妙定好廢乜都好，我只係想喺度訴說下心聲。最後多謝返哂咗幾分鐘睇呢篇文嘅你。 Admin

#NSS學校 [GUEST] 見到有人開始講關於Christmas Party要著校服，我都想講返關於自己學校嘅事 第一，事關我地今年嘅聖誕Party冇得著便服 (唔知其他學校有冇呢個情況，不過都想講下) ，由於我地學校本身就已經冇便服日之類嘅嘢，所以可以著便服嘅唯一機會都只係得返Christmas Party，而呢個要著校服嘅消息其實已經係上年開始流傳，一開始我自己都唔信，但係直到出通告先知如來係堅，咁我地全級嘅人當然都嬲，但係無能為力。 第二，學校開始唔比低Form嘅學生著校嬲，只係比高form學生著校嬲，試問學校，請問意義何在？就算我係高Form學生都覺得好唔公平，令到學校好似有階級之分咁。 最後，其實呢度係一部份，其他就唔一一講述。如果有咩錯處或者係仼何令到大家唔舒服嘅地方，唔好意思🙏，另外如果知道係咩學校希望各位唔好爆出黎唔該曬🙏

#NSS愛情 [GUEST] 唔該admin可唔可以po ig🙏🏻 我好似鍾意左我best friend。 我係讀女校，有一個識左好多年嘅best friend，咁我本身同男拍過拖，本來就confirm我係異性戀，但突然我發覺我好似鍾意左我同性好朋友（叫佢A）… 我同A無時無刻都傾緊電話，同佢真係好close，唔開心佢會第一個來支持我，我喊嘅時候會即刻call佢，A能夠識穿我所有情緒，慢慢唔知係咪對佢有一種依賴感，我對佢嘅感覺同其他人係唔同….我對佢嘅佔有慾大到我自己驚，試過好多次發脾氣，雖然佢話無問題，但我覺得我限制左佢自由，所以我好多時都係忍。我好想一直永遠陪住佢，唔想有其他人來替代我呢個位，我有同佢講過，佢話ok。雖然好想擁有佢嘅感覺？！但我對佢係無性慾。我感覺佢應該唔係bi or

#NSS學業 [GUEST] band1女校，f2 science呢一科真係令我好困擾，原因係個老師。 個阿sir(簡稱B)成日喺度嘈，話冇時間教書。 但係一個禮拜兩堂，加埋都有成兩個鐘。咁啲時間去咗邊? 佢一個單完成日跳嚟跳去教都算，最煩嘅係佢成日笑人，以為自己好好笑。我哋會入啲workbook答案去google form，本來係為咗方便B批改，但係佢就成日嘥成堂喺度笑人哋workbook嗰啲答案。教photosynthesis就笑人要寫destarch佢，教respiration就笑人typo串錯rib做rip。對住隔離班就話我哋嗰班係癲嘅，對住我哋班就話隔離班係癲嘅。 一開始咪當笑下算囉，但係test緊嗰時B都係一樣。係個lab行嚟行去喺度睇人哋啲答案，之後喺咁話“你哋班友啲英文咁差㗎”。 對卷嘅時候，就係咁喺度問“係咪想我炳你哋呀，咁容易都答錯”