#NSS個人 [GUEST] 小妹今年F.2，識咗個男朋友佢F.4，因為佢都幾靚仔成績又唔錯同埋係佢追我所以我地就一齊咗。 我地已經一齊咗大半年，差唔多日日都會見面，見親佢佢班friend都會係隔離，我都已經習慣曬咁樣。 前幾日我地成班日去食飯，5個人，我同我男朋友同埋佢三個friend。差唔多食完嘅時候我男朋友就同佢一個friend返屋企拎銀包（係佢個friend唔記得拎銀包我男朋友陪佢），之後我地幾個都食完坐係度等咗佢地好耐，但係佢地都冇過返嚟餐廳搵我地，我地就諗住埋咗單先，然後再上佢個friend屋企坐吓咁。 我都唔知點形容件事好，就係上到去佢屋企之後我就俾佢地幾個搞，除曬我3褲係度影相。我個陣時又好似唔識反抗咁。我知我自己得F.2，覺得自己好污糟。返屋企唔咁面對屋企人。唔知點算好，如果同社工講，佢地肯定會報警，我唔想搞大件事俾我老豆老母知。 真係好無助…唔知點算

#NSS個人 [GUEST] 唔知有沒人同小妹一樣近視千幾二千度，加埋散光勁深呢？ 係學校，係一種異類。俾人成日問近視幾深，講一次就傷心一次。成日俾人笑之餘，周不時俾人走去除左我副眼鏡，有時佢地仲要收埋佢，咩都做唔到，只能活在超矇矓的世界，好似傻婆咁係度搵眼鏡。我副眼鏡就好似畀人挾持住，為左佢要不惜一切救番佢出來，因為眼鏡看似寶貴過你的親友。去找老師和朋友都看不到，人都認唔到，你們會覺得我可以認到副眼鏡嗎？如果你覺得ok，相信你地未見過我沒左眼鏡仆在地上，無助地仲俾人笑緊。 相信Laser都做唔到，但可能你會話戴con就得，可惜世界上散光同近視con沒咁深。同埋好驚俾人係後邊拍到，副con就掉在地上，跟住就算有盲公竹都返唔到屋企。 有咩意見可以俾下小妹？或者可以分享下你們的經驗嗎？

#NSS學業 [某觀塘區中學] 呢到我主要好奇 你地數學好嘅人係幾時開始數學好 你地數學好嘅好法係慢慢提升定一下子變好 我分享我嘅先 事緣就是我係小學二年班嘅某一個夜晚 個死人樣衰數學老女人要我背乘法表 頹爆嘅我係dap完個din之後開始我嘅chur背人生 攞著半張A4

#NSS學業 [guest] Hi大家好!小妹依家f3，讀緊傳統女校。前幾日我媽咪突然同我講話想我去澳洲讀書，嗰陣聽到有啲shocked，完全無諗過佢會想我去外國讀書。 去澳洲嘅原因係因為佢覺得我喺屋企好煩🤷‍♀️同埋有親戚喺澳洲到住。真心我聽到嗰吓係呆咗，唔知俾咩反應好。 我諗咗幾日都唔知去唔去好，其實我有frd移民咗去澳洲(同一個城市)，同埋嗰度讀書壓力唔大，相反我喺香港讀得好辛苦，同級嗰啲同學又成日都喺度比較邊個成績好啲(就算我唔理都覺得好煩🙄)仲有好多小圈子。坦白講我f1-2都讀得唔開心，冇乜frd+啲老師好衰，成日都穿梭喺唔同嘅小圈子入面，真係好攰😵‍💫 但另一方面我又唔捨得我學校以外嘅朋友+教會嘅朋友，同埋唔想離開香港🥺加上我未打針(好似要打咗針先可以上機(?))係因為我好驚嗰副作用同埋我細佬心臟有問題，都驚自己有😣仲有澳洲嗰邊嘅種族歧視問題，擔心到時handle唔到😰 小妹想喺度問吓大家嘅意見，究竟我適唔適合去？唔該曬大家同麻煩曬admin!!!

#NSS學校 [guest] 我今年F.1 放學嘅時候，我同D同學去教員室搵老師。啱啱搵完老師就見到靚女Miss(我中史Miss)同靚仔阿Sir一齊出去食飯(得佢哋兩個)。我哋跟住佢哋後面行出學校，佢哋黐得好埋，成對情侶咁。Miss不停擰轉頭望我哋(唔知係唔係因為認得我)，又兜路行，好似有意避開我哋咁。大家覺得佢哋係唔係情侶呢？ sorry for 1999 p.s. pls po

#NSS其他 [GUEST] 求求求求求求求求求求求求求求求求求求求求求求求求求求求求求求求求admin po ig 有一個認為同我係閨蜜嘅普通frd點算 小妹f3，下稱佢為a a係我小學同學，本身係小學都幾熟，正常frd lo，本身升f之後就無聯繫，f2嘅時候因為同a都想轉去同一間學校開始聯絡返，開始都有約出黎傾下點樣努力去到嗰間學校or食個飯 但係我第一次約a出黎嘅時候就已經發現唔對路，小學嘅時候學校嚴，大家都唔識粗口，同佢都傾得ok

#NSS學業 [Guest] 大家好，我今年f5, 有啲關於大學報course嘅問題，你可能會話，f5去溫書啦，咁快唸呢啲，但係我都想有個解答 我讀phy chem bio m2, 末來想做科研之類嗰啲，咁好明顯，我喺大學會讀science啦，不過science嘅course入面仲有得揀，我樣樣都有興趣，實在唔知點揀好 我喺學校phy

#NSS愛情 [GUEST] 利申今次係小妹第一次投稿，文法有錯嘅唔好屌咁勁🥲 講番少少家庭背景，我宜家f3讀女校，我小四老豆就瓜咗，就算佢在生都唔太理我哋，所以有冇佢對我分別唔大 我有玩手機遊戲嘅，大概半年前經其他朋友介紹識咗個幾nice嘅男仔，佢大我11年（望落都似嘅），佢成日搵我傾計，仲好關心我。有次佢問我想唔係出嚟睇戲，我捻都冇捻就應承咗，佢仲好就我去我屋企附近睇 如是者我哋約過出嚟睇戲幾次仲食過飯，有次戲院冷氣特別大，佢攞佢件摟摟喺我度，嗰下真係好心動，佢雖然唔叫得上靚仔，但都係企理嘅人，佢真係nice完全就係我嗰type，我哋雖然隔咗11年但係好多嘢都可以傾埋一份 我好似鍾意咗佢，但係我唔sure究竟我係鍾意佢定係純粹缺愛，我同男仔（就算年紀大我好多）相處會覺得好舒服，我好鍾意比男仔關心嘅感覺（？）可能因為自細冇父愛，加上宜家讀女校所以先咁鍾意圍住班大我好多嘅男仔攞少少關愛 打下打下思維有啲亂 sorry for1999

#NSS個人 [guest] 我唔知點解我de friend好似係定遠離我，前一日仲好好地，我只係講左句我下年要轉校，就開始咁，我唔知係咪關因某de事新加入我地個friend搞到咁（之前話想同de friend食飯順便補返杯珍珠奶茶佢都一齊，但係佢話唔想同我一齊食叫我個friend俾$我自已去買，我為左唔好咁尷尬就話有事唔一齊食）定係因為我要轉校所以覺得我拋棄左佢地？呢家每日見到佢地就超尷，點算！？

#NSS社會 [guest] 現代寂寞 有無人覺得，依家要揾倒有共同興趣嘅人好難 依家你可以揀嚟做嘅嘢真喺多到不得了，玩音樂，體育，煲劇，打機… 淨係哩四種興趣嘅分支已經多到無可能數得哂。我哋可能會咩都玩少少，都幾好吖，咩都接觸下，不過摸下就算，摸下就走人。 可能係我哋摸摸下發現，𐲖，都無咩人玩嚟樣嘢嘅，之後我哋愈玩愈孤獨，最後我哋放棄咗。最後淨低堅持自己興趣嘅，只可以自己漂浮係人海之中，不斷試試運氣揾自己嘅同伴。 我哋問人：「你有無睇最近嗰套xx?」 人哋答：「無。」 之後？

#NSS愛情 [guest] 第一次做人男朋友有啲咩要注意

#NSS學校 [Guest] F.2嗰陣同咗佢哋一班，然後我嘅人生就改變咗 F.2嗰陣，班入面有個朋友圈，好鐘意笑人，杯葛佢哋唔鐘意嘅人。當時我鐘意咗一個男仔，表白之後食檸檬，然之後就俾佢哋知道咗。嗰時嘅我好鍾意嗰個男仔，俾佢拒絕咗之後喊到發燒，第二日冇番到學 當我第三日番學嘅時候，就發現佢哋同埋個男仔喺度笑我，唱我。之後嘅每一日，我都係咁樣度過。俾人蝦，鐘意嘅男仔笑我，俾人鄙視排擠。日復一日，我仲因為呢件事而有咗焦慮症，開始逃避返學，缺席咗足足三個月，之後仲要留班。雖然已經過咗四年，我亦都過番D正常嘅生活，但上個禮拜又再同佢哋接觸到。 上個禮拜，我因為喺一個老師度借咗佢份notes，所以放學就去咗6B還番俾佢，結果就見到嗰班人，同嗰老師開緊會。佢哋依家係學生會，嗯，欺凌過無數人嘅撚樣都可以做到學生會。我嗰陣時連望佢哋都唔敢，超快還完notes就快步行走咗 純粹想分享我嘅經歷🥲唔好鬧我please🙏🏻

#NSS學業 [Guest] 小弟今年中五修Biology，學校講咗話elective係教E2同E4，但小弟生態方面既topic真係勁垃圾，如果我到時自修其他讀E1定E3好🙇🏻 我上網睇咗E1同E3分別係讀咩，微生物既topic自問都掌握得好好，但見到好多人都話唔好揀E3… 而家唔知點算好，想求求意見🙇🏻🙇🏻🙇🏻

#NSS個人 [Guest] 小妹中五，覺得自己好廢。細細個同宜家都係唔敢講野，遇到啲委屈嘅事或者被人蝦都唔會出聲，自己喺度受氣。人哋鬧我鬧得唔啱、被人冤枉，我心入面諗好點反駁點樣串返轉頭，但咪又係鵪鶉咁唔出聲，成日自己屈埋，都咪話唔辛苦。其實點樣先可以衝破心理關口勇敢啲，唔想成世比人恰。

#NSS社會 [GUEST] ADMIN 跪求PO IG THANKS ADMIN 小弟真係覺得呢個社會真係好唔公平 係香港一係就有錢 一係就冇錢。

#NSS家庭 [GUEST] Admin po IG plzzzzz 啱啱睇到一篇文,所以我都講一講 我自己覺得除咗住公屋之外,其他物質上面嘅嘢我自己算係唔缺。因為屋企其實都唔窮,雖然佢哋啲工作係辛苦啲。不過即使係咁我好似都係唔知足,打個比方,我而家用Samsung A51, 無線耳機求其買,

#NSS學校 [guest] 想問下如果想大學讀醫科除咗bio 係咪一定要揀埋chem ? thanks 🙏🏻🙏🏻 同埋如果揀左 bio M1/2

#NSS個人 [Guest] 小妹今年f.5，間學校band 1A-B，純理科人。 — 我自認性格唔係好好，有啲自我中心，唔可以話冇朋友，但去到死黨嗰種層次嘅朋友就淨係得一個，但今年開學之後就一直有種「道不同不相為謀」嘅feel喺到，宜家我哋兩個處於絕交冷靜期，唔知點樣面對呢段感情。下面簡稱佢做A啦。 — 由於f.5之前仲係到熱衷於同屋企人打對頭，搞到成績好差，暑假返去學校補課嗰陣時同A傾計都覺得咁樣落去唔得，我哋兩個就約定f.5開學就發憤圖強，一起考好啲嗰成績。咁開學之後我都有遵守到嗰約定啦，但A過咗兩三個星期就係到話唔想咁努力，屋企都養得起佢之類嘅嘢，比我一種好失望嘅感覺。去到十一月測驗嗰陣時，嗰成績落嚟我都幾滿意，幾本上全部科都有好大進步，咁我都好開心啦，成日想同A分享呢份開心。但佢今次嗰成績考得唔好，我次次同佢講話測完驗要睇返自己嘅弱點佢都答我「是但啦，我已經忘記曬測驗嘅嘢」，其實都幾掃興。再之後派測驗成績表，我發現有某科考得勁好我就勁開心，同A講結果佢又答我「測驗嘅成績真係唔可以代表啲咩」，其實我心入面聽到都唔係好開心。之後就係因為某啲嘢我哋宜家冷戰緊（大概就係同我好憎嘅人一起玩之類，呢樣嘢唔重要😴），呢段時間我一直係到諗我到底應該點做好。絕交？or 和好？希望大家可以比啲意見我😭。 —

#NSS個人 [九龍塘某女校] Hello大家好，本人最近有個問題唔知大家有冇遇到同想問下點解決。 我成日見到人地(唔識/網上見到嗰啲)或者係朋友(甚至係best friend)過得好好嘅話會產生一種莫名嘅妒忌感。例如我有個friend佢好靚女，我自問無可否認，但係我自己會討厭佢，而且係唔知點解，我知我好奇怪，但係又唔知點解決。又或者係網上見到一個同齡嘅女仔，佢唱歌好勁，都好靚女，但係見到人地讚佢會好唔舒服，自己都好唔鍾意佢但係會不受控咁不停睇佢，而我自己係唔知點解會唔鍾意佢，好迷茫又好矛盾，搞到自己好似成日同人比所以好大壓力。甚至連明星，我都會不自覺咁討厭佢(冇攻撃佢地，每個明星都唔容易)，佢好靚，好有才華，但我會唔鍾意佢。但見到人地留言黑佢地又會唔舒服。總結就係我會莫名咁討厭人地，但自己又會好唔受控咁睇佢地，又會覺得人地好有才華，總之就好奇怪。 投稿係想問下有冇人同我一樣，或者有冇方法解決？但係請唔好鬧我plz🙏🏻 sor for 1999 thank

#NSS愛情 [唔知] Hiii大家好，我係一個15歲女仔，我有一個同我3年都同班嘅男同學，我哋一齊補習一齊玩，一齊行街，我識佢嘅時候已經知佢係同性戀，所以我一直都當佢係女仔朋友，佢自己都話自己係女仔。佢亦都有鍾意嘅男仔，可惜個男仔鍾意女仔嘅。如是者我哋一齊玩左二年，就係第三年亦即係今年嘅前日，我發夢見到佢飲咗酒之後kiss咗落我度，故事係斷斷續續，之後亦都冇其他嘢，就係好正常咁樣返屋企，我起身嘅時候有種開心嘅感覺，我知道係關呢個夢事，但係我冇理到，因為要趕住返學，返到學校佢喺我隔離講嘢，好近好近，好似有種心跳加速嘅感覺，我真係唔知點解，而家每次望到佢都有啲開心嘅感覺，佢平時又同我玩到好close，有肢體接觸嗰種，之前都有緋聞話我同佢一齊咗/佢鍾意我，但係因為佢知道我知佢係同性戀所以佢冇理人哋講咩。佢個樣又幾靚仔，我唔知係咪鍾意佢？？但係發咗呢個夢我對佢嘅感覺先唔同咗，但係我知道我哋冇可能，所以完全唔知點算好。