#NSS愛情 [GUEST] 長文 慎入 我覺得自己好賤格…咁小妹而家就from 1，我都知大家會叫我努力讀書，唔好諗咁多野，但係睇埋落去先… 咁喺小學嗰陣，我同一個同班嘅男仔係仇人嚟嘅，咁無啦啦我哋兩個就參加咗話劇班，又無啦啦俾我哋做咗主角。咁套劇係關於愛情嘅，一開始我哋係勁尷尬，到中段就開始慢慢習慣，但係到咗就嚟表演嗰幾日，我覺得自己好似有啲假戲情真，我好似鍾意咗佢，但係表完演之後我哋就開始冇乜交流，咁我就好似逐漸放棄咗佢，但係某一日調位嘅時候，老師將我哋兩個調埋一齊，咁我就成日好粗心大意，有時又唔記得帶書呀，唔記得帶褸啊，有時連筆袋都可以唔記得帶…咁佢就好似好關心我咁，我覺得凍嗰陣佢會問我：「你係咪好凍啊.？不如我幫你熄咗個冷氣呀？」即是所有人反對佢熄冷氣，佢都會幫我。我唔記得咗帶書佢會俾佢本書我，自己同老師講佢冇帶書，我覺得佢咁樣好細心，咁我逐漸又好似鍾意返佢。每一次調位老師都會將我哋調喺附近，可能因為我成績差？佢成績太勁所以要輔導下我？呢層我就唔知啦，咁我好似越嚟越鍾意佢，越嚟越鍾意佢…… 到咗畢業嗰日，我勁唔捨得，我唔捨得我嘅朋友，我嘅老師，更加唔捨得佢，但係嗰陣…我冇勇氣同佢影相留念，到而家我都好後悔。咁畢業禮下一日就係派註冊證，亦都係會知道對方去咗邊一間學校，咁我就入咗我嘅第一志願，我嘅第一志願同佢一樣，並唔係因為我想跟住佢，我唔會用我嘅前途作賭注，鍾意到咁癲，嗰間學校真係我好鍾意嘅學校，所以我先會擺去第一志願。而佢嘅第一志願都係呢一間學校，但係佢入唔到，佢去咗第二志願，佢有諗過去第一志願度叩門，因為佢都好鍾意呢間學校，但係佢冇咁做，我都唔知點解，知道咗佢唔係同我同一間學校之後，咁我就好傷心，喺屋企喊咗半日，到第二日我都接受唔到，但係逐漸我就放低咗。咁暑假嗰幾十日，佢都有keep住佢一直以來嘅習慣，就係每日同我講goodnight，佢每一次send嚟我都好開心，因為佢仲記得我，但係到開學左呢幾個月，佢開始冇乜搵我，可能係因為開學忙，咁我都算啦，我就暫時放低咗佢先。 我開學嗰一班，有個同佢好似嘅人，我好似鍾意咗佢…我唔確定，佢同佢嘅外型好似，性格好似，但係我覺得自己真係好賤，好花心，同時鍾意咗兩個人，不過我好似冇咁鍾意佢，我個心始終都係喺小學同學度。我而家唔知我對佢嘅感覺係點？究竟新同學係我小學同學嘅替代品，定還是我真係鍾意咗佢？我真係覺得自己好賤…我知道大家一定會叫我專心讀書，但係呢個問題一直都困擾緊我，我都想專心讀書㗎，但係我更加想了解我自己，究竟我係鍾意佢，定係佢只係我小學同學嘅替代品。我仲好想知我嘅小學同學究竟鍾唔鍾意我，呢個問題困擾左我更加耐，我真係好想知… Sorry

#NSS社會 [GUSET] 講吓背景先，小妹今年form3 ，嚟自單親家庭，阿媽係藍，但係我係黃嘅，見至香港呢2年變成咁咁好心up，但係都知係冇能力改變，好無奈。而且見到d小學生低form全部政治冷感，咁都算，佢地仲要用大陸app講普通話玩X音嗰d，大陸文化湧曬入嚟，侵蝕緊我地本土文化，日日返學搭車嗰陣都會聽到一d人講普通話，我好擔心香港究竟以後會變成點，會唔會冇人識廣東話。另外，相信大家都知最近都知野豬事件，其實由呢件事睇得出，香港已經開始大陸化，大陸從來都唔會尊重動物，(jer仔講嘅)例如之前有個大陸人去酒店隔離嗰陣帶咗隻狗，因為隔離唔俾帶寵物，所以佢就將隻狗綁咗喺屋企，工作人員亦都承諾都話唔會搞隻狗，但係後來因為上頭命令而用鐵棍打隻狗，最後仲對隻狗”無害化處理”。最後 通識改革，改做公社，而家d內容全部都係focus係中国嘅發展，咩崛起，國家安全，大灣區etc，總之就好洗腦，強迫學生去愛国，信佢哋嗰套，令學生失去咗佢地自己的批判性思考，我地呢代都叫仲ok，但係之後升上嚟嘅小學生呢，佢地仲細，唔會自己諗到咁多嘢，經過生社同公社嘅洗腦之後都唔會有咩好結果，唉之後嗰3年都唔知點捱🥲。其實我真係好想移民，但係我只係個中學生，而且屋企人係藍嘅，所以都冇咩辦法。我學校係普教中，同埋返學搭車點都會聽到d人講普通話，所以每日接觸普通話嘅機會都唔少。見住香港近每日發生嘅嘢都覺得好荒謬。我真係覺得好無助，香港變成咁，想走又唔走到，見住d人移民都會好羨慕同擔心，萬一d人走曬，香港咪真係淨係得藍絲同大陸人，我有諗過讀完大學移民，但係我唔可以抌低我媽，佢辛辛苦苦供養我，但係相信佢都唔會想走，所以真係好迷惘同無助，每日返學都好似透唔到氣咁。另外想問吓有冇同類可以圍爐取暖吓🥲 Sor for 1999 第一次投稿 屌細力d

#NSS愛情 [[Guest]] 我應唔應該告白？ 小妹今年中二，補習嘅時候識咗一個同我一樣都係中二嘅男仔。我哋大概識咗三個月，我對佢都產生咗一種莫名嘅好感。 我哋都依家嘅關係就係朋友以上，戀人未滿，行為舉止都好似情侶，例如： 我未搬屋之前就住得好近，所以成日補完習一齊搭車返屋企，但係搭緊電梯上返去大堂嘅時候，佢無端端搭我膊頭，將我拉到好近佢。我縮咗一下之候佢就話：「sorry 吖，唔記得咗你係女仔添」嗰下我呆咗，因為我哋嗰陣只係普通朋友。 另外，佢成日都喺message 後面打啲心心emoji （🥰😍😘❤️）俾我，唔知係特登定佢慣性咁樣做。

#NSS個人 [Guest] 重新投稿多次 admin唔該幫手postIG🙏 有冇人識得今日（27/11）香港歷史及文化教育協會 主辦 2021-2022年度「香港中學文憑試中國歷史科（卷一、二）聯校mock 考場E 著黑色外套深灰色褲黑色鞋（converse？）嘅監考員 有嘅話

#NSS個人 [GUEST] 皮膚差令到我自卑 Hi~ 因為第一次投稿同中文唔係太好所以有咩講錯喺度道歉先 ‘^’ 講返正題小妹今年f3，14歲，由細到大皮膚都好好但係疫情開始(f1嗰時)塊面開始爆暗瘡，嗰時比同學笑我又改我花名， 搞到我整個f1生涯都好唔開心。 到 f2

#NSS學校 [Guest] Admin po ig pls thx 🙇🏻‍♀️ (長文慎入！(sorry😖 Hello～移咗民一段時間，亦都返咗學幾個月，所有嘢都幾順利(^o^)

#NSS其他 [N/A] 我今年中二，去咗英國幾個月。我一開始都有d擔心新環境會好難適應，但係依家我覺得香港人真係好勁。我本身係香港讀書都唔係好好，驚英文唔得。但係過咗嚟之後覺得真係無想像中咁恐怖，d本地人完全聽得明。學校都適應到，功課唔多但係都學到好多野。同學老師好好人，無事非。返學無咁忙之後，多左好多時間學其他嘢，我而家都有d新興趣（正常嘅興趣!!!xd)所以！如果你會嚟，無好驚，比d信心！你得既！英國好好！ 希望唔係太長，辛苦晒admin!

#NSS學校 [跑馬地某一間中學] 我係 #NSS211127D 嘅樓主，見到大家有啲唔係好明 GUEST 嘅 prop: 嗰日有人嚟咗我哋學校演出，之後叫左一啲人上台一齊玩，但係佢哋癲到打爛人啲道具 同埋「應錯」係打錯，應該係「認錯」

#NSS學校 [不知名學校的不知名學生😵‍💫] 我係之前問點吸引老師注意嗰個，Thx admin post我嘅投稿，見到comment好多人比建議我，多謝大家先。 有人話我鐘意佢，我其實覺得唔係咯。首先佢條件又唔係我嘅type，同埋佢大我都有成十歲到，我無可能鐘意佢，亦都唔可以鐘意佢。 comment大多數都係叫我提高成績，咁請問點樣提高呢？佢教我中文科，呢科真係我嘅死穴XoX，努力過都係唔掂… 佢上堂無試過叫我名，無試過叫我答問題，但係佢對我班其他同學又好熱情，其實我就算唔識答啲問題，我都想佢叫我名(・Д・) 又有人叫我做壞學生，答案係我做唔到。如果班入面有frd仲好啲，可以癲啲。但係中文堂分班分走晒我啲frd走，我係啲無朋友自己就好靜嘅人，所以上堂我都好靜。 唉！其實我真係好想佢多啲注意我啊！佢真係好人氣，超受歡迎。係走廊見到佢，身邊都好多同學仔搵佢。

#NSS愛情 [全香港最西嘅college] 動作題 情況前提：A試過同我身體接觸(包曬手、背脊) 情況：A本身同我講緊嘢，有個女仔行過嚟，A差啲掂到佢就即刻大動作縮開，感覺特登比我睇到。 問你哋：曖昧唔曖昧？

#NSS其他 [Guest] 今日考信報嘅LS mock，真係好唔該曬你頭先提我拉返好條褲🙈🙏🏻希望你下次遇到呢d情況都會去提個女仔😆唔該曬你🙈🙈

#NSS學校 [GUEST] 本來同一個homosexual嘅異性老師好合拍 每次訓練完結佢都會問我聽日考咩 仲要睇住我離開校門先走 上堂我都好投入專心咁上 每一堂都好似一對一咁樣 但係後來我成日都感受到其他學生唔鍾意我咁樣同佢地「爭」老師 我自己又受到天氣影響+月經 心情唔好

#NSS學校 [cfss] 小弟今年中二 想反映下呢間學校啲同學好有問題 我哋學校每級就有5班 分別為2班精英班 2班普通班 A班就冇乜大問題 但係E班有個大陸人成日周圍撩事鬥非 又成日講粗口

#NSS個人 [GUEST] 我讀嘅係一間女校 我由f1開始已經有懷疑自己係咪les 因為成日有親密接觸（攬 或者對方hong 埋嚟）嗰陣都會有d怕羞嘅感覺 呢種感覺係我對住tb 嘅時候更加強烈 同埋之前聽人話如果對對方有性幻想咁就係les

#NSS個人 [滑板] 發現屋企附近有滑板場 想入門嘅話應該要睇片自學定報班？ 滑板、滑板鞋有冇推薦？

#NSS學校 [Guest] 小妹今年f.2,係班入面做班長同數學科長 一直都有野係個心入面,本身以為搵frd傾下講下就冇事 點先發現好似越嚟越唔開心 係咁嘅 話說我哋班有兩個班長 咁我係其中一個啦跟住第二個呢就成績優異各方面都好好,簡單來講就係品學兼優.咁上年我哋學校有分精英班,佢係精英班嘅學生嚟嘅,好受老師同埋同學討好,我哋其中一個班主任都有偏心佢,有乜嘢都搵佢做,佢唔喺度先會搵我.佢同我性格都幾唔同,好少會喺全班面前大聲吹水,成日好似低低調調咁.同埋我同佢唔係好夾,佢比較遲鈍？要畫公仔畫出腸咁樣講,有時都係扮frd傾兩句吹吓水,所以要講清楚都有啲難. 咁我份人就比較熱情,係個班入邊都有幾多frd,由細到大都係嗰種比較粗魯又好多嘢講嘅人,成績叫做係班入邊中間.但係唔知點解我總係覺得班長應該係成績好好然後上堂專心唔講嘢,成日都保持低調嘅感覺.應該就係因為我呢種諗法,導致我覺得我好似好唔配做班長咁,同埋我好怕尷尬,成日都好驚講錯嘢俾人笑或者俾人講是非 (多嘢講但係怕尷尬)所以可能老師唔叫我都唔會主動去做,呢個性格真係想改!之前一直都好想試吓做班長,但係有得做嘅時候就會覺得好大壓力

#NSS愛情 [Guest] 小弟沉左個男仔friend 佢係一個幾靚仔嘅直仔 異性緣都幾好 通常有女就傾住先嗰種 其實佢幾take care我嘅 但我唔想再鍾意直仔 好辛苦

#NSS其他 [GUEST] 是咁的最近同個可以傾原耽小說嘅friend炒咗 因為其實小妹啱啱入坑 踩中咗朋友嘅雷點🥲 所以真係唔知咁多呢個坑既野😵 我明白大家鍾意嘅嘢唔同嘅 但係真係好想同嗰個frd say返sorry 亦都想識一啲可以傾下原耽小說嘅朋友🥺🙏🏻

#NSS愛情 [guest] 有個問題都困擾咗我d時間 希望各位help me!小妹十分感激🙇 話說小妹今年f3 讀ge係女校 之前都一路覺得自己直到冇得再直 但自從9月開學 好似對隔離位有d

#NSS社會 [GUEST] 如果你有諗住做援交嘅想法請睇吓以下呢一篇文 ———————————————————————————— 小妹做過一次援交 呢一次係我嘅第一次 亦係我最後悔嘅一件事 當你冇錢嘅時候又聽到做援交一次就可以賺到好多 你就會可能因為貪念而去做 其實我屋企並唔係貧窮