#NSS個人 [GUEST] 本人f2，見到之前既post，都想分享下，琴日放學返屋企嘅時候遇到壞人，而我嗰陣同緊人message，突然行緊即時候有個大約四五十歲既阿叔行埋嚟問：「小妹妹有冇10蚊？」我已經覺得好奇怪，前面仲要好多人等緊馬路，咁我梗係無理佢，想行開，但係佢就有種想唔比我走嘅感覺，好彩後面好位阿姨行過而我就走到，咁我就去等馬路想盡快沖走，點知嗰個阿叔去問另一個應該同我一樣大睇緊電話等緊馬路同我有少少距離嘅女仔有冇10蚊，我一直望住驚嗰阿叔會唔知做乜，好彩綠燈我同嗰個女仔到即刻快步行走，其實嗰陣有好多姨姨同埋啲阿媽拖住啲小朋友，所以我就知嗰阿叔係壞人，分享出嚟希望各位小心啲，亦唔好好似我咁掛住message

#NSS學校 [GUEST] 小妹懷疑自己鐘意咗個女老師 首先個老師form1係教我中文，嗰陣時自己都幾憎佢，因為覺得佢教得好差，畀好多功課，仲試下當面鬧過佢，但上到form2之後就發現有老師仲衰過佢，咁都只係後悔form1嗰陣點解冇好好珍惜，但可能因為我成績都幾好，佢竟然冇嬲我鬧佢，仲揾我幫手做嘢……所以就覺得佢好好人，然後見過佢除口罩嘅樣都覺得好靚女 之後就開始想喺學校可以見多佢幾面，又成日睇佢last seen ，又想多啲幫佢手，想同佢傾多計 但其實佢已經好男朋友，所以我都係收返埋，普通師生關係就算喇，純粹想喺度抒發下，多謝大家聽我廢up🙇🏻‍♀️

#NSS個人 [［GUEST]有冇人同我一樣日日都喊] 其實我一直都為咗呢個問題困擾咗好耐😅 大概2年之前我就因為屋企經濟問題，由獨立屋搬去公屋，然後開頭都好地地。直到住咗幾個月開始，我就日日喊。 我唔知自己喊咩，但我就係好想喊。 然後去到考試嗰排我日日喊，喊到有時會打自己。 考完試之後既幾個月我又冇事，直到前幾個開始我由日日喊。每次做自己有興趣既嘢就會喊，甚至誇張到上上下堂都想喊。有次上堂個老師叫我答問題，然後嗰排屋企隻寵物死咗，我就唔識答，然後突然偷偷地喊。 我有試過搵人同我傾，但係我唔知要同佢傾咩，我又講唔出自己係為咩喊⋯然後我屋企人都唔知呢件事，我都唔想比佢哋知。於是搞到日日都會懷疑自己係咪社會寄生蟲，差唔多日日都想去死。 其實我都唔知可以點做了 麻煩大家睇到呢度sry

#NSS個人 [GUEST] 想問一問大家其實男仔身高係咪咁重要？小弟今年中五但身高只係得162😓 覺得好冇自信，仲要讀男校個個都高我一個頭，連啲師弟都有九成九高過我，我因為咁好自卑，自從中二就患上抑鬱症，覺得一定好少女仔鐘意我，我又唔係特別靚仔或者有D咩才能，樣樣都一般般，真係好冇自信，自己都發覺精神健康差咗好多，成日傷心到喊，去過醫院check點解咁矮發現生長板塊已經閉合曬(即係完全停止長高或只得0.5cm 鬆動），所以覺得好絕望，身高只係達到平均女士身高😢 想知有冇其他男仔同我一樣咁矮或者女仔重唔重視男仔一定要高？ sor for 1999

#NSS學業 [Hksyu] 各位不喜歡公社科的同學: 請報考英國Igcse O Level同A level,避開公社科,考好d,Igcse,然後狂A攞獎學金入讀英國大學只讀自己的專業,可在英國攞生活費,不需在英國大學交學費,留在香港、大陸、愛國愛黨的台灣讀書。

#NSS其他 [大埔其中一間中學] sorry for 1999🙏🏻 我想喺借呢個page同我個frd講啲嘢 (交代返 我係有MDD同BPD 同埋一啲原因所以我會成日推開身邊重要嘅人 但唔係真係想佢走

#NSS個人 [Guest] 有件事困擾左我好耐 由小學5、6年班開始，到依家中二，我一直比情緒控制住我，一時又好開心，一時又發晒脾氣喊晒咁，當我一情緒到嘅時候就做咩都做唔好。同過學校啲濕9社工傾完，都係乜用都冇。最大問題係我唔敢同屋企人講，因為同咗佢哋講，佢哋就一定會傳到通街都係，好擔心第時個個都用有色眼鏡嚟睇我。但我好想搵方法解決，上網搵過啲臨床心理學家，個個都好貴。睇過社會福利署個page，一到打電話嘅時候，我就完全唔敢講自己嘅情況，到最後就直接cut線。我好想知有咩方法可以幫到自己，我自己都知道一直咁落去都唔係辦法，但我真係冇勇氣同其他人講。 雖然我知喺度講唔係辦法，但係我好希望你哋可以俾到啲方法我解決😭 Admins pls po IG thx!

#NSS學業 [GUEST] 麻煩晒小編 可唔可以po一po😢 小妹第一次投稿，請大家多多指教。 最近小妹煩緊升學問題，希望有人可以為小妹提供一下意見🙈 我成績唔太好，但將來想升讀有關幼教嘅科，預自己未必考得上八大，所以揾定後路先。 想請教一下hkbu sce degree

#NSS個人 [GUEST] 小妹今年form3，咁我就覺得我有強迫症，對自己啲字好大嘅要求。 有時我做功課啲字寫得唔係咁好，又或者話係有少少唔整齊， 我就忍唔住一定要抄過一次。有時可能塗曬份嘢，亦都有時係重新print過一份嚟做。作文嘅話呢個問題更為嚴重，我分分鐘要抄5次以上。咁我有寫notes都係要抄十幾次先至有一份滿意，所以因為用得太多時間最尾可能索性唔寫。 因為咁樣，我做咩都需要比人哋做都好多嘅時間，搞到我都好辛苦。人哋做完功課都可可以做在自鍾意做嘅嘢，但我做到夜晚1點都未做完，仲要冇時間溫書，成績長期合格邊緣。 因為呢個問題，搞到我好崩潰。我好想改變，但係都係咁….. 有冇人可以救下我(つд⊂)

#NSS學校 [GUEST] 早晨,因為作死走去參加唱歌仔比賽所以我依家好後悔。 我係抱住：「中學得六年，點都參加一次呢啲活動啦，當玩吓囉」嘅心態去參加，但係我真係好驚上台攞住支咪對住咁多人講嘢，莫講話講嘢仲要唱歌😃我係咪真係要全程合埋隻眼唱❓都唔緊要，我驚我到時出錯，俾人笑。雖然話上台俾人笑已經預咗，但係我仲有兩年中學生涯🤡 廢話就講完，有冇啲令自己壯膽嘅方法，或者厚面皮啲，唱到走曬音都覺得自己好好聽嗰種(???) Sor for19999999🙏🏻

#NSS其他 [guest] admin plz po ig🙇🏻‍♀️🙇🏻‍♀️ 想尋人 19號下晝大概5點半到6點喺觀塘海濱嘅兩個男仔 一個着便服一個着校服(PE衫) 便服嗰個就全身黑色

#NSS個人 [SPKC] 我哋班有個健身JF姐，點解咁講佢呢……係因為佢日日喺個欄杆嗰度做健身，好黐孖筋囉🥲

#NSS愛情 [GUEST] 小妹今年f4，最近識咗一個f5師兄（下稱A），佢係學校嘅樂隊成員，咁一個月前我睇到佢哋喺hall表演，但係個hall好少人，我就覺得有少少慘。 有陣時佢哋會喺某個空曠啲嘅地方練習，自從嗰次睇佢哋表演之後，我就會企喺度一陣間睇佢哋練習，一開始我覺得佢哋有少少慘先會咁做，因為冇人支持佢哋表演，然後我開始feel到A係最著緊成隊樂隊嘅人，我就問人攞佢ig，開始留意佢，但係其實個樂隊都唔少人，唔知點解我會淨係留意到佢。 可能因為我成日企喺度睇，所以A都慢慢開始認得我。有一次我走去ig問佢幾時會再練歌，佢覆翻我嗰陣唔知點解我會莫名興奮，雖然我都知佢都係正常覆message。有陣時A po story，我會深入研究每一秒，會好想知道佢具體做緊咩/喺邊度之類，仲會stalk佢ig，而且仲搵到佢讀嘅小學（我知有少少變態。 因為疫情所以依家個個戴曬口罩，加上每次我都係遠距離睇佢哋，所以我有啲好奇A除低口罩個樣。終於有一次機會我近距離睇到佢除低口罩個樣（詳細唔解釋），其實如果按照大眾審美黎講，佢一定唔係靚仔，但都算唔上特別樣衰，而且因為近距離睇，佢塊面啲瑕疵都會放大曬，但係我完全唔覺得佢樣衰，反而有啲鍾意。我有搵機會同佢講幾句嘢，我覺得佢把聲好特別，唔知點解有少少吸引。講真其實我係咪真係鍾意咗佢？ 但係我覺得上面呢啲理由好似有啲膚淺，全部都係關於外在嘅嘢，所以我想搵機會同佢做frd，同佢傾多幾句，互相了解下先再確定。想問大家有咩方法可以再同佢熟啲？或者有咩方法可以處理呢個情況？ sor

#NSS愛情 [Guest] 是咁的，我係F3男學生 由F1開始就鐘咗個女仔 大家都好鍾意音樂 而我best frd 都鐘意佢 F1 F1嘅時候喺一個課外活動面試聽佢唱歌,

#NSS愛情 [GUEST] hi大家好！ 小弟呢排覺得自己有啲變態 話說我越嚟越發覺自己好奇怪 例如勁鍾意索女朋友嘅味道 會好想聞 甚至有時女朋友出街成身汗 或者冇洗頭一陣 我都覺得勁香想聞

#NSS家庭 [有得揀移民嘅話去唔去] 是咁的 我今年f2 父母離婚之後係跟阿爸 但都會一個月幾次同阿媽嗰邊食飯聯絡 而家阿爸呢邊就想帶我同細佬移民，但係自己就唔係好想去 一來英文唔算好 怕好難適應 二來好唔捨得啲親戚同好朋友

#NSS個人 [guest] 標題: 三個人嘅友誼 我永遠都係個個第三者 小妹今年f.2 小學嘅時候本來有一個幾好嘅朋友(簡稱a)，但係佢突然之間同另一個人(簡稱b)變到好friend。 我有嘗試想修補一下我哋之間嘅關係，但係同佢哋出去我永遠都好似格格不入，佢哋之間有無盡嘅話題，我完全插唔到嘴 ，而我都自然咁樣”被退出”咗。 上到中學，f.1諗住可以搵一段新嘅友誼。(btw

#NSS愛情 [GUEST] Hello 咁小弟就係一個中三嘅學生 話說最近鍾意咗個留級生(都唔知算唔算係) 咁就話說自己都係一間男校，約成日周街聽到人哋話男校出基佬(我知道係有啲on9) 咁入返正題先 咁佢就係一個中三嘅留級生 一開始升到嚟中三 因為其他朋友喺隔離班

#NSS其他 [GUEST] 大家好:D 希望大家不會介意我用書面語。 小女在女校讀了三年多，今年中四，有幾個關係不錯的朋友，算是best friend。平時我們有一些有趣的事，甚至是自己的傻事都會和大家一起分享，有講有笑。但最近我發現我的一位朋友，叫朋友A，她最近變得有點奇怪，我們平日都會打電話聊天的，但最近朋友A每次都說她沒有空，或者用其他藉口拒絕聽電話，當初覺得沒什麼的，可能她有事在忙，所以我們都沒有理會。但直至前幾天，我們一起外出去吃甜品，走進去她就一直在玩手機，好像是在跟其他人聊天，一直都在自己一個看手機，沒有理會我們，我們便問她，你在做什麼啊，怎麼不跟我們聊天，一直在玩手機？當我們問她的時候，她立即關掉手機，若無其事地說沒有事啊。我們感到十分奇怪，便問她，難道你在跟男朋友聊天？？她就臉紅了，是十分紅的那種，像個紅蘋果。我們身為女校學生，知道自己身邊的朋友出池了，當然十分驚訝。於是我們一直在叫她讓我們看看他的ig是怎麼樣的（八卦一下很正常吧），她不給，我們問她問題，她又說不知道不知道。然後我們又問她是什麼時候開始的，為什麼我們不知道？她說這些事不關我們事，要我們不要管。我們都沈默了，我們身為她最好的朋友，有男朋友這些開心事不是要一起開心分享嗎？？甜品來了，我們就開動吃，她又打開了手機，看著看著她又甜笑了起來，我們就問她怎麼了怎麼了？我們伸頭看看她的手機，她馬上整個人縮了起來，整個人神神祕祕的，我們就十分無奈，都認為為什麼有男朋友這件事連好朋友都要將這件事收收埋埋，不跟我們說…致此，我們跟她的關係開始有點疏遠，像是隔了一道牆壁。真心我們從小學就認識到現在，都有6年的友誼了，難得有男朋友的事一定要這麼神神祕祕，像一個小偷偷偷摸摸做事嗎…她怎麼樣才會變回以前的自己，願意跟我們分享自己的事？我真的不想我們的友誼就這樣結束了。 謝謝看到這裡的你，sor for 1999🙏🏻 麻煩Admin

#NSS家庭 [土瓜灣某中學] 唔知大家屋企有無養貓？又或者屋企人比唔比你養貓？之前一直都覺得貓好可愛。前幾日阿媽d朋友ge貓就生左d貓仔啦～我同我家姐都話想養，我阿媽都無話唔得，但係我阿爸就好抗拒，令我地無法完成我地ge心願，唔知大家有無辦法可以令我地說服屋企人呢～ Admin pls post ig~Thx🙏