#NSS個人 [guest] 想問有冇人知英文listening播之前，rthk radio2加油站播嗰兩首歌嘅歌名？聽完listening完全唔記得哂啲歌詞😭,十分感謝！辛苦admin了,sor for 1999

#NSS愛情 [Guest] 小弟係一個F4學生，講返啲背景先，小弟喺上年10月左右識咗一個F1師妹，佢性格本身都係男仔friend比女仔friend多，所以其實都幾啱傾，不過當初大家仲未識大家。 咁小弟同班就有一個男仔，打籃球都算勁，身高都高過平均。咁嗰個男仔就係同啱啱所講嗰個師妹都好熟（同樣都係上年10月左右佢哋兩個先識）當初大家都以為佢哋兩個係拍緊拖不過雙方都唔認，咁嗰件事就慢慢俾人遺忘，而我啱啱識嗰位師妹嗰陣都仲未對佢有任何感覺，所以都冇乜點care 直至到今年嘅二月幾，無啦啦小弟我就同嗰位師妹喺IG每日都傾偈，雖然或多或少都有啲代溝但係都仲溝通到。由於小弟咁多年來都仲未試過有女仔可以同自己咁啱傾，所以自從嗰日之後就每日都message蕃茄，慢慢我就對佢有感覺。但係由於我同班嗰個同學鍾意咗嗰個師妹已經俾人傳到傳級都知，所以我都冇同人講過我鍾意左嗰位師妹，免得俾人標籤為一啲搶人女朋友嘅人 咁由於各位師妹同我同班同學都冇承認佢哋一齊，所以我就以為可能係公平競爭。直至到前個禮拜發生咗事態都算嚴重不過老師唔知嘅事。自從果件事之後我亦都睇到更加多理據係我同班同學真係同嗰位師妹拍緊拖。由於嗰個師妹都幾信任我，所以就將佢哋兩個真係拍緊拖嘅事實同我講。 睇到呢度，大家可能已經會叫我放棄，唔好咁賤去搶人女朋友。但係嗰位師妹話近期佢哋嘅關係好差，男方成日已讀不回，甚至有時佢哋兩個約出街係會感到「好悶」。師妹直接話對比起佢哋啱啱拍拖嗰幾個禮拜爭左好遠。但係師妹話暫時仲未諗住分手。 成件事係咁樣，咁多位師兄覺得我應該放棄，定係應該睇住件事點樣發展再決定係唔係繼續追落去？要屌唔該屌輕啲🙏 Sorry for

#NSS文化 [[GUEST]] 是咁的，我有個諗法想邀請各位一齊討論下。 今時今日香港文化逐漸被剝奪，較多年輕一代會選擇用普通話嚟交流。我認為我哋應該要保護香港本土文化，但係隨住時間嘅流逝，我開始意識到一個問題。 好多香港人講嘢會中英混合，雖然英文都係香港嘅法定語言，加上現時唔少中小學都會用英文嚟教書，但平時聽到啲人句句都中英文混合哂嚟講(呢度只針對每一句說話都會中英混合)，多多少少會覺得其實保護香港本土文化係咪只係香港人用嚟對抗本土文化漸漸內地化嘅口號。 希望大家可以理性地參與討論。唔好意思，我表達能力同邏輯性好弱，求輕力啲鬧。 Sorry for 1999! 麻煩哂Admin！

#NSS其他 [Guest] “Nekmit Qiameth Deface Reliquias” 相信大家睇到都黑人問號晒，呢句係2年前一個俄羅斯嘅monk教我嘅咒語，講明先唔係中二病發作，係真實發生過嘅事，事緣我從來冇睇過哈利波特，不過前排有啲得閒又覺得佢幾受歡迎，所以睇左賢者之石嗰套，入面聽到嗰個咩wingardium leviosa，我就突然間醒起好耐之前網上遇到個monk教過我過一個可以令比較輕嘅物體懸浮嘅咒語，本人對神秘學嘅嘢唔反感，所以當下半信半疑咁試咗一下，咁當然係唔成功，因為佢淨係寫咗句咒語畀我，但我唔知正確讀音，久而久之我就唔記得咗了，結果係機緣巧合之下又再出現返係我腦海，所以想問下廣大網民有冇人識類似呢種語言或者呢種文字嘅發音，不過可能原本咒文唔係咁寫，只係攞相似嘅音，所以問埋有冇人知道呢個咒語嘅存在？ Thxxx, and

#NSS學校 [插班生係罪人？] 訴苦長文，sor for 1999 中三那年我因為校園欺凌而轉校，我知道我係逃避緊，冇去面對或者解決問題，但係我真係冇一份勇氣去面對佢哋。 處理人際關係對我而言係一件好艱難嘅事，當我轉到新學校嘅時候，我滿心期待住新同學新環境，亦都係我一個新嘅開始，我一開始嘅目標係識多啲朋友，好好讀書，勇敢一啲，但最後呢三項裏面，「識多啲朋友」係已經完全放棄。 當我入到呢間學校嘅時候，大家已經有各自嘅圈子，佢哋並唔歡迎新人，當我鼓起勇氣去同佢地打招呼嘅時候，佢哋只會對你視若無睹，佢哋會開始標籤你為「插班生」，喺佢哋口中「x班嗰個插班生」，我嘅名字並不複雜，只有筆劃簡單嘅三隻字，但係要用「x班嗰個插班生」取代我嘅名字。 遠遠不止如此，每次小組討論或者活動分組，我永遠都係多出來的那一個，我有嘗試過搵人同我一組，他們嘅藉口永遠係「下，我哋呢邊換咗人啦」，但其實大家清楚個組人數未滿，佢哋只係唔想同我一組，結果我大部份小組時間都在廁所偷玩手機，或者在學校到處走走。 到咗小息嘅時候，我只有三個選擇，第一

#NSS愛情 [GUEST] 各位大佬有咩辦法令個ex唔好再搵我🙏🏻 是咁的 小妹同ex一齊咗3個月，但後來佢話唔鍾意我，所以飛咗我。嗰陣我傷心咗好耐先冇事 而家我哋分咗半年，佢就日日搵我，我問佢啲frd子，結果佢哋話佢唔係想復合。 而家我已經對佢冇feel但係又唔可以block佢..（因為同佢同班，而且遲啲要同佢做gp project驚有咩事要搵我。 我哋班啲人都唔知我同佢拍拖&分手，所以唔係幾想煩到其他gpmates 唔該各位🙏🏻🙏🏻🙏🏻

#NSS個人 [GUEST] 小妹13歲，最近成日有個好奇怪嘅夢嚇醒我 唔好話我13歲咁細個亂噏姐，呢個絕對唔係作出嚟。 個夢好奇怪，我諗起就會好驚。 我簡單講吓個夢嘅內容： 首先個腦裏便會彈幾個我唔識嘅字or圖案出嚟， 然後嗰啲字會係咁變大變細，最後啲字會變咗腦圖咁樣連住。 然後喺呢個時間我就會嚇醒，我係咁迫返自己瞓覺， 然後迫自己瞓嗰時喺個腦度啲字又會變大變細，

#NSS家庭 [Guest] Sorry for 1999 我阿嫲好鬼煩，話我今年犯太歲所以要幫我求道符，然後問呢問路。我明白佢為我好，但係我唔係好信呢啲嘢。我自己就覺得做人最緊要睇自己，個天要我哀都唔計啦。 我唔知點樣同佢講叫佢唔好搞多野，希望大家俾啲意見我！Thanks ! 麻煩admin po

#NSS學業 [GUEST] 想快啲離開香港，但屋企人話要等到postgrad 今年f4, 讀書幾好，想入外國大學（完全唔想留喺香港，同埋自己鍾意外國大學多啲） 雖然屋企人知道唔應該留喺香港，但係話要我喺香港讀完大學先去外國讀post grad，而我唔想等多七年。 我知要去外國讀大學超級貴，屋企都應該夠錢，但佢哋會覺得好晒錢，而對我冇幫助，之前都放棄呢個念頭，但係最近睇到啲新聞真，係好擔心香港嘅未來，我幾肯定我都係香港唔會開心，真係好想快啲走，一直都好羨慕可以去外國住嘅人。 想問我應唔應該同佢地傾，定係留喺香港？

#NSS家庭 [Guest] 呢篇嘢係關於我啊爺啊嫲同我啊媽嘅～ 係我好細個嗰陣我啊嫲巳經日日同我講我啊媽啲壞話 又話佢懶又乜又乜 如果佢懶佢點會返工？ 我啊媽返嘅工好辛苦㗎 搬搬抬抬喎 你估好輕鬆 返到屋企仲唔即刻沖涼瞓覺？沖涼瞓覺得罪你哋？（因為我同我細佬細個成日去佢哋到住

#NSS個人 [九龍某學校] 我好攰，好厭倦生活，唔想生存 Sorry 1999 +中文唔好 +發洩+第一次投稿 (請讀全文🙇🏻) 我好攰，我真係好攰 我不論精神同肉體上都好攰

#NSS其他 [guest] 我原本23號有日約咗4個同學去op玩,但因為人數得五個人,但op嗰個黃色過山車一行得四個位,但我同其他三個人唔係好熟,而我嗰個fd又係嗰啲人緣超好既人,我驚嗰日我會做咗空氣.而且op有好多過山車都係二人座位/四人座位,我驚我會一直都係自己一個人坐過山車.我唔知點算.

#NSS個人 [GUEST] 以下絕對係真人真事,純粹分享出來比大家笑下 ──────────────────── 咁就話說小妹生於一個“單親家庭”(我以前係咁認為的),我以前就會問阿媽爸爸係邊度,點解人地都有爸爸我無,然後媽媽就會同我講我爸爸去左一個好遠好遠既地方工作,好耐之後先會翻來,我嗰陣得兩三歲,我就真係信左,咁翻到學校都會同人講我既爸爸係好遠既地方工作,老師聽到就會沉默咁望著我“炫耀” ───────────────────── 然後到我大個左,我都大概明白,爸爸應該就離開左/同媽媽離左婚,有時媽媽望住爸爸張相發呆既時候我就會同媽媽講“算啦,爸爸在天之靈會保佑我地,”媽媽每次聽到都呆曬,我嗰陣就以為媽媽好傷心。係學校既時候我都會故意避開同父親有關既野,或者將我爸爸寫成英勇犧牲既消防員/警察 ───────────────────── 然後就到左轉折點啦,小妹既爸爸翻左屋企！ 嗰日得我一個係屋企,我聽到有門聲以為係阿媽翻來,然後抬頭一看發現係個男人,仲要同我阿爸一樣樣,我嗰刻以為自己撞鬼,直接向後撞親個頭,個男人就即刻扶起我然後講出我個名

#NSS學業 [Guest] 嚟近就嚟翻翻學，真係覺得好焦慮 小妹喺外國讀緊yr9。自從移咗民之後情緒一直有好大起伏唔穩定。但近期就變得越嚟越嚴重…… 我地學校term break唔似香港咁會比功課，所以放假基本上係唔使做學校野。學校亦唔會講定下個term會做啲咩，所以我地都冇辦法預習定。但係我正正就係因為咁覺得好stressed… 一個Term break為期兩星期，講真我真係冇咩點做野。有時睇下電視、睇下手機、做下小手工咁就一日。時間真係過得好快，做下呢樣嗰樣又已經夠鐘瞓覺，令我感覺好guilty，好似冇乜做啲meaningful 嘅野就咁樣好pointless咁過咗一日。 跟住嚟近又要翻翻學，因為冇乜點做過野，感覺好unprepared

#NSS學校 [GUEST] 首先我要多謝admin出post 今年f2，小妹最近有個煩惱，我完全冇動力做功課。 個個friend依家都係要趕功課，而我就日日hea，睇YouTube，打下機咁。不過我係完全冇開始過做功課，因為唔知應該點開始，或者咁講，我係逃避緊。 之前上zoom完全冇專心過，所以好多嘢都唔識做（你可以話係我抵死，不過真係好難專心⋯⋯ ) 我依家好擔心下年會點，因為f2已經係最hea嗰年（我表姐講嘅），我都認同。尤其係數學同埋科學，下年科學仲要分成phychembio 我真係好頭痛⋯ 再加上今年開始左追星，又要買專，留意住idol嘅posts，活動

#NSS社會 [sgss] 睇過好多人係nss secret po負面post，我個人係好正面既，我雖然唔清楚你地個個咩背景，我都清楚家家有本難念的經，但係我都想比你地個提示，遇到不公平而你捍衛到既野，請你捉實自己既權益，每個人都係屬於自己既，一個個神聖既靈魂，我地所受到既委屈只會令我地變得更加強大，希望你地唔好俾唔開心失落等心情停咗自己腳步，我唔識得你地，但係我知道你地都係得既！如果都係positive唔起嚟，強力建議你地睇排球少年同火影忍者，入面幾主角都係細細個冇資源，冇俾人睇起，到後面慢慢強大。大膽啲！查拉圖斯特拉如是說入面既查拉圖將人類一生經歷既階段分為駱駝，獅子，嬰兒，超人。你地有興趣可以睇下😂我唔識講嘢，但係我真係好想鼓勵嗰啲失落或者停滯不前既人，你地諗下，一個人只有一次機會用自己獨特既靈魂活係世上，咁唔係應該要瀟灑走一會人間咩？挑戰下啲新事物，豐富下自己，你要好好珍惜，尊重同埋愛你自己，你並不孤單。嗰啲羨慕人地有錢嗰啲人，唔好再羨慕喇，本人出生平凡，中下產階級，我都有羨慕其他人有錢，識得好多名牌既時候，但係好彩我仲年輕，依家初中就嚟高中，我知道如果我再唔變既話我就會比人拋棄比人淘汰（我想做一名外科手術醫生，然後同我地同學開小賣部店）然之後就係同家人出事既朋友仔，你地與其係家人背後鬧，咁不如當面講出問題！個個大人套路都係一樣架啦！我地要搶先佢地一部，講出你地想講既野，唔好驚比人鬧不孝，佢地唔尊重你在先，你都冇必要繼續道歉，家人都唔例外，而且家人之間更加應該要溝通，每次既鬧交我相信都係有意義既，最後我想講，機會一直都係我地身邊，等住我地發掘，而我地係呢個優勝劣汰同埋唔公平既世界入面，保持進步之餘仲要保持正面，同埋就係人生就好似調味料，有酸甜苦辣鹹鮮，如果淨係得甜既話，唔係會好唔健康咩？😂❤再講多次本人真係唔識得講嘢都唔識得鼓勵人，希望有人可以從本文中得到啟發，計我話人生既意義就在於獨特，活出自己，人就好似作文考試咁，限時內寫盡自己文筆寫一堆豐富既字上去，一夠鐘，就一切都結束，你由一張白紙去到一張充滿栩栩如生又豐富既黑字係張紙上面到咗時間夠咗有人嚟收你份卷（命），幫你批改你既一生。點樣先寫到好既人生？多啲參考人地靚既“作文”😉提早擬定呢篇野應該點寫！加埋自己既文筆😋你仲唔係最閃耀既自己？有興趣想同我傾計或者傾心既人可以係nss secret comment🙈希望dm可以更加正能量鼓勵到你地。希望以後唔好咁多負能量既文章，更多既係講自己有既叻，有咩值得改進，或者想多謝，讚揚邊個，peace and love既世界好難打造，但係地區我地嚟打造😉

#NSS個人 [Guest] 點樣可以開解下我 小妹中三讀緊新界女校，人緣唔差，交友圈都廣，人地眼中都覺得我多FRIEND 。 呢三年日日都有Friend一齊搭地鐵返學放學，但係有時未必約到friend一齊放學，所以就會即刻約其他friend一齊放學(因為我驚冇人同我一齊放，會喺其他人眼中覺得好似冇乜friend咁，尤其是全班一齊放學，見到其他人有friend一齊放嘅時候你要自己一個走，就會覺得人地認為你好奇怪)，但係自己好清楚自己放學真係唔代表D乜，係件好正常嘅事❕❕❕❕❕都有好多同學自己放學，但我就係冇勇氣自己放學。又就開學，我又開始驚。 可能大家會覺得好低能，但係對我黎講就好大件事。 希望大家會明白我講乜 都煩擾左我好耐 唔該晒各位。

#NSS個人 [guest] 小妹係麥當勞原味炸雞愛好者 但係啱啱整好嗰啲先好食 麥當勞員工知唔知道通常幾時開始炸🥲

#NSS愛情 [Guest] 係咁嘅，小弟今年form3，有一個拍左年幾拖嘅女朋友，但我地嘅相處方式其實都稱唔上係拍緊拖，我地嘅情況其實有少少複雜，我同佢係form1個陣識嘅，個陣我地就成日一齊打機傾計，但個陣我仲未鍾意佢嘅，只係當佢係frd。但係後來可能日久生情，我係form2個陣就同佢表白左，估唔到佢真係會同意，個段時間真係好開心，我個陣真係好鍾意佢，雖然佢身材又唔係特別好，樣又唔係特別靚，但我就係鍾意左佢。 但係後來拍左拖一段時間之後佢都只係同我send下msg傾下計，咪話出街，就連傾電話都好少有。我問過佢原因，佢話過係因為屋企管得好嚴，唔比拍拖，咁我就咁就算。後來我真係頂唔順，咁樣拍拖根本連網戀都算唔上，所以我就問過佢到底想點，佢就話要我等佢等到大學先拍拖，依家做住frd先，當時我係同意左嘅，因為我其實本身都冇咩桃花運，而且又真係鍾意佢，所以就同意左。直到最近… 我遇到左一個女仔，我同佢係遊戲裡面識嘅，佢個樣又生得唔錯，而且又細我一年，讀緊form2，我地又互相都有好感，所以就成日一齊玩，但我覺得我同佢好似仲close過我女朋友，但我又唔想俾人吊住咁多年，我亦都唔想同女朋友分手，我覺得我咁樣一腳踏兩船好似好渣，btw我女朋友其實都有個男閨蜜，佢地仲成日一齊玩，我只係因為我女朋友越黎越少理我，同埋佢都冇咩主動搵我，所以我搵左個「女閨蜜」黎陪我，其實我咁樣算唔算渣，同埋我應該要點做先好，要唔要分手，定係同條女撇清關係？我呢排真係好亂，希望大家俾下意見。 Sorry for 1999

#NSS其他 [Guest] (唔該admin po ig) 啱啱喺ig度睇到有人討論緊關於金錢嘅事, 講得難聽啲即係出嚟間接曬命. 個post大概話嗰個樓主聲稱自己唔係有錢人, 但聲稱自己住九龍塘別墅、名牌任買, and