#NSS學校 [某Band one學校] 小妹今年啱啱升上中一，咁最近就識咗個新「朋友」，咁佢個人比較衝動同埋八，佢呢脾氣好差，我講唔可以同佢一group佢就嬲，我喺WhatsApp同佢講幾樣野就block我，跟住有時仲會扯我頭髮，可能係朋友之間嘅互動掛。但係我同我啲舊friend呢識咗好多年，佢哋都冇咁樣對過我，就得呢條友識咗兩三個月就喺度⋯⋯ 我份人本身就唔係好識點樣同呢類人相處，有冇人可以俾啲建議我要點樣同佢相處，定係直接唔理佢，我真係好迷惘。
#NSS社會 [GUEST] 講下自己少少睇法 各地政府管治好佢哋嘅地方去操作,政府嘅權力會按照佢哋奉行嘅政治體制所產生，例如民主國家嘅民選政府就得到人民嘅授權去管理國家，職責都係維持社會秩序、改善民生同保障人民生活嗰啲啦 in fact :政府喺國家管治上嘅行政角色,不過呢個層面只係最表面嘅操作，正如你頭先所講嗰啲咩維持社會秩序、改善民生同保障人民生活，全部都涉及龐大嘅資源開支，能夠操縱資源靠嘅從來都係錢，但係錢喺邊度嚟呢？所以，管治權力核心嘅來源，由古至今都係嚟自一樣嘢，就係錢 社會問題唔係用錢就可以解決到,『問題』就好似物理學入面對天下間所有物質嘅定義一樣，佢唔會消失，只會轉化，所以所謂『解決問題』其實只係一個『轉化問題』嘅過程啫，簡單咁講，例如一個政客嘅競選承諾係要解決『問題甲』而贏得民心，當佢執政之後為咗解決『問題甲』就將『問題甲』變成『問題乙』，到社會對『問題乙』嘅不滿累積到不容忽略嘅地步時，佢就用『問題丙』去解決『問題乙』，最後，當『問題丙』成為眾矢之的，佢就會再用返『問題甲』去解決『問題丙』，以此類推。 以說穿了，社會問題永遠都係喺一個循環中不斷演變，就係離不開由政治生態所衍生出嚟嘅民生、經濟、環境問題，當權者就睇下開邊瓣而去出牌，而非建制或非執政嘅政黨同政客亦都會同時間打出唔同理念嘅旗幟，嚟吸納被忽略嘅一群以凝聚分化社會嘅力量，不過其實正反兩邊都樂見呢個天下大亂嘅情況，因為大家從來都清楚如果一個社會無問題嘅話就大家都無得撈，社會問題越多就代表佢哋嘅存在價值越高，所以『烏托邦』只能夠喺小說入面出現 面對競爭、等種種威脅，現實嘅生活情況一代艱難過一代，當社會上有為數唔少嘅人因為呢啲循環又循環嘅社會問題而處於持續不滿同不安，喺社交媒體嘅催化下自然就會孕育出一種極端化嘅民粹，加上充滿劣根性嘅人類喺民主制度中就等同於由無知嘅大多數去決定國家嘅命運，民粹主義就更容易被政客所利用，政客要執政只需要討好呢班憤怒嘅選民，打出嚟嘅政綱不外乎都係關係到我頭先講嗰三樣嘢，民生方面就例如提高社會保障、經濟方面就例如增加就業機會、環境方面就例如改善居住質素等等，呢啲講出嚟就好動聽，個個聽到都拍爛手掌，但係其實每一粒都係糖衣毒藥，所以佢哋每一項看似為咗解決社會問題嘅政策，其實目的就只有一個，就係保障金字塔頂層嘅利益
© 2023 NSS Secrets, Seven Sisters Network Limited. All Rights Reserved.
Text is available under the CC-BY-SA 3.0 License. Additional terms may apply.