#NSS愛情 [Guest] 唔知大家有冇試過錯過一啲人,但懇請大家一定要把握機會,有啲人冇咗就係冇咗,唔會有第二次🙃 係f1暑假我打機識左一個男仔,我哋成日都一齊玩,日日都會傾偈,所以其實我好快鍾意佢, 咁當然其實聽過佢啲同學講鍾意我, 但我唔敢講其實我都鍾意佢,是差唔多兩年之後嘅暑假我哋開始發生好多嘢, 太多太多嘅矛盾,其實我知我都有錯,但原來機會只會留比其他人, 夠唔夠呢兩年半嘅時間只會成為一個數字, 當然其實如果鍾意都一定唔會成為到朋友,其實佢係有邀請過我玩, 但佢永遠都唔會明白當我見到佢有女朋友之後我嘅心酸,所以我哋之後只會成為對方嘅過客,其實就算我之後佢有女朋友之後我都一樣仲鍾意佢,

#NSS學業 [GUEST] 純分享 小妹今年f2，讀某九龍b1a官中，咁呢最近考完ut, 派埋卷，有啲感慨，我一向都係鍾意做就做，唔鍾意就唔做嗰種人，我係理科人，好鍾意理科，好憎文科，而舊年f1, 第一年冇阿媽管我啲成績，就讀得好hea, 淨係溫理科，文科就淨係溫重點，語文科直接唔溫，搞到avg偏低 (你知f12八科入邊得兩科係理科㗎啦，理科高分都冇用)，自己唔開心，又有啲後悔當初唔認真溫書，不過每次後悔完一陣，又想去hea, 所以全年嘅成績基本上都係一鑊泡 好啦今年符碌入到精英班

#NSS學校 [guest] 求admin請post IG 🙏🙏 前幾日我個數學老師無端端鬧全班話有人抄功課同埋成日都遲交功課；佢仲話佢睇得出我哋有冇抄功課同埋抄邊個嘅功課；威脅我哋話如果繼續咁就唔改我哋啲功課。有時我有啲唔識嘅就會借同學啲抄 (通常都係一兩條），而我唔夠膽問去邊個唔好交同埋抄功課，派返時點知佢打咗問號，因為我有陣時抄錯嘢，發生咗兩次。（我有一次仲抄咗成張WS 因為冇時間) 我唔知點解而家個心唔舒服，超驚，本身其實都ok 佢，但而家反而驚咗佢，驚佢係話緊我。我只係form

#NSS愛情 [GUEST] 長文:-( 我下個禮拜要去英國 而我一直都唔知同唔同佢講好 呢個男仔 係游水識到 同佢frd 嘅原因 都係因為我嘅前任同我地一齊打機

#NSS愛情 [屯門某中學] 我貌似鐘意個師姐 從暑假我已經識她,她個人好鐘意笑,人又可愛、又細粒,她就大我兩年。但我知道自己冇可能,儘管平時有話題,加上她又好似微微厭我煩。 唉,我應唔應該繼續,她已經F5

#NSS愛情 [Klhf] 本人中一 小妹我有一個男朋友 成日畀人見到好似好奇怪 屋企人有贊成 我而家應該繼續落去定係點好呀？ 我應該繼續同佢一齊定係分手

#NSS個人 [wscss] 本妹form 2 頭髮幾本上已經變禿頭ಥ‿ಥ髮際線已經可以講好似山咁高🥲有好多人叫我剪瀏海但係根本就冇頭髮可以剪🥲求求各位大神有冇啲停止脫髮方法😇👌 By禿頭🥲

#NSS個人 [GUEST] 如果個friend 吸煙點算🙇‍♀️🙇‍♀️（標題） 是咁的 我今年f4 有個朋友留左級 依家F2 佢有情緒病 依家keep住見社工同埋心理醫生

#NSS學業 [GUEST] 小妹係中中嘅中三學生，就嚟揀科，有上網睇過資料，但因為各科成績一般，科科都冇咩興趣，所以有啲迷惘，淨係知一定對理科冇興趣。 目前心水係bafs，中史，geog（但聽人講讀史好似出路唔廣），學校啲科唔多，揀得落手嘅得中世史,geog,econ,bafs 如果有人揀呢啲科可以分享吓，特別係同我處境差唔多嘅🙏🙏 因為完全唔識啲師兄姐，想喺度參考下各位意見，例如揀咗咩科，大概讀咩，有咩伏到仆街嘅科。 知道大家讀書辛苦，所以喺度鼓勵下大家！！各位同學加油啊啊！！！特別係同我一樣迷惘嘅人，應該有好多人都係冇夢想嘅鹹魚⋯⋯ 知道有少少麻煩，所以唔該晒大家 🙇🏻‍♀️🙇🏻‍♀️ sor

#NSS學校 [GUEST] 唔該各位可唔可以花一分鐘睇吓，唔該曬🙏^v^ 係咁嘅我上年從local學校轉左校去間國際學校，一開始我覺得我好緊張，怕識唔到朋友、驚用唔倒英文溝通、驚上堂聽唔明老師講咩(由於我d英文唔係好好)但後期就好返啲。咁我以為我可以繼續堅持落去，但依家我又發覺自己係學校好似好失敗咁，次次做presentation 嘅時候都做唔好因為對住成班同學好緊張好大壓力、講嘢一舊舊講唔得順、同啲同學相比我係好明顯比較差嗰個。仲要下年又要移民，綜合以上總總因素就搞到我呢排好煩惱好有壓力。 請問有冇咩意見可以俾吓我thx(真係感激不盡) pls po ig, thxxxxxx

#NSS個人 [Guest] 長文慎入！ 見咁多post都講去外國，所以想講下自己嘅經歷同少少嘅煩惱(主要都係想發泄下)。 btw希望認到我嘅都唔好講出嚟🙆🏻‍♀️ 入返正題！小妹今年16歲，係喺2020年中走(全家一齊移民，去嘅國家係非英語國家，講意大利文，不過屋企有人識意大利文，所以開頭都冇乜嘢要太過擔心) 自己本來對呢樣野都冇乜特別感覺，走嗰日冇喊冇興奮。因為嚟之前係完全唔識意大利文，所以到步就開始學同埋搵學校。開頭搵學校嘅時候搵到一間全英文嘅國際學校，然後就去咗面試，面完之後間學校話填咗form，交咗就入得，咁都覺得間學校幾好。結果後尾阿媽喺網上見到另一間學校，係一間local嘅語言高中，話入面有中文同英文讀，我已經有兩科唔洗太擔心(最後揀咗中文英文同德文)，唔會太難(開咗學先發現間學校喺區內好出名，有200幾年歷史，所以好tough)，咁嗰陣全家都唔係對呢間學校十分清楚，都認同阿媽講嘅嘢，就去咗面試，一面完就話收，咁就冇乜特別諗。 開學之後，第一年因為意大利文真係搞唔掂，所以學校安排咗個額外課程比我學意大利文，而且呢到啲同學好好，我有咩唔明都會幫我，仲會主動同我傾偈，開頭都幾輕鬆。直到幾個月之後，因為疫情嚴重左好多，全部課堂轉晒做online，開始好多嘢都跟唔到，後尾仲成日專注唔到，情緒好唔穩定，本來喺香港有見開社工，所以先穩定到，但嚟到呢到一個可以同我傾嘅人都冇，同屋企人講又話明第一年會辛苦啲要努力，然後就不了了知，係有時可以同香港嘅朋友講幾句，但佢哋一係就f3一係就f4，好多嘢要忙，所以好少會搵佢哋傾。最後係因為我日日喺屋企喊，喊到好難先停到，屋企先開始同學校傾仲有搵社工，之後搵到個識英文嘅社工，學校仲介紹咗個補習比我，啲嘢先開始穩定，亦都夠分升到第二年。到今年，開學第一個星期，因為屋企有人中咗(我冇中到)(同埋有時打咗針都未必有用，大家真係要好好保護自己)，所以成個星期都要隔離，冇得返學，已經好唔開心，返咗學一個星期之後就病咗，又係成個星期都冇得返，覺得個天好似玩緊我咁。開始有得返學之後，要跟返晒啲嘢，好在唔係教咗好多嘢，好多科都跟到，但History同Science係完全聽唔明，上堂淨係瞌到眼瞓，乜都做唔到，同啲老師又溝通唔到，仲要個個星期都有test(呢邊冇考試，所以test會多少少)。最後Science嗰個就話Test可以比英文我，都好少少，但都係差一分先合格(呢邊10分制)。History個老師就同我講個test只係要我翻譯英文去意大利文同埋會搵人幫我翻譯完啲要test嘅嘢之後比我溫，最後佢test前兩日先比我，仲要嗰陣先同我講個test會係意大利文，不過係mc，咁我英文好到點都好，好多字都要翻譯返做中文先明，咁都算啦，佢test根本得一半係mc，仲要test到一半無端端話原來比漏咗份我，笑！好好笑！因為呢樣野同屋企人噪，結果佢哋噪到我喊都唔停，最後係因為我抖唔到氣係咁震先停。後尾都有試過幾次無端端抖唔到氣同係咁震，差啲以為自己要死，同社工都有講過，但兩個星期先會見一次，不過每次見都好似唔記得之前講過咩咁，係重要少少嘅會記得，同埋同佢傾偈都好放鬆，雖然其實好多嘢都唔係解決到好多。 真係唔知可以點，成日都好無力，唔想溫書，乜都唔想做，已經想喊都喊唔出。 好多謝大家睇到呢到，對唔住我講嘢1999，仲有少少長氣🙇🏻‍♀️希望大家比少少意見🙆🏻‍♀️

#NSS個人 [GUEST] 月經量少嘅女仔幾耐先換一次M巾？ 依個問題困擾左我好耐，希望各位女仔比多意見。 我自己月經量一向都唔多，平時用25cm左右嘅m巾已經好夠，夜晚都係用25cm。成日都見到有啲新聞話太耐唔換m巾對下面唔好，但我有時去廁所嗰陣見到佢仲白雪雪咁又覺得換咗好浪費咁。想問下月經量少嘅女仔幾耐先換一次M巾？

#NSS愛情 [Korean International School Hong Kong (KIS)] 我係男仔，我同咗學校一個男仔拍拖， 但係佢喺學校裏面一直都痴住其他男仔「朋友」 我問過佢鍾唔鍾意我，佢話鍾意。

#NSS個人 [Guest] 我原本係個專業嘅運動員，全港排名15名以內，因為受傷所以休息咗成年。 最近呢個月開始返練習，但係連最基本嘅動作都做唔到，基本上同初學者冇分別，日日去練習都比唔上啲隊友，連細我幾年嘅細佬都勁過我。我啲muscle memory基本上全部都冇曬，完全唔知去練習係為咩。日日返學又辛苦，我真係唔想social, 唔想成日戴住幅面具，放學之後又要為練而練，咁嘅生活真係好辛苦，我已經好攰喇……

#NSS學校 [Guest] 小妹今年F3，今年調左班，想講吓我喺班上面嘅朋輩問題。 開學嗰陣見到成班同學已經融合得好好，而我喺呢班一個朋友都無，真係好羨慕，好想融入佢哋。有啲以前幾frd但係而家生疏左，我主動搵佢哋傾計都好似唔想理我咁，好似覺得我阻住佢哋。 到而家開學已經咁耐，我有嘗試過同周圍啲同學傾計，但係都好似唔係好理我咁，所以而家日日喺課室連把嘴都無打開過。 講真呢種感覺真係好難受，小息嗰陣想去搵其他班啲frd傾， 但係佢哋都喺班度有自己嘅frd，我去搵佢哋佢都好似敷衍我咁，所以而家每個小息我都留喺課室度睇書消磨時間，加上完全無人同我傾計，好想小息快啲完。 上體育堂分組嗰陣，永遠都係自己一個孤伶伶一個企喺度等同我一樣無組嘅同學同我一組。有時見到其他同學喺度笑我無人同我一組，真係好唔開心，好想快啲逃離。而家連以前最鍾意嘅體育堂而家變左最怕上。做project分組又係同一個情況，無人同我一組，搞到我而家好怕分組。 希望大家可以卑啲建議我，點樣先可以令到啲同學接受我。sor for

#NSS愛情 [GUEST] 小弟鍾意咗個女仔 但係個女仔係我一個好好嘅朋友都鍾意

#NSS愛情 [港島某中學] 希望admin抽中🙇🏻‍♀️🙇🏻‍♀️ 究竟A佢係咪鍾意左C？ 係咁嘅小妹有個frd 下稱C C就成日見到班有個男仔成日望著佢(呢個男仔下稱A)係堂堂都會望個隻 而且當C望A嘅時候A隻眼就會閃開 咁我知道左之後當然問A啲兄弟A係咪鍾意C啦 之後A啲兄弟就一直帶我遊花園啦

#NSS文化 [Guest] 想問下大家係咪真係真心鍾意Mirror? 我就覺得一般一般，梅艷芳的歌都好聽過佢哋。 近排見到我有啲朋友為咗炫耀Mirror Card，用咗好多錢買麥當勞套餐；無意中睇得出有啲人有like Mirror嘅post，但係又會私底下講唔鍾意Mirror。 我想講嘅重點係，點解要咁在意其他人眼光呢？ 唔鍾意咪唔好like囉！ 屌你，做返自己啦！

#NSS個人 [GUEST] 我覺得好迷茫。 依種情緒唔係最近先出現，係好耐之前，已經有依種感覺。 我唔清楚自己可以做到d咩。 我想提高成績，但係每次都失敗。 我想識多d朋友，但係見到人就好驚。 學業、人際關係、家庭、社會，我咩都幫唔到手，我連自己都幫唔到自己。 點解我會活著呢？我活著又有乜意義？我唔太清楚。 我好孤僻，雖然話好想有朋友，但其實一個親近嘅朋友都冇，屋企人之間嘅關係都好冷漠，我同阿媽阿爸好耐冇面對面講野，大多數都係寫便條，wts。

#NSS愛情 [GUEST] 其實 我係咪好衰？我應該點做？ 話說最近發現自己對一個男同學有啲好感，個位男同學未話真係好靚仔，但係都唔醜，個樣就正正常常咁咯。我同佢坐得都幾近，都會傾下計，老實講之前都冇諗過會對佢有啲好感，但係最近發現對佢嘅感覺唔同咗，有好多嘢都想同佢分享，但係嗰個男同學佢有女朋友，但係佢女朋友唔係呢間學校，果位男同學又點會放棄自己女朋友而去中意我啊，而且我都驚同佢表白或者太進取，佢會怕咗我，甚至唔肯同我做朋友，即使佢係已經有女朋友嘅人，但我都想知道佢對我嘅感覺係點，你哋有冇人可以話我知我應該點做？