#NSS個人 [英國學校] 今年第二年係英國讀書，但係我一個朋友都無。 舊年Y9 同四個英國人「玩」開，但係佢地一直都無當過我係佢地既朋友。我每一日都好似隻狗咁跟著佢地行，佢地就當我透明，一直都唔理我，好似佢哋睇我唔到咁。我都有嘗試同佢哋傾偈，但係佢哋每次嘅話題都係關於佢哋之間嘅嘢所以好難插入。 今年Y10 其中兩位英國人自己走埋一邊喺廁所吸電子煙，另外嗰兩位就各自搵到自己嘅朋友。個friend group 就係咁冇咗。今年佢哋仲衰，我企喺佢哋面前佢哋當我唔喺度，好似睇我唔到咁。我都有嘗試搵新朋友，但係佢哋已經有自己嘅朋友圈子好難加入。同埋大部份嘅人傾偈都係講人哋是非，我覺得呢啲人好難相處，好難熟。 而家我每日小息嘅時候係班房坐喺自己個位度等小息完，有時有班人都會喺班房度傾計，如果有其他人入咗嚟佢哋都會同佢打招呼，但係我一入嚟佢就扮睇我唔到。我之前食lunch都係自己一個坐，飯堂啲枱全部都係七人枱，我自己一個人坐跟住其他人都圍埋一齊傾偈，笑。啲老師經過都會用奇怪嘅眼神望住我。每一次食飯我都好難受。今個星期我完全冇食lunch，我寧願自己一個喺班房坐都唔想比人哋咁樣望住我。

#NSS愛情 [Guest] 我今年F.3，我疑似鐘意左一個男仔。 我哋其實係小學已經係同學，但係嗰陣同佢只係普通同學，唔了解又冇feel咁。後尾升左同一間中學，F.2開始同班。F.3 一開學佢就坐我隔離，我嗰陣先發現原來佢幾好傾，好幽默，但係嗰陣因為我閨蜜坐我後面，所以大部分時間都係同佢傾。 過左兩個幾月調位啦，我又同佢坐附近，今次佢坐我前面(其實勁好笑，佢起碼有170，我得15x，但係個老師話佢上堂唔專心，死都要佢坐我前面😬)咁我附近又冇咩人熟，咪成日同佢傾囉，傾傾下又真係好開心，有次佢唔舒服冇返兩日，我嗰兩日真係過得好慢，成個人down左，佢一返嚟我又開心返曬。 我同佢平時相處係感覺到佢對我有好感嘅，成日都會係到關心我，又教下我數學，有次唔知冇意定有意掂到我隻手，佢勁開心。有次仲要我啲friend 係到起哄問佢鐘意邊個，佢唔知點又講左我嗰名😐 但係問題就嚟啦，我其實係上中學之前應承左自己唔會拍拖，但係我依家又咁對佢有好感，我覺得我再咁落去真係唔得，加上就嚟揀科我真係好想俾心機讀書，但係我成日再會諗住佢。究竟有咩方法我先可以真真正正咁放低佢，真係唔想影響學習😭

#NSS學校 [GUEST] （篇文可能有少少長 請大家唔好介意） – 小妹今次係代表自己同其他兩位好朋友嚟講吓我哋一位好無禮貌同好麻煩嘅好朋友（而家已經絕咗交） – 咁話說我哋同呢位好朋友（暫叫L）已經識咗7年有多，不過到咗中學先做咗好朋友。小學嘅時候L算係一個會尊重其他同學嘅人，但上到中學佢就開始變到好冇禮貌，例如L會搵我哋嘅舊相去整wts sticker，就算我哋叫咗佢唔好send同delete咗啲stickers，佢都照樣唔理，仲要變本加厲，整多幾張。 –

#NSS愛情 [GUEST] Admin po ig please 🥺 小妹而家中五，鍾意咗個男同學。 我每次同佢講野都會好開心，而且我又夠膽同佢對望，唔知點解有人話唔夠膽望暗戀嘅人對眼。 Google話對方鍾意你就唔怕有身體接觸，而佢又真係掂過我前臂膊頭嘅位置，呢啲時候都令我心如鹿撞。

#NSS個人 [GUEST] Pls po ig pls thx urgent 小弟呢排download 左

#NSS文化 [SSC] 真係唔明點解我個班啲人 好少人講廣東話 我嗰班有5成ABC 有3成大陸人 得個五個香港人 我嗰班真係好恐怖囉 小息啲人一係講英文一係講普通話 全日一句廣東話都聽唔到

#NSS愛情 [Guest ] 小妹今年06，話說我有少少懷疑自己到底係咪bi 其實我小學時係冇咁樣覺得嘅，因為我有時都會睇吓啲男明星跟住覺得啲男明星好有型，都係一般嗰啲追男明星嗰啲行為。然後會有暗戀嘅男仔，但去到六年級嘅時候識咗一個女性朋友A平時成日一齊玩好似糖黐豆咁。平時我哋嘅行為就比起普通朋友更加親密，開始唔知點解我好似覺得對佢有好感。返緊屋企會諗起佢，會掛住佢，回想每日同佢一齊嘅時間。然後翻睇我哋嘅合照，就好似暗戀佢一樣。但係因為我對佢有好感 嘅時候都臨近畢業所以時間過耐咗畢業之後我都再冇搵佢。到咗嗰陣時其實我都仲暗戀緊個男仔，但係同時我又唔知點解好似暗戀A咁。 但我上咗中學之後又遇到另外一個女性朋友B，上咗中學之後我比較內向冇好主動識朋友所以主要都係得B，同埋一啲唔太熟嘅朋友。慢慢因為升咗中學所以會約朋友出街，我間唔中會約B出街。跟住我就發現我哋平時嘅行為就好似我同A相處一樣，搞到我好似好花心咁又一次對女性朋有好感。但今次比之前更令我動心，平時我會FF下，如果我哋拍拖會點，會有咩情景。但同時我同暗戀嗰個男仔相處嘅時候又會有少少好感同動心。我覺得自己好花心，但花心得嚟。又好似有某部份（B）我係唔應該將個心擺喺佢度。我應該點好？🥲 圖Link: https://ibb.co/mtGVjWL

#NSS學校 [九龍城區某 bandtwo尾中學] 低from 生活 小學個陣 真係好期待中學生活 見到啲中學生勁開心放學出去玩 真係好羨慕 但係上左中一真係完全毁滅晒

#NSS愛情 [GUEST] 男朋友好似想分手 小妹讀緊f3，f1的時候識左個男朋友一路同佢同班 我f3生日的時候係9月平日正常返學 一返到學校朋友比禮物比到7788 佢行過嚟話禮物後補因為唔得閒去買 當日嘅下午話一齊去食完午餐先返屋企佢又話想做功課冇食到🙄 事發後過咗已經兩個月 佢份後補禮物都係冇出現

#NSS愛情 [GUEST] 小妹今年F4，上個星期上堂唔小心同一個男同學（唔熟，冇乜講過野）對視到，然後個心好似抽左一下咁，心跳加速，對人哋對視唔會咁，宜家見到佢就會好緊張，我係咪鐘意左佢？

#NSS愛情 [GUEST] 篇文有啲長 但係希望大家會睇曬去 我係男 今年中五，咁話說我之前有個女仔frd 同佢識咗三四年，由上年12月到開始熟咗，都會長傾分享吓日常咁。當然重點係嗰陣時我都係對佢有啲嘢，可能因為我份人本身冇乜自信 同埋冇乜朋友，而佢話當我係bro，於是我就好信佢。佢之前都會成日問我借錢，少至幾十蚊 多嘅時候幾百蚊都有，但係從來都冇還過，不過我都冇追過佢，因為我可能我對佢有嘢掛？但係到今年2月 年初三嗰晚，就見到佢就po咗個Story

#NSS學校 [GUEST] 屯門某band1中學 十一月廿二先比人開始著冬季，大佬 今日得16度，你係咪想凍死啲學生？

#NSS個人 [GUEST] 小妹喺外國讀緊書，最近諗住轉校，由於小妹嘅英文名太多人叫，多到一叫有一班人俾反應，所以諗緊好唔好趁呢個機會改過個名(PS.呢個名本身都唔係阿爸阿媽改)想問下如果係咁多位大大，建唔建議小妹改呢？同埋有冇啲咩好聽嘅英文名可以推介下？🙇‍♀️🙇‍♀️🙇‍♀️ 抱歉浪費咗大家30秒時間🥲 Sor for 1999 Admin pls po

#NSS學校 [Guest] Admin pls po ig thx 其實大家有冇諗過點解要搞匿名投稿？因為匿名冇人知係邊個投稿會比較有私隱？唔使面對公眾壓力，呢個都係吸引我用匿名投稿嘅原因。但係希望大家投稿鬧人之前都理性少少，諗下你夠唔夠膽當面同嗰個人講呢啲嘢，唔夠膽講啫係你想投稿嘅嘢係會hurt到人，咁既然講完你會唔開心佢又會唔開心，呢啲對大家都冇好處嘅嘢你就咪撚投稿好冇？有咩不愉快咪當面講囉，做乜影響其他人，唔夠膽講又要係都要出聲，刷存在感啊？個個正一冇膽匪類。我知我宜家都係用匿名投稿，講一套做一套，公信力極低，但係如果我用自己account講嘅話，憑我一個邊緣人又可以有幾多人接受到我想帶出嘅訊息？（其實呢啲都只係藉口，我只係淆底驚我呢d言論影響自己嘅高中生活） 最後講返我唔係保護所有加害者，更加唔係想要檢討被害者，只係我覺得如果個加害者已經公開道歉，個人聲譽已經衰到冇人有，人人排斥，咁你仲鬧佢做乜，佢已經受到懲罰，你仲想佢點？想鬧到佢自殺？可唔可以唔好舉住正義嘅名號去加入場爭鬥，然後再鬧嗰個人人喊打嘅加害者，你永遠唔知道嗰個加害者所作所為背後嘅原因同情感。 利申我只係一個局外人，乜都唔知，亦都唔認識涉事者。但係我知宜家我所見到嘅係，成班人對個加害者嘅欺凌。我呢個投稿嘅內容實會惹嚟好多唔同意，甚至引起公憤，你哋鍾意講乜都好，我都會睇。

#NSS愛情 [某中學] Hiii 是咁的 小妹今年 F1 咁之前學校就有搞嗰啲中一適應日 其中有一日係我哋成班玩班際活動teambuilding 因為我想make frds

#NSS愛情 [guest] 小妹最近有個感情煩惱，有個男仔喺九月份嗰陣識，佢會成日主動搵我傾偈，一開始佢會覆下我story咁,而我因為有啲內向，一開始唔係好理佢，即是近呢半個月左右，我喺自修室撞過佢四五次，佢明明住得好遠，但唔知點解偏偏去咗我屋企附近個圖書館度溫，佢嗰四五次喺圖書館見到我之後同樣都係會喺IG搵我傾偈，我一開始仲覺得有少少煩，因為係想溫書，但後來我係啲運輸同佢傾嗰陣，話自己唔記得帶英文書，佢就會拎本書過嚟俾我，之後有一次喺自修室，佢坐我隔離，佢會好細心咁教我數學，只是之後oh 就會越傾越多,而傾嗰啲嘢都唔係啲乜嘢有意義嘅內容，有時係佢分享佢買咗件衫，有時去分享佢食咗乜 我哋亦都互相係close friend follow 左private 一開始我覺得佢對我有好感，但又感覺佢對其他人都差唔多，但我呢排覺得越嚟越唔同，佢會提醒我天氣凍多喝熱水，仲要之前有個出賣過我嘅朋友想同我friend返，佢會提我小心，唔好再俾佢呃，其實佢仲做過好多，但我驚俾人認出，所以唔講咁多 其實呢啲都唔係一件咩大事，但咁樣積積埋埋我真係覺得好warm

#NSS愛情 [GUEST] Admin po ig plz 第一次投稿，想睇吓大家睇法。 一個男仔一開始message搵我嗰陣好主動，日日搵我傾偈，講嘢勁flirt，之後一個禮拜比一個禮拜冷淡，最後仲消失埋，之後我主動搵佢嗰時又好hea覆。過咗幾個禮拜又突然之間主動搵返我，其實佢係咪玩緊我？ 其實可能一直都係我諗多咗，但係都想睇吓大家嘅睇法。 Sorry

#NSS愛情 [GUEST] Admin po ig plz 第一次投稿，想睇吓大家睇法。 一個男仔一開始message搵我嗰陣好主動，日日搵我傾偈，講嘢勁flirt，之後一個禮拜比一個禮拜冷淡，最後仲消失埋，之後我主動搵佢嗰時又好hea覆。過咗幾個禮拜又突然之間主動搵返我，其實佢係咪玩緊我？ 其實可能一直都係我諗多咗，但係都想睇吓大家嘅睇法。 Sorry

#NSS愛情 [GUEST] 你好呀馬先生 由第一眼見到你，就已經鍾意左你 就算冇精神，望你一眼就會好開心 上堂嘅時候，見到你同其他人傾計 我都十分之希望嗰人係我 就係咁，我每日返學嘅動力就係為左見到你 （重點係你都唔係成日返學😀完全見唔到你😥） 之前，你俾個女仔搞到受左傷

#NSS學校 [GUEST] 小妹今年終於發覺其實唔係個個老師都咁差 係咁嘅～ 我又細到大都不嬲係嗰啲讀書好差功課交唔齊嘅人 次次唔係俾老師鬧就係俾屋企人鬧 其實係因為屋企關係有好多問題同各方面嘅壓力 所以咁 其實我真係有盡力 但係佢地睇唔到