#NSS愛情 [係咪可以唔寫都得😂] 小妹最近考慮緊表白 但係又好驚會衰 請各位睇吓我有冇可能性 嗰個男仔下稱A 我同A由F1開始就熟㗎啦 大家都係同一班friend入邊。A對我間中會有啲好貼心嘅行為同埋對我都幾好嘅，我講嘅嘢佢會記得。但係有時A同我傾得好開心，有時又會同左其他人傾偈(我自己一個喺後邊。所以我就覺得A啲行為好飄忽，觸摸唔到A諗緊啲乜嘢。 咁睇上面都會覺得其實A對我都幾好呀～但係有一個問題就係A有同其他女仔friend好close咁傾偈，同埋嗰個女仔喺A心目中都好似佔有幾大嘅位置。A好似平時講咩都第一時間會諗起佢。 所以咁多位覺得我有冇可能性呢？定係佢似係鍾意嗰個女仔呢？

#NSS家庭 [guest] 我而家係補習社補得好開心，係真係學到嘢嘅，而家阿媽要我quit咗佢，佢話我成績冇咩進步，但其實係有進步嘅，但今次ut少失手，同埋未係好慣新學年，佢而家不斷逼我不斷說服我要quit，好煩好無奈，真心唔想quit但佢都唔聽我講，唔知可以點算…(我而家間補習社quit咗無得再補返) admin pls po ig sorry for 1999

#NSS學校 [mkqc] 雖然件事都已經過成個星期左右，但因為之前太忙而冇時間去打呢篇文，首先希望大家可以花少少時間睇曬佢，唔好見到咁多字就碌走，同埋都希望知道我係邊個嘅同學唔好tag我出嚟，唔該晒大家🙏🏻 入正題： 我係一個f3女學生，嗰日我嚟緊M， 返學到地理堂之前嘅空檔時間一直要搵老師就冇時間去換M巾(好佩服我M巾咁吸得)， 到地理堂嘅時候我已經有種感覺好似就快漏咁，因為真係太耐冇換，所以我就舉手問Miss可唔可以去廁所，地理Miss話唔得，可能佢以為我要痾尿，就叫我忍吓，仲話我咁大個女忍吓都唔得，但我覺得我真係唔係頂到幾耐，於是我再舉手問多次，佢都係唔比，仲叫我答啱問題先比我去，我呆咗一陣冇理佢，之後同隔離位女同學討論應該點算好， 就喺電光火石之間，我做咗個大膽嘅決定，就係直接同Miss講我想換M巾，雖然都猶豫咗一陣，不過我最後都係講咗，仲要當住全班嗌出嚟，個Miss望住我，冇訓著嘅同學都望咗過嚟，個Miss都係堅持要我答啱問題先可以去，但條題目我真係唔係好識，加上我個位偏後，睇螢光幕有少少辛苦，好彩勝在平時冇乜點得罪人，隔離有同學細細聲提水，我先去到廁所，於是我喺後門走(一嚟方便二嚟唔會阻住前面嘅同學睇)，但點知Miss佢叫我行前門，我唔知點解，可能佢惱羞啩 去完廁所之後已經咁啱到轉堂時間，我喺課室門外見到Miss，地理Miss就捉住我嚟問話，同我講做乜小息唔去，我解釋返比佢聽，佢叫我同嗰個老師講話比我去廁所，仲叫我自己安排好時間去廁所（黑人問號？？？），之後應該講咗1-2分鐘啦，佢就叫我返入班房（我全程微笑對佢，入返班房都有講唔該Miss） 入班房之後有啲同學都問我佢同我講咗乜嘢，有幾個仲話我好勇敢(苦笑)

#NSS學業 [杏壇中學] 辛苦admin了，求po ig🙏🏻 大家好，小弟而家form5，2023dser，英文底子頗差，其他成績都算可以。 讀左一年高中，有幸form4 嘅時候俾新老師教，勉強明eng paper3 要做乜嘢，勉勉強強攞到四成，負碌合格，不過predict得2。 轉眼過咗一年，升到form5，俾咗個老屎忽教，成績即刻好似食咗屎咁插水，而家連搵point,分段,甚至話係連格式都唔明，上埋google

#NSS愛情 [元朗區某一間中學] 是咁的， 小弟依家15歲， 有個女朋友， 下稱為a 咁我同a 原本都好地地嘅， 但係就係唔知點解有太多拗撬， 有時候我都明男仔講理

#NSS學校 [Guest] 大家覺得我應唔應該轉校？ 說話小妺讀咗呢間英國中學三個月，間學校冇香港人，得我一個，我覺得好唔開心，真係好孤獨，依家臨近考試，我就無論小息定lunchtime都自己一個坐喺library溫書，真係完全去到一人之境嗰隻，寧願慳返啲時間溫書都覺得好過同frd（英國local 同學）一齊，因為根本同佢地一齊其實有一半都聽唔明…仲有好似同佢哋有層隔膜（？可能因為大家背景經歷唔同（？ 我覺得咁樣返學真係好悶好苦燥，所以想轉校，聽講呢間學校比較多返香港人，但問題係呢間離屋企好遠，來回要成三個鐘可能仲多少少添，而依家嘅學校15分鐘就到。我諗咗好耐到底返學係求快樂定係成績呢，我知道時間真係好重要，但係我咁樣讀落去真係唔開心，魚與熊掌不可兼得，如果係大家嘅話大家會點做？ admin po ig pls

#NSS個人 [GUEST] hello~♡︎ 小妹今年f.2，但係喺中學一個熟嘅朋友都冇。 咁嚟講下自己先啦，其實我不嬲都係比較怕羞嘅人，唔太鍾意同人溝通，每日小息都係自己一個坐喺個位到睇書做功課，雖然我喺中學以外都有個小學朋友，但係喺學校真係邊緣人一枚🥲雖然有啲同學都知道我唔鍾意講嘢，成日撩我傾偈，但係我只係會覺得佢哋好煩，好想遠離佢哋。 而且我成日都好怕尷尬。有時自己一個喺條街度會覺得自己係異類，覺得其他人喺度望住自己，所以淨係識揼低頭玩手機。又有試過，因為好怕自己一個喺canteen 度食嘢，而匿咗喺廁所度食lunch 。或者係會因為一啲好微細嘅動作而覺得自己好奇怪，甚至會自言自語咁鬧自己🥲。 加上學校啲老師喺上堂嗰陣好鍾意叫啲同學分組，咁我又唔敢出聲，所以每次都一定係俾人剩低嗰個，其實呢種感覺真係唔好受，每次都好想喊。 當然啦我有嘗試過反省自己，係咪做咗啲咩令人唔鍾意我，唔想同我做frd

#NSS學校 [LKKC] 我地班有一個留班生(男) ,上堂成日訓覺,考試又唔合格。今日上I.S堂嗰陣時,無啦啦同我地一個男同學講想同某一名女同學前後移動。事情已同果一名女同學講,但係女同學唔明咩意思？ 想問接下來應該點做？ Sorry for 1999

#NSS個人 [GUEST] Admin po ig thx 小妹13 F2 自從上年個個都自己出街 我之前唔知原來咁多人可以放左學周圍走

#NSS愛情 [唔講得唔得🌚] 我對一個男仔有好感咗幾年啦，但係我一直冇表白或者明示，只會成日偷望佢 唔表白嘅原因:我同佢唔熟，唔會傾計(坐得遠冇機會) ，講嘢最多得兩句，eg只係可能阻住佢行路講句sorry🙂而且我同佢完全冇send過whatsapp或者signal個d(但係其實我地同班咗幾年，仲要讀嘅科一樣，係咪好神奇) 我係一個唔識同男仔相處嘅人(讀緊男女校，不過身邊全部都係女仔fd) 而佢都係同佢班兄弟玩多。不過，佢班兄弟同佢同某兩個女仔好熟，而我又同個兩個女仔好熟，但係我又同佢班兄弟唔熟XD 所以我有時可以透過個兩個女仔同佢接觸下 咁問題嚟啦，我發現其中一個女仔好似對佢有少少好感，我開始係到諗如果我繼續鍾意佢係咪會阻住人地發展，同時又搞到自己傷心呢 自問真係完全冇勇氣同佢表白，個個女仔又多fd(男女都係)，又靚女，人緣又好，人品又好，而且成績都偏高，又多人溝。但係我除咗成績好過個個女仔之外乜都唔係，自認樣衰，冇人溝，超級內向被動，又唔識同人相處(特別係男仔)

#NSS個人 [Guest] 辛苦曬admin，想po ig唔該🙇‍♀️ 第一次投稿有d緊張，可能有錯字，sor for 1999 小女一直以黎都有一個好罕見ge病，小學三年級左右已經有，到而家f5已經就黎十年，聽醫生講係牙床太細，d牙係入面壞死，結果細菌入左骨搞到骨髓發炎之類ge野（我覺得識我ge人睇到呢度應該認得我，真係唔好黎搵我，我希望冇。。。） 每一次發炎都會勁痛，成個人痛到冇曬精神，夜晚瞓著又痛醒，消炎藥同止痛藥已經唔知食左幾多，小學個陣仲做過兩次手術，全身麻醉個種，但一路斷唔到根，隔一兩個月就痛起碼兩個禮拜，成件事非常痛苦。醫生話冇計，唯有食消炎藥，或者等自身免疫力強d會自己好翻（我：……）我係睇開瑪麗醫院ge牙科，其實都有試過睇其他醫生，但都冇用 問題係升到f4f5之後d功課考試ge壓力越黎越大，因為就讀ge學校都算係叫幾好，本身已經好多野做，但牙痛ge次數完全冇少到，每次發病已經痛到想死，仲要頂住痛去趕功課溫書，真係覺得好辛苦，甚至有陣食止痛藥係完全冇用，根本集中唔到精神

#NSS學校 [後面的男同學] 係啱啱開學既時候座我後面既男同學經常踢我張櫈，本來我已經提咗佢 佢都繼續踢….anyway 前排佢突然之間whatsapp我 問我佢唔可以做佢女朋友😅我當然冇覆到 第二日返到學校嘅時候佢傳咗一張紙仔畀我 寫住「做我女朋友ok嗎？」😶 有冇應承到亦都沒有任何表示🙃 佢又自己喺張紙度寫咗我個名同埋箭咀同意🙄

#NSS學業 [Guest] 說話考試 大家好，小妹今年F3。呢個問題已經有左好耐，就係説話考試。每當我考説話的時候總係會被評講得太細聲加內容唔夠。係小學的時候，老師仲係比得鬆手所以都會攞到50～70嘅分數，但係而家中學，老師每次評分都係比最低分嗰格比我。雖然我好想改善呢個情況，但係到考嘅時候我都會太緊張，腦袋一片空白而講唔到D咩，最差嘅情況就係一句野都講唔出。家人淨係得嗰句加油同講嘢大聲D，所以想請問大家有咩改善方法。 （第一次投稿，sor for1999)

#NSS學業 [[Guest ]] 第一次投稿，文筆唔好，請多多原諒。 小妹最近升上中一，我學校算係Ban2A~2B有好多嘢都要比其他人更努力或者做多一倍先得，例如其他人溫書可能用2日就ok，但我係需要一星期或者好幾日溫。我宜家晚晚都溫到好夜，仲要宜家整病左自己，好辛苦同大壓力。請問大家有啲咩方法溫書或者有咩方法可以令自己冇咁大壓力?

#NSS個人 [GUEST] 唔該晒admin🙇🙇 大家好，小妹今年F3。 我份人比較內向，識既朋友少，自從今年6月，我唯一既好朋友移民之後，我喺學校入邊就已經冇乜朋友。原先我都只係諗，「只不過又過返以前冇朋友既生活啫，有咩大不了」嚟安慰自己。但當我見到人人都有朋友既時候，睇到個個同學都俾老師讚，比老師重視既時候，突我一個坐喺度，我竟然會寂寞同羨慕，我個心竟然會乸住乸住。 由小學到而家，啱傾既朋友十隻手指數得曬，樣又唔係突出，成績又唔係好勁，又冇乜長處，每次老師對我既評價都只係「乖」一隻字，所以老師都唔會太關注我，我都已經習慣曬，明明同以前一樣，但我而家覺得好似比人拋棄、比人忽視咗咁樣，明明我有愛我既家人，點解我唔知足，仲會有咁既感受?好痛苦，我而家先發覺，原來我都想有人讚，我都想有人關注，有朋友。我唔想比人拋棄。 同我同年齡既人，全部都有夢想，有人生計劃，有目標。突我一個，冇夢想冇目標冇計劃，咁我有咩生存意義同價值?我諗唔到。種種既因素，近排又UT，我壓力好大，我真係好唔ok，我好想同佢哋講，但係當我睇到阿爸放工翻嚟，腰酸背痛，阿媽做到手指都損埋，阿爺仲成日㷛湯俾我地飲，我唔想佢地擔心，每晚只可以喺訓覺既時候喊 ，又唔可以發出聲，真係好辛苦，點算? 篇文長氣過頭，表達欠佳，多謝大家睇到呢度🙇🙇

#NSS學校 [GUEST] 我有時真係好睇唔過眼學校某6個人 明明喺學校就喺度蝦我嗰班某個抑鬱症患者，跟住又聯埋其他人排擠、針對佢。 然後其中2個人就假情假意喺啲負面投稿講「樓主加油」 真係好討厭，明明就唔係真心想比加油，就喺度扮晒野，咁樣好好玩咩？？

#NSS學業 [不透露] (唔該admin po ig萬分感激！請刪除括號這段話) 有冇中六嘅同學仲好似我而家咁hea緊?每次想溫書都無從入手，一份卷都未操過。又驚遲啲唔夠時間溫、操卷。唔知點算好…… 希望各位俾D意見我(大家嘅comment我都會睇㗎) 圖Link: https://ibb.co/ThpVnPn

#NSS學業 [htc] 想問下大家有乜提升oral能力嘅方法? 小妹今年f4,雖然係讀英文中學但英文能力唔好，自己又懶唔鐘意睇英文書同片，所以識嘅vocab好少。最近就要oral exam，每次上英文堂都勁驚oral practice,尤其係group discussion, 每次我都覺得同組嘅組員唔知我講乜，我自己講英文又卡point又唔多識嘅vocab又唔多，仲要我每次都好緊張。我意識到唔可以再逃避佢，但係我真係唔知從何入手去克服佢。想知大家有乜方法可以提升到oral能力？🙏🏻 Sorry for

#NSS個人 [guest] 小妹讀緊b2a某中學f4，我以前比較開朗，所以都識到唔少朋友，但後來經過一啲事後變得自卑，甚至有社交恐懼症，唔夠膽主動同人講嘢🤥。 我地學校係f1-f3同一班，f4-f6同一班。近排升上f4後發覺以前識啲朋友開始同佢地班上嘅同學熟，甚至小息都會一齊去廁所，但我而家喺班上唔夠膽主動同人講嘢，就一個朋友都搵唔到，開始擔心以前嘅朋友因為我而家太悶而遠離我，最後得返自己一個過埋依三年。由於我成績一向比較好，有時都會招來妒忌，所以好想入到間好大學後搵返一啲志同道合嘅朋友，去報復，但噉樣卻造成咗好大嘅壓力，好似一失敗咗就會俾人笑噉。究竟我應該點做🙏🏻

#NSS其他 [Guest] 小弟好鐘意打波 呢排打完之後左腳膝頭有啲痛 膝頭軟骨位/其他位都試過 通常痛一陣沖個涼翻黎又冇事 想問吓會唔會有人睇過物理治療？我呢種case好似唔算嚴重其實又有冇必要去睇？ 如果唔睇物理治療又有咩途徑可以解決？