#NSS家庭 [GUEST] 好心唔好以為自己大曬 次次都係咁 一有人去廁所就叫人哋 等你沖完涼先 結果自己又唔沖涼 喺度做其他嘢 好心你就唔好叫佢等啦 反正你又未沖涼

#NSS愛情 [Guest] 我係個Bi仔，然後我鐘意咗我個Les嘅best friend。係，你冇睇錯，我一條仔鐘意咗個les(下稱A)，佢仲要有囡。 Y1開始到而家都識咗有3年，因為讀同一個學系而識咗。一開頭都係做group project先會講兩句野，但之後就慢慢熟咗。事源有套戲想睇，BL片黎btw，就喺IG度問，可能係因為性少數類型嘅電影小眾啦，我哋又唔想一個人去睇好柒咁，所以就約咗出嚟。我發現我同A都有幾多共同愛好，煲劇，睇戲，聽歌呢啲。所以漸漸，我哋就熟咗，我亦都知道咗A係les，但佢以為我單純係gay。 有次A想識女仔，但係佢餚底唔敢去馬，所以我要幫佢俾助攻，佢講起對方而露出嘅咸濕樣諗起其實幾得意。A嘅屋企人恐同，懷疑佢性取向，而且佢嗰時識緊嗰個女仔，所以要我扮佢男朋友去敷衍佢屋企人，有一刻我真係以為自己係A嘅男朋友。佢最後得咗，個女仔同佢起埋咗一齊，而家都仲未分，而佢屋企亦都冇再懷疑。事成之後佢仲攬實咗我講多識，我嗰下真係唔知講咩好。我知道嗰句唔係對鐘意嘅人講，即使我想佢係都好。我估我就係喺嗰時慢慢鐘意咗A。 當然，我都知道自己冇機，所以我亦冇話想追到佢。我對A而言，只係一個好錫佢嘅阿哥或者細佬，我知。 事實上，我仲識咗個男仔(下稱B)。我以為咁樣，我對A嘅感覺會慢慢慢慢變淡，最後消失，我哋又可以做返frd，然後我亦都會鐘意B。但係冇，我仲鐘意緊A到而家。 每次我見到A同佢女朋友好親密咁，我就好傷心。就好似鐘意咗直男咁，我知道自己冇可能同佢一齊，但我又放唔低我嘅感情，只可以自己一個飲幾罐酒傷心下。

#NSS家庭 [Guest] admin pls po ig 🙏🏻🙏🏻篇文有啲長希望你地睇落去，文筆差請見諒🙏🏻🙏🏻 是咁的，小妹今年f.2，係f.1個陣因為啱啱由一間幾廢嘅中文小學升上去band1a嘅英文中學，所以有啲跟唔上進度，成績比較中等。唔知係咪因為落差太大（我小學個陣頭幾名）而且我阿媽朋友啲仔女成績都好過我，所以我阿媽個陣就開始同我報好多班然之後成日鬧我，講啲好hurt嘅嘢，例如佢生我出黎真係好黑仔，我呢啲廢人以後淨係可以去幫人洗碗。一開始都淨係隔幾日鬧一次，到左而家幾乎日日係度鬧。 佢呢排搵左份工，番到黎就發脾氣係我身上，我覺得可以體諒因為佢好似好攰。呢幾個禮拜要test，我一翻到屋企就去溫書，有時候覺得攰停低睇下電話，佢又開始鬧話我乜都唔識做淨係識得玩電話，但係其實我已經讀左幾粒鐘書。我一開始唔係好care呢啲言論嘅，但係呢幾日我溫書溫到好遲，睡眠有啲不足，所以下晝翻屋企瞓陣，佢見到之後就叫醒我又開始鬧我垃圾。我真係覺得好煩就鎖左棟門唔理佢，佢就開始係度威脅我話等我出到去實打我同收我部電話。 我真係覺得好委屈，我都做好自己應做嘅嘢，考左個幾科其實都考得好好，老師都有讚我進步好多，但係佢一句讚都無，反而一路係度鬧我垃圾。我明白佢翻工壓力都大，但係點解佢係我身上發脾氣。而且我仲有一個細佬，我細佬係個種淨係識得打機嘅人，點解佢唔鬧我細佬要一路捉住我唔放。我而家俾佢chur到壓力好大，我都唔係好知自己係呢度究竟為乜，我可以點算？

#NSS學校 [Guest] 小妹有個煩惱…我有啲friend係好八婆嘅。咁我啱啱去到F.1 有個男仔外貌「特別」，又係大陸人，咁佢嘅學號同我以前小六嘅學號一樣。咁唔習慣自然就會唔小心寫返自己之前嘅學號，咁我啲friend就話：「你一定暗戀人哋啦。」「仲記得人哋個學號。」「佢哋一齊出街㗎，仲攬埋一舊添。」一開始我只係冇乜理佢哋，但係佢哋越講越大聲，瘋狂散播出去，明明我又唔係真係暗戀佢，真係好煩！我又唔敢同我啲friend講，我驚失去左佢哋，驚佢哋話我小氣，但係我真係好唔鍾意俾人哋造謠，究竟可以點做？🥲🙇🏻‍♀️ Sorry for 1999🙇🏻‍♀️🙏🏻

#NSS其他 [guest] 小妹想講下關於我移民咗去英國幾個月後突然意識到嘅無力感（？ （上機冇喊冇sad冇開心冇興奮 就唔知點解會咁 可能未接受到 心裡面都仲係香港（永遠心都係香港！）） 就係咁樣一路正常咁生活咗幾個月 有日同死黨（A）傾完電話 準備瞓覺就坐咗係張床到

#NSS個人 [Guest] 小妹今年f2，有班f1先識但係好frd嘅朋友。 我本身情緒同心理方面有啲問題而接受緊輔導，由細到大都好容易因為一啲小事而發脾氣、黑晒面，影響到身邊人，我自問其實升中之後都有盡量克制自己情緒嘅，之前有試過鎅手，但係最近傷害自己嘅諗法慢慢消失緊。 咁呢我哋學校去迪士尼旅行，解散之後我同班frd就留低繼續玩啦，咁就有個男仔同我哋玩完過山車之後幾乎全程都唔太舒服，我哋就就佢想玩邊個玩邊個，玩完一次space mountain 之後，本身大家都想玩多次，但係入到去好咗啲人（唔係勁多人）但係佢哋就話好多人唔想排，就沿路折返，我嗰陣已經有啲炆，我其實因為好耐冇去迪士尼所以想玩多幾次，但係費事要佢哋陪我等，就跟住佢哋走，本身我哋其實已經入咗禮品店，但係佢哋又走咗去話要玩彈弓狗，咁我開始有少少黑面，坐埋一邊等佢哋玩完，之後我有表示自己想去禮品店，但係冇人理我。 咁A同B同我講，今日C同另一個人話我脾氣好差情緒好差，小題大做，又話我之前同人絕交係因為我當對方阿四，但係其實我只係轉課室嘅時候，冇手綁鞋帶呀或者要幫人攞嘢先會叫佢幫我攞一攞住，而佢哋2個其實唔係我個班，轉堂都唔一齊，我之前就提過吓佢轉堂幫我攞嘢，而且佢哋都係我真心相處嘅frd，佢哋唔係唔知道我已經嘗試緊克制自己情緒。 我想問真係我嘅問題定係點？ sorry

#NSS愛情 [天水圍青中] 想知道大家如果喺餐廳見到靚仔 想識佢會點做？ 話說小妹f.5成日放學會同成班朋友去元朗一間黃店C3食飯，每次去到都見到一個靚仔180-185cm左右嘅，想食佢但係唔知用咩方法（間鋪好成日好忙，唔敢問佢住好似阻住佢做嘢咁）。仲要星期四去嗰陣時見唔到佢（係個好矮嘅女仔返工） 勁傷心… 好想知佢逢星期幾返工…好羨慕個女仔同佢同佢一齊做。

#NSS愛情 [GUEST] Hi大家好,我係個f.2女仔. 我最近鍾意左個同班男仔,其實一開始已經對佢有好感,但係依家我真係確定自己鍾意佢. 我覺得自己有啲矛盾、奇怪,點解咁講呢. 1.因為我好想同佢拍拖,但係又唔想自己做主動表白,唔係因為我係女仔佢係男仔,係因為我驚表白完,好尷.我覺得佢係屬於嗰啲多friend,好多朋友嘅人,我驚佢啲friend知道左會笑我. 2.我同佢唔係好熟,識大家,但唔算好friend.我知佢前排同女朋友分左手,唔知佢依家有冇女朋友,亦唔知佢依家其實想唔想再拍拖. 3.我驚佢拒絕左,我地係學校好尷,仲要係同班. 4.我驚我地其實最後唔夾,可能一齊左,幾日又分開 但係我真係好鍾意佢,請問各位大大有冇方法幫我同佢可能close啲.

#NSS學校 [[Guest]] hellooo，小妹今年就f2，今年識咗三個frd，咁通常我哋小息就會一齊玩，不過佢哋三個就比較frd 。如果嗰日我冇搵佢哋玩，佢哋三個就會自己落去唔等我，但平時佢哋三個都會互相等大家。一兩個月前我哋開咗個group，但唔知點解望住佢哋喺個group講嘢我完全唔想插入，覺得自己係外人，同埋多數佢哋講嘅topic都係圍繞着佢哋三個，想插入都唔知佢哋講緊乜。之前drama lesson淨係可以三個人一組，當聽到呢個規則嘅時候佢哋三個不約而同咁望住我，咁當下我梗係get到佢哋想講乜啦，就自動同佢哋講話我會過其他組。所以平時同佢哋相處都唔太開心，其實一直都好想同其他人frd，但係個個都有晒自己嘅圈子，我覺得插入去都唔會開心。而且我好想搵一個同我喜好相近嘅朋友，但係我個班好似冇乜人係我想識嘅type……我都好想識下其他班啲人，但係我都唔知可以通過乜嘢渠道識。參加嘅課外活動唔多，淨係join咗笛子班，但而家疫情所以都係透過zoom上，根本唔會識到人，唔通真係要等到下一年轉班希望識到啲相處得舒服嘅朋友？大家建議我點算好？多謝咁多位睇到呢度❤️

#NSS學校 [Guest] 小妹今年form3，屋企人不嬲都唔會新手機一出就換，通常都係一部用好耐，佢地要換手機嘅時候就會將舊嗰部比我。 咁有一日放學就比隔離位見到我仲用緊iphone6，佢就笑住咁講：哇原來你仲用緊iphone6，咁舊既？點解唔換過部啊？雖然我知道佢係冇心既，但係我聽到當下都覺得有d唔開心。究竟用iphone6有咩問題？雖然我都想用最新嘅手機，但係都唔想洗阿媽阿爸咁多錢，所以先想用到壞先換⋯⋯ 想問下有冇人同我一樣都仲係用緊d比較舊嘅手機？ sor for 1999

#NSS社會 [GUEST] 人人讲政治好烦(title) 不好問候阿媽住,想大家睇下長文 見到有人話 「其實係呢個時候冇政見係咪好事？」我想講政治就係關乎大家的事。 你就算中立,政治都會關你事。武肺、國安、改選舉等全部到影響到你,大把小粉紅被社會主義鐵拳打壓,武肺可能感染你,你唔知國安把尺有幾寬,財團會唔會撤資,無左為你發聲的議員如何求助,監察政府。 大躍進、文革、拆教會全部都影響唔理政治的人。警暴、白衣人有大把記者、普通市民受害者。同性戀者、就算沒反政府仍被中共迫害。工人受不公對待、過勞也不能抗議。 起初，納粹抓共產黨人的時候， 我沉默，因為我不是共產黨人。

#NSS愛情 [GUEST] 是咁的，學校有個男神追我，講真佢都追得幾明顯下。咁自問本人戴咗口罩係幾靚女嘅(至少條眉+對眼都靚+額頭冇暗瘡)，但除咗口罩就不得了，啲暗瘡多到爆 +有啲留埋印😭 問題嚟啦，如果我對佢冇feel嘅，而家就唔使喺度投稿。 希望男神睇到呢個投稿啦😭❤️

#NSS愛情 [Guest] 依家好迷茫 最近終於同鍾意嘅男仔一齊啦 佢係文理雙全個種 我係歷史好但係同時對bio都好有興趣 我bio嘅成績未知 但係我將來係想做醫生個隻 佢就話佢會揀文科啦 就算佢理科好但佢都係唔揀

#NSS學校 [skhlkyss] 最近幾日凍咗好多 但又未凍到有寒冷天氣警告唔著得街褸返去 又未轉季唔著得校褸 PE件外套又唔著得 淨係可以著見爛鬼冷衫 果班訓導教畜完全唔識易地而處 著咗街褸校褸PE外套果啲全部都要記名同埋除返落嚟 搞到勁多人感冒

#NSS個人 [GUEST] Yo我F3想搵個study partner or frd互相督促 ？） 有冇巴打有興趣一齊努力？;-; Please comment!

#NSS其他 [[GUEST]] 請問大家係點樣對付呢啲咁嘅人？ – 小妹我有班由細玩到大嘅frd 佢地個個都好外向 好sporty 成績都好好 唯獨我好內向 唔鐘意做運動

#NSS愛情 [Guest] 陳逸朗，我好多謝你 多謝你將我喺絕望到救我出嚟 多謝你願意接納我 多謝你讚我係好女仔，從來都冇人讚過我 1年前，如果冇你嘅出現，我到而家都會畀班死八婆欺凌，所以我好多謝你 你同我講「唔使care人地點諗，喺我眼中你係一個好好嘅女仔」喺嗰一刻我就已經愛上咗你，從來冇人同我講呢啲嘢，人人都話我係靠樣搵食嘅雞，話我扮抑鬱，係得你肯信我有抑鬱症 我想死嗰陣係你阻止我，鼓勵我搵多啲興趣，陪我傾計、食飯、打機，你知嘛？我每一刻都諗緊你，好期待見到你同你講嘢 有一次我要食藥，班八婆搶走咗我包藥，係你幫我攞返嚟，陪我去搵社工，但係因為咁班八婆開始搞你，我嗰陣真係好心痛，明明你唔使做到咁，你每日陪我傾計我就已經好多謝你啦

#NSS學業 [GUEST] Hello, sorry阻大家一陣，嚟緊想去外國留學，想問下大家有冇邊間升學中心推介？thanks!!!

#NSS愛情 [LKT] 本人仔 我早排就同初戀分咗 其實我知道我地冇乜可能可以永遠喺埋一齊 不竟大家都中學生 但我都係好想 好希望咁樣直到永遠 因為我都覺得我冇可能有女 我成日比人笑鳩我乸

#NSS家庭 [ktls] 我有個公公 因為佢而前做嘢好辛苦，而家每日都會食煙/飲酒 但重點係每日4/5包 差唔多一個星期就要去買一條新煙（$1000？）飲酒嘅情況都好嚴重，差唔多每日*兩枝*酒！ 真心誇張… – 問題係佢叫我阿爸阿媽去買，我哋嘅經濟狀況唔太好…好辛苦啊… 我雖然唔係去買，又唔係去幫手賺錢個個人，但我睇得出我阿爸阿媽好辛苦lor