#NSS愛情 [鍾意左個網友] 小妺今年中三 就係打機識左個男仔 因為成日傾計啦..咁我好似鍾意左佢 但係之後先知佢有女朋友 我嗰吓真係唔知點形容 但其實feel到佢唔係渣男嚟嘅 而且佢哋都拍左超過三年以上 但我唔知佢當我係乜

#NSS其他 [guest] Hiii 想問吓大家知唔知香港邊度有得買斑馬限定筆？thx

#NSS個人 [GUEST] 今日同大家講個故事 從前有一個男仔，佢由小學開始就冇乜朋友，甚至得一班淨係識得攞佢黎玩既損友。直到呢個男仔升上中學，佢以為自己終於可以識到幾個新朋友，🥚，事實證明佢諗多左。 喺呢個男仔開學既時候，佢逐個逐個同學問電話Number，打算開個班group，結果當然係開到啦。 有一次呢個男仔照常咁同佢兩個順路既同學一齊去搭巴士，個男仔就問佢兩個：「你地打算佢邊度食lunch?」其中一個男仔就話：「西九。」於是乎個男仔就喺西九落左車，然之後佢就望住兩個同學喺個位度笑，於是個男仔就狼狽地跳返上車，跟著就喺個班group度講呢件事，但少年你太年輕🐦，班group度一致地認為係個男仔抵死，個男仔亦都冇再出聲，後來每次提起呢件事，都會比人話玻璃心，或者係小學雞，個男仔一路都唔明，明明做錯嗰個唔係佢，點解比人鬧嗰個反而係佢呢？ 個男仔後來鍾意左一個女仔，於是有一日佢就同左個女仔表白，而個女仔話要考慮幾日，幾日之後，個男仔見佢仲未覆，就問左一句：「其實你係咪唔想，如果係既話其實可以直接講出黎。」個女仔唔耐煩咁覆左一句：「你覺得係咪係囉。」個男仔非常傷心。後來，唔知點解佢又同個女仔表白，出乎意料既係，今次個女仔答佢：「你係咪一定要即刻先？」個男仔想答係，但驚會失敗，於是就答左句：「唔係。」個女仔就話：「咁OK呀。」個男仔開心到飛起，但佢又睇到一句：「不過要等到中三先。」個男仔唔係好想，不過都覺得咁樣已經夠，於是乎佢就問個女仔：「咁做住好朋友先都得掛？」個女仔就話:「OK ar」有一次，個男仔見到個女仔IG玩緊嗰啲邊個同邊個係咩關係嗰啲遊戲，佢就揀左yes，跟住過左幾個鐘，佢去睇返個story，見到個女仔淨係當佢係普通朋友，就即刻去問個女仔，個女仔就話：「我既好朋友得三個㗎咋。」個男仔雖然覺得好奇怪同好唔開心，不過都接受左。 有一日上ZOOM既時候，個男仔喺度碌緊IG見到有個剪頭髮既廣告個女仔既側面好似個女仔，於是乎就share比個女仔，話佢哋側面好似，但個女仔冇覆佢，個男仔都不以為然，過左幾分鐘，佢見到一個好得意既無尾熊post，就share比個女仔，個女仔比左個like。過多10分鐘，個男仔無啦啦問佢幾時生日，其實佢心入面已經有兩個答案，但係個女仔打左好耐字之後話：「2月30號。」個男仔沉默左好耐，跟著話：「其實真係唔好笑。」跟住就專心聽書，期間佢見到個女仔send左一段voice message，但係佢唔敢聽，就冇理，再過多幾分鐘，佢send左一段嘢過黎，咁冇得唔睇啦，佢就click入去睇。個內容大致上係：「你唔好再煩A（指個女仔）得唔得啊，佢真係覺得你好煩，你咁樣只會令佢越黎越討厭你。」個男仔send左一句嘢過去：「對唔住。」上完堂，個男仔發現，個女仔block曬佢所有social

#NSS學業 [guest] 小妹f3準備揀科，有啲嘢唔知點揀想問下大家意見，我係想讀兩科商科嘅，但係媽咪話讀一科理科到時出路會多啲，加上我三科理科都係差之又差，但係問題就黎啦，如果我讀兩科商科下年就會編左去D班，個班冇乜frd，同埋我係偏向群體學習嘅，姐係有frd係身邊會讀得開心啲輕鬆啲，但係揀一理一商嘅話，就會同啲frd同一班，但係本人真係超唔鍾意讀理科，所以想問下大家嘅取捨會係點，會揀鍾意嘅科但係冇frd定係唔鍾意嘅科but有frd，話曬hf都要對住同班同學三年，比大家揀個話會揀前者or後者 thankyou大家睇到呢到，admin pls help me po ig thxxx

#NSS愛情 [WBC’s ] 是咁的，小妹而家中四近排有個暗戀對象係其他學校🥲我完全唔清楚佢社交圈子 就前排一齊出街時唔小心見到佢同個女仔WhatsApp 緊（絕對唔係我好奇佢有冇同人曖昧🤩)啲對話個女仔會問佢係邊同邊個一齊，有啲擔心係唔係其實佢有女朋友或者同個女仔曖緊。 但佢同得小妹出街應該對小妹有d feel?定小妹唔應該阻住人地happy hour🤩

#NSS愛情 [GUEST] 小妹今年F3, 請多多指教🙇🏻‍♀️🙏🏻 其實有冇人可以話俾我聽點先知道自己鍾意咗一個人? 我成日喺我個腦諗住佢唔知搞咩但我鍾意咗佢都有3年, 同埋我唔知應該點做好😥我唔敢表白.. 如果各位有咩評論可以comment D嘢俾我知🥺多謝哂!

#NSS愛情 [GUEST] 本人有一個暗戀對象，已經七年了，由於我自認為好醜樣(我覺得我醜樣係真相)所以一直自卑，喺佢畢業嗰陣時我冇同佢表白，之後直情冇同佢講嘢，變得生疏，已經兩年冇聯繫過，然後最近啱啱好喺學校附近見到佢出現，發現我地係同一間補習社，然後最近又開始有聯繫，我宜家好糾結要唔要向佢表白，但我又好驚佢有女朋友，最驚係佢拒絕我然之後將件事講出去。希望大家幫幫我，我到底要唔要向佢表白 sorry for 1999

#NSS學校 [Guest] 純發洩 開咗學已經三個月，我個班仲有人成日唔記得我叫咩名⋯ 講返少少背景先，小妹今年F4，對於今年嗰班都算係比較陌生，因為有好多同學都係第一年同我同班。事源係有位同學(佢今年都係第一年同我同班嘅)成日唔記得我叫咩名，初中嘅時候都有喺學校見面，都有傾過幾句咁，仲有互fol IG。 佢第一次問xxx(我個名)係邊位呀，嗰時都冇乜嘢，咁始終第一次同班係要啲時間認啲同學叫咩名㗎啦。第二次我都算，但係第三次，我開始接受唔到，佢幫老師手派嘢(搭嘢順晒學號，嗰陣時又係考試，又係順學號坐，咁你照直派都得㗎啦)佢仲夠膽死企喺我面前問我係邊位，嗰吓真係好無言👏🏻 我以為佢經過呢次會好好記住吖，點知到咗今日，佢又幫手派野，又再問阿sir同同學嗰個xxx(我)係邊個。 其實佢本身唔記得唔係問題，可能我個名比較難記？其實我都唔mind。第一第二次唔記得我都算，問題係而家開咗學都三個月啦，冇理由都唔好好記住㗎。 再延伸落去嘅係，佢成日唔記得我係邊個，搞到我自己都覺得我存在感好低，其實我今年已經好努力改善緊我自己，多啲主動同同學傾偈，其實點解我會有咁嘅改變呢？係因為我覺得初中嘅時候我太靜，但係我本身唔係一個好靜嘅人，點解我會喺同學面前特別靜？係因為以前小學好多同學覺得我好煩，所以中學決定成為一個靜啲嘅人！

#NSS愛情 [GUEST] 我同一個好愛好愛嘅男仔分開咗 雖然我哋只係拍咗幾個月嘅拖 但係我就感覺我哋一齊咗好耐好耐 曾經我以為我哋有機會結婚㗎 我曾經係一個好冇安全感嘅女仔 但因為你 令我對你充滿信心 多謝你你同緊我一齊嘅時候一直都當我小公主

#NSS學業 [Guest] 幫frd問，佢f2, 想讀醫，不過佢係文科人，你都知醫科好多scientific嘅㗎啦，不過佢成績唔錯，b1a 1x /14x，而且好好學，你睇番佢嘅IS成績，可以會覺得佢係全科都掂，不過實際情況係佢冇乜科學頭腦，f12課題淺，所以佢其實幾高分，不過佢數學就唔掂喇 (6x%)，另外佢鍾意bio, 想揀bio中西史，我都曾經諗過讀醫，所以有check過資料，喺香港讀醫，hku要take bio/chem, cu就要take

#NSS愛情 [GUEST] 人的一生會遇到2920萬人，而我和你的相愛概率只有0.00049。在這茫茫人海的世界，我們能夠相遇就是一種特別的緣分，更別說相愛了。真心喜歡上一個人，可能就是上天賜予你最大禮物，但上天卻偏偏不給我這個機會相愛。 我也不知道為什麼會喜歡你，可能是你一些的小舉動吧。 每一次你與我交談，甚至肢體接觸，我也深深的記得。本以為只是和你是同學關係，沒想到我會被你深深吸引著。你每次的關心我也很感動，讓我一次一次的淪陷，甚至已經徹底淪陷了。 每一次你與他人溝通，心裡都是酸溜溜的，我像個路人一樣看你生活，心酸你的喜怒哀樂都不為我。喜歡你，是我慢慢無望的修行… 單戀你真的好辛苦啊，想分享我的每一種情緒也好像每資格…有多次想告訴你我喜歡你，卻害怕連朋友也做不到。我好想很傻呀，明知沒有機會也會繼續喜歡你。我嘗試過忘掉你，但還是失敗了。 你甚至多次告訴我你有喜歡的人，而且問我怎麼去深入的認識她。說真的，每一次提供的建議我好像被刀割了我的心一樣，又希望你會用在我身上。當我清晰的知道那些人也不會和你有機會，我也會去鼓勵你。明明心不想你去追他人卻口上鼓勵你。 我喜歡累了，要休息了。希望你可以預見一個你喜歡的人。如果時光可以倒流，我還是會選擇認識你。雖然會傷痕累累，但心中的溫暖記憶是誰都無法給與的，謝謝你來過我的世界。 Sorry

#NSS個人 [Guest] 我有一班friend,間唔中都會有少少拗撬, 咁一班人入面總有幾個係玩得特別friend, 所以慢慢咁分咗幾個group, 本來我都覺得冇乜嘢, 但係唔知點解呢排我總覺得我好似唔屬於任何一group, 融入唔到, 我感覺自己係多餘嘅, 所以而家一齊既時候都少咗講嘢.

#NSS個人 [Guest] 呢幾個月成個人會好悲觀 想同人講但又覺得自己係無病呻吟 因此想直接去睇醫生 但發現要排好耐隊 私家貴到飛起 各位有冇去睇精神科嘅經歷分享？ 我想直接睇醫生 確認自己係無病呻吟定真係有問題

#NSS愛情 [GUEST] 我感覺我真係一個恐怖情人⋯⋯ 我由小學開始就已經鍾意咗大我兩年嘅師兄，上個月終於同佢喺埋一齊😆不過突然間覺得自己係一個恐怖情人。 因為我有小學已經開始鍾意佢，嗰時就覺得我完全冇機會啦，所以我啲friend有時會偷影佢啲相俾我睇，我就會save喺個album度，滿足一下我小小嘅慾望。儲儲埋埋都係有70、80張，之後嗰日佢開咗我手機見到我個album我就有少少慌張，覺得好醜，同埋覺得我好變態⋯⋯ 佢每晚都會send啲錄音俾我，講一聲早唞啦，每一段錄音我都會save低，之後變成一個playlist 瞓覺之前不停咁播⋯⋯我都開始覺得自己有變態心理⋯⋯ 如果我可以澄清一下，俾啲理由自己嘅話，我諗應該係因為佢非常之忙，唔係好多時間可以陪我，想搵佢都有啲難，再加上我就嚟飛去加拿大，所以掛住佢嗰陣時就會拎呢啲嘢出嚟睇吓啦。 除此之外，我仲有啲怕佢係咪覺得我好煩，因為我明知佢超多嘢做我都會WhatsApp佢問吓佢喺度做乜，可唔可以打電話俾我同我傾偈，佢唔記得咗我哋第一個月嘅紀念日我又喺度發脾氣（諗諗吓第一個月應該都唔係好重要姐，我做乜咁在意）。因為我下個禮拜要走，所以我都會多啲搵佢，但係佢呢兩個禮拜又好忙，所以我又發脾氣（冷戰） 就係因為呢啲原因，再加上佢係我第一個男朋友，所以我有啲驚我係咪做得太衰，係咪太煩。

#NSS家庭 [Guest] 每天都過一樣的生活 好累喔 要怎麼辦

#NSS愛情 [Guest] 係咁嘅，我同時鐘意兩個女仔。。。 小弟中四Grade10，最近移民外國。事先聲明，我鐘意嘅兩個女仔依家都只係朋友，所以各位大佬大姐屌細力啲。原本喺香港係有女朋友，後來因為移民分手。黎到呢邊，我就識左呢兩個女仔。 首先，第一個女仔係我喺泳隊識，下稱C。咁我喺因為同一個泳隊，認識到C，傾計傾多左就熟左。佢細我兩年一樣係香港人，份人好活潑，又搞笑，而且細細粒好可愛。唔知由幾時開始我就好鐘意佢，可能係比佢活潑樂觀嘅性格吸引掛。 而另一位女仔，下稱M，就係喺學校識嘅。M同我一樣，都係新移民，但係佢黎自日本。佢同我同級，但歲數上大我一年。佢份人好內向，好怕羞。每次見到M，佢燦爛嘅笑容，真係好可愛。 但係問題黎啦，每次諗起我同時鍾意兩個女仔，我就覺得自己好仆街好渣男。然而幾個鐘前，我真係估唔到台灣八點檔劇情會出現喺我身上。C想約我一齊睇電影，而M想約我食飯。 雖然我真係好鍾意佢哋，各位師兄師姐有冇辦法可以令我唔再鍾意其中一個？或者各位師兄師姐俾啲意見我應該應承邊個？ 文筆不順，一嚿鳩嚿，希望大家屌得細力啲。

#NSS學校 [SFCC] 我今日想喺呢度公審一位老師 今日我去教員室想教番我一份欠咗嘅功課，我好有禮貌咁叫個老師出嚟，但係佢唔理我喎，咁我咪再叫多次囉，佢又唔出嚟，咪再叫多幾次囉。我問咗一位老師佢喺唔喺度，個老師同我講話佢喺到，自己再叫多次。點知之後佢喺我嗌第一次之後15 分鐘先出嚟。 佢同我講知唔知佢好忙，我搵佢咁多次，佢就出嚟咁多次，鬧我騷擾佢做嘢。大佬，你一次都無出過嚟，仲話個教員室好鬼死大，個教員室好細架咋，可能你矮咪覺得要行好耐 lor，死八婆。同埋佢對啲學生嘅態度極差，我又唔係做錯咩，就係度發哂癲咁鬧人，唔好咁 on79 la。以後係學校上佢堂都真係想一巴打埋去佢嗰度 🙄🙄🙄

#NSS學校 [guest 😶] 是咁的，小妹啱啱先上中學。 冇小學同我一齊去嗰間中學，但係學校裏面有三分之一個同學來自小學a。簡單啲講佢哋都識對方。 咁冇friend嘅我梗係要識返個friend啦。 坐我後面係來自a嘅女仔x，咁我最初都覺得幾好人，跟住同x傾下傾下就friend咗。佢經常約我食飯仲約埋我去迪士尼㖭。我最初都覺得x有機會做到我嘅好朋友， 點知發現原來佢都麻麻地：上堂又成日都喺度駁嘴嘈住曬，搞到人哋唔可以專心上堂，又成日都問我抄功課， 又成日都問想同老師講過好多次嘅嘢……跟住有一次去又約我食飯，我話:「唔好意思，我約咗第二個人（y）。」x問我係邊個。我回答咗佢，跟住x叫我小心啲y，因為y有公主病。 我暑假時認識咗y，我都覺得佢ok。跟住z話,「你識咗y兩個月啫，我識咗佢兩年啦，總之個人你真係要小心啲啦。」跟住我心諗，我識咗你兩個月咋，我已經覺得你煩呀。跟住之後，佢都好憎我咁。我問老師問題經過同學同意，x都話我自把自為，又經常唱衰我。我越嚟覺得唔妥，

#NSS個人 [GUEST] 小妹f2 唔計一二年級，我小學有四年一直係邊緣人，淨係得兩個好熟嘅frd，到而家都有keep frd 我小學邊緣嘅程度就係，我唔搵人傾計就唔會有人搵我，約人都係我主動，成班人出去玩都冇人記得我，只有收到風嗰陣自己癡埋去先加入到佢哋，咁嘅情況其實我好辛苦，但我唔想真係做一個孤獨嘅人，所以keep住咁樣直到小六 中一啱啱開始嗰陣，得一個小同同我同校，但同佢本身唔太熟，所以都冇乜講過嘢 新開學自然乜人都唔識，又繼續邊緣人生活，本身真係諗住咁樣繼續落去，但係我見個個都有frd，自己都好想咁，所以嘗試主動識人 好好彩，班上面啲人都好易熟，好快就有班frd小息可以一齊吹水 隨住時間，同班frd越嚟越熟，學期尾經常一齊出去玩，嗰段時間真係好開心

#NSS社會 [Guest] 話說呢幾年的社會運動,其實自己冇太大嘅政見,但係就覺得附近有一半人都分顏色。其實我係咪要表明立場呢？勿噴！！ 自己今年F3其實覺得自己嘅政治主張較中立。自己又冇抗拒。但係就我用大陸嘅app la,又反修例,係政府某啲政策就唔like。就好似睇渣馬為例,使唔使咁多警員駐守？其實係呢個時候冇政見係咪好事？