#NSS學業 [GUEST] 各位2022dser，有啲嘢想同你地講。 睇到好多dser都話好大壓力，我明白嘅，因為我今年都考dse，但我同你地唔同嘅係，我係retaker，我上年已經考過一次。我想分享下呢一年嚟我嘅感受，呢篇唔係打氣文，我唔會同你地講博盡無悔呢四隻講到爛嘅字。 我上年考完，best5係2x分，唔算高，但夠我入U，但好可惜嘅係，我其中一科core冇3322。呢個時候，我嘅選擇就係1.retake；2.asso；3.離開香港。因為家庭原因，離開香港係當時嘅我做唔到嘅，所以我得返頭兩個選擇，最後，我抱住嘅心態就係，小朋友才做選擇，我全都要。如果retake衰咗，asso都可以做水泡，最後都入得返u。我曾經以為呢個係好明智嘅選擇，但後來我發現我錯咗。從來唔係handle唔到嘅問題，係當你冇逼到自己去絕路嗰陣，你都唔會真正博盡。我從上年9月開始hea，asso功課係交齊，但我成日走堂，冇聽過書，dse都冇掂過。我要講個事實比你地知，asso真係易過dse，唔係內容上，係唔會一試定生死，一份asm衰咗，之後都有得追，講個例子，我有份asmB+，最後嗰科grade係A。dse一次衰咗，就下年再見。我係去到4月頭先開始溫dse，我唔止retake一科，我想博高啲分，所以retake咗幾科（詳細唔自爆），去到今日係18號，大家都知係一定溫唔切。最pk嘅係，asso嘅4月係最L多test同asm，我而家日日都趕緊deadline同埋做pastpaper，所以我絕對明有幾L大壓力，我日日都好L想4（費事比ig ban，唔打隻字出嚟） 講咗咁多，我唔係想同你地講我有幾辛苦，都唔係叫你地衰咗dse就去讀asso，我想講嘅係，其實你總有一日要努力，只係幾時嘅問題，你而家唔努力，以後都要努力，以後就唔係你話到事，係被逼要咁做，你唔會有得揀。同埋你唔係一個人，好多人同你一齊suffer緊，攰就抖下訓一覺，你真係冇必要而家就博盡，你可以以後先，但你總有一日要博盡。同埋過來人忠告，如果你真係好不幸，唔可以直入U，asso同dse唔好全都要，唔該揀一個，揀邊個自己諗，唔好聽人講。最後，呢個世界好多勁人，我喺asso見到好多屌打我幾條街嘅人，佢地每一個都比中學名校band 1仔更加勁。都有好多好勵志嘅故事，例如dse根本冇去考，出咗嚟做嘢做咗幾年，之後去讀foundation diploma，再升上asso，之後gpa爆4上返三大。都有屋村中學band 3仔，入咗asso之後上返U，first

#NSS社會 [Guest] 想回應一下 #NSS220417G 我喺呢到並唔係想講你曬命，覺得你係唔係曬緊命嘅都係因人而異。 但我想講嘅係，冇錯，社會就係咁唔公平。「清貧嘅生活可以過得好精彩」，但有幾多窮人真係覺得精彩？有幾多人為左食餐飯而努力揾錢養活家庭？為左生活，不斷挨苦，食唔食到一日三餐都係一個煩惱。 點解會有仇富心態？點解有人會想成為有錢人？唔係就係因為佢哋經歷緊痛苦咩？佢地用嘅每一蚊都好珍惜。 未曾試過做窮人又點講得出口「清貧嘅生活可以過得好精彩」，諗得太美好，應該叫叫精神嘅人生，定累透嘅人生？尊重故然重要，但需要更多嘅係體諒。多一分體諒，多一分包容，都係尊重嘅一種。貧人嘅心情作為一個有錢人，我相信好難感受到，嘗試代入一下？睇下我哋嘅世界，我哋只能抬頭望向山頂，而你，如今係喺山頂俯瞰我哋。

#NSS個人 [Guest ] Hiiiii 小妺係三月疫情最嚴重嘅時候同屋企人一齊移咗民 因為係喺疫情最嚴重嘅時候走所以有好多遺憾例如冇好好同同學朋友出街見面 有好多想去嘅地方都冇去 好多想食嘅嘢都未有機會試 而家去到一個新嘅國家 朋友又冇

#NSS社會 [情景題] 篇野有啲費 會有曬時間 但都想問下咁多位 情景：你已經入咗去大堂到，距離屋宇大堂門口十幾二十步個到你見到有個阿婆（有少拐下拐下 可能係身形問題以致睇落有呢種feel)同阿叔（個阿叔睇得出真係身壯力健個啲 同高），50-60歲大約，各攞住個袋野，睇個樣又唔係話好辛苦 但都幾大袋，如果你見到呢個situation，你會唔會幫手開門？ 開：因為都有一段距離

#NSS家庭 [Guest] 是咁的，小弟真係好唔明白點解係咁。 小弟一直都鍾意打機，但係最近開始鍾意返PUBG 但係我老豆老母就一直都唔俾我玩PUBG，我真係好唔明白點解唔俾我玩。我問佢哋點解，佢哋就話我驚我識埋啲唔好嘅朋友。但係我想講，我已經中三，好唔好我自己識分辨。我哋仲因為呢件事嘈咗好多次，我真係唔想再嘈落去。 有冇人可以俾啲建議，thx

#NSS學校 [GUEST] 大家好，我係一個有重度抑鬱症同懷疑係思覺失調嘅學生。平時返學考試考全級頭十，同學都知我癲癲地。除咗精神病之外，仲有其他長期疾病，經常出入醫院，今年(2022)去醫院日數爭少少就多過喺屋企過夜嘅日數。想喺度問下大家意見同發洩自己嘅感受。 經常會發生幻聽幻覺，會聽到一堆人叫自己去死、飲酒(vodka, 本身鍾意飲vodka，但係因為會撞藥，又會比人送返入psy ward，一入就幾個月)、撞牆、𠝹手，呢堆聲會不停講嘢，一講就半個鐘。有時仲會睇到唔同死屍嘅樣，或者自己吊頸死個樣。可能大家會覺得恐怖，但係我可能比較冷血，好鍾意睇死屍、解剖，或者睇人死嗰一刻。成日會有個虛擬嘅對象同我傾偈，一傾又半個鐘，搞到我乜都做唔到，有時仲會同佢鬧交。 呢啲症狀一到考試測驗就好困擾，想專心讀書又讀唔到，大家覺得我係學霸，但係我今年成年張report card係0分，冇考到試，因為精神病入咗psy ward。 Point

#NSS學校 [Guest] 其實香港嘅教育制度有無問題？定係我問題？ (⚪旗袍學校) 啱啱個暑假本身plan主要溫書而唔係做功課 因為之後返學其實無咩時間可以溫書 加上一年其實好快過 dse真係好快嚟到 你會覺得一年仲有排啦 但係呢間學校入大學嘅機率幾低

#NSS個人 [Guest] 之前見到有個投稿係關於九龍塘別墅 其實我認為樓主有錢就係有錢佢只不過係陳述事實，佢全篇文章亦都冇大規模咁樣寫佢屋企幾有錢，同埋其實樓主14歲仲好細個眼界冇咁廣闊好正常，但係人哋好有禮貌同埋好尊重，完全冇貶低過其他人，其實我唔明點解你哋情緒會咁激進成日屌人老母，講真清貧都可以快樂呢句嘢係成立，你望吓之前嗰啲屋村都過得好快樂，自問我自己都唔係好有錢都係香港平均家庭收入，只不過係而家啲人好想同人比較，當然我唔否認啲真係好窮好辛苦，但係只不過係佔好少數，同埋講真樓主有錢又唔係佢嘅錯，你只能說佢投胎投得好好，如果你話佢係因為曬命所以你想屌佢，其實曬命係需要含有貶低嘅成份先算成立，有錢就要比你屌？佢有冇好誇張咁樣描述佢屋企，佢只不過概括講咗，講真窮咪努力賺錢，好多人都慘過你，佢哋老竇老母都努力過先咁有錢或者你即刻去死再去投胎，如果唔想嘅咪努力賺錢

#NSS學校 [GUEST] 我班上嘅同學唔係話好有錢，但係除咗我之外全部都住私人樓。之後復課學校會派檢測包比攞綜援、半津、全津既人，我就攞緊半津，一諗到全班同學望住我嘅異樣目光就訓唔著😢

#NSS愛情 [Guest] 我唔知我咁做算唔算係為咗愛情而放棄友情 長文謹入 話說小妹有一個超級好嘅閨蜜(關係同親姊妹差唔多)，咁我就佢啊A啦，但係因為一件事我哋已經冇再傾計(甚至可以為係絕咗交) 其實發生喺上年， 同我嗰個閨蜜識咗一個男仔(點識就唔講喇)，咁就叫個男仔做啊B啦，之後我同A都成日約B出嚟一齊玩, 慢慢我發現我鍾意咗B,睇住佢同A玩得好開心, 我有時都有啲呷醋(但係暗戀過人嘅人都應該知道呢啲叫做冇名份嘅呷醋), 所以我只可以扮到都好開心。

#NSS個人 [GUEST] 大家都知早排好多人都確左診，而我就係其中一個。但我只係用快速測試知道自己係陽性，冇去政府果啲機構度做檢測。果時都係爆得最勁果段時間確診，未有果啲咩快速測試上報平台，所以冇上報。咁問題就黎，黎緊疫苗通行證就話要打第三針，而我而家返緊嘅兼職都要求員工喺5月31號之前完成接種(冇可能唔返兼職，因為要自己交學費，屋企人唔會幫手比)。如果有康復者就可以6個月之後再打。但係因為我冇確診嘅證明所以係咪要打第3針？我係2月尾中嘅，如果我5月尾打，相隔都只係得2個幾3個月。想問下如果冇政府岀嘅陽性報告亦都冇上報係咪就一定要打第三針？或者有冇其他途徑可以再申請豁免書？另外如果康復同打第三針只隔2個幾3個月對身體嘅影響係咪好大？

#NSS其他 [Guest] 小弟前幾日凌晨喺屋企廚房開燈諗住斟杯水飲（屋企個斟水機放左喺廚房）一開燈就見到好幾隻識飛既曱甴，即刻覺得好噁心，殺又殺唔死🥲佢地真係爬太快，咁我諗住斟完水熄返燈返房繼續溫書啦，當睇唔到，點知溫溫下書見到有三隻細曱甴喺書枱到爬緊，仲要有隻喺床到，我即刻嚇到飛起，想知佢地點解殺極都仲有，佢地生少啲bb得唔得😭唔想同曱甴共存 大家對曱甴有咩睇法🧐

#NSS其他 [GUEST] 有冇人發覺屯馬線通車之後啲廣播變得好難聽，同以前西鐵好大分別 廣東話死氣沉沉feel 普通話好似就死、要斷氣咁 英文發音直頭變得好唔似英文(sor for 1999)

#NSS家庭 [Guest] 是咁的，最近屋企人身體好似差咗，我哋想帶佢哋去做全面身體檢查，但唔知邊個好。 我哋上網搵，見到勁多選擇，完全唔知邊個好，所以想請你哋幫手，如果你哋有經驗有諗法，希望可以話比我知。 我有搵過美邦醫學體驗中心，網上話佢係熱門，推薦頭三，但我睇有啲評論係態度差同埋機器設備唔太好，所以唔知好唔好 香港港安醫院-司徒拔道，我唔知佢得唔得。我諗住係揀眼科檢查套餐和致健計劃 如果嗰一個身體檢查裏無包含視力檢查，我就會另加一個檢查套餐 如果有其他更好意見，希望可以話比我知(｡･ω･｡)ﾉ Thxxx 小妹我中學生，未有太多資金，一個人大約只可以4000-5000左右

#NSS愛情 [GUEST] 小妹就快移民，唔知應唔應該表白好… 係咁嘅～我有個鍾意咗6年嘅男仔，叫佢A啦～ 我同佢小學二年級開始識（我三年級開始鍾意佢，而家f2） 我哋二年級到四年級都算frd，但係由五年級開始，我哋班啲男仔變咗完全唔同女仔傾計，嗰陣時我有諗過同A傾計，但係我冇見到有女仔同男仔傾計，所以冇搵佢，驚啲人覺得我好奇怪🫠🫠我哋嗰陣時真係要講嘢嘅話都唔會超過一分鐘;/ 不過我哋wts有班grp，所以我有佢電話 小學畢業之後啲男仔開始用ig，我follow咗A，佢冇follow我（佢唔follow任何人🥸） 畢業之後小學聖誕聯歡會嗰日我同A都有返去，我哋一句嘢都冇講🙈但係我有見到佢喺咁望我（唔知係我太樣衰太奇怪定我望佢佢先望返我><）同埋嗰陣時咁啱企喺佢隔離，聽到佢個frd好似話咩「xxx(我個名)follow咗你ig喎」然後A話「嗰個佢黎㗎原來」之後我個frd話去廁所，我就陪咗佢去，就冇聽到佢哋講嘢lu～ 嗰日隔咗大概兩個禮拜之後，A突然remove曬全部followers，仲喺bio寫”everyone

#NSS文化 [[GUEST]] 可唔可以咪撚再用「樓主」呢個詞？ 中國term嚟㗎，求下你哋香港人咪撚再用啦好嘛？ 「樓主」出處(資料來源出自於香港網絡大典)： 樓主一詞意思為一個題目或帖子的發起人，由大陸論壇傳入香港，在台灣叫作原PO。起源是因為貼子的第一篇文章（即發起人）多數都在一頁的最頂，而其他人的回文令文章好像一座樓，位於最頂的文章發起人就順理成章成為樓主。在大陸網民聚集的討論區內，樓主一詞常被簡寫為LZ，此簡寫來自樓主的普通話拼音「Lou Zhu」。香港的討論區也普遍接納了「樓主」此一用詞。 又話要守護香港本土文化，而家守條命咩…… Sor for

#NSS家庭 [😢😢😢] 有冇人會覺得自己屋企人好似弱智 小妹個家姐今年17歲 但行為得嗰3歲咁 佢平時會喺我上Zoom嗰陣唱歌，仲要勁大聲，全屋都聽到勁嘈 佢成日喺度bang門，之前我間房嘅門俾佢搞到鎖都壞左，依家開閂門超級唔方便 又成日會喺屋企卡住啲路，扮打籃球喺度卡位咁 屋企本身已經細 佢又肥又喺度卡住曬，有時我趕時間叫佢借開下都唔聽

#NSS家庭 [GUEST] 我尊敬你，因為你係我長輩，但唔代表你可以一次一次咁恰我 講返少少背景先，喺兩三年前，我老竇為咗退休有層樓可以住，不顧全屋企人嘅反對，堅持要我哋同阿嫲住。就係因為咁，我被迫犧牲自己同阿嫲同一間房，而佢就成為全屋最大贏家。 你哋可能覺得同一時間房瞓啫有咩大不了。但係我想講，因為我阿嫲以前長時間獨居嘅關係，再加上好鍾意儲垃圾，我間房大半都比佢霸咗之餘，仲要嚴重被佢影響到。我天生個鼻係好靈敏（人哋永遠聞唔到，我聞到嗰隻），同埋瞓覺好易被周圍環境影響到。但自從同佢同房瞓，我每晚都被陣老人味同埋白花油影響住，戴2個口罩先得。最慘係，作為dser，睡眠質素係十分十分重要，佢每晚瞓覺都開口講嘢，有時仲尖叫。終於度瞓到個時，佢三、四點幾起身⋯一起身就喺房到執嘢伴隨住啲十萬個膠袋聲仲有行路tab tab聲⋯想瞓安穩覺實在係來之不易！！ 仲有，我哋屋企講明食飯期間係唔準有聲（包括講嘢丶食嘢jap jap聲）。阿嫲一嚟就打破曬所有規矩，佢仲耐唔耐都噴啲嘢落飯餸到，超噁心！超無禮貌！！之後有同老竇講返，希望佢希望叫阿嫲注意返少少啦，但阿爸就話「一家人怕啲咩口水啫，佢都未嫌棄你，你有咩資格嫌棄佢！你好唔孝順！」我心唸冇嘢啊嘛？！唔知係咪咁，我就比阿嫲針對咗。 講難聽啲，佢人前人後兩個樣嚟。之前有次暑假好熱成30度，正常人都忍唔住要開冷氣，開咗冇10分鐘就突然同我熄咗。仲喵嘴喵舌咁同我講「我好凍吖嘛」，但嗰時佢仲著住超薄嘅短T。我就同佢講「你凍就著返件長衫，再唔係就著件褸囉，你咁多衫又唔著。」可能知自己鬥唔過我，喺我阿爸面前扮曬蟹，流曬眼淚咁講「我好凍吖～個孫唔比我熄冷氣，唉算啦算啦⋯家和萬事興，唔好為咗咁就嘈啦」我真係反咗個白眼！明明我咩事都做錯，但偏偏比人鬧比人兜巴星又係我，又話我唔尊敬長輩，叫我抄弟子規⋯⋯ 唔淨止我，好幾次我同阿媽都勸佢唔好執返垃圾筒啲嘢食返，咁樣唔乾淨唔衛生，出發點係為咗佢好。但係佢唔領情，仲話我哋想佢快啲死，早啲拎遺產等等⋯⋯⋯

#NSS學校 [Guest] 我係男仔，但係我把聲有啲似女仔…（有啲女仔會稱為正太音？） 因為呢個原因令到我俾人話係乸型 我真係唔理解囉，把聲又唔係我自己選擇嘅… 我係咪應該轉學？ （希望可以po上IG💦）

#NSS文化 [[GUEST]] 是咁的，我有個諗法想邀請各位一齊討論下。 今時今日香港文化逐漸被剝奪，較多年輕一代會選擇用普通話嚟交流。我認為我哋應該要保護香港本土文化，但係隨住時間嘅流逝，我開始意識到一個問題。 好多香港人講嘢會中英混合，雖然英文都係香港嘅法定語言，加上現時唔少中小學都會用英文嚟教書，但平時聽到啲人句句都中英文混合哂嚟講(呢度只針對每一句說話都會中英混合)，多多少少會覺得其實保護香港本土文化係咪只係香港人用嚟對抗本土文化漸漸內地化嘅口號。 希望大家可以理性地參與討論。唔好意思，我表達能力同邏輯性好弱，求輕力啲鬧。 Sorry for 1999! 麻煩哂Admin！