#NSS愛情 [SMCESPS] 我們在中一就開始認識了。 初中那年就被他那大方且暢談的性格所吸引着，碰巧地，我們話題都相近，又在課室坐在一起，因此很快便成為了朋友。有時在課堂時，會以很嗲的聲線求我答他的問題，令我些小困惑但又帶我幾分樂趣，可惜我要求他再説一次時，他卻裝模似樣地無視了我，裝在教科書上思考著題目。 有一次，我開玩笑地跟他說:「喂，你這樣很容易被男人上啊！你是想當受嗎？」「才不會呢！我一定會當一個攻！」他那時裝著鬼臉，信誓旦旦地回應了我，那副模樣至今歷歷在目。那時不知為何，總覺得他十分可愛。 轉眼間，我們踏上了高中，我亦開始慢慢察覺到我對他的心意。有時，會傳來一些「緋聞」，有人問他「你是跟他在一起了嗎？」他沒有點頭，亦沒有搖頭，而我只是笑着回道：「哈哈，不要想太多，你這個幻想症候群的腐女！」可我看着他那無動於衷的模樣，我心中加了多分憂慮。 儘管他是一個不會歧視同性戀的人，亦很痴我身，但是我沒有那股勇氣去告訴我的真意，唯有把那份心意默默地留守在心中，只因為怕失去一個我最珍重的人。 近年，政治局勢的影響，雙親都毅然打算移民，儘管如此，他們亦把主導權放在我的手中，讓我打算。可是思索許久，我卻不能決定自己的去留，心中一直忐忑不安。然而一與他聊天，心中那份不安便蕩然無存，反而更舒暢了起來，彷彿要移民這個想法打從心底地消失了。開學數天，我已經一次一次地克制自己與他相處，怕的是會影響自己決定，怕會令自己心軟。 逼於現實之下，我能做的是繼續陪伴他，選擇一個沒有未來的未來，還是選擇背叛自己，到外地重新開始？ 文筆差，請見諒
#NSS個人 [GUEST] 麻煩admin 快小小po ig！！！🙏🙏🙏 是咁的 小弟今年f4。8.20個日唔小心撞到隻右腳，咁撞到當然就係淤左la。個幾日都冇點理佢。但係過幾日之後右邊大臂開始痛，係側邊痛。我以為係自己坐姿唔好所以就擦左d藥油。後尾就消左淤。 8.27個日開始唔對路，隻右腳開始麻木＋間歇性痛。我又疑心重上網check，結果係check到骨癌（惡性腫瘤，治癒率較低）。d症狀基本上都對岩塞。（膝頭下面有塊野突左出來，但奇怪嘅係我左腳都有，不過冇咁突）我就勁擔心，日日訓唔好，越諗症狀就越重，基本上已經默認。但係因為就黎開學所以就打算再觀測幾日。 然後到左9.1，時不時就痛幾下。我心諗再係咁真心唔得，然後就同我媽講帶我去睇醫生。我媽話我大題小做，然後鬧左我好耐，話我疑神疑鬼。話我係睇手機睇翻來，細路仔點會有事之類嘅說話。因為佢本身係物理治療度做姑娘。然後我老豆就係推拿師，佢地兩個就幫我整左幾下腳。整完隻腳變到又腫又痛，隻腳有幾個位又淤左，行路都痛。 其實小弟已經求左佢地好耐，希望佢地帶我去睇下醫生照個x光都好。（利申係有買保險）佢地一直係度鬧我，話我唔懂事，又話我再係咁遲早死快d。但隻腳一直痛我真係頂唔順。
#NSS家庭 [Guest] Thank you admin 我係屋企嘅大家姐，有兩個細過我嘅。咁我最細嘅細佬宜家小六（我大佢四年），唔知點解越大越曳…話說佢呢一年幾迷上咗打機，日日返完學就對住部電腦，放假都係。因為我阿爸有管屋企嘅wifi，所以有時佢會閂wifi。然後我細佬就發脾氣，又喊又打咁係到打阿爸。之後仲唔覺得自己做錯，喺到話因為阿爸冇開wifi唔畀佢打機所以打佢…嗰陣我喺屋企睇到 超想喊……點解我會有個咁嘅細佬。 當我阿媽係細佬隔離嘅時候，我細佬就攞阿媽部電話嚟打機，有時阿媽唔畀然後佢就會搶阿媽部機。鬧極都唔聽，成日覺得自己好委屈，自己冇錯。呢年我唔知佢邊度聽返嚟啲粗口（唔會係我哋屋企因為冇人會講），開口埋口就一句，對住阿爸阿媽講嘢好冇禮貌，對住我工人就仲衰啲，好似自己大晒咁。幾個月前細佬偷咗我同工人啲錢去買佢打機啲嘢……（唔講幾多不過都唔少），屋企人知道咗就話想報警，但最尾都冇報，話畀次機會佢，條件不過係要佢溫書，同埋唔畀打機。但係幾個月嚟佢冇溫過一次書，仲係不停咁打機。 （我講嘅嘢冇一啲都冇誇張到） 細佬今年要程分，再咁落去乜學校都冇得佢入，如果操行再差，就真係冇學校想收佢……有咩方法可以救下咁嘅細佬……連阿爸阿媽都搞佢唔掂，我講多句細佬唔啱聽嘅就鬧我（好似佢係我阿媽咁）。我真係好無助，好想幫佢變返好但係我要點做……
#NSS學校 [屯門區某垃圾但自稱Band 1A中學] 是甘的，話說我哋學校就專門請咗個老師嚟教我哋寫notes，仲要計埋考試分，簡直就係癡X線嘅政策，離曬大譜！試問大家學校邊度可能有啲咁X離譜嘅政策？