#NSS愛情 [CCHSS] 真心，如果男朋友有多過五個女bestie，而且好少男仔frd，係咪唔建議繼續一齊？成日見到佢同D女仔frd玩，但佢話係純友誼～

#NSS愛情 [讀南區中學🤡] 扮暗戀搞到絕交🥲 小妹個名P字頭，唔知點解要講但係是但點都好啦，希望大家會有耐性睇。 我之前有個男仔frd（簡稱👦🏻）啦，咁須然唔係話成日出街嗰啲（現實識），但係都keep住有聯絡（chat&call）咁都叫做係唔錯，幾frd咁啦。 咁呢我有一次呢就玩真心話大冒險，揀咗大冒險。啲frd逼我扮暗戀👦🏻。其實所謂「暗戀」冇同好多人講，但係唔知點解傳開咗，俾一個唔係好鍾意我嘅人（簡稱🙄）知道咗。 啊🙄就唔知點解有咗👦🏻嘅ig，跟住兩個變得好frd。（我之前已經有同👦🏻講過🙄同我之間嘅事）跟住到我質問👦🏻點解同🙄咁frd。（因為我同🙄之間好多深仇大恨）然後👦🏻就九唔搭八無端端話：「啊🙄話你鍾意我，係咪真，如果係我就blk你。」咁我冇鍾意過佢當然就話冇啦，但係佢根本唔care我講咩。就話：「ok暫時信你，但係我會照blk你。」咁我就開始對佢反感，因為發現原來佢根本冇care過我，最後互blk咗。 之後我得知個男仔原來一直都覺得我好煩，好失望。因為我都當個男仔係close frd… sry咗咗大家咁耐，多謝你地睇我訴苦，希望可以評論下？（自己都唔知講緊乜，純粹想有人聽下）

#NSS學業 [guest] 小妹有個拍左拖接近半年嘅男朋友，最近有一個少少嘅煩惱。 我同男朋友都係讀band 1學校，佢成績不嬲都唔錯，琴棋書畫都冇問題，仲係一個好孝順好聽屋企人嘅話嘅人。 兩三年前佢同過另一個女仔喺埋過一齊，佢前任有少少似恐怖情人，拍拖冇耐就開始日日鬧佢打佢，質疑佢係咪同其他女仔出軌，原因可能只係上堂問下功課又或者傾project。唔知係咪因為咁，佢份人到依家都冇乜自信心，好自卑，覺得自己好冇用。 我爸媽由我細細個開始，只要我開口話想學，佢地就會放手俾我試，好快我已經搵到自己最鍾意嘅興趣，細個開始已經想將佢變成我大個嘅職業。依家喺爸爸媽媽嘅幫助同支持之下已經大概plan好大學想讀咩科，以後出路會喺點，算係有個清清楚楚未來嘅方向。 相反，我男朋友依家對未來都係好迷茫，就連高中揀科都係佢父母幫佢揀或者純粹嗰啲科成績比其他好。有時候更會因為自卑嘅性格搞到佢日日話自己不如做廢青算。我知道其實佢自己都好唔開心，見到我同佢嘅對比就更加覺得自己好冇用。我好想幫佢，但係完全唔知要點幫，有試過同佢用篩選嘅方法睇下會唔會幫佢搵到嘅目標去發展，但係都係失敗。 見到佢咁苦惱同唔開心，我都好擔心佢。究竟我可以點先幫到佢🥲 sorry

#NSS個人 [Guest] 我從細到大就好排斥人哋。 無論係人哋嘅接觸、話語等等，我知道表現出反感會令佢哋唔舒服，所以一直都會扮得笑笑口，結果人哋成日都覺得我外向活潑，覺得我開得笑。但其實我心裏面真係沮咒緊佢去死。。。有時候諗好多負面野都壓抑喺心裏面，讀中學嗰陣知道自己人生只有DSE一條出路，就博命讀書，然後讀上大學就發現其實根本唔係咁樣⋯⋯咁理想世界再次被拆散嘅感覺。我變得更加討厭人哋嘅接觸同交流，又驚俾人講我懶清高。 我其實有好嚴重嘅精神潔癖，我知道係人都係有缺點但係我就係接受唔到，我好鍾意透過一件小事無限放大人哋嘅缺點，所以我冇咩真正嘅姊妹，大部份都係sem快完先約溫書，每個一個階段就會轉晒啲friend。同埋我都唔想同佢哋做friend。。。我覺得同人傾偈好攰。又要諗人哋嘅諗法⋯⋯ 最近一直係依種情緒下好痛苦，中學嗰陣已經有搵個社工傾偈結果人哋覺得我冇抑鬱症冇抑鬱傾向所以冇所謂，反正排心理學家要排好耐⋯⋯所以我都放棄咗搵人醫療呢個方法。 前幾日約人出街食飯，可能真係已經唔識點樣同人溝通，佢直接用好婉轉嘅方法同我講「你真係變咗好多喎」、「屋企有冇發生啲乜事呀？」但係我認真完全不需要佢哋嘅關心。我淨係想將自己關係一個密封嘅世界：

#NSS家庭 [Guest] 前言:本人寫此文章,係因為見到有樓主寫佢老豆迫樓主要十項全能,而我處境又有啲同佢似,所以決定俾各位評下理。(先抱抱該樓主+長文慎入*) 小妹同樣中一,啱啱十三歲,讀band 1A新界區中學。我一樣想講我老豆,希望大家會用心睇。 我老豆好想我做音樂人,可能佢以前讀書唔掂做唔到,所以不斷迫自己個女向呢方面發展。我唔知係咪個天都想我做,我四五歲左右就識玩作曲填詞。 你可能會諗,一個幼稚園小朋友寫嘅,九成九都係亂作一通唔成文章,但我偏偏唔係,當時好識押韻,連人哋家長,甚至親戚都大讚,而細個睇譜好叻,作曲係用數字簡譜,所以老豆好開心。依家睇番,其實都應該有啲料。 佢喺我五歲半就開始覺得我係佢嘅未來希望,佢嘅夢想,甚至當我天才咁,唱歌,beatbox,結他等等都叫我自學。細個其實唔明佢講咩,咁佢開埋俾我睇,我就有樣學樣。beatbox我算係咁,兩年左右就識大部分發音技巧,而眾所周知,唱歌自學真係好難,我自學咗四年,都未算穩陣。 當然啦,幾年嚟老豆都會迫我作曲填詞,之後show俾佢同事睇,佢設立咗「曲詞制」,內容係作曲填詞一首五十蚊,三個月內無一首,就要倒貼一百蚊,重嘅話可能真係打。 佢仲成日會拎我同人地歌手比,睇全民,佢話人地有樣有才,我就垃圾不如,又話幾號係我學習榜樣。睇聲夢仲衰,由於個個都十四五歲,同我差唔多,所以老豆會話,人地同我咁大,有知名度,有才華,而我就不過係過路人。當下我好嬲,我心諗,你五十歲大叔又唔見你唱得好…

#NSS學業 [Guest] Admin pls po ig🙏🏻 小妺今年f2，呢個假期前啱啱轉咗校，覺得讀得好辛苦。 自問我自細無乜書緣，以前讀緊一間都算出名嘅小學，全級排名都係得中下，後來入咗一間band2a嘅中學，但屋企人同親戚一直都對我有啲期望，佢哋好想我有好嘅成績可以入到U，所以中一兩次考試我都叫有博命溫過書，排名係中間。到咗中二阿爸阿媽同我講希望我轉校，佢哋話band1學校容易入大學，我都冇拒絕，因為中一排位個陣佢哋已經想我入呢間學校，只不過個陣派唔到。 點知間學校真係收咗我，我就係放特別假期之前半個月開始係呢間新學校上堂，但真係好多改變，以前個間學校大部分科目都係中文教，而家好多變哂英文，有啲課題係我轉校之前老師已經教咗，而我舊學校未教，所以我有啲課題根本唔識，仲要全部變哂英文我完全睇唔到。不過而家間學校放假個陣都有幫我同埋某啲同學補課，但上堂時間短之餘啲老師仲講得好快，有啲課題仲要我哋自學。每次一打開書就係成堆我睇唔明嘅英文同數字，加上我又無補習，唯有靠自己讀，但好多真係無人同我解釋我理解唔到，我又無乜朋友，有唔明都唔知問邊個好。 除咗理解唔到老師教緊乜之外，英文就係最大嘅問題。我本身英文已經唔係特別好，而家仲要大部分科目變哂英文，之前我用中文背書大概一個半鐘背到2-3頁notes(我唔知呢個速度算唔算快)，但而家我要2個鐘先背到2頁，仲要過幾日就唔得啲字點串，啲句子點寫，我而家日日係屋企搵書，但過咗一個月都只係明白咗幾多簡單嘅數學同sci課題，好快又開返學，好多嘢特緊我去學去溫，但我連最基本同簡單嘅嘢都唔係好handle到，所以想問吓各位師兄師姐，有冇咩讀書同埋背書方法可以解決我而家嘅問題🙏🏻🙏🏻，好驚今次考試成績唔理想會令屋企人失望。

#NSS愛情 [［GUEST］有個問題困擾咗我好耐] 係咁嘅，我上年表白過一位女仔，我鍾意咗佢3年。 我本來一開始對佢冇感覺，只係當佢係bff，我係屬於突然鍾意嗰啲人（？佢係屬於嗰啲中央空調，佢對咩人都好好，可能因為我同佢係bff，佢對我係唔同啲？ 我去問過我啲網友，佢哋都同我講「勇敢啲講出嚟啦～」，但係我真係講唔出口，我細個冇咩朋友，上到中學我先開始有朋友，加上我係女仔，對方都係，我真係唔想因為咁樣冇咗嗰frd。我最後都係去咗表白，可惜佢同我講「sorry，我唔搞gay」，證明咗我同佢冇可能，但係好彩佢都仲係同我係frd。 雖然佢拒絕咗我，但係我始終都係放唔低佢，佢以為我已經放棄咗佢，但係我而家仲暗戀佢。我啲frd好仲意佢同我哋班某一位男同學嘅cp，我口講話我自己都係，事實上我心裏面好難受。 我真係想放下呢段暗戀，我應不應該去坦白講我仲鍾意佢？ 本人有讀寫障礙sry 1999😢

#NSS愛情 [Guest] 真心，如果男朋友有好多女bestie ，係咪應該分手？

#NSS學校 [[GUEST]] 《關於我小四時與同學欺凌了一個同學這檔事》 事情發生喺我小四時，有四個女仔與一個男仔嘅「美好」回憶。 喺小四時，我同另一個女仔(簡稱A)係女班長。另外兩個女仔係中文服務生，其中一個係teacher’s pet(簡稱B)；第二個就成日串9男仔(簡稱C)。而被欺凌嘅男仔，就因為體臭問題而被排擠(簡稱D)。 就咁樣，開學冇幾耐，A,B,C就因為D好臭而喺度喑自討論，而我當時亦都在場，內容大概係：「D好臭、唔好接近佢，如果唔係要被佢臭到暈……之類嘅嘢。」 大概一個禮拜後，我哋嘅行為亦都變本加厲，由暗自討論，變成喺數簿時見到D本簿，會特登要拎嘢去夾佢本簿，而我當時覺得佢本簿冇乜特別，但為咗維持呢段「友誼」，而選擇同佢地做一樣嘅嘢。(補充一下，當時班長要幫服務生，男女總共有四個班長，有正、副班長之分，所以我哋兩個班長成日都會去「幫」B,C) 而欺凌，永遠都唔會減少，只有越來越多嘅痛苦。慢慢地，我哋嘅行為已經等同於直接同D講我地要欺凌佢，例如：直接扔D本簿落有水嘅洗手盆、洗完手特登整d水上去D本簿、有意無意咁喺佢附近講佢好臭⋯⋯當時我意識到好似over左，但又唔敢反抗ABC，只好默認係啱嘅行為，所以只係袖手旁觀，親眼望住ABC所做嘅「正確」行為。 直到上學期就結束，某次調位，C被調到D隔離，然後C突然之間發現佢冇想像中咁臭，而同我、A、B講，至此之後亦都冇欺凌過D，甚至C同D成為左好朋友(依家回想返，覺得C同D到底以咩心態去面對對方?????)

#NSS家庭 [Guest] 長文慎入*純發洩以及想聽下大家嘅睇法 寫呢篇嘢係我情緒非常激動 以及老母同佢maybe男朋友 呢度叫佢k 喺隔離房扑嘢嘅時候寫嘅 難免有啲1999請見諒 我幼稚園嘅時候父母就成日喺我面前鬧交 最後離婚收場

#NSS學業 [GUEST] 2022 dser心聲 😢 唔知大家係唔係咁 最近壓力就嚟爆煲 開始喺度就算我考完dse入到大學或者入唔到咁又點？ 其實大家都知入到大學唔係天堂 唔係唔使讀書

#NSS個人 [GUEST] 咁小弟就係gay嘅，咁我一直都好想搵一個人坦白同埋傾吓一啲關於同性戀嘅心事，而我就有兩個最好嘅朋友，一個男(利申非男友），一個女（利申非女友），我同佢哋兩個之間除咗呢樣野之外都冇乜秘密架啦，所以我想問吓各位我應該向邊個坦白先會冇咁尷尬呢？thx

#NSS家庭 [Guest] 我F3 阿媽朝早六點幾返工，夜晚十點幾返到屋企，係我都差唔多瞓嘅時間。 阿爸一年見一次（婚姻問題啦 ． 主要想講，我同父母相處嘅時間好少，基本上同阿媽一個月講兩句嘢，同阿爸更加冇。阿媽早過我起身，返嚟我又瞓咗，即係住同一間屋幾乎冇見過。 · 屋企人為咗賺錢好辛苦，日日得我係屋企好空虛🥺

#NSS學業 [GUEST] Hi我要揀科喇！想讀Phy Chem Bio但係數學唔係太好，IS就全班第一。請問如果數學能力唔係太好，仲讀唔讀到Phy Chem Bio？ 唔該晒admin 唔該晒咁多位

#NSS個人 [GUEST] 見到 #NSS220514O 同埋有時 @nss_heart 嘅post 都想講下自己 小妹今年F2，基本上由入去呢一班頭幾日，已經知道自己係班入面好難識朋友。 (╯﹏╰）頭一個禮拜已經覺得班同學性格好低能，仲要幾乎個個都係咁，成班小學雞咁。係班入面，我可以全日近乎一句都唔講。班主任又低能，隨時陪D同學一齊癲，仲要到返轉覺得我有問題。我係學校朋友數量都寥寥無幾，咁樣我隨時真係冇朋友。

#NSS家庭 [Guest] 唔知呢啲係正常定係管得太嚴… 屋企人成日以我太細個（F1）同埋擔心我嘅理由禁止我踏出家門（除咗返學） 放學必須準時到屋企，遲1秒都唔得… 我交咩朋友，佢哋都要管住晒😡搞到我小學三年都冇朋友，小息淨係孤零零一個坐喺長凳度望住其他人玩🥲後來有咩朋友都唔會同佢哋講🙂 可能係因為缺少同同齡人嘅溝通，搞到我有啲社交恐懼症，因為唔識溝通，所以唔敢接近啲人😭社交恐懼症真係帶咗好多困擾俾我，例如喺說話考試嘅時候，我一粒字都唔敢講，答問題嘅時候，我識答我我都係唔會講出嚟…老師俾支咪我嘅時候，我會驚到震，同埋呼吸困難👀係答問題嘅時候，覺得全部人都會望住我…然後屋企人又會怪我太內向，佢哋咩都唔知㗎啦，淨係覺得我內向，佢知唔知咩叫社交恐懼症啊😡再咁樣落去嘅話，我可能會有自閉症㗎啦🙂

#NSS愛情 [Guest] 鍾意咗一個男仔四個月，因為怕醜一直都冇打算表白，啱啱得知佢仲有大概兩年半就要移民，應該點算好

#NSS家庭 [[Guest]我有个好燥嘅阿嫲] 小妹今年13，由细到大，因為家庭問題所以我父母係我3嵗嘅時候就离左婚，我嫲嫲就做左我嘅監護人,佢都算系唔半个啊妈。 咁多年黎，我嘅日常生活都係由佢帮我做，從來都唔俾我做任何家務，但問題係佢成日都话我唔識帮佢做d野，我曾經都有试過问佢俾我帮佢洗碗，但佢只会话我做野一定冇好野发生。 我想做d咩佢都一定会否认我，闹我，就有一次我只系想影张相，佢就话我一定系想send裸照俾其他人，只要我做嘅野佢唔鐘意，佢都会同我闹交，甚至系离家出走。有一次，佢就因为我冇开屋企嘅风扇而离家出走。只系区区一个风扇！！ 而每次闹完交，永远最后道歉嘅人系我，每次道歉之后，佢就会话我嘅成绩，话我点解唔好好读书。其实呢一切系唔系我嘅任性而发生呢d野。 圖Link: https://www.xiaohongshu.com/discovery/item/6259178a00000000010251d3?share_from_user_hidden=true&xhsshare=CopyLink&appuid=5f1e97b600000000010020f2&apptime=1650005909

#NSS學業 [Guest] 其實我一直有個問題諗唔通，就係其實溫書嘅定義係乜，我依家放F3就嚟要科，但其實我一直都唔係好知要點樣溫書，我平時數學就瘋狂做題目攞經驗，中文淨係背題目背課文，其他科學地理嗰啲就係理解左再背生字，但其實我一直唔知呢種溫書方法係咪啱，如果係嘅話係咪即係溫書就代表背書，考試係咪考記憶力，只要背晒啲嘢就可以拎到高分？ 🙏🏻🙏🏻希望admin揀中我

#NSS個人 [Guest] 小妹今年DSE應屆考生 疫情嚴重加上就嚟要考DSE心情有啲沉重所以要同啲friend傾吓計 所以大部份同friend都係IG度交流 但係近排發現自己有一個好嚴重嘅問題 就係當我見到某一個friend之前係有出過story 但係之後再去睇返嘅時候發現成個Story唔見咗 IG上面show佢係「冇動態」狀況 跟住我就會擔心係咪我自己做咗啲咩所以俾佢hide