#NSS家庭 [guest] 每次同阿媽嘈交果陣 佢都會問我對呢個屋企有咩貢獻 我應該點答佢🤷‍♂️🤷‍♂️🤷‍♂️ ＊宜家中五

#NSS家庭 [Lkl ] 想知大家會唔會同屋企人出櫃，會嘅話會點做 小妹因為屋企人好開放，加上阿媽都係bisexual，所以食飯嗰陣時就好輕鬆講出自己係bi 但小妹身邊有個lesbian,佢一直都唔敢出櫃，因為屋企人比較傳統，見到佢每次講起呢啲嘅時候都好唔開心，所以一直好擔心佢。 希望大家俾啲意見🙏🏻

#NSS愛情 [GUEST] 小妹鍾意咗一個女仔frd 我唔知可以點做 我好驚如果比佢發現咗 我哋會連frd都冇得做 我睇住佢同另一個男仔曖昧 我真係好痛苦 但我又好想佢得到幸福

#NSS學校 [HSS] Pls po IG thx 小妺中二，近呢幾日知道自己升左咩班，都幾滿意，係精英班。 俾人加左入WhatsApp 班 grp，尷尬嘅係其中一個同學叫我哋自我介紹，數下數下我都係第尾幾個自我介紹。

#NSS愛情 [Guest ] 鐘意咗個男仔4年，同佢喺中二嘅時候係一齊坐，一開始覺得同佢傾偈幾開心，不知不覺就鐘意咗佢。但係升咗中三之後就冇再同班，冇再有咁多交集。中四嘅時候有啲停課嘅時間，我同個fd就開始一齊打機，我個fd 又邀埋個男仔同佢啲fd 一齊打，我哋開始又講多咗野，又成日一齊打機，我就多咗搵佢。但係每次返到學校，我哋都係好尬尷，我哋好少會喺學校主動搵對方，我覺得佢應該知道我鐘意佢。我有試過約佢出街，但係佢拒絕咗我，同埋好多時候都係我主動去搵佢傾偈。我最近諗呢件事諗到好煩，我唔知我應該放棄定係點好。

#NSS個人 [depression] 有冇人知道，抑鬱症發作可以點算？ 我本身有自閉症，我完全唔識同人相處，本身我個情況都唔係咁嚴重。一開始我好好彩識到幾個朋友，因為不停同人交流所以情況都有好轉，至少唔會一句起兩句止，後尾被人背叛，我完全接受唔到，自此之後我完全同唔到同學講野。我e家好憎同人相處，有時同學同我講野我都已經想打人，我覺得佢地好嘔心。 我e家個人好似失晒憶咁，我對以前發生過嘅野完全冇印象，就算有都係好模糊，同學名唔記得七七八八。一到小息就反鎖自己係廁所。我曾經界手界咗10幾次，大概千幾刀，但係詳細係點冇晒印象。有時會失控dum野，dum檯dum凳都試過，一野踢到自己骨折都試過。當我遇到、見到、諗起啲唔公平嘅野就會失控。我已經好耐冇睇過ig同新聞。 我一直有食藥，都已經換過幾隻藥，但係完全冇用，就算增加劑量都冇效。自從食咗藥之後，我啲頭髮開始甩色，原本黑色e家變咗啡紅色，連其他人都問我係咪染過髮嚟，好掛著以前嘅髮色。 我有時瞓15-16粒鐘，有時通宵都瞓唔到，我已經好多日冇瞓覺，我唔想翻學，一諗到翻學就好辛苦，個心口好痛。

#NSS學業 [guest] 講一下背景🙆🏻‍♀️小妹現時升f.5 仲有一年半就dse，雖然係學校級排名保持住top 3 (但排名高≠成績好)，我平均分得 C，讀緊中文中學而且仲係Band 3，唔係話所有中文中學同Band 3唔好🙇🏻‍♀️始終有啲蝕底。最近想補習希望成績再有進步空間，我都有上網check過，但未試過唔知好唔好，唔知各位有冇好介紹🙏🏻🙏🏻🙏🏻 *主要中英數!!!

#NSS其他 [Guest] 一個講咗好多次大話嘅人是否有一個機會被人原諒？ 小弟第一次投稿，屌細力啲🙇🏻‍♂️🙇🏻‍♂️🙇🏻‍♂️講返背景先，我同A，B先生同埋C小姐喺同一間學校讀書，A先生曾經誣蔑我，而佢亦曾經講大話呃C小姐令到我哋都唔係好相信佢。 話說今日我同A先生吹水，同時間亦用iPad 同B先生同埋C小姐傾緊計。當C小姐知道A先生話佢無呃C小姐，要求當面同A先生講。於是我就加咗A先生入去我哋個視像嗰度。結果，A先生入咗嚟就比C小姐鬧佢點解要講大話。結果我自己亦都忍唔住攞之前A先生屈我嘅事情鬧佢。結果佢用「我唔想咁樣做」「我唔係特登咁樣做」來做藉口，當時我已經非常之生氣，但是我相信他。 大約20分鐘之後，C小姐開咗個group繼續鬧A先生。當時我其實已經冇咁生氣，所以我就同A先生講俾最後一次機會佢（當時B先生同埋C小姐仍然不相信他） 結果，唔夠幾分鐘，佢又講咗大話。我PM佢問佢點解我要俾多次機會佢，但係佢就話：「佢好想改變」其實我好想俾機會佢因為我覺得佢係可以改變，但係個現實係佢唔珍惜我俾佢嘅機會。我依家好迷惘應唔應該俾多次機會佢…

#NSS個人 [[GUEST]] *最近小弟嘅一位朋友遇到少少困難，以下文章我會代入我朋友向大家講述經過。 「喺大約一個月前我離開香港去咗外國讀書。我自認喺香港人緣都唔錯，時不時會約friend出去high 下，都玩得幾開心，我臨走前佢哋仲有搞歡送。 不過自從我離開香港之後，發現我哋之間嘅友誼開始變淡，有時我會send個message俾佢傾吓計，又或者share 一下最近發生嘅趣事，不過得到嘅回覆成日就係一個sticker，甚至直接已讀不回。 其實佢哋係咪真係冇當我係friend？仰或是純粹係我太多疑？友誼其實係咪真係咁子虛烏有？我真係有當佢哋係friend，不過最近發生嘅事令到我好迷惘，我唔希望我哋嘅友誼就係得咁上吓。」 第一次投稿，真心希望可以幫到嗰位朋友，要屌嘅請屌細力啲，thanks. Sor

#NSS個人 [Guest] 小妹今年升中三，本身份人比較內向，得幾個friend。 而且成績麻麻地，平均得60幾分，f2全班成績排15，但係f3比人分左去學霸班，本身班friend散左，去曬唔同班( ; ω ; ) 全班有1/2都係外來生，而其他學霸又唔friend。仲有幾日返學，唔知返學第一日應該自己坐定同其他人坐，唔想無端端插入人哋班friend度，而且唔識點樣同人傾偈，驚無話題好尷尬，又唔想無friend 做邊緣人(;´༎ຶٹ༎ຶ`)

#NSS個人 [GUEST] 其實我係米冇未來？ 我今年21歲，半年前讀完asso，但對果科冇興趣，成績好差上唔返u。 同時因為讀asso期間發生咗好多唔開心嘅事，依家已經冇晒讀書動力。 服務業嘅Part time我做過唔少，但自問冇咩特別技能，有都未至於可以用嚟搵食咁專業，屋企亦都冇咁多錢俾我去長期學野。 我亦都冇咩人脈關係可以利用。 咁大個人唔想再靠老豆老母，我點都會有一日獨立ga ma，但我對未來完全冇方向，我唔知自己有冇能力養自己，成日都要為未來擔心。

#NSS愛情 [Guest] 那個讓我迷戀的是你 讓我哭的是你 以為你會喜歡我 卻只有自己一廂情願 以為你會找我 卻只有空虛一場 不想再打擾你 沒有膽

#NSS愛情 [GUEST] 其實好老實講我完全唔明點解啲人會歧視同性戀。即係，我鐘意食榴槤，你唔鍾意，冇人會歧視我ga ma。咁…人地鍾意同自己同性嘅人，點解就要歧視人呢？ 好啦退一萬步，你真係唔鍾意LGBTQIA community，咁你mai唔好理佢地lor，又冇人用把槍指住你額頭比你同佢地拍拖結婚，無視佢地mai得lor，人地又冇阻住你返工返學，你繼續同異性拍拖，佢繼續同自己鐘意嘅人拍拖，有咩問題？ 所以，真係唔明白啲何姓議員點解咁討厭LGBTQIA community。冇人要求你聲援佢地，但係至少唔好歧視阿。咩病毒？咩有失體面？知唔知道其實黑天鵝、獅子、企鵝、海豚等嘅動物都有同性族群？既然有失體面，點樣解釋呢啲大自然現象？ 好啦最後多謝大家睇到呢度，希望大家可以比多少少同理心呢啲族群。我希望到我做人爸爸嘅時候，如果係嘅話，我希望個仔/女可以好自豪咁講佢係gay/lesbian嘅，而唔使擔驚受怕。Sorry for

#NSS其他 [ktgss] ^_^^_^^_^^_^^_^^_^

#NSS個人 [Guest] Hiiiiii 是咁的 小妹想尋人但唔係好知搵人page 所以想借nss投稿一用 aka 想搵2021年8月28號星期六 下午4時左右地鐵由彩虹站入再喺九龍塘撞/落站嘅男仔 髮型是卷毛

#NSS愛情 [guest ] 希望抽中我啦🙇🏻‍♀️ 講番背景先，小妹今年14，有個女朋友，佢15，我哋打機識嘅。咁我同佢大概識咗兩個月就一齊咗，但過咗三個月左右，佢覆我Message越嚟越慢，但我冇乜所謂，因為我覺得佢可能忙啫，所以就冇理。然而佢突然成個星期都冇覆過我，我咪再主動啲搵佢囉，喺嗰一晚佢淨係覆咗我三個字，「好，晚安」，由於呢個答案太敷衍，之後我冇再理佢，結果佢連續兩星期冇搵個我，而我對佢嘅感情仲越嚟越淡，我甚至仲鐘意咗其他男仔。對唔住我知道自己精神出軌。最後我同佢分咗手。分手後嘅每一日，我就過得越開心，好快就遺忘同佢一齊嘅所有回憶。過咗一個月，佢突然搵我，佢嘅一句我掛住你，令我勾起同佢一起嘅回憶，例如我哋講過成年後一起去日本住，所以佢番嚟同我復合我都幾開心嘅。唯一唔同既係佢每一晚都打電話俾我，喺呢段時間，佢令我有番安全感。過咗兩個星期，佢突然同我講分手，仲罵我太被動，再咁落去就分手，然後我就勁落力氹番佢，而佢又取消咗哩個念頭。問題嚟喇，我發現佢成日呃我，例如話自己搬咗出去唔同屋企人住，但我成日喺電話度聽到有人講嘢。仲有佢有失憶，話佢個friend一早死咗但琴日仲約咗佢。有個總裁朋友等等。最新鮮滾熱辣嘅就係琴日佢同我講佢有個friend有cancer，講完今日就死咗，仲喺度對住我喊。我最反感嘅就係佢成日對住我講大話，我覺得佢講嘅一切都好唔真實，我有諗過同佢講分手，但佢話如果我同佢分手就自殺，我而家唔知點🤦🏻‍♀️我要同佢分手？定係我去追嗰個男仔？定點？我好亂 sorry我知道自己寫嘢有啲亂。

#NSS學業 [Guest] Hello 我想問有冇好嘅數學補習介紹🙈

#NSS其他 [GUEST] 乜鍾意mirror有罪咩😕 是咁的 小妹兩個月前開始留意mirror 慢慢覺得佢哋好正 之後就開始追mirror啦 – 入正題鳥🦤 前排去個frd屋企

#NSS其他 [Nwcss] 想推薦一間占卜店 佢認真超準 我跟著方法做完之後即刻出咗pool 而且好準 完全係抽一張卡知道曬所有嘢😱 @army.tarot 就係呢間 佢同我做咗個簡單嘅小小儀式

#NSS個人 [[Guest]] 小妹而家13，讀地區名校，升F3，成績keep住係全級13X人嘅第十幾至二十名。小學嗰陣除讀書無其他興趣，玩過年幾啲砌機械人嘅活動，但唔擅長。考試溫書要背好多嘢都記到，考到七十幾八十分，不過要記啲好多步驟嘅嘢就記唔到。 今個暑假我報咗跳舞、陶藝同急救，呢幾樣活動都係要記好多步驟。每次上堂老師講步驟嗰陣我有專心聽同睇，不過過咗唔夠十秒就唔記得哂，好似無聽/睇過咁。其他同學都記到，但我睇多幾次都係咁。搞到自信心有啲受打擊，雖然唔覺有人笑我，有啲人仲鼓勵我唔好放棄。不過我屢試屢敗，好想放棄，但我知放棄咗就一定無機會成功，不過越試越懷疑自己嘅能力。 究竟我會唔會有邊方面嘅問題？或者會唔會有過來人可以 分享吓自己嘅經歷？ 第一次投稿，sor 4 1999。