#NSS個人 [GUEST] Admin please post Ig 🙇🏻🙇🏻 是咁的，小妹今年升F.3，而我呀媽一直對我嘅期望都好高。自問我成績都唔叫太差，成績表都有7個A。不過呢排放暑假個陣，我呀媽就開始對我期望越來越高。前兩日先同我講：「我希望你f.3 會考到頭10名。」我聽完傻撚咗，大佬我真心冇咩可能，咪玩啦😅。佢又會將我同我家姐比較，話想我叻過家姐，希望我考一間好過佢嘅大學（我家姐就讀香港大學）例如清華北大。佢講完呢句我真係呆咗，心諗佢發咩神經，佢講到好似我家姐讀HKU 唔夠好，要去中國嘅名校先達到佢嘅要求🗿。佢又會無端端問我大個想做啲乜嘢，話希望我做律師或者做金融嘅行業。（大家唔好笑我發明星夢）不過其實我一直想做歌手，當然，我唔敢同佢講，因為我知佢一定唔會approve🤷🏻。我想做好多嘢都唔合乎佢嘅要求，其實我諗住下年開始出嚟做part-time，

#NSS個人 [Guest] 話說 小妹最近同同學出街玩都會撘輕鐡，佢哋都習慣唔拍卡嘅，自己都冇反對佢哋，因為自己都冇拍😹但係前排出街咁啱我有拍卡又咁啱有黃精靈，我朋友就咁罰咗錢。然後我開始擔心俾黃精靈捉點算，自己比唔起$290，同屋企人講實屌到飛起。我拍卡又俾同學笑我on9。我應該博唔會俾黃精靈捉定真係乖乖哋拍卡好？🤒 Sor for 1999🥴

#NSS個人 [XX中學] （長文） 我想講好耐。。但係我身邊冇咩朋友，我決定係呢度投下稿發泄下算，我有一個好好嘅朋友但係同時我都好憎佢，下稱瑤啦，佢有好多朋友我好羡慕，佢對人都好好從來冇見過佢發脾氣最多爆下粗，因為佢生得都算比較好睇所以好多人追佢，我識咗佢五年睇住佢醜小鴨變天鵝，睇住佢冇朋友變受歡迎，至於點解我會憎佢請睇下文 第一，佢變咗，佢以前見到我有鍾意既野都會買比我，又或者我問佢借錢佢唔洗我還，但係而家佢吾會就例如我睇中咗chanel一個七千幾既袋佢居然話唔買比我，呀瑤以前會買比我架我明明以前睇中咗mac一套唇膏佢會買比我，佢以前唔化妝唔識分都會陪我行化妝品店佢而家雖然都唔化妝但係都唔陪我行，行街次數少咗好多囉，肯定係為咗陪佢班垃圾朋友啦，仲有呀我而家問佢借錢佢居然要我還，我真心覺得佢唔當我朋友 第二，呢個先係重點，上次我同佢去街啦，行行下突然有個男仔問佢攞電話，因為我以為係問我所以我好開心咁講咗我電話號碼啦因為個男仔都幾靚仔之後個男仔好尷尬咁話（以下係真實對話）:吓我問你朋友喎，之後結果最後佢居然唔比佢電話個男仔，呢下我好嬲，第一你單身點解唔比佢呀仲要係靚仔，第二就算你唔想要你都可以幫我啫，我成世女都冇被人溝過比我感受下得唔得呀，所以我嬲到block咗佢 我忍佢好耐架啦，佢有朋友又唔介紹D仔嚟比我，係到扮野話咩好尷尬，我話你唔想比我出pool就真，睇到呢度好多謝大家 唔知大家覺唔覺得呢條八婆好抵屌呢？🙄死八婆你冇咗我呢個朋友唔好後悔我知你睇緊🙄🙄🙄🙄我知你有follow🙄

#NSS個人 [GUEST] 我係一個超級鍾意聽廣東歌嘅人🎶 我鍾意聽林家謙、Serrini、Mirror、Error、陳蕾、洪嘉豪、Dear Jane、MC、Jay Fung、Jace、黃妍、Per se、C AllStar、吳林峰、林欣彤 其實無論邊個歌手出新歌都會聽下😹 不過想問除咗以上歌手

#NSS個人 [Guest] 大家好，小妹今年升form 3,我想問吓有啲咩方法可以停止自殘？最近壓力好大，和男朋友吵架，升中三又要讀phy,chem,bio.即是而家係暑假，但父母們已經為我安排咗好多個補習班，機乎只係星期日先得閒。 我很想自殘，但是而家就嚟開學，如果傷口唔好，開學嘅時候又會被老師同同學發現，到時候老師一定會捉我去見社工，應該點算？

#NSS社會 [一個嚟緊升中二嘅學生] 從2019年開始，我體會了很多，也學習了很多。我體會到香港政治的腐敗、體會到社會的陰暗面、體會到人性的醜陋之處、體會到一個時代的變遷、也體會到一個自由的社會逐漸步向死亡的經過。同時，我也學會了，即使付出過努力、付出過時間、付出過血汗，也不一定會得到相應的回報。小時候，父母都會教導我們要做一個正直、有良知、有獨立思考的人，但到了現今的這個世代，原來這些為社會爭取公義、爭取民主自由的人都會變成政治犯。在現今的香港，原告可以變成被告，到處用刀斬人可以被讚有高尚的情操，多年來辛苦建立的工會、新聞機構可以在一夜之間被消失，而這個社會居然能夠容忍這些荒謬的事情發生！ 這時候，有人會選擇離開香港，也有人會選擇默默地忍受這些不公義的事情每天在香港上演。選擇離開香港的人都是迫不得已的，他們和其他香港人都一樣非常喜愛香港這個地方。只是，他們太喜愛香港了，他們不忍心看着香港逐漸步向衰亡、逐漸變得陌生，他們不願意成為服從權貴的奴隸！而選擇留在香港的各位，你們已經做得很好，不需要為自己的選擇而後悔，你們選擇留下來，一定是因為有一個很重要的原因吧！你們需要做的，就只是繼續做好自己，繼續做一個有良知的香港人，香港還需要你們的！ 我能夠寫出這篇文章，就不會後悔。我只是希望各位香港人，不要認為社會上發生不公義的事情是理所當然的，也不要被時代禁聲，因為不公義的事情，終究都是不公義的，我們不能指鹿為馬，也不能顛倒是非黑白，這是父母從小教導我們的。最後，我想引用倪匡在《追龍》這本小說中的其中兩句說話：「要毁滅一個大城市，不一定是天災，也可以是人禍，人禍不一定是戰爭，幾個人的幾句話，幾個人的愚昧無知的行動，可以令大城市徹底死亡。 不必摧毁大城市的建築物，不必殺害大城市的任何一個居民，甚至在表面上看來，這個大城市和以前一樣，但只要令城市原來的優點消失，就可以令它毁滅死亡。」各位香港人，共勉之！

#NSS個人 [Guest] 話說小弟今個係金鐘HKU Space暑假報咗個日文班，然後我最尾嗰幾堂同一個女仔同一組，我對佢有咗好感。之前最尾一堂，我想問佢拎IG，但係我鼓起唔到勇氣，令我心入面留低咗遺憾。所以我想喺度彌補我嘅錯誤。日文班最後一堂著住白色衫坐喺中間嘅嗰個女仔，如果妳睇到依個post的話，希望你可以俾你個IG 我。(希望大家唔好屌得咁大力) Admin pro IG pls Sorry

#NSS家庭 [GUEST] 小妹今年14，六年班嗰陣啊媽喺我電話裝咗個跟蹤app，佢話如果想自己同同學去玩就要裝個app，咁我嗰陣時梗係話裝啦。我問佢會裝個app到幾時，佢話唔會中三中四都用個app嘅。問題就嚟喇，我而家升中三，我同佢講話幾時delete個app，佢就成日借D椅唔理我或者轉移話題。最近我再問佢，我話:「你之前又話中三會del咗個app，咁而家我都升中三啦，係咪del得？」啊媽就黑哂口面咁話:「你之前夠冇咁多問題啦！」我話:「我冇問題啊！我話想del個app咋wor」跟住佢就唔應我🙂次次都係咁，講過唔算數。佢成日話想知我放學返咗屋企未，但其實佢已經喺屋企個廳裝咗個cam，佢話裝嚟係睇住個工人，根本就係mon住我。我工人下年走，所以應該可以解決到個問題(如果佢唔走數…)但係個app真係搞唔掂，次次一講親呢個話題佢就發哂脾氣，我又好怕被佢鬧…究竟我可以點，真係好辛苦好大壓力… Sorry for 1999，希望大家可以幫下我🙏唔該哂🙏

#NSS愛情 [GUEST] 我好似鍾意咗個有女朋友嘅男仔 小妹升F4，今年班上面有個男仔幾靚仔，性格又好，都幾多frds下。而我就冇乜存在感，同佢都唔係好熟，淨係間中wts傾過幾句，佢同我提過佢有個女朋友，佢哋好低調，冇乜人知。我前兩個月同男朋友分咗手，佢都有安慰我關心我。但係最近我發現我唔知係唔係鍾意咗佢，佢一like我啲post我就唔知點解好開心，我post story又成日睇佢有冇睇，同我哋frds都成日提起佢，連我好姊妹都問我係唔係鍾意佢。我真係完全唔知我對佢係咩feel，我都冇可能咁衰去搶人哋男朋友。我覺得自己鍾意個有女朋友嘅男仔好賤，我應該點算?

#NSS學校 [GUEST] 請問將會或者已經喺英國讀緊書嘅人有冇興趣分享吓自己喺邊個town道讀？ 想睇吓我間學校附近多唔多香港人😂

#NSS個人 [GUEST] 話說我就嚟要去外國留學，諗住話幾開心因為終於可以踏出外國，但其實自己諗起要走心情都好沉重，唔單只係擔心對新環境嘅不適應，都驚自己會面對唔到，有排都唔翻香港，走之前都已經搞成咁，諗起自己一個係宿舍嘅孤獨感都已經想喊。學校報咗，學費交晒，依家想後悔已經太遲，感覺之後應該會好辛苦，有冇人同我差唔多情況？壓力真係好大 Sorry for 1999 圖Link: https://ibb.co/3p96dWg

#NSS個人 [GUEST] 小妹今年15，最近好想學豎琴… 我本身有8級鋼琴底，唔知對學豎琴有冇大幫助？ 如果以我呢個情況，19歲前駁上去音統處嘅豎琴高班有冇可能😢（ 音統處高班大概需要五級程度） 我對豎琴真係好有興趣，但唔知邊度有得平D學，又唔知需要幾耐先駁到上音統處高班… 請問有冇人可以分享下，感激萬分！🙏🏻🙏🏻🙏🏻 (求post) 附上音統處高班考試範圍

#NSS個人 [Guest] 是咁的，每當我同唔係好熟既人相處既時候就會非常之唔自在，做唔到自己。例如，我把聲同行為舉止會變的好奇怪，把聲會變的好細聲。每當人地同我講野既時候我就會好不知所措，唔知點答。唔知係咪因為自卑既關係，當我回答人地問題既時候可能係想隱藏自己既自卑感，就會回答得好強勢、好自大（我覺得），事後又好後悔…認為自己係社交方面係垃圾…但係如果係一啲我好熟既人面前，我又可以做好自己，亦都唔會有上述既問題所出現。仲有，每當我比人讚既時候都唔知要點答好。我試過講唔該，但係我又講的好唔自在，唔知會唔會比人感覺我好敷衍同唔真誠，事後又好後悔…定係係我既問題，我諗得太多？自認如果我做自己既話都幾幽默。有冇人可以比啲意見我，我究竟點樣先可以做好自己？唔該曬。

#NSS個人 [guest] admin po ig pls 小弟今年讀f1 自己本身都好鍾意跳舞 得閒就會一班frd一齊出去練舞 不過平時返學嗰陣同班同學講我自己鍾意跳舞

#NSS個人 [guest] po ig please 🙇‍♀️🙇‍♀️ 話說小妹由細到大都好多手毛，所以一直都好自卑。咁我曾經有鐘意嘅男仔，但我都唔敢同佢close d， 驚佢見到隻手咁會笑我或者反感，有時同佢講野我都係着外套or 放隻手係後面。

#NSS學業 [Guest] 有冇人dse ial 重考入三大？

#NSS其他 [GUEST] 希望admin po ig🙏🏻 小妹我由小五左右開始就有想去台灣做圖文作家呢個夢想 我一開始都以為我好快會轉目標 但我而家中二仍然都係想做 而我成績係差嗰種 我都有努力過，上堂都留心左，會抄note

#NSS社會 [Guest ] 連登真係好恐怖 我想喺度分享一下連登見過嘅恐怖思想 全部女都係雞 小小事都以為全世界嘅女人都係雞 成日口唇邊都掛住臭閪臭閪 作為女性聽到真係覺得備受侮辱 歧視同性戀

#NSS愛情 [Guest] （究竟你哋覺得曖昧不明嘅關係係咪先係最美好） 先講背景 我暗戀咗一個男同學(B)大概3年 呢3年一直保持普通同學關係 冇咩交集 其實對佢感覺都好似慢慢變淡 但三個月前佢突然開始flirt我 又早晨又晚安

#NSS愛情 [GUEST] hello我想問下大家少少提議！男朋友大我幾年，依家暑假大家都有返暑期工，賺就唔係話賺好多，我就50/hr啦，但都算有少少少經濟能力？話說同男朋友就快一週年，佢無話特別鍾意啲乜嘢，波鞋啊例如Air Jordan，名牌嘢呀，動漫啊例如周邊或者figure，以上嘅嘢佢都無興趣，佢鍾意打機，但打機從來唔課金唔買皮膚，通常啲皮膚係打返嚟嘅，所以真係唔知可以買咩比佢好，咁耐以嚟比較重要嘅日子我通常都係整hand make嘢比佢，例如蛋糕、爆炸盒等等都整過，但我覺得hand make嘢嘅話一週年好似唔係好夠，想送返啲實際用得嘅或者貴啲嘅嘢比佢🤯貴唔貴呢啲嘢就因人而異，但我預算價錢想大約800-1500，所以想問下大家有啲咩好提議！🙇🏻‍♀️唔該曬你地！