#NSS愛情 [sfcc] 我之前暗戀過一個人啦， 本來我就以為佢一直鍾意我， 直到去上年五月玩真心話大冒險嘅時候同我講話佢有女朋友仲要係上年11月開始拍拖， 係佢同佢女朋友拍拖嘅時候， 就對我做咗啲曖昧行為係好容易令人誤會 例如成日摸我個頭 話我好可愛 之後就係我凍嘅時候捉住我隻手問我，暖返未(大概維持左3分鐘)，

#NSS學業 [guest] 我真係頂唔順我阿媽 宜家時間係1:45，佢日日都唔俾我瞓覺，要我溫書做功課，做到佢覺得滿意為止。搞到我呢個星期都要3/4點先有得瞓，第二日又要早起身補課，真係人都就嚟癲。 講真，我每日都有9點起身補課，食完飯又做下功課，我覺得好合理，但佢話一日24小時有咩可能只係用10個鐘溫書做功課，我只係學生，唔需要咁多時間去休息同用電話，只需要理學業唔需要社交，話浪費時間，冇必要。 我明白佢想我成績好，想我入到三大，第時條路好行啲，但咁樣迫法令我好辛苦，我真係完全聽佢講一日用18-20個鐘對住書枱，但我真係就嚟爆炸，好似冇止境咁要一直去到2024去考dse🫠我驚我挨唔住。 另外係佢表達嘅方法令我好唔反感，成日提住佢當年日日迫我讀書我先考到band1，好似我冇努力過咁。一見到我摸貓/唔係坐喺書枱就話「係咪又要我打你先肯去溫書做功課？」「日日係咪要我迫你先識得溫書？」「又到3點啦，你仲未做完呀，睇你做到幾點呀又」呢啲真係令我好反感好唔舒服，但又改變唔到😫 我都好想好似其他同學周圍去玩，有啲正常啲嘅生活，但我阿媽不斷洗腦我咁先係學生應該有嘅生活，而唔係其他人咁，我好辛苦呀 btw dser

#NSS個人 [Guest] 覺得自己有抑鬱症同埋溝通障礙點算？ 溝通障礙方面：我自己本身就好內向，唔敢同人哋講嘢，上堂答問題，就算自己知道答案，寧願罰企留堂都唔敢講出嚟，我有呼吸困難，腳震手震…去奶茶店買嘢，自己都唔敢同店員講嘢😑 抑鬱症方面：我自己本身係D好開朗&樂觀嘅女仔，但係到咗小學六年級嘅時候，我知點解自己成日喊（仲要係冇原因嗰隻）成日都情緒低落，試過自殺&自殘（我唔係MK妹！）因為真係好傷心，嗰段時間日日俾人鬧，壓力好大😭我唔理解點解自己會出現喺呢個世界上面，既然佢哋唔鍾意我咁咪唔好生我囉！佢哋（父母）對我期望又特別大，我已經盡咗力㗎啦，但係都係達唔到佢哋嘅標準🥲自己上網做好多抑鬱症評估，都話我有抑鬱症，但係我唔敢同屋企人，都唔知點算…

#NSS個人 [GUEST] 仲有幾日就係DSE開考嘅日子，希望admin可以喺開考之前post上IG，麻煩晒🙏🏼 其實都冇乜嘢，一句講晒就係我好驚，好驚自己DSE會仆街。可能講嘢會1999，望各位見諒🙏🏼 自問自己唔係話嗰啲勁勤力勁chur一日溫幾科做幾份paper嗰啲人，但係又未去到完全天才波唔理嗰啲，每日都會逼自己起碼都溫下書做下數咁。但係我每晚上到床一合埋眼就會好驚，開始擔心自己會考得唔好、會失手，之後就唔知點算。雖然未去到話失眠瞓唔著，但每晚都會諗一大輪驚一大輪，甚至搞到自己上到床寧願不斷碌電話都唔肯合埋眼瞓，就算合埋咗眼隔多幾個字又會擘返大。 我知其實我呢個所謂問題唔係咩大問題，其他人失眠等等嘅問題相信比我呢啲更需要幫助，但係我真係好想知會唔會有方法可以舒緩到🙏🏼

[GUEST] Admin pls post ig Hi，小弟第一次投稿，多多包容🙏🏻 小弟年幾前去左英國，讀普通public school，第一日之前已經知班入面有個大陸人，但係都冇乜諗過點樣特別做。咁第一日上完堂佢主動搵我，講左句普通話，我都唔知點解我又用番普通話答佢。自此之後基本上1on1嘅對話都係用普通話，其實真係勁唔鍾意咁，但係啱啱入學冇乜friend，加上個大陸人其實幾nice，就諗住就咁先，等遲啲有多d frd 先算。

#NSS社會 [HSS] 香港宜家都解咁多颠佬/婆❓ 我星期五下午同朋友係旺角等巴士一齊返屋企，上咗車因為樓下太多人就上咗去上層。去到最後大概倒數第4排左邊坐低，當時就見到一個帶住帽嘅女人坐係最尾一排嘅左邊。 坐咗一陣，我個fri突然同我講：後面個女人手上有個鈴鐺一直搖好吵啊！我當時帶住耳機所以未聽到，一除低個耳機真係好吵！個女人手上有鈴鐺手鍊一直係度撲扇，心諗個巴士咁大冷氣仲無夠❓ 跟住我同fri一齊轉個頭望個女人到底咩事（正常人都望嫁la）突然❗️個女人開始鬧我地：望咩望啊！痴線嫁？死臭x死八婆，有病啊！……………… 我地兩個嚇親即刻轉返個頭返嚟，當時車度都無少人聽到都嚇一跳（但無轉身體） 我地都有諗話唔話俾司機聽，但司機仲要喳車都顧唔到咁多嫁la。好多人都落曬車，我地都好想落但啱啱俾個女人鬧完有di驚。 跟住我個fri可能有些少好奇，又再次轉個頭去望個女人，我嚇到細聲叫：唔好轉啊❗️返返嚟啊❗️唔好啊❗️ 果然，個女人又鬧我地la…：又係你❗️望咩望❗️❓（此處省略粗口……）我緊張到就嚟捏爆手上部手機。跟住一堆人落車，我地都忍唔住跟住一齊落。發現下面一堆啱啱係上面見過嘅人，都唔係落車係為咗避開個女人。

#NSS個人 [GUEST] Title: 我係唔係戲劇型人格？應唔應該睇醫生？ 微長文，sorry for 1999，中英合集 介紹下背景先: 小妹14歲F2，係一個一直都被認為好外向嘅人，上台、係眾人面前唱歌等從不怕羞。不過，最近因為疫情令我唔可以同d同學見面，搞到我好唔舒服咁，終日悶悶不樂。 仲有面授嗰陣，我成日都會做d幾傻嘅事去吸引大家嘅目光，例如係老師面前dum咗我份考試卷、開咗部電腦去youtube度播never

#NSS個人 [GUEST] 大家覺得一個初中學生兩年內淨係購物+娛樂方面洗咗萬幾蚊係咪好誇張…… 小妹我有少少情緒問題，一唔開心就會控制唔到自己咁去買嘢氹自己開心，但其實嗰啲嘢用處不大（多數明星小卡/週邊） 今年我利是錢有$8000，依家四月已經洗得七七八八（淨返$1000左右） 呢種情況喺近一兩年先發生，每次買完嘢就會有罪惡感，覺得好對唔住父母 可能有人會話你父母畀得你自己keep都預咗你會用㗎啦。但係佢哋會畀生活費我，所以我諗佢哋係預咗我會好好咁儲錢，而且只會必要時先用 想問下咁多位有咩方法可以解決😭thx Sorry for

#NSS家庭 [Guest] 我真係好唔鍾意阿爸 （小長文） 由細到大佢都係每分每秒都可以因唔同嘅事講哂粗口，就連跌咗嘢落地都可以講一餐。仲要食煙食到佢咁冇品，平時佢喺廳食煙，咁我行返入房，佢見到之後就會衝入房鬧我話點解要走話我咁樣好唔尊重佢。 細個有嘢唔識整，叫佢幫我佢都會嫌我煩咁話「唉呀，我宜家有嘢做，晏啲先啦」，到肯幫我嗰陣，喺咁俾說話我聽，又話我蠢又盛。宜家我寧願自己上網睇都費事問佢。 佢平時返工係7點幾出門口，大概11點就已經買埋餸返屋企，然後成日都係坐喺屋企打機。而阿媽就朝早做到夜晚11點，不過係home office 。有時阿媽唔得閒就問阿爸一唔一齊出街行吓，冇一次肯陪我去，但佢啲frd叫佢出到流浮山佢都肯去。相反阿媽一抽到時間就會問我想唔想去邊到邊到。 但每次阿媽帶我出街，佢又要跟埋嚟，佢真係好煩，邊行邊喺到講「四點啦喎，仲唔返屋企，又要晏食飯啦。」連阿媽都頂唔順，叫佢下次唔好跟埋嚟。ok，佢之後少跟左😀但每次同阿媽或者frd出街，佢每隔一個鐘就打過嚟問幾時返屋企。好，佢要早瞓，所以要日日5點食飯，我算我理解佢，但佢根本晚晚12點幾先訓，叫佢不如唔好咁早食，又俾佢鬧。

#NSS愛情 [《百年明日能幾何，青衣遇上山貝河》] 長文慎入 – 我同男朋友都係中五，佢叫Oscar (當然係假名啦，保護當事人)，喺青衣讀書，係一間好出名嘅中學，我就喺洪水橋讀書，係間幾出名嘅學校。 – 佢係好主動而我係好被動嘅人。應該話我係好cynical。佢拖住我隻手，我其實係驚嘅，因為我唔知其他人會點睇我哋。 – 我哋由海欣行到去青泰，再行入啲就已經係船廠。嗰度有個公廁，冇乜人，佢見周圍冇人就問我準備好未，我其實已經預咗㗎啦，因為我嘅第六感話畀我知兩個男仔當街鍚唔係咁好，入嚟咁靜嘅地方就更加肯定我嘅推論正確，但我唔介意將自己嘅初吻畀佢。

#NSS個人 [GUEST] hi 小妹想問幾個問題 小妹由五六年級開始已經有脊柱側彎 上年過咗嚟英國 私家醫生同英國政府都有繼續follow up 上個月我就俾政府嗰邊安排咗去照一次MRI (免費嘅，各位放心只係去攞多個參考)

#NSS家庭 [［GUEST］] 究竟係唔係我錯？ 小妹係初中生，文筆不好勿怪🙇🏻‍♀️🙇🏻‍♀️ 話說我哋有份功課要畫Menu 咁琴日要交ge係初稿：）樣衰啲都冇所謂ge （佢見到P.2）之後我老豆經過見倒畫D字好樣衰叫我重寫(?) 嗰陣時我心入面已經爆咗n句粗口 各位同學都明白功課會到最後一日先交 而當時我已經交咗功課亦都過咗12點）

#NSS個人 [GUEST] hi… 小妹就嚟14歲 11歲嗰陣已經嚟咗M 想問下大家以下呢幾條問題 1) 而家身高157 想問吓大家有冇啲乜嘢增高嘅方法… 想至少高到160

#NSS家庭 [Guest] 老豆真係好霸道 有一日老豆拎左我部ipad用嚟打機😀呢個唔係問題，之後佢話要課金788 （acc張debit card係阿媽用嚟俾零用錢我用）🤡佢問我張密碼係咩，咁我問佢係咪俾返錢我，佢答「碌你張卡咪碌你張卡lo係咪唔得呀？」 我一個月都係得千六蚊🤧宜家仲要係月頭，佢課金已經洗咗我一半零用錢🥲我自己都唔捨得課咁多🥹佢要我俾錢佢課金已經唔係第一次🫠之前佢課完金搞到我唔夠錢返學校食飯，我問佢可唔可以俾多少少錢我用，佢就話「鬼叫你平時咁大洗，唔俾」搞到我要周圍問同學借錢🥲佢喺屋企咁霸道嘅行為真係不能盡錄而且成日雙重標準 Sor for 1999

#NSS個人 [GUEST] 小妺今年F4 身邊朋友全部都係異性，興趣方面都係比較偏向男性，同自己同性嘅人傾偈會好有代溝。 我自小學開始就對機械人好有興趣，例如mbot,Lego mindstorm,dash&dot等唔同ge機械人。有時會放學留低學校去prepare比賽，參加過好多依d比賽，攞過好多獎。亦都對d球類運動有興趣，平時打開籃球同羽毛球。去到中學，學校都有依d比賽，咁我都有繼續參加。 但身邊嘅人好似都唔係幾支持我去參加，屋企人就話女仔應該要去學跳舞唱歌，參加機械人依d得男仔先會參加，叫我退出依d比賽。所以參加比賽ge費用全部都係用自己零用錢俾。連喺學校成日都會有老師、同學同我講“居然有女仔參加依d”。 其實可吾可以唔好再去性別標籤，男仔都可以鍾意玩Barbie，女仔都可以鍾意機械人。 Sorry for

#NSS個人 [guest] 小妹今年F.3 樣都算ok但係皮膚好差 一直都因為皮膚問題冇自信 唔敢除口罩之類嘅問題 我想重拾自信想學化妝 但係唔知其他人點諗 會唔會覺得我F.3化妝太早熟 首先我父母係同意我化妝嘅

#NSS個人 [GUEST] 想請教各位😮‍💨 曬黑要點先可以快d變白 同點樣去戶外無咁易曬黑 小妺早幾日曬黑左隻手🥺 而家出街好大壓力 好似成條街都望住我 感覺曬黑左既女仔好奇怪😭 Sorry

#NSS文化 [Guest] 第一次投稿, 多多指教 今次開門見山, 直接談論多個有關宗教之議題: 「神」、「宗教影響」、「極樂世界」、及「各種宗教」。 事先聲明, 本人並不限制宗教自由, 亦尊重他人信仰。

#NSS個人 [細妹奴] 我唸有帶耳環嘅女仔都會明白耳珠比人大力扯咗下 會有幾痛。 話説星期六我帶著細妹去朗豪坊，大家都知旺角人多，難免會有碰撞。但果日有對情侶，個男人撞到我細妹，可能係佢太「高」啦，我細妹160隻耳仔啱啱撞中佢膊頭，成隻耳環飛咗出嚟跌落地爛咗，當時大家都呆咗，粒聲冇出，得我細妹係地下自己搵緊條屍。你好快就拉著你女朋友走，耳環就我自己整比細妹嘅，價錢同質素一樣係0，會爛係預咗，但我唸佢值得你賠我細妹一句嘅道歉。我之後係街上面買過對耳環比細妹，帶果陣就發覺耳仔就損咗。其實果陣大家都眼望望都幾尷，所以大家冇出聲，唔緊要啦😂😂不過如果你見到呢個post，我希望你可以係個心度同我細妹講聲道歉。btw 而家耳環就黐返好，就係有個裂痕，都算係我細妹冇睇實條路嘅一個懲罰啦！

#NSS個人 [Guest ] 自問由細到大都唔係朋友成群嗰種，小學生涯裏面最friend嘅都係得一兩個，畢咗業之後都少聯絡；中學生涯都係一個左右，間中一齊吹吓水咁樣，冇話好似人哋認晒兄弟姊妹咁樣。當然，都遇到唔少唔鍾意自己嘅人。 小學嘅時候記得有一次過年番大陸去咗一個親戚屋企，個親戚屋企冇自來水，只係用一個手動泵泵水落水桶用，因為香港好少見到咁樣嘅水泵，所以我就影咗一段泵水嘅片send落谷度（利申：冇喺谷內講過嗰個親戚任何個人資料）。 點知我個同學見到段片之後就話啲人窮係應該用水桶喺個井到兜水，而唔係用手泵，我當時應該好嬲，同嗰個同學辯論左好耐（人哋屋企冇自來水已經夠慘，仲要咁樣俾你話，唉）。我真係心諗：使唔使咁呀？我淨係想分享吓個水泵，點解會變咗喺度爭論所謂窮人應該點樣裝水？ 後來我同呢個同學都入咗同一間中學，不過唔同班（後來有次聽講座坐喺附近，都冇理佢）。 後黎上到中學有個friend，中一入去就識得佢，然後斷斷續續咁樣聯絡到中四，喺間學校裏面都叫係識得比較耐嘅人。然後佢有一日突然之間block我，我到而家都覺得唔明我做咗啲乜嘢得罪佢。不過諗諗吓可能真係冇乜嘢，純粹係佢見到我呢個人篤眼篤鼻，想同我斷絕來往姐。 仲有一個同學，有一次唔開心就打電話同佢講，佢都有聽我講，不過就一路話我好煩，仲要係咁講嘢打擊我（具體講啲乜嘢我唔想提起）；之後都相處得唔差，便服日都有搵我合照，旅行日都有一齊玩。 跟住隔咗大約半年，我有一次隨口問起可唔可以同佢傾陣電話，佢就直接話我好煩。嗰下心裏面係有少少唔開心嘅，不過我冇乜嘢喎，咪當身邊少咁一個普通朋友囉。