#NSS學業 [GUEST] ［關於放榜］ 上個月尾放咗榜 我一直都唔知道個分數究竟叫唔叫好(Best 5 21) 睇唔出身邊嘅老師滿唔滿意呢個分數 就算放咗榜都放鬆唔到 就算知道再諗冇用都係會不自覺係咁諗住件事

#NSS家庭 [Guest] 今日我登入我妹個YT 一睇全部都係抖音 大陸嘢 話說呢 今日啊妹用我I pad login 佢個YT到我用嘅時候，佢冇logout,打開全部都係大陸嘢

#NSS學校 [CPU] 最近考慮緊退唔退學校嘅管弦樂團，所以就想喺到聽下大家嘅意見。如果我有咩地方係做得唔啱，唔該屌少力啲。同埋唔該呢間學校嘅護航狗唔好沖出來吠俾人笑，你哋有個好好嘅校園生活唔代表個個同學都有。 講講背景先：我係F1嗰陣加入管弦樂團，做第三小提琴。可能係管弦樂團以前一直拎唔到獎為學校爭光，所以唔係好受人重視，音樂主任都唔理我哋，最多學校有典禮嗰陣叫我哋上台拉下歌。因為咁，我哋樂團成日好少人返。但即使係咁，我都好鍾意樂團同指揮日日返去練習，因為練習嗰陣好輕鬆自由，會試下拉唔同嘅歌玩，講下笑，有時會參加比賽攞下豬肉獎。 而我嗰陣時嘅夢想係做樂團裡面嘅第一小提琴，所以我都好努力咁拉歌。用咗兩年時間，我終於俾指揮賞識，F2做咗第一小提琴。 但好景不常，好快就爆出疫情，實體樂團練習變咗zoom，仲要做埋啲project（拍自己拉緊樂器嘅片，然後俾指揮攞去合成一首歌）即使我好憎上zoom同做呢啲project，我都繼續日日上zoom練習（嗰陣時好多人乘機唔返）同拍片（雖然條片我唔小心用錯咗方式來拍，我都即刻問指揮使唔使再拍，但指揮話唔使）幾經辛苦，條片終於合成咗出來（但條片裡面無我，但我無hard feeling，只係覺得係我拍錯條片所以指揮無擺我條片上去），咁呢個時候指揮就話做呢啲project嘅原因係音樂主任嘅意思（而就係呢個時候，音樂主任就開始管我哋管弦樂團），佢會係任何一個週會播呢條片，但而家都已經過咗2年，條片都係未播過。 一講起嗰音樂主任，我F1參加choir嗰陣都幾鍾意佢，但係F2我做咗S2聲部長之後就唔鍾意，因為嗰陣時有咩嘢，佢都只會搵團長同S2嘅副聲部長來做，完全無搵過我，雖然我有時都會俾下意見，但都俾佢否決晒，所以我呢嗰S2聲部長只不過係名存實亡。我自己都有反省過係咪自己有啲位做得唔啱，但係即使自己不斷努力咁去改，佢都好似唔鍾意，咁我就覺得係咪佢其實一直都唔鍾意我，我做到聲部長只不過係俾同學投票出來，其實佢一啲都唔想我做，而係想嗰副聲部長做。所以我F3就退出咗choir，不過可能係因為呢個原因，之後音樂主任就一直針對我。 我哋學校有music festival，咁我就做我班嘅司琴（本身我只係嗰副司琴，但因為嗰正司琴話想做指揮，我心軟先話做正司琴）咁惡夢來啦，佢成日做啲嘢同講啲嘢刁難我：話我彈得唔好、話我做咩唔send鋼琴demo（呢個唔係必要，只係隔離班做好啲有send，佢就奉旨）、話我改譜改唔好、作唔好。。。呢啲我都算，我真係廢。但同學唱得唔好、唔啱音同拍子咁都入我數？！大佬！其實疫情就唔好搞mf啦，我哋真係無時間練，啲同學已經唔想理，打算求求其其就算，你只鬧我做得唔好要改都無用咖窩，問題係同學到。。。總之我哋都係辛辛苦苦完成咗mf，我哋表演得好差，咁佢就要我哋全班檢討下啦，咁啲同學就係到甩鍋話係作詞編歌嘅人唔好，老師之後都有多謝作詞編歌嘅同學，亦護住嗰指揮叫大家唔好鬧指揮，但唯獨係我，咩都無。而之後嘅音樂堂，我都會因為呢次mf而俾佢串。嗰陣時我F3，唔鍾意到佢極點。

#NSS個人 [GUEST] 我係泛性戀(pansexual)，我知道lgbtq+嘅人喺香港比較少見，但係我想問下有冇人係有同過自己父母講？如果有嘅話係點樣講？ 我有少少想同佢哋坦白，但係佢哋好似有少少唔接受其他性取向，唔該晒。 圖Link: https://imgur.com/t/pansexual/f1dBC3g

#NSS個人 [Guest] Hii想問吓大家識唔識踩單車?通常一個禮拜踩幾多次?同埋學咗幾耐先識? 最近想學，但係最近都要去灣仔:(( 唔該晒大家:) Thanks admin Sorry for 1999

#NSS個人 [Guest] 純發洩 最近發現好熟個班fd成日自己約出街, 但完全冇搵過我。 事緣係咁, 前幾日我諗住約班fd出街, 但佢哋話嗰日唔得閒, 我諗住就咁算啦。點知去到我原本約咗佢哋嗰日, 我喺其他人ig睇到佢哋成班人約咗出去玩。我嗰下真係好唔開心,

#NSS個人 [ Guest] 咩係GV 我有睇過咩？ ┻━┻ミ＼(≧ﾛ≦＼)

#NSS愛情 [GUEST] 大家好，小妹今年19歲，有一個拍咗兩年拖嘅女朋友，你冇睇錯，係女朋友，我好愛佢，我諗齋四隻字好難表達到，所以我都略略講下。 我同我gf喺我f4嘅時候識嘅，佢細我兩年，我地喺一次義工活動相識，活動期間我地傾得好埋，我從來未遇過一個咁傾得埋嘅fd，令我更相信我同佢有某種緣份。 每次我同佢講我見到一啲好想食嘅嘢，佢都會下一日foodpanda俾我，而且次次都咁啱好我翻到屋企就黎到（我嚴重懷疑佢係咪專登計好時間），我同佢講唔洗咁破費，但係佢話請我食嘢佢都好開心，令我覺得好感動，所以我有時都會送翻禮物俾佢，我地都習慣咗呢種生活模式，佢下年dse，我都有盡力幫佢，呢段日子開心到令我以為生活喺小說入面。 但係現實邊會放過你，前幾日我聽到阿爸阿媽係度講緊我結婚嘅事，佢哋話應該俾邊間屋我（我地有兩個單位），可以方便我生仔…其實呢幾年我阿媽都一直同我講結婚生仔嘅事，佢話無論我搵咩男朋友佢都支持我，然後我開玩笑咁問如果係女朋友嘅話呢？我笑笑下咁講話‘唔會呀嘛？你應該唔會嘅。’ 我阿媽其實係啲思想超封建嘅人，前排咪播大叔的愛嘅，我有嘗試俾佢睇，希望可以感化（？）到佢，但係佢睇到kiss位就話，呢啲劇係度宣揚同性戀，係害咗年輕人，唔應該播出街，佢應該可以同何已完做到好朋友。佢有一種‘女人就應該生仔做家務，男人就應該打工養家’嘅思想，尤其係我上咗大學之後，佢成日問我幾時帶男朋友翻屋企。 我之前都見過好多有關嘅post，黎黎去去都係嗰啲解決方法。呢幾日我諗左唔同方法嘅結果。第一，直接同屋企人講。我真係去咗問我阿媽，我話如果我對男仔冇興趣佢會點，佢就即刻好大反應咁問我係唔係les，仲話同性戀係不孝，如果真係搵女朋友就同我斷絕母女關係，所以我唔夠膽問落去。第二，一直隱瞞直到佢離開人世。佢得我呢個女，所以佢退休後一定係我養翻佢，佢一日未離開人世，佢一日都會催我結婚生仔，我唔想過呢種咁煩嘅日子，都好驚佢鬧我做咩唔生仔。第三，真係唔理佢唔養佢。咁就更加冇可能，我都唔忍心做呢樣嘢，咁樣我都對唔住我嘅良心。 我好想自己解決呢個問題，啲人成日講到好簡單咁，其實邊會咁易，你以為拍電視劇咩。我好愛好愛我gf，我唔想失去佢，但我亦都唔想令我同屋企人嘅關係變差。其實我係咪有啲冇用呢？咁大個女連呢啲嘢都解決唔到…我有諗過同我gf傾，但係佢下年dse，我唔想令佢多一個煩惱。 好多謝睇到呢度嘅各位

#NSS愛情 [GUEST] 小弟升中五 係一個同性戀者 我喺ig交友平台同現實都認識過一D性小眾 好多次都以為自己可以同對方行落去 但最後都係以被對方封鎖告終 每次我都死得不明不白 就好似歷史不斷重演 好似命運被詛咒

#NSS個人 [GUEST] 成日因為一d小事想自殺，係咁喊，我係咪玻璃心…🥲 （麻煩admin po ig plzzzz, 辛苦晒🙇‍♀️🙇‍♀️）

#NSS個人 [Guest] 小妹有嚴重嘅選擇困難症🥲 今晚食咩，買邊件衫邊條褲邊對鞋邊支筆邊支塗改液，每日嘅大事定小事都要諗好耐，試過諗晩飯食咩諗咗兩個鐘，之後個晚就無食飯。 不過最困擾嘅就係ig story，每次都要諗用邊個filter,字體,邊張相,打咩caption,加唔加emoji，之後就po完唔滿意就deleted再po過，所以為咗唔比自己諗太多嘢，我就小咗出街同上網，好多嘢都交哂比人決定，已經唔想再揀嚟揀去，但係我無可能成世都唔自己做決定，始終都要出街,食飯 希望大家有方法可以令我唔再諗咁多嘢，唔使日日都為咗啲小事煩咁耐🥲🙏🏻

#NSS家庭 [abc school] 要成日要返阿婆道，覺得時間被削減，咁諗會唔會好衰

#NSS個人 [GUEST] 小弟今年中四，由小學開始就有抑鬱症，一直以來都係透過哲學來自我開脫，過着自暴自棄的生活。但近排有好多事煩擾，由其在見到香港前景如此絕望，令我自殺嘅念頭越來越堅決，今日都去咗藥房買咗安眠藥，以便不時之需。唉，我真係好掙扎，吾知點算好，死亡的恐懼令我遲遲下不了手。我真係好掙扎！！我應該點樣做啊！心理學家我都見過好多，但我真係頂唔順啦！我應該要點樣做啊。Pose ig thx

#NSS學業 [Guest] 其實我細細個一直都覺得醫生好型，加上年武肺得閒，就睇了啲講醫生嘅劇集啦。加上自己讀Bio同Chem，成績唔差（Band1中上啦唔知夠唔夠），令我有做醫生嘅念頭。 咁廢話唔多講啦，我其實係有少少密集恐懼症嘅，雖然我係讀Bio嘅，但係我發現當我見到Bio書裏面好密嘅一啲Cells，我就雞皮疙瘩，毛骨悚然了一下，莫名有種恐懼（明明就只係Cells點解我會驚..我都唔明點解要起雞皮） 其實到底有密集恐懼症嘅人，做唔做到醫生㗎？ 有無有密集恐懼症嘅人依家讀緊Medi，可以話唔知會唔會成日被嚇親？

#NSS學業 [某band1女校] 話說七月尾就知道咗分班結果 咁我本身(F.2)係讀次精英班 但下年(F.3)就分咗去最top嗰班 事關我真係好唔想入最top嗰班 就求咗老母好耐先肯比我寫信去學校 原本以為一天都光晒 點知學校唔比我調班 話要精神有問題+有醫生紙先可以

#NSS個人 [Guest] 近期我流血時血係凝固，究竟發生咩事？我係咪有病？

#NSS學業 [GUEST] Band 1A 女校 今年九月升中三 唔知要揀啲咩科好 但想試行醫科路 所以應該會揀bio 同chem

#NSS個人 [想去韓國做練習生但目標唔係出道] 小妹07，上年入坑kpop，鍾意唱歌跳舞(玩過九年choir，跳舞最近開始學)，但自認唔叻。 除此之外，我性格內向，唔鍾意表演。 奇怪嘅係，我想去韓國做練習生。 主要原因係: 1. 我有厭食，之前因為身體頂唔順，入過醫院。出到院雖然有食嘢，不過都係好唔滿意自己嘅身型，覺得自己好肥，想做運動改變但係太懶。因為做練習生嘅身型要求好高，我想透過人哋逼我做運動， 同埋趁爹哋媽咪唔喺我身邊偷偷地節食減肥。 2.

#NSS個人 [Guest] 我好怕尷尬，成日都因為怕尷尬而唔敢拒絕長輩，佢哋叫我做乜我都做，雖然嗰啲嘢又唔算難，不過我唔想做囉，個腦明明唔想做，但係個口又話ok, 點算？

#NSS個人 [guest] 小弟升F2，我覺得自己冇乜frd，咁我喺班上又未至於係透明人嘅，有幾個同學當我係frd, 做grp project總會搵我，但係我同佢哋又唔係好熟，次次傾計都刻意隱藏自己真實嘅一面，好唔自在 我唔算內向，你話好外向又唔係，如果熟嘅話其實可以玩得好放，咁我同同級16個同學之前因為參加咗學生會舉辦嘅活動開咗個whatsapp grp，一開始都冇乜人講嘢，耐咗，我哋就成日喺嗰度傾閑計，講廢話，喺嗰度我咩都夠膽講，係我真實嘅一面，咁既然我可以喺呢16個人面前做我真實嘅自己，點解我會話自己冇frd? 因為我喺現實生活淨係同其中4個熟，對住其他12個都係帶住個面具，雖然我哋全部人都話就算之後唔同班，都會繼續喺個grp度講廢話，不過我好驚畢咗業之後大家就唔會再聯絡 其實平時小息我都同嗰4個同學玩得好high, 不過我哋嘅興趣唔同，平時好少傾偈，通常都只係一齊玩，大個咗就唔會再玩呢啲咁低B嘅遊戲，關係就自然會疏遠