#NSS個人 [GUEST] 其實太過在乎人哋嘅諗法係咪唔係一件好事？ 有陣時明明係人哋講嘢過份咗，我都唔夠膽話返轉頭，就算人哋串我都唔夠膽串返轉頭，仲會笑笑口咁對住人，就連有陣時覺得委屈或者難堪都仲係笑笑口。唔知點解覺得如果我黑面嘅話人哋會唔高興，我就連嬲緊我都會忍。 唔好話開口講，用重啲語氣同人哋表達我嘅不滿或者我唔開心我都唔夠膽，唔知點解就硬係覺得我俾人哋知道我不滿嘅話人哋會唔高興，即使我真係好認真，都唔夠膽嚴肅，所以有咩事都係笑笑口咁講，但係咁人哋就會覺得好似冇事，或者唔在乎唔重視我講嘅嘢。 我係就連有情緒我都會好聲好氣咁對住人，就連講嘢惡咗少少一下我自己都會覺得我係咪好唔應該，好驚我語氣一差或者令其他人唔高興我就會失去左佢哋，或者令佢哋唔鍾意我。其實咁樣係咪真係唔好？可以點改？ Sor for 1999😖

#NSS個人 [Guest] 小弟今年F2，我知呢個行為可能好小學雞，但係我唔知點開口. 咁我早前就識咗一個網友，咁有一日佢突然間問我家庭成員，一開始同佢唔係幾熟，又唔係好想俾人知我屋企有邊個，咁所以就呃佢話有個阿哥，點知而家越嚟越熟，我唔知點同佢交代好，佢將佢最秘密嘅嘢講咗出嚟，但係我唔知點樣可以同佢交代，亦都好驚有一日呢個秘密會爆咗出嚟，或者我再諗，可能遲啲就同佢唔熟，但係我唔想同佢絕交，我可以點做，我知呢個行為好小學雞，但係果次係我第一次識網友所以就作左一個大話🤦🏻

#NSS學業 [ GUEST] 請問有冇人知道邊間中學有得選修健康管理與社會懷科？🙏🙏

#NSS其他 [lscc ] 小妹07住觀塘區 想認識下有冇差唔多年紀嘅人可以一齊打下壁球？

#NSS學業 [GUEST] 麻煩admin po ig！！！ 想問下各位有咩方法去學英文！我真係唔想再係咁落去。小弟今年f3 來自band2中文學校 基本上除左英文堂就唔會用英文 再加上學校想升banding 英文卷比以前難好多

#NSS個人 [GUEST] 其實可唔可以唔好係咪都話自己母胎單身 見有啲初中嘅話自己母胎單身真係睇到好尷尬 先得十幾歲點會係母胎單身

#NSS愛情 [Guest] Hi大家今日嚟討論下純友誼🙂 大家覺得男女有冇純友誼？ 以下內容由連登copy落嚟🗿 冇🙅🏼‍♀️： 成日傾計或者單獨出去行街睇戲食飯真係好難冇好感 – 有🙋🏼‍♀️： 有但係我覺得男人認為嘅純友誼

#NSS家庭 [Guest] Admin plz po ig 唔知道你哋有冇呢種屋企人 我屋企人成日都會冇問過我就掉我啲嘢 我自己本身係一個鍾意收藏嘅人 屋企人成日都話我好似執垃圾嘅人

#NSS社會 [HongKong] admin pls pls po ig 睇完呢篇文#NSS210731G 我嬲到要既刻投稿，回覆返你所對港人既睇法同失望。 仇視係冇分正確定錯誤，你要知道，呢d仇視並唔係一朝一夕嘅事，呢d係咁多年黎中國人對我地既壓迫演變而黎。中港矛盾不嬲都存在，係你睇唔到。

#NSS其他 [Guest] 各位有冇試過上網用tap&go買戲飛😭最後攞唔攞到飛 見佢官網話票出示實體信用卡 但佢收咗我錢先知😭😭

#NSS家庭 [GUEST] 我想問下大家覺得食飯睇手機係咪好正常？ 今日晏晝嗰陣我就自己煮麵食，跟住阿媽啱啱放工返嚟，見到我左手拎手機 右手食嘢，就無啦啦鬧我，話”邊有人好似你咁邊食邊睇㗎” 我就冇理佢繼續睇，佢就突然話 “同我放低部手機！！你再揸住我就dum(唔識打)爛佢！！！” 老實講我勁想尸口巾佢一餐，唔知佢突然發咩神經就話要dum爛我部機(部機仲要我自己出錢買)，之後仲夾硬話我搞到成地油要我拖返佢，語氣同同我工人姐姐講嘢一樣🙄直頭當我係佢工人咁，我心諗”冇嘢啊嘛？食飯睇手機好正常啫，洗唔洗啊？” 所以我想問下，其實食飯睇手機係咪真係好大問題，以至佢要鬧到咁？ thx

#NSS社會 [GUEST] Reply to #NSS210731G 希望admin可以幫我post ig 多謝🙏 *本文儘量以客觀 多角度分析時事

#NSS個人 [Guest] 有無人同我一樣好憎自己生日果日 小妹上個月過左14歲生日 但係我想講真係好尷尬 我係一個唔鍾意表達自己嘅人 係朋友面前可以放開啲 但係喺屋企人或者親戚面前就鍾意收收埋埋（可能因為反叛期） 係屋企過生日 屋企人會叫你唱生日歌

#NSS家庭 [kyc ] 大家好，呢篇文主要係想問大家一啲嘢同埋少少發泄 小妹而家升F.2 ，但係我覺得屋企人好似當我係一個初小學生咁樣，好多同學都話我太受保護。 例如 1.明明放學有好多條路可以行，但必須要行佢指定嘅路，唔可以行人太多或者人太少嘅地方(近食肆或者小巷都唔得) 2. 放學要即刻返屋企，唔可以去商場、唔可以去7-11或者circle

#NSS個人 [Guest] 我今年升中三 應該過英國好，定係留低喺香港

#NSS個人 [GUEST] 26嗰日，當晚睇住張家朗奪冠嘅直播，作為一個勉強都可以算係運動員嘅學生，當下嘅感受係為張家朗奪冠而開心，但同時令我反省自己。 從小一開始，游水就充斥係我嘅生活之中，但我成日都偷懶，一個禮拜五日嘅訓練就只會去得三日，甚至更少，年紀越大，情況越嚟越嚴重。結果就係只能做個唔上唔落嘅人，同我同年嘅年年都有進步，我同佢哋嘅差距就年年增加。雖然好唔抵，但係自己攞嚟，又有咩好怨。抱著呢種諗法，我漸漸減少咗訓練，直到依家係停咗兩年冇去過泳池。 但當我睇到香港嘅運動員係奧運上大放異彩，甚至攞到金牌，我嘅心係想返到泳池，好想再掂到嗰啲好難聞嘅泳池水，好想係學界攞到獎，而唔係永遠跟係人哋後面，做嗰個被同年、細個我嘅人取笑嘅人。 不過依家問題嚟啦，我冇再跟泳會，即係唔會有教練執到我嘅動作，淨係可以自己練。加上準備中四，學業上可能有啲難跟。不過又唔想係學界中完全冇所作為。 所以問下大家意見，區隊嗰啲都唔會去諗，淨係想係中六學界前游到30秒內（依家大概34上下，但係兩三年前嘅成績），自己去泳池自己操，會唔會有成果？ 識得勿相認！:P

#NSS學校 [GUEST] 小妹依家係一間band 1中學讀緊 但係就完全跟唔上 諗住轉去ltfc 唔知有冇係嗰度讀嘅人 可以講下ltfc係點？🙇🏻‍♀️ 唔該admin po

#NSS社會 [guest] 以下涉及敏感議題，唔妥嘅話唔該diu輕力啲 小弟升f3，對自己嘅政治取向有啲疑惑，每次同學問我係黃定藍，我都有D尷尬，因為唔識答 話說我對政治嘅嘢冇乜感覺，不過比較支持邊邊都feel到嘅，香港政府推出抗疫政策嘅時候，我覺得冇乜嘢，有時仲會覺得啲政策有用，不過係咪藍？一定唔係，xx (唔想犯法，大家應該明我講緊乜) 出嚟講嘢嗰陣，我每次都好反感，雖然反修例運動嗰陣我只係覺得兩邊鬥嚟鬥去好煩，不過到到東奧，我就好肯定自己唔係藍，我基本上淨係撐三隊，香港、日本同中華台北，呢三隊贏，我每次都好high，相反，佢哋輸嘅時候我會有啲唔開心，而其他國家/地區贏嗰陣，我完全冇感覺 黃人出嚟講嘢嘅時候，我雖然冇支持嘅感覺，不過絕對冇反對嘅感覺，相反xx出嚟講嘢，我會有嗰種反對嘅感覺，所以我應該係淺黃？

#NSS愛情 [Guest] 男朋友有個女閨蜜，簡稱S小姐啦。S呢就係我男朋友嘅ex嚟嘅，佢地喺2020年尾分手，分手嘅原因係因為鬧交然後S小姐就激動得滯，講咗分手再block埋我男朋友。 2021年2月左右，我就同我男朋友一齊咗，S知我男朋友有女朋友之後，覺得自己鐘意嘅人俾人[搶咗]，就開個細acc,自稱係S嘅朋友，不停叫我男朋友同S表白（佢知我男朋友有女朋友嘎窩😌）。 我男朋友就係嗰啲勁心軟嘅人，我叫佢拒絕S，然後block咗佢，佢就話：吓?好似好衰咁，唔好啦~ 然後就同S講：我而家有女朋友，如果要一齊，起碼等我分手之後。 S就誤會咗，以為我男朋友仲好鐘意佢，但係因為我嘅威逼，而拒絕佢。咁佢梗係要做啲嘢，令到我同我男朋友分手😌 2月到而家，都差唔多半年啦。尼半年嚟，佢日日不停離間我地。會做咩?有一次，佢同我講：其實呢，你男朋友唔鐘意你嘎，你放手啦 再同我男朋友講：其實呢，你女朋友不停喺出面溝其他仔嘎，你快啲飛佢啦。之後不停開細acc同我啲同事講，其實佢覺得自己同我男朋友好有夫妻相 又有一次，佢威脅我男朋友，話如果唔同我分手，就去自x

#NSS社會 [Guest] 呢篇野係我自己嘅諗法，可能會有好多人唔同意我，你可以鬧我，不過希望你可以睇落去。篇野有d長，請見諒。 唔知大家有無follow立場或者眾新聞嘅ig呢？我有follow，有時無聊會開ig睇下佢地嘅新聞post，不過下面d留言真係令我覺得有d唔舒服。 就例如上次嘅鄭州水災，應該大家都知，呢件事中共就話係百年一遇嘅大洪水，咁相信精明嘅大家都會覺得呢件事係人禍而唔係天災啦，個班政府高官之前講過話要將鄭州打造成海綿城市，將鄭州嘅排水系統打造成一流嘅排水系統，點知嚟個大雨就搞到成個城市死曬。成件事都係中共班無能嘅高官而造成，咁點解係眾新聞嘅ig post留言下面，會有班人反而笑遇到洪水而遇難嘅鄭州市民係抵死？佢地可能有支持過警察打壓黃絲，但係佢地係中共嘅洗腦下根本無自己嘅想法，只係一味愛國愛黨，佢地根本唔知事實，點解要話佢地抵死，五毛？佢地嘅留言就好似班藍絲話爆眼少女俾警察射爆對眼係假嘅，係黃絲自己搞件事出嚟誣衊警察咁樣。班藍絲如果係咁嘅話，點解我地要學佢地？點解我地唔可以做一個有質素嘅香港人，而要好似班藍絲咁樣做d咁無品嘅野？ 第二，前幾日dse放榜有幾個狀元出咗嚟，我地應該為佢地覺得開心至真，而且佢地仲要係咁多傳媒面前表態自己係黃，咁我地應該無咩可以鬧佢地。咁點解仲會有班人，會叫佢地返大灣區，話佢地唔出去外國讀書就話人地愛國愛港，出去外國讀書就話人地放棄香港，係度話咩違反國安法，我想問個班留言嘅人諗緊d咩？每個人有唔同嘅諗法，佢地鐘意點咪點囉，你地理得人地咁多姐？ 第三，關於上次個bb要人捐肝嘅事，ig下面留言嘅人真係令到我好心屈，佢地起曬bb個媽媽底出嚟，發現佢支持香港警察，就祝佢個bb搵唔到肝，抵死咁樣。的確可能我自己真係無能力捐，但我地都可以祝福佢媽媽幾句，但點解連祝福都無，反而仲要咒人地？同啱啱鄭州水災件事差唔多，點解我地要好似班藍絲咁無品？我地咁樣嘅舉動就會令其他無咁偏激嘅香港人更加討厭我地，希望大家仲有d人性可以講返d正常d嘅野。 有時係ig會見到d藍絲留言，其實大家都有言論自由，唔同嘅人有唔同立場，可能大家政見唔同，一見到藍絲就鬧，話人地係五毛藍絲，但係而個方法係無用，只會令對方相信自己個套，我地係要同佢平心靜氣咁講自己嘅想法，先會令人信服，亦會令一班無咁偏激嘅藍絲開始轉黃。 如果太長嘅話應該無人會讀落去，我講著咁多先，總結想講希望個班係ig下面留言個班人可以睇到呢個post，唔好咁噁心，可能你會想鬧我，鬧我係大中華膠或者左膠甚至五毛，無所謂，每個人有自己嘅諗法，亦可以表達自己意見，多謝你睇到呢度。