#NSS個人 [Idk] 我係 #NSS210708C 個post主 首先多謝大家d comment 但我想講我而家已經放棄 雖然我唔想 但我想講既然佢都咁絕我都冇必要仲去挽回呢段友情

#NSS個人 [guest] 求admin po ig🙏🏻🙏🏻 *長文慎入 大家好，自我介紹返先，小妹今年中一(準備升中二),讀Band one學校(唔係想攀比啲咩純粹交代背景)。 好似係由form one下學期開始，喺無形之中我好似俾咗好多壓力自己，而我係不自知嘅。嗰陣時就係差唔多要考試，咁我都好似平時咁開始溫書啦，一開始都冇乜嘢，但係去到臨考嗰幾日我嘅情緒就開始有少少失控(試過散散吓步然後返到屋企之後爆喊，但係嗰陣時完全唔知點解，因為本身屋企人比嘅壓力都唔係好大）。咁當初我都好自然咁認為純粹係緊張所以先會有啲壓力姐。其實我自問我今次嘅考試都真係投放咗好多心力，正所謂一分耕耘一分收穫，但係今次考試失準咗少少，對自己都有啲失望。我以為考完個試就一天都光晒，咁之前爆喊嗰幾次都冇乜嘢啦。但係之後就要籌備我嘅小提琴考試，呢個就係惡夢嘅開始。

#NSS家庭 [Guest] 想問吓何為中產家庭？ 交代下背景先，我屋企住居屋，媽咪冇返工，爸爸做生意，但賺得唔多，兩位存款分別都有七位數。屋企仲有一個哥哥同一個工人。 媽咪平時會買名牌。我覺得佢負擔得起無咩問題，但我阿哥成日都話媽咪：「屋企咁窮就唔好買咁多嘥錢嘅嘢啦」加上阿哥成日都同我講：「我哋屋企唔算中產，只算生活比較好嘅低產。」佢仲成日埋怨阿爸阿媽話「窮就唔好生兩個」 我覺得喺香港唔使供樓已經算中產，雖然屋企唔係私屋，但係都有900呎啊…..乜咁樣仲唔應該滿足咩？ 唔通喺香港要有幾千萬存款先算得上中產家庭？

#NSS個人 [GUEST] 小妹我係一個鍾意睇GL動漫嘅人，目前睇過終將成為你同citrus，但係依家搵唔到有咩係好虐心嘅百合動漫，想問吓咁多位有冇一啲推薦嘅虐心嘅百合動漫可以分享下？🙏🏻

#NSS個人 [GUEST] 我係一個女仔，今年13歲。我一直都想成為男仔，我以男性身份之前喺網上識咗個女仔，冇幾耐我哋就好熟、成日一齊打機，佢後來仲同我表白，但係我哋暫時唔會一齊（因為想了解多啲先），我個人認為佢唔會鍾意女仔，佢之後仲話要講電話同約我出街，我應該點算好？我知道我好衰呃咗佢我係男仔，但我真係好鍾意佢。 圖Link: https://ibb.co/sKVCbnL

#NSS家庭 [Guest] 阻大家少少時間 請問點樣可以清楚向阿媽表達自己諗法？ 小妹一放暑假就不斷打機，都係想放鬆吓啫。 之後阿媽就迫我參加嗰啲好多人嘅活動，話我日日响屋企就嚟變自閉。 我係啲好內向嘅人，有冇朋友都無所謂嗰啲，我根本就唔想參加任何嘢，一個人都好盡興。 我唯一興趣就係彈琴，但係佢而家因為另一樣活動去調學琴嘅時間。 咁我上開嗰段時間，佢又要夾硬塞樣我唔鍾意嘅嘢入去，佢完全冇理過我嘅感受。 我有同佢講過但佢話一定要返，我知佢為我好想我學多啲嘢，但係我真係唔鍾意呀嘛。

#NSS其他 [[ GUEST ]] 小妺今年f1 ，成日都比濕疹搞到好煩🥲 由細到大都已經有濕疹🥲，隻手隻腳全部都係印，平時都有睇開醫生，但之後都會嚴重返，日日起身照鏡望到自己都好核突，樣又唔好，成面暗瘡，皮膚又唔好，搞到成日都好自卑，唔想見人 其實我都唔知自己想點，唔知點先可以改善到，btw多謝你哋睇到呢度🥲 希望admin可以share出去🙏🏻

#NSS家庭 [GUEST] 唔知有冇人嘅阿媽都好似我老母咁㗎呢? 成日同我講有咩唔開心嘅就同佢講，返工遇到個老屎忽經理同阿媽呻又被佢話出嚟做嘢預咗少少苦都唔熬得 過埋暑假就嚟升f6，老師叫我哋諗下jupas揀咩好，阿媽就叫我同佢傾，但佢完全唔知有咩課程啲課程收幾多分，我想讀嗰啲科佢一係話冇前途一係就話喺香港做相關行業嘅話會冇自由，然後又係叫我自己再搵再諗。如果乜都唔同佢講，同其他女性親戚講(例如姑媽)，佢又會妒忌(雖然佢冇承認過)，即係覺得佢先係我阿媽咁鐘意搵姑媽不如認姑媽做阿媽好過。但係如果我乜都唔同人(長輩)呻，我驚遲早有一日我會頂唔順爆煲。我應該點做先可以佢又開心我又開心呢？

#NSS個人 [GUEST] Admin po ig plz 點樣先可以變得番開朗啲同埋識social 其實我小學嘅時候都唔係話好主動，但嗰陣時因為笑點低好容易笑同埋都會同人講下廢話所以都算幾sociable，亦都有參加幾多活動。 但係自從升上中學之後，可能因為自己由中小升去英中嘅關係，小學同學入面又得我自己一個，所以慢慢就變得少講嘢同埋自摺，摺到宜家畢業變成一個極度內向同埋連oral考試interview都會因為太緊張而表現唔好，甚至可能全程唔出聲。 最近搵到份做sales嘅pt，但就被經理話太靜以致(睇落去)唔想做嘢學嘢態度唔好咁，同阿媽呻佢又話早啲瞓個樣精神啲就得，話我好似平時咁十下十下傻笑就得但事實上我呢幾年大多數時間都係自己一個喺間房入面冇乜點笑。嚟緊仲要繼續返pt同埋升大學去到一個新環境，請問我可以點改變自己變得outgoing啲(哪怕係扮嘅都好)？

#NSS文化 [ಡ ͜ ʖ ಡ] V●ᴥ●V▼・ᴥ・▼U ´꓃ ` U(◠ᴥ◕ʋ)/ᐠ｡ꞈ｡ᐟ◖⚆ᴥ⚆◗( ͡°ᴥ

#NSS個人 [Guest] admin 求post thx 😭 小妹今年升F3，上學期係朋友既影響之後開始打機，之後開埋ig acc，識咗好多網友，之後仲一齊開戰隊，大家日日whatsapp call 打機，仲好成功搵返幾個本來失聯既小學朋友入戰隊同回坑，日子過得好開心。

#NSS個人 [Guest 有關升學嘅問題] 我係嚟自一問band 3中學，咁平時教嘅嘢就全中啦。但問題係我嘅中文就未試過合格，但英文就好好，都算係一直排到全級頭三以內。但我知如果出到去同啲band 1同2比，都依然廢。咁我其實有啲想去外國讀書，屋企人以前都有問過我想唔想去，我嗰陣就話諗下先，易家就想（重有一年)，雖然平時都有睇開好多歐美劇。但擔心英文水平係唔夠，所以想問下其實好似我咁樣去到會唔會跟唔上同有咩方法可以幫到我 希望大家比啲意見 Sorry for 1999

#NSS學業 [GUEST] 小弟而家升中6，讀chem, bio, bafs chem嘅成績特別差，考試唔合格，而其他科讀得還可以。但係驚drop chem之後會好無保障，雖然之後想讀嘅科（要best 5）同chem無關，但聽人講bio好難答中point，我怕最後bio最後抄咗，會有啲危，而bafs就好有興趣，就一定唔會drop 如果繼續讀我驚會拖累咗其他科，搞到無時間溫書（我core都唔係好掂） 想問下各位可唔可以捭下意見，drop唔drop

#NSS其他 [GUEST] How? 我見好多人成日睇漫畫或者小說、動漫等等，有D睇完一套就即刻開始睇下一套，總之過睇好多好多作品。想問你地到底點解可以記得咁多劇情同人物架？我有好多作品想睇，但成日唔記得之前睇過嘅作品嘅某D情節，同埋某D角色名，搞到要成日翻睇，冇乜時間睇其他作品(睇完新嗰套之後，過咗一排又開始唔記得，又要翻睇…) 到底你地點解睇咗咁多都記得？ 有咩方法？

#NSS文化 [GUEST] 請勿玻璃心喔~講嘅係事實 圖Link: https://ibb.co/DrqrGHV

#NSS個人 [Guest] 好掛着個隻成日已讀不回嘅豬豬 嗚嗚嗚嗚嗚嗚嗚嗚 ฅ ฅ 我想食豬肉🐷🍗🍗🍗🍗🍗

#NSS愛情 [Guest] https://youtu.be/b_ce-24ILFg 貓貓係氣勢上贏咗豬豬 加一分 ლ(◕ω◕ლ) ฅฅ

#NSS愛情 [Guest] 大概幾個月前join左個興趣班，入面有個都幾靚女既師姐，我唔知係咪因為我新入嚟，之後佢特別take care我，但係都有其他新入既同學佢哋都話佢係對我特別啲，又成日話佢特別鍾意我。一開始我都無當回事，只係覺得純粹因為我新入。佢平時會過嚟攬我又話我好得意，一時時又會整蠱我笑下我咁，唔知係咪因為佢特別nice又幾靚女搞到我有少少鐘意佢，我之前都係鐘意男仔。 之後去到近排，我每個星期都超期待可以去想興趣班，因為咁樣就可以見到佢。但係呢排佢對我有啲忽冷忽熱，一時會主動同我講野好似之前咁玩下我，一時就可以成堂都淨係講一句。可能之前係我自作多情，但我好似已經沉咗船。我又唔知佢既性取向又唔知佢有冇男朋友。有咩方法可以冇咁直接咁知道呢兩樣野。我而家應該點做好，我係個啲好怕羞唔會主動講嘢既人。

#NSS個人 [[GUEST]] Admin plz po ig thx 其實小弟我就想問吓大家 喺IG或者其他app俾人寸或者俾人公審正唔正常？或者有人無端端好唔鍾意你就喺度鬧你又正唔正常？ 主要係想問返公審

#NSS個人 [GUEST] 覺得自己內向唔敢講嘢到可能會影響生活，點算好。 由升上中學開始唔知點解就覺得自己好似變得越嚟越內向咁，雖然都有兩三個知心好友但同其他同學傾計對我嚟講都好困難，尤其係好多時候唔識點樣同佢哋延伸個話題繼續傾落去，大部分都只係問下學業上嘅嘢就靜曬dead air冇嘢好講。 原本諗住少講嘢最多只係會影響我交友多少同埋參加幾多活動咁啫，但去到最近呢一兩年我發現我去到啲面試或者oral考試就真係完全講唔到嘢。明明準備嘅時候諗到啲point都諗埋點樣吹嘅方向，但一到講出口腦裡就頓時一片空白令到我最多只可以講兩句個point就算，完全elaborate唔到。最近放暑假搵咗份零售part time，啱啱做緊第5日，因為好多嘢都唔識嘅關係所以我好多時都驚講錯嘢，除咗打招呼嗰啲之外都唔係好知要同個客講咩，結果尋日收工就畀經理話我態度唔好話我好似個負累唔單止幫唔到手仲要令佢花多咗心機嚟照顧我。有冇做過零售業嘅朋友可以教一教我點樣對啲貨唔熟(經理好似唔諗住教我咁樣)都可以同啲客吹多兩句咁啊🙏🏻 Sorry for 1999