#NSS個人 [Guest] 究竟人是不是一定要有人生意義？人生意義很奇特也不是錯

#NSS其他 [Raimondi College] Admin po IG thx🙇🏻‍♂️ 話說小弟呢排晚晚都比一樣野煩，就係晚晚瞓到2,3點都會有蚊係我個頭附近飛。 已經check左屋企應該冇地方會生蚊，冇積水冇剩，但係一近夏天就晚晚都會有隻蚊入嚟我間房煩我，我攞張被包住成身就咬我塊面，連我個嘴都咬（真)。因為已經係夜晚2,3點所以唔想理佢🥱，但係往往就係係我就瞓着嗰下飛過嚟糟返醒我。開空調又吹唔走佢，開蚊香又冇用。搬出去廳訓又跟住飛埋出嚟🥲。最後都係要夜麻麻開燈拍死佢（凌晨5點😭)。 想問大家有冇啲咩方法可以解決呢個問題🙏🏻，因為呢樣野最近晚晚都訓得唔好😥。

#NSS學校 [guest] 我係零針確診嘅學生，二月尾嘅時候我做快測中咗，宜家到四月中依然被後遺症困擾緊，每晚都持續失眠、咳嗽、甩頭髮…. 就嚟要番學校上堂啦，我覺得我失眠越黎越嚴重，仲越黎越焦慮。 正正係因為政府出風向話要分別對待未打針同埋已打針嘅學生。我見到新聞話要未打針嘅學生要坐角落，又唔可以參加課外活動，非學術性嘅活動都唔可以做。我就開始好驚，有時發夢會見到啲老師歧視我冇打針。我好擔心啲同學同埋老師會因為我確診過就歧視我。 但係我真係唔適合打針啊！我作為一個確診者係唔可以咁快打針，正苦啲政策朝令夕改，一時又話確診後6個月先可以打針，一時又話90日後就可以打針。我完全冇一個肯定而安全嘅時間去打針。咁我一定要被呢個政策限制住，一定會被學校差別對待。 我好崩潰好無助，我唔想返學，好大壓力。 sor for1999

#NSS學校 [GUEST] 想喺度感謝一下老師同埋同學。 講番件事嘅來龍去脈先。我由form 2 嗰年，我個肚就開始痛。當時我都冇乜點理佢，漸漸精神、體力各方面都變差，我平時搭巴士返學嘅，落車之後都要行一段路，對一般正常人都係冇問題，但係我每次行都會攰到想喊。另外，上堂成日都會攰到瞓着（喺度同老師道番個歉）。之後，胃口都差咗，乜嘢都食唔落，一碗飯都差唔多要分兩次食（都未必食得晒），去到後期好多嘢食完都會嘔返出嚟。 去到form 3 嗰年，喺學期頭（大概十月左右）我就入咗醫院，嗰時有啲同學都知道我肚痛，佢哋都會主動打電話嚟問候我，又會想去醫院探我（當時醫院唔畀探病）。咁其實一開始照超音波都冇用都睇唔倒肚入面嘅情況，最後要照CT（個人覺得CT好好玩😂）醫生就話我個肚裏面有個腫瘤要做手術切咗去。最後就經歷咗大約8個鐘嘅手術之後，醫生同我講我有cancer（第三期淋疤）。好快老師同校長都知道，佢哋同埋啲同學都寄咗啲慰問卡畀我。呢段時間亦都開始停課，而我就休學，準備開始化療。化療一共化咗4次。化完雖然可以翻屋企休息，但係我中性白血球好低（越低代表免疫系統越差），所以4次有3次我都因爲發燒要返入厰打抗生素。搞到明明一個星期住院都變至少兩個。父母平日都要返工，所以我一個人喺醫院。住院其實好悶，困喺間病房望著四面牆。你話去散下步又唔係好行得，打機都解唔到悶。所以，就算我休學，我都照上zoom，而老師都照樣畀我上堂，所以我至少可以接觸一吓外面，有得上堂其實冇咁悶（至少可以見到人，聽到人講嘢）。另外，老師喺嗰段時間都會WhatsApp我同埋我爸爸關心吓我問我近況。 最後想喺度感謝番嗰啲老師同埋同學，感謝佢哋喺忙之中抽出時間嚟關心我。

#NSS學校 [觀塘某女子監獄] 事關就係我哋學校嗰啲缺點真係濫發，欠交五次功課一個缺點，遲到五次又一個缺點，其實真係好煩，明明嗰啲缺點對操行都冇乜影響，但係當你每有一個缺點嗰陣時佢會有一張橙色回條俾家長簽名，然後呢個時候我阿媽就會鬧到我飛起，咁其實既然對操行都冇乜影響咁點解要有呢張橙色回條出現呢？咁呢個缺點又有乜嘢存在價值呢？

#NSS個人 [邊間學校唔重要] First Sor for 1999，第一次投稿，自己本身唔叻作文，純粹有感而發，書面語口語英文全部混搭，敬請原諒，希望你地明我想講乜🙇🏻‍♀️。 21世紀，多數人追求苗條身材，但仍有少數人唔力求keep fit，只求開心快樂，而我就是其中之一。 升上中學前，我未曾因為身材而焦慮過，儘管我唔瘦，又唔高，但我一直信奉外貌並非至上。然而，有一班人，佢地鍾意從耻笑他人身材、甚或外貌中取得快活，認為所有人一定要適合自己眼緣，否則喺佢地眼中只稱得上小醜。 以我為例，同級有唔少女仔喺IG上post既相俾佢地cap圖做group

#NSS個人 [lkl ] Sorry for 1999 最近對自己個樣越嚟越自卑，每次喺ig見到啲靚女都會諗明明都係人，點解佢哋咁靚女自信，個鼻又細又高。冇錯，我最自卑嘅就係自己個鼻，成個鼻都好大，雖然我個鼻唔矮，但係整體望落去就好怪。 我已經盡力唔去諗，但係一照鏡就想喊。我女朋友成日話我靚，我都知佢係想安慰我，所以我只可以笑下話「係啊，我知 」我根本就講唔出自已靚，我個樣同靚呢個字完全冇關係。 所以好想問大家點樣唔容貌焦慮🙏🏻，我唔想再因為個樣自卑，搞到成日都唔開心

#NSS愛情 [感覺唔到另一半嘅存在，點算好？] 小弟今年S1，12歲。最近有D感情方面嘅問題，希望咁多位前輩教吓小弟應該點做。 話說我係5年班暗戀咗一個同班嘅女仔，嗰陣其實都未有人知，就咁樣keep到去6年班。嗰陣我就忍唔到口，同咗一個frd講，本來叫佢唔好同人講，但始終都係傳咗出去。嗰陣全級識我哋兩個嘅人大部份都知咩料，甚至連老師都知。咁我哋就成為咗全個學年嘅是非😶‍🌫️ 嗰陣返學真係好L尷，都唔敢同佢對望，因為一望就會畀班花生友入到位，上緊堂都畀老師笑，認真嗰陣好大壓力。放學之後都會同佢msg嘅，但就無咩特別嘅。有一日佢無端端send咗句嘢畀我:「如果你同我表白，我可能會接受你嘅。」嗰陣我心裡面係大喜嘅，但又無咁嘅勇氣去表白……跟住畢業前一日，朋友都叫我表白，話唔想我留低遺憾喎(好明顯係有人想食花生) 咁我就完成咗佢哋嘅心願，係whatsapp同佢表白(但冇公開過)，而對方都接受咗。我嗰陣梗係開心死啦，但因成績關係要讀唔同嘅中學😔☹️ 咁問題就嚟啦，暑假畀人收手機，根本同佢完全隔絕😥。到咗開學之後好忙，加上爸媽唔係好畀我出街(小弟我唔係住市區，交通唔算好方便) 所以畢業後根本係冇見過佢。有keep住同佢msg，但好似每次都傾唔過10分鐘咁，feel唔到佢係到。之後啊媽都畀我自己出去，但第5波疫情殺到，佢又驚會中。(其實覺得佢係到避緊我😔，但都只係直覺) 請咁多位前輩點睇依段關係，仲有冇得救。再試下約佢定要分手？絕對唔想係後者☹️我仲好愛佢。希望名位前輩畀下意見 小弟第一次投稿，有咩講得唔清楚請見諒🙏🙏🙏

#NSS個人 [《網中人》佚名] [引言] 在香港這個華美但悲哀的城裏，有情侶寂寞地慨嘆怎麼會久合終要分、有情侶倆有心追隨，卻遇到半點風雨便思退、也有情侶在回家後脫下面具，綻放了許多在夜風中才會浮現的心事。這是一種amazing feeling。 我當然沒有另一半，但十六年來的各種經歷已讓我的心境像個老人一樣。我會形容自己是一個非常多愁善感兼抑鬱症患者，老餅一件。 無需問我身份，我身份只是某人。我也只是一名普通得不能再普通的學生一個，2023 dser之一。 [轉校] 上年我從一間band

#NSS個人 [Guest] 題目:依家啲狗公越嚟越恐怖 sorry今次篇文會好長，但都希望大家可以睇晒啦🙇🏻‍♀️ Hihi👋🏻,我係 #NSS220328A嘅樓主，上次講到個毒撚好恐怖，可能大家會以為佢淨係纏住我一個/有部份人覺得佢好專一淨係鍾意我，其實並不是的。每次我直接同佢講話唔鍾意佢，佢都會寫長文放負，之後又話要識/追第二啲靚女，仲要扮到成個鵪鶉咁唔敢追人。重點係佢追緊第二啲女仔仲可以同我講love u/bb⋯ 嚟到呢度關係會複雜啲，為咗令到大家分得清楚啲,隔離班個女仔(下稱阿D)，而我嗰班個女仔(下稱阿S） 佢想追阿D了解吓佢唔係問題，不過阿D對佢就唔多有興趣囉⋯同埋關係呢啲嘢要慢慢增進，都唔可以一下子強求人哋主動了佢。當阿D開始已讀不回佢嘅時候，佢又覺得人哋好蠢好笨，個理由竟然係覺得阿D唔知條毒撚暗戀佢。心諗,如果唔知就唔會已讀不回佢啦！ 其實都唔怪得阿D已讀不回佢，佢同阿D唔夠熟又問人哋行蹤，仲要廿四小時Mon住人哋IG，又喺人哋之前所有post/精選story度cm

#NSS社會 [guest] 香港人可唔可以守維返香港 作為00後，見到10後日日都係普通話，簡體字，抖音 真係唔知有咩可以講（其實大家唔好覺得00後細😰最大既00年已經22歲，09年都已經13歲。90年代既人既野 我地都聽過食過見過） 其實慢慢大家都講緊大陸用語只係你地唔知 1.手機❌電話✅ 2.富二代❌二世祖✅ 3.素質❌質素✅

#NSS學校 [WYCHK] 我今年係個form2學生，讀男校，就有個現象想同大家分享下。 我本人嘅性取向係正常嘅，都係鐘意女仔，係呢兩年入面見到嘅仔多不勝數，因為全校都係仔la，簡中有幾個我真心覺得係幾靚仔，無任何不正當或者歪曲嘅思想，我個班入面都有個係幾靚仔嘅，我唔知呢種感覺係靠咩去斷定。 咁我自認為我唔會轉軚，但係個個同學比人一種奇怪嘅感覺，或者可能因為佢斯文？我想問下各位男仔有無咁嘅事發生係身邊 ⊙_⊙

#NSS學業 [GUEST] 依家F1覺得自己好廢成績好差 小妹細個起就唔係啲咩讀書人 之前成績都麻麻(全級7X人我排大概40咁) 小學係讀一間好普通中文學校 舊年就好好彩入左一間band1英文中學 咁一開始梗係好開心啦 不過自己都知自己事 到後尾自己就完全跟唔上

#NSS愛情 [Guest] Sor for 1999 有咩講得唔好嘅希望各位手下留情🙏🏻Thx admin 是咁的 小妹之前係暑假(大概8月)join activity鍾意咗個男仔

#NSS個人 [guest] 唔知大家有冇容貌焦慮？ 成日都好冇自信，好驚人覺得自己唔靚，望住塊鏡都會喺度諗點解自己咁樣衰。 我日日都會因為呢個問題搞到自己好唔開心。有時難得有返啲自信嗰陣，一聽到人話「你咁樣衰」，唔理係咪講笑都好，都會好唔開心。 Sorry for 1999 唔該admin

#NSS個人 [Guest] 大家好！小妹今年14歲，最近好鍾意睇日本某球類運動嘅比賽 (講出嚟實比人認到)，於是就睇咗好多埸波，不過評述同埋球員賽後訪問都冇字幕翻譯，我好想聽得明，於是想學日文。 我想學日文嘅原因的確係比較幼稚，不過我知自己會有恆心一直學，而且多一個興趣都幾好，我唔打算喺dse考日文，始終學校本身已經要求讀3科electives (M1/M2另計)，我只係諗住當興趣咁學。我喺圖書館開返之後會去借本日文初階嚟睇，而家都有睇片學日文，想問自學日文嘅大家有冇啲學日文嘅tips？唔該晒！ Sorry for 1999 唔該admin

#NSS學校 [GUEST] 希望admin post 唔該🙏🏻 Hi，我想講講我間小學嘅副校謝某某，佢有啲行為我同我啲frd都唔係幾鐘意。 首先，我同我兩個frd(a，b)小五嗰陣都玩一款遊戲，b就成日課金送嘢俾我同a，我同a冇揸住支槍迫佢送嘅，係b自願嘅。但有一日放學呢位副校突然喺好多同學面前罵我同a又唔講原因，最後先知原來b係偷偷用佢屋企人嘅信用卡課金，佢家長就投訴我地。我之後同我屋企人講成件事嘅真相，然後我地一齊去學校同老師講番，但老師都冇理，最終我賠左300蚊俾b，屋企人叫我唔好再追究。 仲有，呢位副校本身只係一位訓導老師，但佢一直擦校長鞋博升職，最終逼走兩位副校。而且曾經網上傳過佢係藍絲，一直都以藍絲嘅角度教我地。 第三，佢小六教我地常識，有一次我嘅常識考試卷唔見左同佢講，但佢竟然話唔係好重要，叫我算。然而我上常識堂嗰陣佢投影，我清清楚楚見到我份卷喺佢啲文件夾入面，我就諗住落堂同佢講番。點知做緊小組活動嗰陣，佢行過黎俾番我，同我講：「都叫你小心啲保管你啲嘢啦，原來喺同學嗰度。」 Sor

#NSS家庭 [Guest ] 大家好，小妹第一次投稿。大家多多包容🙇‍♀️ 我阿嫲十幾年前嚟在屋企湊我，都搬左入嚟住。 由幾年前開始，我阿爸好唔鍾意我阿嫲，因為我阿嫲成日做啲好乞人憎嘅嘢，例如：睇唔起人，成晚霸住個電視，1-2件杉都開洗衣機 等等。咁我阿爸有同佢傾過，但係佢依然唔理我阿爸。然後我阿爸開始唔鍾意佢。另外，佢成日話呢間屋唔係佢，佢無需出一分一毫。所以就算佢整爛啲野，佢都唔會買返，佢整爛過電視機，電熱水壺等，全部自己整爛咗之後，唔出聲，等我地發現。仲有佢成日嫌三嫌四，嫌我阿媽煮飯難食，嫌我地唔俾貴嘢佢食，嫌我哋屋企有啲傢俬舊。由於佢嫌三嫌四同埋冇衛生意識，咁我阿爸就唔鍾意佢，會黑面，有時會同阿媽嘈。搞到屋企變晒，其實只要佢搬走，我屋企就會回復正常。有暗示過俾佢聽，但係佢都係賴死唔走。所以想問下各位有咩好方法🙏🏻 Sorry for 1999🙏🏻

#NSS文化 [HLC] 睇到有人系投稿講到《聖經》字句嘅問題，覺得都幾有趣下，同大家分享下哩方面嘅原因。 （提前Sor for 1999） 首先，當我哋尋根問底地去搵宗教因咩而嚟，就會發現其實宗教係由於人類的力量無法阻止爭執產生，因此需要一個比人類更高次元的調停者出現，而神作為的絕對權力者就出面扮演該角色。 聽落去係咪好奇怪，但係當我哋仔細捻下人類係自然狀態下嘅天然排外性導致的不互信，從而需要一種價值觀將「惡」綁定於「罪」，「善」綁定於「樂」，藉著相互遵守此價值觀規範，去保證產生共通的信賴基礎，宗教便因此而來。 [1]所以《聖經》有如今看來無法理解的句子，有如「《以弗所書6：5》你們作僕人的，要懼怕戰兢，用誠實的心聽從你們肉身的主人，好像聽從基督一般」考慮到當時時代局限性，哩句作為指導性句子出現系《聖經》於當時嚟講唔係唔合理嘅。 其二，在現代社會中，法律和宗教並沒有甚麼關連，這是政教分離的其中一個基石。

#NSS個人 [想鬧嗰啲成日出支持LGBT post嘅人] 其實認真講句，人哋根本就唔care你支唔支持，你真係支持嘅話你咪係個心入邊支持囉，唔使爭住出post搞到全世界都知道你係聖人囉… 我鄭重警誡一下嗰啲諗住出LGBT post嘅人，我見到一個我喺個評論區度鬧一個