#NSS個人 [[GUEST]] 是咁的，相信大家都知道最近某電視臺搞咗個summer camp(當然都可能有人唔知)小妹糾結緊究竟差唔參加好…我其實都好鍾意唱歌，但同時亦好驚身邊啲人點睇我。所以參加又驚啲frd唔like我☹(因為政見問題，可能會同我unfrd之類)，唔參加又好似錯失咗一個機會咁……我唔想同班friend關係破裂，又唔想錯過呢個機會😩大家話我應該點算？究竟參加定唔參加好？

#NSS個人 [GUEST] 我本身同我個跳舞同學好friend…但自從佢哋入咗同一間學校之後，我同佢嘅關係就好似漸漸疏遠咗… 小妹今年跳緊爵士舞，有個好friend關係好好嘅partner，frd左六七年，但佢唔淨止我一個friend……但同其他人嘅關係永遠都唔及得上我，但自從佢同一個都係跳舞嘅同班同學上咗同一間中學之後就同佢好friend，同我關係越嚟越疏遠……其實我好耐之前都有擔心過呢個問題，亦都有問過佢，佢話佢保證唔會忽略我，但而家呢？咪又係忽略咗 事例：譬如我跳舞放學嘅時候以前同佢兩個人行，而家就變咗三個人，呢個唔係最大嘅問題，最大嘅問題係我哋各自各番屋企就同對方say bye bye，之後佢淨係望左我一眼我咩都冇講，反而同佢入咗同一間學校嗰個friend佢就主動同佢say bye仲有眼神交接…但就唔係理我 事例2：以前我哋都會約好咗落去練跳舞，佢多數會早到或者準時，但自從佢同左班上面某個同學一間學校之後佢哋永遠都會一齊落去，仲要係每次都遲，之後又會買定嘢食兩個人喺度食，又唔會搵埋我，出去玩佢哋又淨係兩個人，因為我睇到佢哋story，感覺佢越嚟越冷落我…點算

#NSS家庭 [Guest] 小弟老豆呢排學人玩交友App, 識左個女仔, 就同佢日傾夜傾, 仲傾得好投契, 而且講啲野仲要好曖昧, 然後呢排仲同人哋出街。之後被我阿媽知道咗, 當然就屌9佢, 但佢堅決都係話自己同佢係朋友關係,

#NSS個人 [GUEST] 我發覺我好似唔識點樣控制自己嘅情緒點算？ 其實我控制唔到自己情緒嘅呢一個情況成日發生…….舉個例子啦，有陣時我會無緣無故咁突然覺得好燥，跟住當屋企人/Frd同我講野個陣餓就會開始憤怒同埋覺得煩，之後就會開始同佢地嘈；又或者系我突然間又覺得好興奮，跟住完全控制唔到自己咁唔理場合跳跳彈彈或者系手舞足蹈（試過系屋企有客人來嘅時候發作，跟住嗰個人以為我有過度活躍之類嘅問題，同我老母話佢識得有個人都係咁😑）；有陣時我又會冇啦啦開始爆喊，但係真係完全冇理由咁覺得想喊（有幾次放學個陣行系條街度喊左……跟住被同班同學見到影低左我嘅柒樣做sticker🙄又有一次系學校聽講座個陣冇啦啦就想喊，跟住喊到完全停唔落來。第二日有個好熟嘅老師知道左之後，專登來問我做乜，要唔要幫手，但係我又冇啦啦開始喊🤯嚇到個老師即刻call駐校社工。）。 以上情況基本上都成日發作，但係系我唔發作嘅時候我成個人又好似冇情緒起伏，唔嬲唔笑冇反應，直頭好似失去左情緒咁（我稱呢個狀態為賢者狀態？）。就例如平時我睇某套戲一定會喊，但係當我進入呢個狀態嘅時候，我完全冇嗮任何感覺，睇個陣一啲想喊嘅感覺都冇；又或者系我進入呢個狀態後，屋企人做左一啲極其弱智嘅行為（例如我細佬將自己啲臭襪擺入洗衣機同我嘅洗面巾一齊洗），我又完全唔會嬲，連鬧人都懶。 我自己系發覺左呢個情況後即刻就去睇醫生（個陣我大概中四），因為以上所述問題其實嚴重影響左我嘅生活…….但係系睇左醫生講左我嘅情況之後，醫生又話可能系我壓力太大而引致嘅情緒反覆，淨系叫我要試下放鬆自己Blabla嘅廢話（睇左幾個都係咁講）。咁我冇辦法啦，我咪遵守醫囑做運動聽歌打機放鬆自己啦，但係完全冇用（雖然我真係唔多覺我有乜壓力，唯一嘅壓力最多就係玩嘅遊戲要肝活動肝唔切）。後尾去到中五嘅時候我開始出現神經性胃炎同埋極其容易腹瀉，睇完醫生又系話壓力太大，開左止痛藥同止瀉藥比我，叫我放鬆自己🙄。去到中六繼續加重，出現左頭痛嘅情況…..醫生話系壓力性頭痛，應該系學業壓力太大。但老實講我自己真係唔覺學業壓力有幾大，因為我自己成績OK，對未來都已經有規劃，所以根本就冇焦慮等嘅負面感覺。但係我冇辦法控制情緒同埋胃痛頭痛腹瀉嘅情況完全冇減輕，甚至系考完DSE之後有加重嘅跡象。對此我真係已經冇嗮辦法，睇醫生醫生永遠只係會話我壓力大，要求我放鬆身心；靠自己去控制根本就做唔到，我最多只可以系發作完之後記錄低我今次發作又傷到邊個或者嚇親邊個，跟住就係平復情緒之後去道歉。我真係被呢件事煩到癲…….明明好多時候我唔想咁做，但係我又控制唔到自己，究竟我應該點算好嗚嗚嗚😭 唔該嗮admin出po🙇🏼

#NSS家庭 [band2] 小弟今年中五 此時此刻既我好唔開心 亦都好憎我屋企人 過往小弟派成績表從來都未開心過 因為屋企人從來冇見到我付出既努力 經常會有藉口去抹殺我既一切努力 成日都話我讀書邊有壓力 我見你個樣好輕鬆

#NSS個人 [小妹] 希望admin po ig,thx🥲🥲 我真係唔知點好 想大家俾啲意見🙇🏻‍♀️(小長) 小妹我屋企唔算有錢，但係屋企都將最好嘅嘢俾我，尤其是係我嫲嫲，佢由細到大都照顧我好錫我 我上咗中一之後識咗一個好朋友(下稱A)，我成日都同A 周圍行街周圍去，我真係好開心ga

#NSS學業 [銅鑼灣某間Band 1A中學] Hi大家好！我係一個13歲嚟緊升中二嘅女仔。其實已經開始放暑假，但係我好似永遠都脫離唔到考試嗰種壓迫感。其實父母冇俾壓力我（佢哋自己咁講），但係我成日都對自己嘅要求好高，中一個班主任都係咁講。升到黎中學成績唔差，全班第5名，班主任話我嘅成績全級頭15%，爸爸媽媽都接受。但係我自己就有啲唔開心，因為班主任話今次3、4、5名好接近，今次仲有兩個第5名，我同第3、4名嗰個只係爭0.0X分。我覺得自己可以再努力啲，考到個較好嘅名次，因為我知道到時考DSE或者IGCSE（我哋學校有）嘅時候個競爭會好大，我唔覺得自己可以同其他學校嘅人爭。我爸爸媽媽想我讀醫，我冇問題，但係我而家壓力真係好大，雖然放緊暑假但係我完全唔覺得自己放鬆緊。我爸爸媽媽幫我報咗補習，每星期一次，但係每次都要補成至少4.5個鐘（冇誇張，我計過時），真係淨係狂操卷。唔知係咪因為心理壓力好大，最近少少事就會好唔開心，我真係好辛苦。我而家每日都思考緊點樣可以喺中二躋身頭三名，咁樣至少我會好過啲，冇咁內疚，因為我成日都覺得自己唔夠努力⋯⋯我淨係想喺度抒發負面情緒，浪費大家嘅時間真係好對唔住。🙇🏻‍♀️🙇🏻‍♀️🙇🏻‍♀️ Sorry for 1999

#NSS社會 [GUEST] 麻煩admin po ig 唔該唒你哋🙏🏿 小妹今年15歲 最近去咗麥當勞翻part-time 遇到啲難題想請教下 喺下面簡單講下成件事來龍去脈先

#NSS愛情 [Guest] 小妹今年16歲，冇情傷但係完全唔想拍拖。係成世人都唔諗住拍嗰隻。唔想拍純粹係因為覺得好煩(?)，見到同學成日都repost嗰啲感情問題嘅story就會覺得 咁多呢啲嘢發生咁點解一開始就唔拍拖。 唔知你地點睇呢樣嘢，如果你哋身邊有呢啲咁嘅人會唔會覺得佢好奇怪？有冇人同我一樣諗法？ Sorry for 1999

#NSS家庭 [Guess] Admin po pls🙏🏻 小妹今年f1,我都知道自己家庭條件唔好，無主動問過爸爸媽媽攞錢。我阿媽最近更年期，成日發脾氣，因為我知道佢供樓壓力大，就任佢打任佢鬧。 最近阿媽好似怪怪地，又有時候會好high咁，無意中聽到阿爸話屋企存款無曬，叫佢唔好再吸毒。 阿爸話要我去打一d唔合法既童工，我又唔係好敢，但係又想幫阿媽，我都唔知可以點算。 Sor for

#NSS個人 [LSK] 是咁的，小妹 f3，畀情緒問題困擾左好耐 我屋企又唔係話冇錢，但又唔係話有錢，總之夠生存到，上左中學之後老豆老母唔會逼我死讀書，除左我燥底發癲嗰陣會鬧爆我之外，其他都OK。朋友少 ，同朋友一齊嗰陣又真係幾開心。有開追星，見到自己idol嘅相都夠我開心一陣。 但就係有種.. 唔開心、負面嘅想法，直接啲講就係想死，唔知生存有乜意義、點解老豆老母要生我落嚟、到底為乜努力.. ？可以話我係唔滿足嘅，聽其他人講因為喺學業上畀人逼得好緊所以壓力好大，但我明明冇人逼我，我意義上幸福過佢地，我都係過得好辛苦，毫無原因地嗌攰。就咁，又捱過左一年。 認認真真地諗過自殺，又驚死唔去，驚浪費救援資源，驚嚇親一啲唔關事嘅路人..

#NSS其他 [Guest] 慘慘貓 嗚嗚嗚嗚嗚嗚嗚嗚嗚(´°̥̥̥̥̥̥̥̥ω°̥̥̥̥̥̥̥̥｀)

#NSS個人 [ Guest] 靚女(｡ŏ﹏ŏ) 我可唔可以選擇唔答｡:ﾟ(;´∩`;)ﾟ:｡

#NSS愛情 [guest] 係咁嘅，我男朋友從來都唔會俾我睇佢相簿，我都唔係好好奇。但係今日我去陪佢打波，我就攞佢部手機諗住send張相，掂知一打開佢wts就望到一大堆女冇著杉嘅相，我都理解嘅，生理需求，但係我嗰下真係覺得好噁心，係咪我嘅問題？男仔嘅相簿係咪都係咁？ sor for 1919

#NSS個人 [GUEST] 話說小妹近排受到一啲感情上嘅打擊 搞到我而家好憎男仔 姐係I mean係一靠近佢哋我就會好唔舒服 同埋連鍾意嘅男仔都可以一夜之間變到好憎佢 真係望住佢都會覺得噁心嗰種 反而同女仔我就相處得好自在 但我自覺唔係les

#NSS個人 [Guest] 想問吓一個初中女仔鍾意睇AV係咪好奇怪🙈因為通常好似男仔先會睇（？

#NSS家庭 [GUEST] 小弟今年 F5 ，我老豆，老母思想好鬼落後，佢地話大學畢唔到業就冇前途，我心諗你地收*啦，跟住依然又唔俾我打機！我想講F5每日都要返學校補課，娛樂嘅時間已經唔多！又要求刪除遊戲，我唔L理佢地！我想講大學畢業後都揾唔到工，讀完大學唔係大晒架。我之前係網上見到好多人都話讀書冇真正嘅用途，跟住我老母係到俾教育學家啲Youtube片俾我睇，內容都係唔讀書世界末日了，我真係唔知有咩好講了！總之考完DSE就拜拜老豆老母！ 我真係希望可以share 出去！ 唔該~Admins

#NSS學校 [GUEST] hello小妹係一個f5學生，讀女校嘅。近排幾開心。上年學校嚟咗個英文老師，女仔嚟，fresh graduate，個樣乾乾淨淨咁🙈而且佢教書好有heart，對同學仔都好好，所以上年開始係學校已經好受歡迎😂今年佢啱好教我個班～ 我一開頭對佢無乜特別感覺（對唔住因為我唔鍾意英文），後來佢上堂成日嗌我又撩下我，課餘時間又同佢用wts傾計吹下水咁，我地又有共同興趣所以越黎越熟。 有一日佢落堂之後叫我留低，我仲以為係因為我無交功課，所以勁鬼內疚。我想認錯嗰時佢突然貼到我勁埋，嗰時同學去曬轉堂課室無曬人，我唔知佢做乜然後擰轉頭，勁近一塊面，同埋近到聞到佢身上嘅香味（唔知係咪香水？唔識分🤣）然後佢就拎咗兩條手繩出嚟（同款唔同色），然後叫我伸隻手出嚟，佢幫我帶咗一條係手上面，話唔準除低啊，沖涼都唔可以啊！佢個樣好似嚟個emoji😤咁。嗰時懵懵地乜都講唔出，佢就笑住篤咗下我塊面話我得意，跟住拍咗拍我，叫我返班房。之後有時上堂佢都會睇我有無帶手繩咁，見到有就係度笑，搞到我個friend以為我同佢有啲咩🤣 後尾我問返佢送我手繩係咩意思，佢話唔答我喎🥲勁衰又係度蝦我 下個星期六佢約我去cafe，緊張又期待～因為第一次同過老師出街🤣唔知大家有無遇過同自己咁frd嘅老師？

#NSS社會 [guest] 你哋覺得自己嘅人生有咩意義？ 我開始覺得自己嘅人生係冇任何意義嘅…人哋有前途嘅就身患絕症命不久矣，而我冇乜作用嘅人又冇病冇痛。自己生存又幫唔到呢個世界啲咩，反而仲影響埋地球生態。成日都淨係識後悔，但係之前又唔敢做。敢做啦，都係失敗。其實呢個世界係咪就係地獄，嚟折磨人嘅。不過放心，我唔夠膽自殺嘅🙃 一個出其不意嘅意外帶走我反而仲好

#NSS其他 [GUEST] 話說有一日我補完習搭地鐵番屋企，出面落緊雨但係我冇帶遮，就諗住係出口度等停雨。我嗰陣見到有個阿叔喺度影緊相，但係就鬼鬼鼠鼠。我嗰日着咗條短褲，我直覺覺得佢喺度影緊我條腿，之後我就行開，點知佢側側地身繼續影，我就直接行去佢後面。佢冇再影我，但係我望到佢影緊第二個女仔條腿。個女仔掛住碌手機完全發現唔到(其實都幾明顯)。我行上前同個女仔講，之後個阿叔就立即走咗。我估個阿叔都企咗幾耐，影咗唔少相。 想同大家講，出到街真係要小心啲，有好多變態。同埋唔好掛住睇手機，要留意下四周圍發生緊啲咩事。同埋如果其他人發現有人俾人影緊，要提醒番當事人叫佢小心啲🙏🏻🙏🏻