#NSS學業 [Wyy ] 是咁的, 本人學校嘅選科表冇得自由選擇，只可以一個組別入邊揀一個科目，咁喺衡量之下我就放棄咗bafs Accounting ，揀咗M2 但係由於我真係好想讀Accounting ，所以想問吓咁多位讀過會計嘅師兄師姐們，有冇啲咩建議（重要嘅topic🤔)可以比到自修緊嘅我🙇🏻‍♀️ （唔好叫我放棄plz

#NSS家庭 [Guest] Admin po IG plz (*´Д｀*) 小妹今年f2 啊嫲前兩個月開始叫我幫佢揼骨 佢係老人家亦係我長輩

#NSS個人 [CSS] 我成日俾人話有錢，就連同我同間學校嘅friend都咁樣講，都但係我只不過喺一個中產家庭長大。 入正題 小弟F2 14歲，住屯門青山公路某屋苑，小學讀政府資助學校，而家讀緊全港最貴直資中學一個月學費要8000幾， 由於喺將軍澳返學所以要坐校車。 我個年嘅畢業生無一個讀直資中學，所以個時以經係全级焦點。 我小學畢咗業兩年，D小學friend 到而家都話我有錢，但個事實係我有學費減免。

#NSS學校 [dmhc] 本人今年F.3 一直讀緊band 1 英中 由F.1到今年 我一直讀得好辛苦 學校競爭大 各方面上都好嚴格

#NSS學校 [某Band1A中學] 小妹今年中三，今次考試成績好差…淨係得中文、英文同一科唔重要既科目合格🤦🏻‍♀️ 學校建議我今年留班，但學校唔會逼我一定要留班。我唔知其實應唔應該留班… p.s. 我 phy, chem, bio 都好差:-(

#NSS學校 [YLMASS] Dear Jane 聖馬力諾之心風波 最近Dear Jane搞咗個學校宣傳活動，相信大家都有所聽聞，大家嘅關注點都系信義同高雷身上，而身為元朗商中一員，都想為自己學校發聲幾句。（趕時間請跳至最後一段） 事源幾日前，商中嘅post like數突然好誇張咁急升，甚至超過高雷排到第二。始料未及，每個商中同學仔都驚訝，見到同學嘅ig story好多都係度鬧買like嗰個人，我哋完全明白「買like」呢個行為系唔道德。

#NSS個人 [guest] 近排諗番起以前嘅嘢 之前仲細嘅時候係好單純嘅type 人地講咩就信 但係呢個單純害左我 嗰陣有一個男朋友 佢大我一兩年左右 佢邀請我上佢屋企玩 我就認為係真係好似同frd咁玩

#NSS個人 [某炮台山中學] 友誼真係好化學，唔花心機維繫嘅話真係好容易會疏遠（長文慎入） 我有個老友由小學玩到而家中學畢業（下稱A)，我地一直都好好朋友，一齊去過旅行、返學、放學，做乜都一齊，我哋都係對方嘅最好朋友。 A冇乜缺點，最多都係唔係好熱情（？）我意思係次次做主動嗰個都係我，例如約出街、傾偈、送禮物等等。其實我對呢啲又冇乜所謂嘅，始終可能性格唔同。 可惜一到假期，佢都會唔知點解失蹤咗，小至星期六日，大至暑假、公眾假期等等，唔覆機、更加唔好講約出嚟玩。 我初中嘅時候會問A點解，A就話忙學業、電話冇電、電話唔見咗，屋企人唔俾等等，我初頭都會幫佢諗辦法（eg 送個尿袋俾佢、教佢點同屋企人講…）但係我慢慢先發現其實佢根本就唔係咁抽唔到身，（例如.班會有活動，佢又可以即刻出嚟玩，唔覆我但係IG 又可以po嘢一直上線等等）。所以我慢慢都明白，佢唔係唔可以陪我，而係唔想陪。 近年因為我哋分咗班，所以A開始同佢嗰班嘅幾位同學friend

#NSS學校 [GUEST] Admin po ig plz 我係一個啱啱考完dse嘅f6，有啲嘢想問問讀緊u嘅哥哥姐姐們 喺成個中學生涯我都屬於比較摺，雖然唔係話完全冇參加課外活動，但係都只係得幾個，仲要唔係音樂同體育嗰啲好common嘅嘢，house嗰啲都冇咩join過。社交方面，本人性格又內向又唔知點樣同人開展一個話題傾計，有兩三個知心好友都唔算非常邊緣嘅人，但事實係咁多年有啲同學我覺得好好嘅都唔知點開始同佢哋做friend好，於是到宜家grad都有啲後悔冇早啲同嗰啲同學講多兩句。 就係因為咁，我唔想上到大學都係咁摺，唔係話要忙到飛起但都想參加多啲活動同識多啲朋友。如無意外我都應該入到香港嘅大學嘅，想問下咁多位讀緊或者讀過u嘅朋友，一個中學好摺又冇乜搞event嘅人上到u可唔可以handle到多啲課外活動？同埋點先可以好自然咁同人傾計然後做朋友？(其實有時同啲friend出去玩我都唔係好知講咩好) Sorry

#NSS個人 [GUEST] 長文，sor for 1999 小弟今年f4，眼見香港而家嘅未來，家人同都我傾緊外國留學嘅事，其實本身自己英文差，個人又唔係太敢嘗試，要放低香港所有嘢，我實在做唔到。但係我冇得揀，有得走就要走，無奈咁樣接受咗現實… 另外，唔知幾時開始感覺到其他人對我的期望越來越高，屋企人都話要諗定將來要做啲咩，做自己想做嘅嘢。但問題我連自己想做啲乜嘢，將來要讀咩都未清楚，留學嘅事加埋將來嘅前途搞到我好迷惘。 曾經小學嗰陣時識咗佢女仔，本來同佢都冇乜交往，但由小五開始，慢慢普通同學變咗做日日由朝到晚都message嘅朋友，嗰陣時開始暗戀佢，嗰陣時嘅我好想同佢表白，但冇呢個勇氣，唔想同佢淨係玩玩下，幾個月之後又分手嗰一種。可惜直到f2，我哋開始慢慢生疏，依家開始已經冇聯絡，呢幾年時間我都放唔低佢，我仲係好鍾意佢，無奈嘅係而家已經冇機會同佢講。 呢啲事都搞到我心情好沉重，壓力好大，來邊度只係想放低心情嘅「包袱」，希望大家可以俾啲建議去面對呢啲問題，Thx!

#NSS個人 [GUEST] 聽日係我生日，但係就冇人同我講生日快樂

#NSS家庭 [土瓜灣一間band1A女校] 小妹今年f.2,有一個細佬,想講我屋企係真心重男輕女,其實我由細細嗰就已經習慣咗,當父母一心淨係諗住細佬開唔開心,忽略你嘅感受🥲🥲,但係當時我覺得自己只不過少咗父母嘅關心,其他令我開心嘅嘢我都有哂,所以當時冇咁sad 但係近排我家母好似越嚟越着緊我啲成績,講實話我確實hea溫書🤡🤡,然後有兩次科學就炒咗🥲🥲,之後我今次Final考高分咗(有A,原本以為家母唔會咁嬲,但係同佢講咗之後佢鬧我話我連9字頭都無係mehsi🤡(大佬依家係中學wor,然後細佬今次final得7字頭我家母又送咗佢500蚊,我承認細佬今次確實係有進步,但係點解我好似被無視咁🥲🥲 最離譜嘅係琴日家母話我一日睇太多手機(3-4hours 好多meh🤓)跟住要求成個暑假受咗我部iphone佢,鬧我鬧勁耐,然後細佬係隔離打機+笑我 我喺屋企真係過得好唔開心,大家有無過身為家姐而屋企人重男輕女geh experience 🥲🥲

#NSS學業 [GUEST] 求求admin幫我sent 出去plz 今次個post都係關選課問題，而我就特別啲，我今年中四，修ECON,PHY,冇咩意外我應該係升中五，但就係因為我有骨科問題，症狀係九月尾開始，11月入咗院，年三十做手術，四月十幾號先開始返學，導致有啲課程都唔係好跟得上 而今日，我嘅副校老師同埋我家長加埋社工一齊開咗個會，傾未來方向發展嘅，老師們都講咗一啲如果我繼續讀落去需要面對嘅挑戰，副校俾咗一個條件，如果我重讀的話，我所揀嘅科都會特別處理，而我問佢可唔可以揀PHY,CHEM,BIO，佢反而問返我有冇決心（後尾我問返其他老師，佢嘅意思應該係可以俾我讀），而我本身個人都好鍾意Science ，大時想行嘅路，我係需要基本嘅science 知識，甚至乎大學想讀嘅科，都要求有特定嘅科目先可以讀（eg.CHEM)，但係重讀嘅話，下年dse冇咗通識，新嘅科目只會保留原本通識嘅三分之一，所以我先至有好多顧慮 then我有兩個選項 A.重讀一年，可讀Phy

#NSS學校 [QMSS] 急，求樓主盡快post！ 學校要逼我地結業禮在校內集體除校罩，換佢地提供嘅校罩。我真係好驚，可以點算，附上老師轉發的whatapps。 個校長平時整色整水要全校為佢服務都算，而家疫情下仲要全校同學冒險，想問甘做有冇觸犯衛生條例，有冇得同教育局投訴？ 附圖。 圖Link: https://i.ibb.co/Hrrc3Ty/Screenshot-20210710-131054-3.png

#NSS個人 [guest] 15歲以上有咩暑期工可以返🥲

#NSS家庭 [同樣係親生嘅，點解可以咁偏心] 屋企有一個家姐同一個細佬，而我就係排中間嗰個，係我細個既時候，我已經覺得自己係多餘嘅，阿爸係好錫我，但係阿爸錫我 只係因為可憐我。我細個既時候我好記得，每逢阿爸阿媽一嘈交，阿媽就會攞我黎威脅阿爸，即係因為我阿媽唔夠我阿爸大力，之後就會攞我出黎，阿媽同阿爸講 話如果唔好好地比我打，就會打落我度，我阿爸唔想我受傷，於是就比佢打，而當時因為我好細個，所以係好驚。雖然我大個左之後佢就冇攞我黎威脅，但係我好唔明點解佢地一嘈交就要拉埋我落水。 然後輪到我家姐，我家姐細個的確係冇乜點蝦我，但係大個之後就會當我係工人咁洗，有時候因為阿媽要出去同朋友食飯，咁本身講好咗一人一次落去買外賣，初頭佢都有守呢個規矩，後未佢就開始不停叫我落去，我心諗佢冇病冇痛點解又係我落？佢就話下一次先補返佢落，我唔同佢嘈係因為如果我同佢嘈，佢又會黑我面、發現脾氣呀嗰啲。之後輪到我落既時候，我冇叫過佢幫我落一次，有既都係因為我唔舒服落唔到，之後負責件事開頭就係咁嘅，之後我同我家姐每人負責一個星期吸麈，之後之前阿媽話「e家冇工人係度，你哋倆姊妹要分工合作做家務吖」！ 就係嗰一晚嗰一個星期係我負責吸麈，之後我手頭上已經有一樣野做，阿媽話分工合作吖嘛，即係話我家姐負責洗碗，之後前一晚亦都係我家姐洗，我阿媽就講左一句「點解又係家姐洗碗？家姐琴晚已經洗咗啦wor…今晚唔係應該輪到阿妹你洗咩？」我就回應左我阿媽「今個星期我負責吸塵wor…」之後佢話我「但係家姐今日陪我由朝到晚出去，已經好攰」 其實我想講之前係我家姐負責吸塵既時候，嗰一個星期既碗都係我洗哂，又唔見佢嗰陣時咁樣幫我講說話，我嗰幾晚洗既碗仲洗得多過佢洗嗰倆晚啦。仲有超早，佢哋前一晚食完宵夜啲碗咪又係我一起身去洗？ 之後我家姐就開始出去打工啦，阿媽就覺得家姐打工好辛苦，就成日幫住佢 然後鬧我，話我「家姐出去做嘢已經好辛苦，你幫下手啦」仲要對我態度好差嗰隻，佢做嘢得佢一個辛苦？？講到好似我係呢個屋企乜都冇做過咁，係呢個屋企入面最慘最得唔到愛既人係我！大家姐第一個出細阿爸阿媽梗係錫晒、第一個女吖嘛，之後屋企最細嗰個就當係寶，而我就係多餘嘅。我細佬乜都唔使做，因為我阿媽當佢係寶，我有咩事都擺係心入面唔講出嚟，佢哋就當我唔介意，阿媽、家姐、連細佬個個都蝦我..我真係好唔辛苦

#NSS愛情 [guest] 小妹有個暗戀嘅問題想問一下___ 就係咁嘅，我就大約仲有一個星期就放假，而佢就係高中，我初中，但係前一個月我發現我自己好似鐘意左佢。我未認識佢之前覺得佢好cool好高冷好冷漠，但之後我發現佢好有禮貌，對屋企人好，有愛心，成績又唔錯。而前幾日佢居然同我講野，雖然好簡單一句禮貌用語，但真係勁warm。 但係我嗰form同佢個form同一時段返學既只有兩日，我希望last day 可以同佢影相，可以記得我，但係我又唔敢同佢講野。想問下我可以點做？thanks a lot !

#NSS家庭 [GUEST] 我有個公主病嘅細妹，屋企人仲要偏心晒佢，有咩方法可以救到佢🤦🏻‍♀️ 小妹今年F2，不論係成績，操行，喺屋企嘅行為全部都優秀過我阿妹咁滯，但屋企人依然係偏心佢…將啲錯推晒落我度 事例一）我細妹今年準備升小六，大家都知五六年級要呈分試，亦都相當之重要，咁所以即使我平時係忙，我都竭盡全力幫佢溫習，但佢公主病發作，我同佢做緊數嘅時候，佢不斷話:「yi~家姐好煩囉！人哋肚餓又唔買野比人哋食，淨係識得叫人溫書」，你當我想咩？阿媽交托低，之後我落去買咗野比佢食（但我知道佢唔係肚餓）咁買完返嚟佢又唔食喎，最後兩個鐘頭內做得嗰五條數，結果第二日就考試，肥佬左，阿媽鬧個妹就算啦，仲要拖我落水話，你呢個家姐點做嘢，平時咁得閒都唔教好個妹，我個妹仲要喺隔離話係囉係囉！家姐正衰格！ 事例二）我細妹永遠都鍾意搶我啲嘢，因為好耐之前疫情嘅關係，要上zoom，我阿媽俾我哋揀嗰部iPad/電腦，咁我就揀咗iPad，而我細妹揀咗電腦，結果用下用下佢又話唔鍾意電腦，話iPad有得打機電腦佢唔識用，咁我梗係唔讓比佢，電腦嘅嘢我都唔熟，之後佢好似喊住同阿媽講話我明明識用電腦都唔願意讓下佢，我diu，之後我阿媽就話：「家姐啊，你讓下你個妹囉，都係上堂姐，讓下唔會死嘅」咁我梗係同返我阿媽講佢只係想打機，之後我阿妹話冇咁講過，我老母信咗，反而話返我哋聽唔清楚就唔好亂講啦！因為我阿媽根本就唔知佢有打機，因為佢都管得比較嚴，小學唔可以打機，雖然我都唔知點解管得嚴佢成績都係咁差 仲有好多各種嘅事例，例如唔問我攞我啲衫着，整爛我部手機mon，將我個書枱搞到立立亂，又成日喺阿媽面前扮可憐，唔救返佢都算，但有冇啲方法可以令到屋企人對我公平啲🙄

#NSS家庭 [QUEST] 小弟今年F.1 疫情之前 不嬲都會去一個親戚屋企同表哥(大我一年)and 表妹(細我一年) 大家聚埋一齊打下機 食餐飯 可能係因為差唔多大嘅原因 我地都算幾frd

#NSS個人 [GUEST] 琴晚我屋企人都唔會返屋企，全晚得返我一個。咁我突然就有個衝動，所以琴晚就裸睡。我想問一下我咁樣會唔會好變態或者心智有問題🥲 唔該晒admin🙏