#NSS學業 [GUEST] 我由小一到依家中五一直都冇有過學業既壓力，所以永遠都唔明白其他投稿嘅人。知道我咁講會有好多人diu，但正正係因為呢樣嘢，我依家有個難題。 我讀嘅小學冇排名，考試又剩係得中英數，考之前更加唔會有溫書呢樣嘢，重完全唔記得自己有考過TSA ，又冇程分試。上到中學之後（小學直升上），仍然係冇任何學業嘅壓力，雖然永遠坐唔到喺書枱前面超過半個鐘，但仍然係叫知道發生咩事，成績都中上。 一直開開心心咁去到而家，但下年就中六啦，要考DSE，但都仲係冇任何壓力同動力去溫書。所以真係好想知道各位大師有咩方法可以有動力。因為諗住去澳洲讀大學，收分低，又成日諗住就算唔夠分都可以讀foundation。好想改變呢種諗法，又好想知其實書係要點樣溫，但真係唔知可以點開始。希望大家可以幫幫我。🙏🏻

#NSS個人 [GUEST] 小妹最近移咗嚟英國，發現Safari好多網站都上唔到，尤其係咸網，直情係搜尋唔到，每一次都話無法與伺服器安全連線所以就開唔到，頭嗰兩，三個星期過到嚟都冇問題，之後就一直上唔到。有冇其他過到嚟嘅人都有同樣情況，我一直唔知係我自己屋企係咁，定係呢度有網絡規定 Sorry for1999

#NSS個人 [lscc] 我真係好辛苦 濕疹 令同學唔鍾意我 搞到我啲成績差嗮 日日都訓唔到 真係好辛苦

#NSS學業 [Guest] 我依家f3升f4，揀3x 。自己以後有意想向商科發展，所以想入econ 班 ，自己又鍾意讀chem，所以x2 揀chem，之後我自己又鍾意art，art係自己由細畫到大，所以都唔算畫得差，所以x3揀va。所以我依家變左econ chem va。呢三科係我最想讀嘅三科，但就變左理，商，藝術三個冇關聯。想大家比下意見咁樣讀係咪真係好嚴重、離譜。同埋對我未來發展有啲咩影響，會讀成點。唔該大家 tmi：自己唔太想讀bafs，chem

#NSS學校 [WYC] 是噉的,小女今年F1,之前因為一齊同一個女仔朋友（簡稱A）做嗰啲group project 開始慢慢Fri 左，我自己本身有個閨蜜（簡稱B）。A嘅行為越來越似B，B話要去廁所，A又跟住去。B放學嗰陣時同我一齊去食八方，A又話跟住去。我自己覺得嘅話真係好過分，乜都要黐埋嚟。有一排我對A淡咗少少，佢突然間就話，你做乜同B咁Fri喎，我會呷醋架。我真的無語了。之後A仲係噉叫我幫佢係買嘢ig，一次過買咗700幾蚊，佢同我講話等啲野到咗之後會我一次過還返啲錢畀我，呢件事已經係三個月前嘅事，佢到而家仲未還錢，仲係度求我話，我真係冇錢。但係我又見到佢係西九買追星嘅嘢。再有一次，我同A仲有其他兩位朋友一齊出街食飯，食到七七八八準備畀錢嗰陣時，A又同我哋講我冇錢啊，你哋幫我畀住先啦，用一個好綠茶嘅語氣同我哋講。我已經催咗佢好多次還錢，但係佢都係無動於衷。大家有咩方法可以迫佢還錢。 辛苦曬admins~

#NSS愛情 [GUEST] Losing the “Us” When an emotional injury take

#NSS愛情 [GUEST] Please post thx admin 小妹單身咗好多年，最近終於有個男朋友。但係我同佢拍拖個陣總係好尷尬，有無咩建議可以畀下我？

#NSS愛情 [guest] 想問下大家係點樣拒絕鍾意自己嘅人？ 對方表現得幾明顯但又唔表白 已經不停暗示對對方冇興趣但佢get唔到 但又唔想辜負對方嘅心意，想盡快拒絕 應該點做好🙏🏻 請各位俾少少意見thanks~

#NSS學業 [guest] 急 唔好意思可唔可以po咗呢個先，thx! 今年中三，要揀科，想問各位有咩建議對Econ同BAFS，我呢兩科揀一科唔知揀邊科好。但好似好多人都drop BAFS？ p.s. 本人對數比較有興趣，唔知有冇關係？ Thanks 各位

#NSS個人 [GUEST] 求admin po ig 小妹身邊有好多人都有 depression 有d仲想離開li 個世界真係好 sad，希望大家可以多d留意同關心下身邊嘅人，就算唔係好熟見佢唔妥都問候下啦！

#NSS個人 [[GUEST]] （純粹分享）係咁嘅，個個都知依家香港咁嘅情況，好多人都會選擇移民，咁我屋企人都會送我去外國讀書。我不嬲俾人嘅感覺就好似對香港冇乜歸屬感，所以我都少啲同人好open咁傾政治。其實我內面真係好L愛香港，好關心社會，又唔知點表達好。就快走，感覺好似丟低其他掙扎緊努力緊嘅人，好想俾多啲支持佢地。真心好擔心呢度嘅人，本來冇乜機會可以表達，咁我係呢度講，我愛香港，香港人要加油繼續奮鬥🔥🔥 （同埋可唔可以知去到外國有冇方法可以繼續支持自己人？thanks） (sor for 1999)

#NSS家庭 [Guest] 開始前介紹返背景先,小妹今年f1,有個細我5年(p2)嘅細妹。 我妹比我爸媽竉到壞曬,我依家真係越嚟越憎佢。 1 好多時佢要咩父母都比 例如上次去書局我阿妹話要買鬼滅ge漫畫,因為我都有睇,我就同佢講話鬼滅幾多血腥場面,唔啱佢,然後佢就勁大力咁打我一下。之後阿媽阿爸梗係買比佢la,但我想買本藍血人佢哋都唔比。 2 咩都要讓比佢 佢幾乎日日都係我沖沖下涼嗰陣話要去廁所,我沖涼都只係15-20mins,我就叫佢等一陣,但阿媽都會迫我5mins內出嚟。

#NSS家庭 [guest] 小妹今年form 1，由細到大都同阿媽關係好好，平時學校發生咩事都會同佢講，甚至連考試肥咗都會放學即刻同佢講，而且佢都對我好好，平時我做錯野佢都只會用WhatsApp同我講道理，唔會打我，我知道阿媽係對我好好，但係阿爸就好唔同 我知道要個堂堂大男人用WhatsApp同你講道理係幾乎冇可能嘅事，但係我每次做錯少少野，阿爸都會大聲鬧我同打我。我有一次洗碗洗漏咗隻筷子，佢就衝入嚟我房，攞條藤條打我，一邊鬧一邊打，我想講做家務係我應份嘅，我都有幫手，洗漏咗一隻筷子姐，等陣洗返咪得囉，打我做乜，如果我做咗D好錯嘅嘢，佢大聲鬧我同打我，我接受，但係呢啲芝麻綠豆嘅小事都要打，我就絕對唔接受 佢仲好偏心我阿哥，阿哥大我八年，我哋嘅關係應該係鬥氣冤家，好小事都會鬧交，過咗一陣又會和好，平時我哋都會一齊捉下棋，關係都算唔錯。我同阿哥平時輪流做家務，有一次佢唔記得咗洗衫，不過一次半次我都會幫佢洗，之後阿媽發現咗我幫阿哥洗衫，佢就同阿爸講，我聽到阿爸話唔緊要，阿妹應該幫阿哥做，我嗰陣真係嬲到想打佢，咩我應該幫阿哥做啫，之前明明講好咗規矩，不過阿哥一時唔記得做好正常，我理解，但係阿爸咁樣幫佢，真係太過分，我嗰陣以為佢只係一時想幫阿哥，點知我有一次唔記得拖地，佢就鬧我同打我，真係好唔公平囉，之後我阿媽同阿哥幫我講說話佢都唔理，有冇搞錯 呢排我覺得佢越嚟越過分，所以平時都盡量避免同佢講嘢，費事自己情緒失控搞到又比佢打，唔可以益咗佢，不過佢最近成日雞蛋裏挑骨頭，不停搵我啲錯處然後針對我，我覺得我一世唔出聲只會令到佢更加過分，但係出聲又會俾佢打，呢個怪物一路進化，受害嘅始終會係我，我唔知點做好，各位有冇啲意見比我？另外我覺得我嘅容忍程度有限，遲早會爆發，爆嗰陣我真係唔知自己會俾佢打成點，我而家好迷惘，希望各位可以幫吓我 admin pls post

#NSS社會 [GUEST] 未投過稿，但係平時睇人哋投嗰啲稿，會發現一個好神奇嘅現象，就係投稿人尋求解決問題方法，但係讀者唔知道又要出一張嘴表示自己無知。例如佢哋見到有人投稿話自己身體唔舒服，佢哋就會留言「你覺得我係醫生？」；見到有人投稿話身邊嘅朋友有問題，佢哋就會留言「你覺得我讀心理學？」；見到有人留言話自己Google壞咗，佢哋就會留言「你覺得我係Google？」 我未試過投稿，但係都覺得呢啲說話唔多唔少都會傷害到投稿人！唔知就唔知出咁多聲做乜鬼，投稿人唔係淨係尋求你嘅幫助，我希望咁多位讀者唔好自我中心化。 係咁多，sorry for 1999，唔該admin幫我po IG。

#NSS學業 [:3] 小妹今年f2升f3 屋企人有問我去唔去英國讀書 有妹妹同我一齊去 雖然英文唔係特別差 仲唔錯添 但係我好唔捨得屋企人、老師、朋友etc 尤其婆婆年紀開始大 又由細一齊住到大

#NSS社會 [情緒控制學院] 我有一個朋友，佢EQ低到爆，有時候小小嘢佢都要嬲，但係唔使3個鐘佢又冇事，開個玩笑佢就可以嬲，有時約佢出街，出街之前激嬲左佢，問佢喺邊度等佢又唔理你，真係唔知點樣做好。 想問大家身邊有冇呢一種嘅人，平時又點樣同佢相處？

#NSS其他 [Guest] 我想問有冇人有一個好型嘅兄弟姊妹,我有一個細妹佢今年F.2唔係吹真係好型,作為佢阿哥我都覺得好型,佢舉手投足每一個動作我都覺得自己唔及佢,加上厭世臉,樣都唔差可以話係靚,佢紮馬尾嗰陣好靚仔,冇錯係靚仔,可以話唯一不足係唔太高得159cm,而且佢好細心留意同照顧每一個人,14歲就已經有好多女仔纏身,雖然話同性都可以係fri,但佢仲畀女仔表白..我20年人生都從未試過…我真係好羨慕啊啊啊啊:'( 初初都冇發現呢件事,只係成日同細妹出街嘅時候總係有啲目光,初初以為係望我但唔係,係望住我隔離嘅細妹.. Sorry for 1999 純粹想講下 po ig

#NSS其他 [n/a] 其實啲cm態度可唔可以好啲？有時樓主純粹想發洩或者傷心想被人安慰啫。唔使下下都用啲咁差嘅態度令樓主心情更差啦。

#NSS學業 [Guest] 小妺今年f.2 成績唔好，本身f.1已經麻麻地，f.2仲轉埋英文班，好多字都睇唔明，次次考試都得1科都度合格。 今次好小小大部份都係差1.5分就合格，但係因為之前好多都唔合格，好驚留班我完全諗唔到如果我要留班我點同親戚講。 點算我真係好驚

#NSS個人 [GUEST] 小妹發現自己近排好容易喺多人嘅地方感到緊張，例如行緊天橋返學嗰陣時，我唔知點解好容易因為緊張而手震、腳軟，完全唔敢直視前方行路，淨係敢望住地下行，又例如喺課室嗰陣時，我總係覺得啲同學同埋老師好有壓迫感，令我覺得好緊張，結果完全無專心聽老師講嘢，淨係一味係咁叫自己放鬆（但其實無用），我可以點樣改善呢個情況？