#NSS愛情 [guest] 前幾日我激嬲咗一個鍾意咗好耐嘅女仔，佢而家唔理我，我又唔知點樣可以補教，我唔想我哋嘅關係越嚟越差，我同佢D朋友都傾緊點樣可以補鑊，我班兄弟都諗到個腦就嚟爆，我哋都係諗唔到點做好，我搵佢，佢又唔理我，而家點搞好😔

#NSS家庭 [Guest] 其實抑鬱症患者係咪一定成日喊 呆 懶？ 家屬可以點幫抑鬱症患者？ 點樣預防抑鬱症患者嘅自殺行為？ 我有一個阿妹 佢f4 我f6.

#NSS家庭 [guest] 我好憎我老豆 我細佬今次考完試，成績都唔算好差，今日星期日我細佬係度打機，我老豆突然發神經鬧我細佬，平時係手機都唔可以用，跟住強迫我細佬溫書 都考完試啦溫乜撚野，仲要直接將我細佬嘅電腦全部沒收 dllm考完試唔俾人玩？你每日返工你都會休息啦，考試個個都要溫書，如果連考完試俾人休息都唔得，咁你返工都唔好休息啦 你返工係好辛苦，但係讀書都一樣，你唔識體諒人，真係好賤

#NSS學校 [女校] 是噉的，我今年f1，我嘅成績喺級入邊係屬於中上，有一次上英文堂嘅時候，老師叫我哋做英文閱讀理解，我唔識做一兩條，留空咗喺度，做咗嗰啲題目入面，有一條錯咗。跟住我個英文老師就喺度鬧我，話我冇俾心機上堂，然之後就打電話畀我爸爸媽媽，班上邊吾只我一個遇到噉嘅情況。試問聲如果我哋學生全部題目都識做，就唔使讀書啦。 辛苦曬admins~

#NSS學校 [女校] 係噉的，小妹今年From 1 ,開學嗰陣時個英文老師對我都唔錯，自從我考衰咗一次考試之後，佢對我嘅態度直接係180度反轉，我做錯少少事，都將我鬧到好似殺咗佢全家咁。上網課嘅時候，我屋企嘅歪返Wifi 係真係唔好，所以上堂嗰陣時聽到一半聽唔到一半，之後個老師要求我同爸爸媽媽要求換咗個wifi。我阿爸阿媽都感到好無奈，點解學校會有啲咁嘅老師。 多謝願意聽我訴苦到呢度嘅大家，thx~💕 辛苦曬，admins💖

#NSS社會 [Guest] 我想問大家會唔會打針，呢排見到好多親友又打科興又打復必泰，我好confused🥸,打同唔打都係死，我都唔知點搞，呢排聽個frd講八月復必泰會轉做中國製，唔知真定假。所以希望得到大家意見，同埋除左以上兩個疫苗係咪無其他，大家又會唔會打針。

#NSS家庭 [GUEST] 我真係越黎越頂唔順我老母同阿嬤 話說最近我阿嬤就搬黎我地屋企住幾日，同我老母一起話9我我真係有d頂唔順。就好似琴日我收到網上買嘅嘢，係度拆包裹，阿嬤問我係咩我話係生日禮物，然後就開始係度話9我，話我咩唔好亂洗錢啦人都未大就係度買，我就話我生日禮物黎嘎佢都繼續屌我，我心諗老豆買生日禮物俾自己都要俾你話又冇洗你d錢，我就算數唔同老人家吵。然後我老母又係果d思想比較封建嘅人，我想釘耳骨佢話唔得，我問佢點解佢就係度話我釘左就搞到你成個人形象性格乜乜乜，我講左句乜你仲以貌取人思想咁封建嘎？然後佢就開始話9我，阿嬤又加多把嘴，我真係勁無奈，入房冷靜下老母又開始話9我脾氣差唔受教育，我真係火都黎。見人地阿嬤不知幾錫個孫，（ps我阿婆好錫我，唔係淨係識話我）我就係咁俾佢話，雖然我知有d人會話好好珍惜啦，但係可摸耳唔好淨係識得話我，唔見幫我講過一句嘢，次次買d嘢返黎一定俾佢話，淨係識篤我背脊俾我老母知。而我每一次同老母拗數，我解釋我點解咁做，佢話唔過我就話我駁嘴，我又忍住唔鬧9佢次次晚黑偷偷喊住訓，佢一d都唔知… 我人際關係有咩問題佢從來冇理過我，每次考試都努力溫書成績唔錯，佢都仲唔滿意我日日話9我，我真係唔知佢想點 我家姐就係因為頂唔順我老母搬左出去，我依家完全體會我家姐咩感受，我都就黎頂唔順，我都想以後搬出住，但係實俾佢話冇良心冇人性（我家姐就係咁俾佢話）我都唔知點算 sorry for 1999

#NSS學業 [Guest ] 小弟中學要去紐西蘭讀high school,但係自問英文都吾 太好，仍好驚習慣吾到。一個完全新的地方，我好驚識吾到朋友，有racist ， boarding school 定homestay

#NSS愛情 [沙田某一間中小學校] 小弟鐘意左一個女仔，之前曾經同佢表白，但係俾佢拒絕左。 俾佢拒絕左之後我個人變到好頹，冇動力，但係都仲未放棄佢。依家已經好似以前一樣一齊玩，一齊傾計，有時候仲會傾心事之類嘅野。我日日都好期待放學之後嘅時間，因為我同埋佢都係住喺同一個地區，所以我地會一齊搭同一架車返屋企。搭車嘅過程中，我地咩都會講，無論日常、愛情甚至18+嘅野都會講。到最近，我發現我好想放低佢但係「口裡說不身體卻很誠實」呢句我終於體會到，我又想同佢一齊但係又想同佢繼續做朋友，所以我到依家都係好亂。 我究竟應唔應該放低佢?

#NSS愛情 [guest] 小弟好似鍾意左個人（即係暈船啦）。但係就自知好不自量力，所以想問下有冇啲辦法令自己唔好再暈船，唔想再失望啦☹️

#NSS愛情 [GUEST] 大家好，小弟18歲，很少接觸女生嘅我拍過兩次拖。先唔講舊事，話說最近識左個女仔（係d random嘅活動） 講真嗰句，係有d想進一步認識嘅😌🌚 奈何小弟真係不善於同女仔溝通，唔識點表達嗰種想法，一路驚太突然太close咁，本人又一向細膽🤭 最近又聽到d美其名嘅溝女技巧 想請教一下大家如何低調表達對女仔嘅興趣同暗示性嘅表露心跡，因為驚太突然嚇親人🤭 話曬都要間唔中見多個月🙋thanks

#NSS學業 [Guest] 小妹今年中三，9月升中四，啱啱考完試，依排對緊卷，考試之前我呀媽對我好好，又買零食又買啲比較貴嘅午餐同晚餐比我食，我都知佢想我考好今次個試。我都知自己今次的確未盡力，考試前一晚先開始溫，睇吓睇吓老師send嘅資料又去咗開ig/yt、太悶忍唔住去瞓覺等等，又想玩手機，但係又想唔好想辜負屋企人。但係依家對左4份卷，已經有2份唔合格，估計應該仲會炒多幾科。我依家又的確幾後悔之前冇好好溫習…請問點先可以有動力去溫書仲有點先對得住屋企人？

#NSS個人 [Guest] 小妹今年中一，讀嘅一間band 1B 女校，由小學直升中學，係一個band 2生，小六個陣個班主任叫我唔好揀返原校，話會好辛苦，不過我死都想入返原校，最後大抽獎個陣抽返原校啦。以為一天都光晒，點知，上學期成績表排全班最尾，自信心即刻冇晒，個陣時我婆婆仲要confirm左有肺癌，而佢個case係較為罕見，有少少影響到我自己，到咗final exam，婆婆情況越嚟越衰，又食過鏢靶藥，又做過化療，兩樣再加埋電療都冇咩幫助，個醫生都話隨時係等死，考試前個幾日不停喺度諗呢件事，到咗考試，之前明明合格嘅三個subject fail咗，之後我最弱嘅maths同上學期一樣fail咗，考maths前一晚個腦不停喺度諗婆婆啲嘢，喊到兩點幾先訓，第二日勁眼瞓，將所有attention放晒落paper 1 long

#NSS家庭 [GUEST] 小妹今年f1 ，有個大我八年嘅家姐。平時我可能冇表情，我家姐就話我嬲佢，咁佢因為以為我嬲佢，佢就嬲我，我平時亦都有講自己喺冇表情，但佢唔信，我嘅表情應該係：O_O。但我亦唔想喺屋企都要戴住個面具做人（傻笑）。 家姐問我星期一同唔同佢出街，因為佢要返工，所以佢叫我喺兩點搭地鐵到土瓜灣等佢，之後一齊去唔知邊度（佢冇講清楚）。由於小妹冇自己搭地鐵，好驚⋯⋯其實我係幾驚到咗個站搵錯出口。所以我就話唔同我家姐出街，而我亦講咗原因，但佢就話：「我唔明我對你咁好，你就好似成日好憎我咁。」講完之後佢就好大聲BANG門，我哋而家應該冷戰更，其實我唔明點解激嬲咗佢。 Sorry for 1999

#NSS社會 [guest] 以前每日都會收到🍎既通知 每日都係靠佢睇新聞 靠佢知道第一時間既新聞 今日 無左佢 我連停課都唔知 任何新聞都唔知 好似與世隔絕咁

#NSS社會 [HKschool] 香港人甚麼時候才肯醒來？香港人甚麼時候才會明白？ 可能我們生活在和平時期太久了，早對社會上的不正常、不公義已經盲目，我們已經忘記如何對待極權政府，正正因為這個和平的世代，我們會誤以為叫口號、上街遊行、砸汽油瓶，是一種反抗的手段，是抗爭。 可是那真的是抗爭嗎？我所看見的，卻是在每場暴動中，人們的冷漠，人們只顧自身的安危，逃離現場，人們只會將相機對準發生的事情，叫一叫”停手”、”人渣”，可能這是一種對受害者的憐憫，可是看到別人被警察毆打，記者、群眾都沒有用行動去阻止暴行，那真的是一埸抗爭應該做的事嗎？ 可悲的是，香港人奴性重，香港人怕事。 在暴動結束後，無論有多少人被捕，甚至失蹤，社會都會回復正常，人們照常上學、上班，唯一不同的，只是在每天早上可能會聽到一兩句對政府的不滿罷了。 香港人太文明，太斯文了，我們抗爭的做法由始至終都是徒勞的，文宣、和理飛，是多麼天真的想法。 極權政府就是一隻狼，這隻狼從出生那刻開始，就已經深知”誰大誰惡誰正確”，知道誰拳頭大就是道理；而香港人就是綿羊，不知世事險惡，認為和任何人也可以講道理。殊不知這隻狼打開了口，已準備咬下去，吃掉綿羊了。 香港人對什麼事情也有不滿，這是我最難理解的，黃營對自己人的公審、批鬧，為的是什麼呢？對新聞平台的做法不滿，對和理飛不滿，對激進示威者不滿。而我們又做過甚麼去改變？沒有，我們都只是在屏幕前打字的”鍵盤俠”。

#NSS家庭 [Guest] Admin po IG,Plazzz!!!! & Thanks 其實大家對錢有咩概念呢? 係咁嘅,呢排呢因為我讀書咁以前份工就冇做啦 。

#NSS個人 [GUEST] 關於筷子。 話說今日黑雨唔使返學，因為我夜晚淨係瞓咗幾個鐘，所以朝早起身知道唔使返之後就瞓番，一直瞓到好晏。 後來，我二姑媽嚟咗我哋屋企坐。我屋企人見我全日未食過嘢就主動煮左個麵俾我，咁佢哋有佢哋傾，我自己就坐喺張飯枱度手機送麵。 突然間，唔知係咪佢哋講到冇嘢好講，我二姑媽望住我食嘢，跟住就同我阿嫲講，「咦，阿XX（我個名）揸筷子咁得意嘅😂」 喺嗰一瞬間，我知道又奶嘢了😃 由細到大佢哋都好鍾意以我揸筷子嘅方式當笑話咁樣講，佢哋覺得自己揸筷子嘅方法係「正確」嘅，換言之即係我「唔識揸筷子」。我哋全家連埋啲比較近嘅親戚（重點：係我阿爸嗰邊）都係用佢哋嗰套「正確揸筷子嘅方式」，基本上大家坐埋一齊食飯嘅時候，剩係得我阿媽、我同我細佬唔係咁樣揸，然後佢哋甚至可以以呢個為理由話我媽冇教好我哋兩個… 佢哋一直都好鍾意以呢一點詬病我，我每一次都忍唔住開口駁返佢哋。今次，我冇嬲，我繼續食我嘅麵睇我嘅手機，好冷靜咁樣講，「咁其實當初啲祖先發明筷子嘅初衷都係希望啲人可以夾到嘢食姐，咁我只要做到呢一點咪足夠，從來冇人制定過所謂「正確揸筷子方法」，你覺得你啱嘅同時人哋都可以覺得你咁樣揸得唔啱㗎喎，我哋又冇乜嘢筷子真經流傳落嚟，你咁執着只會令你自己唔舒服😂。我完全唔覺得自己有問題，我亦都冇講過我咁樣揸先叫做「正確」，一路以嚟剩係得你哋吹噓緊自己揸得有幾叻，我只係覺得自己咁樣揸筷子夾野夾得好順利，我認為咁樣已經足夠，反正我係唔會改。」 呼，成個人即刻爽晒。

#NSS個人 [GUEST] 唔知大家身邊有冇啲好鬼串嘅朋友？ admin pls po 後備 ac！（因為唔想俾同學見到）辛苦晒！ 是咁的，小妹身邊有個品學兼優，做乜樣樣叻嘅朋友。一開頭識佢，佢嗰人ok嘅，我有時放負佢都會覆，仲會成日鼓勵我咁。慢慢呢，我哋就變得幾friend吓，雖然佢喺學校會搵佢其他更加friend嘅同學玩，但係我哋返到屋企都會dm傾計。 到最近，我發覺依家我喺學校，我講一句佢就窒一句，就好似我上緊堂，想講啲嘢營造吓氣氛，我講完之後佢就即刻拎轉頭「哦」我，一開頭冇為意，應該係隨口up吓講吓笑咁冇惡意嘅。但係依家覺得越黎越犀利，我問佢另一個friend啲嘢，跟住佢就話「關你咩事」，到佢喺課堂入面講嘢營造氣氛嘅時候，我試過「哦」返佢，跟住佢又話「唔係同緊你講嘢」，搞到我已經唔知點樣去對付佢好。我喺班房刨筆，佢就突然走埋黎話「筆唔係應該喺屋企刨嘅咩？」嗰陣時考試時期，咁我見到佢攞書出黎溫我咪話「書唔係應該喺屋企溫嘅咩？」之後佢就話老師俾佢哋依家溫書，之後我都費時同佢拗（我心諗：刨筆又冇人話唔俾依家刨，有老師真係話唔俾嘅話，班房嗰刨筆機唔係應該收埋咗嘅咩）真係好奇怪，唔知點解對我係咁，對其他同學唔係，有時真係俾佢激到eq都低埋。最近呢，我另一個朋友見到佢係咁窒我，搞到嗰個朋友都開始窒埋我一份。我唔知我做錯咗啲咩，喺咁俾佢窒，有時真係好唔開心，但係又諗起佢有時會安慰我，我心情真係好矛盾。佢窒我嘅例子仲有好多黎到唔一一細說。有時會覺得係欺凌？但係好似冇咁嚴重。唔知係咪我玻璃心得濟，定係佢真係過份咗，每次俾佢咁樣窒完，我又繼續搵佢傾計感覺好冇尊嚴。

#NSS文化 [Guest] 小弟今年中三 我諗我係屬於嗰種咩歌都會聽嘅人 廣東歌 華語歌 日文歌 韓文歌都聽吓 咁有一日我同一個同學傾偈 佢就問起我鍾意咩歌手