#NSS學校 [中學] 其實係咁嘅，我啱啱先見到另一個post關於自己最好嘅朋友冇同自己講生日快樂而感到失落，我都試過， 有陣時我都諗緊會唔會係自己太港女太做作，一定要人哋同你講生日快樂，但原來其實佢哋想孤立我… 同佢哋識咗都幾耐下，有個仲係我小學同學識咗好耐。 其實原本都覺得大家應該都可以玩得幾開心，但久而久之，佢哋開始唔理我，甚至開始講我壞話話我八婆。 佢哋開始有好多小圈子，識咗好多其他班嘅朋友，我以為係佢哋識咗其他班嘅人所以唔理我，但原來係純粹因為唔想同我玩所以先識隔離班嘅朋友。 然而同隔離班朋友講嘅第一句就係我嘅壞話。 講真其實真係唔明點解已經識咗咁耐，仲要都就嚟高中都仲咁樣去鬧我，去孤立我。 我自己又冇做錯啲咩，咁究竟係因為佢哋唔鍾意我定係冇咗新鮮感?

#NSS學校 [天水圍某中學] 小妹今年f2 第一次投稿 係咁嘅 我有個friend識咗應該有一年 最近鍾意咗一個人 想講但係講唔出 驚講出嚟friend都冇得做 我知咁做好淆底

#NSS家庭 [sptss] hello 小妹中一，我好想有個冇人嘅地方比我放學or平日靜下，因為屋企啊媽好煩，但佢唔係普通煩，佢係好撚煩，即係同佢講嘢會好燜想行開嗰啲（我家姐都有蚶嘅feel） 講下背景先， 我比較細個嗰陣(大約k3)，兩夫婦飲酒飲到癡線，大約每星期一兩次咁啦，我都唔係記得太清楚，雖然唔係頻密，但都足以搞亂個家，飲完酒返嚟都癡癡哋，有時會鬧交，有時會做啲迷惑行為，唔知癡咗幾多次之後，到最後一次，攪亂成個屋企之後，終於離咗婚。 離婚後到現今，啊爸醒咗，好比心機咁去做嘢搵錢，此中我係佢個女，雖然家姐唔係佢個女，但佢都會比錢佢生活。而啊媽佢不但冇清醒，仲去搵第二個😐，嗰個男人(稱a)據我所知佢係大排檔嘅老闆，有能力比錢啊媽洗，而a就有其他女，後來啊媽想a只得佢一個，但a唔同意就分咗手，嗰陣啊媽仲要呃我話係因為我唔鍾意a先分手，我都係聽返啊媽個朋友先知道真相(我細個同佢好frd，當正親生啊媽)。 啊媽同a分咗手之後頹咗陣，之後返咗陣工，但因為各種因懶嘅關係而比人炒咗，例如話乜嘢要照顧我同家姐，但其實我地好獨立，乜都可以自己攪掂，就算佢死鳩咗都得。 大約半年前，家姐頂唔順啊媽就搬咗去個frd度，嗰陣佢每星期五就會喺公司攞嘢食返嚟，睇得出佢心情/情緒好咗好多，後來都搬返嚟。 啊媽分手之後不斷飲酒食煙食藥，每日都有，當三餐。飲到個人癡癡哋，冇古錯嘅話嗰隻藥係會令人上癮，因為佢一日食嘅份量係完全超出醫生叫嘅，而唔食嘅話就會唔知幾時會發作，即令人無故大叫後抽搐，有可能會嘔泡，不過都係少量，之後入過唔知幾撚次院，到宜家我已經慣咗，之前打電話call白車有好幾次佢都唔肯入院，搞到我都唔敢再call費時煩到人。食（包刮買酒買煙同其他佢亂鳩買嘅嘢食）到要向銀行借錢…佢又冇錢還，到最後啊爸比咗over50萬，啲錢本來仲要係供我同家姐讀大學嘅。

#NSS學業 [煩惱學校] 小妹想請教一下大家 事緣差唔多讀完中4又已經考完試唔知應唔應該drop m1好… 咁我而家讀緊chem bio econ m1 加埋四個electives

#NSS家庭 [迷路嘅羔羊仔] 話說喺幾日前，全部屋企人都出晒街得返我一個人喺屋企，咁我就無聊搵吓屋企有咩嘢玩，然後我喺廁所搵呀媽啲護膚品嚟玩嘅時候，我睇到一樣令我震驚到唔知可以再點面對呀媽嘅嘢，我見到一盒煙同一支電子煙。我知道食煙係人之常情，好多人都有食煙，連我老豆都有食，但係我唔知我可以俾啲咩反應，我唔知我之後可以點對住呀媽，我對佢好失望，我望住佢好似個陌生人咁，我唔知仲應唔應該信佢，我明佢係我呀媽，即使佢係點都會愛我，但係我唔知點算，我嗰刻嘅感覺好唔舒服，好鬱住鬱住咁，我做唔到好似平時咁對佢 而家我唔知可以點疏導自己嘅情緒，我唔知老豆知唔知，所以我唔敢同佢講家姐太忙亦都冇時間同佢講，呀妹就更加唔講得佢先小學，大家屌我又好，疏導又好，我想要啲意見去改變吓自己嘅諗法

#NSS學校 [SBC] 我係聖文德書院既學生，我想叫大家要小心明愛某個姓朱既女社工，佢成日持勢凌人、唔俾人地任何一個解釋既機會，仲會同老師做篤背脊既行為。有一次，我同同學做project，點知grp入面有一位同學成日唔肯做野，所以我地就忍唔住罵佢不負責任。點知個同學無啦啦就喺度喊，同社工話係我地係欺凌佢，個社工就同老師講帶頭挽小圈子。

#NSS愛情 [Guest] 各位高人，如果男朋友成日係你面前講你其他friend靚女，咁點？你哋男友都係咁？ 唔知點解我呷醋，係咪正常？😂 Sor for19999999

#NSS愛情 [None] 我想女朋友主動啲… 女朋友因為屋企人嘅事，搞到佢同我傾偈都係我主動搵佢先。我又唔係真係好密搵佢，但係掛住佢就一定講😂 我同佢係同一間SC（Secondary school）所以返學都見到。同埋最近因為一齊返（點解會分開詳細內容就唔講啦）但係佢一齊返後個態度冇之前咁主動，哪怕佢一句“掛住你。”我都會開心都飛起😂 佢話好驚屋企人睇佢電話，我就同佢講咗好多方法啦，甚至我有見面同佢講，但係佢都係冇咩點理我。真係好大壓力… 救巴打/女仔教下我🥲 Sorry for

#NSS學校 [SHCC] 因為紅雨停課 所以考試延後 望落都好正常 但係點解要講原本星期五對卷 直接延後到星期六？乜原來中學星期六要返學 心諗本身星期六要翻學考試都好離譜 宜家對卷都係星期六對 係咪真係有咁急😅覺得學生唔使休息定覺得大家星期六都冇嘢做

#NSS個人 [GUEST] 唔知大家嘅生活過成點呢？有冇諗過自己其實有一日會突然結束生命？呢件事以後，我對生死有新嘅睇法。 幾個禮拜前，我放學肚餓就喺一間糖水舖食完碗甜品，之後咪打算返屋企囉。我嗰陣時喺度諗緊啲好無厘頭嘅嘢：「到底 Boris Johnson 幾耐先梳一次頭？」呢個時候嘅我完全放空，對周邊環境冇一啲警覺。 呢個時候，我準備過馬路，但腦袋依然放空，完全冇打算向左望下有冇車。對腳一直引領住我準備行出馬路，個腦袋始終唔生性，冇諗住煞停自己。 終於我同死神見咗個面，可以話係第一次。正當我距離踏出去馬路尚有一步之遙，耳邊忽然響起咗下「噹噹」嘅聲音，就好似係老師喺課室嗰陣時鍾意攞嚟震懾同學嘅鐘。呢兩下聲非常清晰，好似真係喺我耳仔隔離咁響。 聽到之後，我終於煞停腳步，正打算向後望之際，一架紅色的士高速喺我面前駛過，完全冇收油或者響鞍，真係距離我好近好近，近到好似同朋友傾計嘅距離一樣。我嚇親，即刻往後退咗一兩步。

#NSS學校 [GUEST] 是咁的，呢排學校考完試就開始同班friend一齊出去玩，咁玩完成日通常都會一齊食lunch同埋晚飯嘅，但係其中有個frd就話自己零用錢唔多，因此建議我哋食啲平啲嘅嘢，我哋本身都想慳錢所以都同意咗 但係有啲地方大部分餐廳真係偏貴，晚餐嚟講大概80-100?其實我同其他4個frd都覺得偶爾食一兩次貴少少嘅都ok，但係嗰個frd嘅預算就係50-60，所以好多時都唔係有好多選擇，來來去去都係食得嗰啲餐廳。 之前嗰個frd都有同我呻窮，於是我建議佢去搵part time或者同我一齊返pt(我自己有做緊)，佢又話唔想做嘢住……好快就放暑假，9月我哋就f5，變得好忙，都想喺呢個暑假多啲約出嚟玩，但係同時又要洗錢，所以請問各位有冇咩平靚正嘅嘢食或者玩嘅地方好推介？或者有咩方法可以勸下我個frd去番pt？ PS. 我哋呢個grp入面大部分人都會番pt，所以都幾難約到，可能一個禮拜得一兩次，但係嗰個frd又諗咗好多嘢想做好多地方想去同埋會抱怨話我哋返工太忙拋棄佢……點樣可以實現晒佢想做嘅事之餘又有足夠嘅錢去玩…… Sorry if

#NSS個人 [培基] 大家好！我是昨天上電視唱歌的羅先生（屯馬通車真的很興奮）我是就讀培基中學的，很謝謝大家那麼喜歡我作的詞，我以後也會繼續努力作詞的！你們是我的創作動力！看到有很多人翻唱我的歌曲，我感到很開心😃

#NSS學業 [GUEST] 小妹係一個中二學生, 讀緊間學校由band 1c跌咗落band 2a, 我知道banding唔代表一切, 但係我見到身邊啲同學唔讀書, 而且學習氣氛好差… 我嗰班啲老師教得好差,

#NSS個人 [Guest] 我今年F4 屋企有能力比我去英國讀書 佢哋有時候都問我想唔想去 其實我有啲想去 不過本身英文唔好又怕生 如果要去淨係得自已一個 屋企人都留喺香港 適應能力又唔好

#NSS愛情 [GUEST] Admin: 對唔住之前冇講，可唔可以po Ig 尋人 六月廿一號迪士尼男男Cp 見到或者佢Followers知道去左請tag佢地出來🤤 事緣今日見到佢地坐低休息, 之後又玩手仔又拖手仔

#NSS愛情 [Guest] 小妹啱啱分手，而家好迷惘，好似仲鍾意佢咁，但係佢話同我一齊成日鬧交好煩好攰，我可以改，點解佢唔比一次機會我？💔

#NSS學業 [[GUEST]] 小弟今年F3升F4，聽老師講M2就係要自己操多啲數，因此我就唸著話學定先到時候冇咁辛苦就係Youtube搵片自學。一開始嘅根式MI二項式都還好理解，但到三角函數嗰part完全唔明，唔知係應該等到時候教定自己自修定先。想問下各位有修M2嘅Ching應唔應該係自修定先。（利申：英中 B1尾）

#NSS學業 [guest] 小妹今年f2，就嚟升f3，但係英文真係唔好。所以想問下大家有冇補習社可以推薦下。補習社最好喺銅鑼灣至筲箕灣，費用唔會太貴同埋真係可以令成績進步。唔該晒咁多位🙏thx admin

#NSS愛情 [GUEST] Re #NSS210625B 小分享🙇🏻‍♀️不喜勿插 真係好認同你，拍拖其實真係雙向，剩係一邊係冇用~之前自己拍拖同ex一齊真係好辛苦😞成日都係我好想見佢，好想同佢相處，佢就成日嫌我煩，鬧我痴身，其實我一直都好獨立、唔痴人，對朋友對家人都唔痴。由細到大我冇嗲過屋企人一句，但第一個嗲嘅係佢，一開始以為只是平淡左，後尾先知原來佢真係覺得同我相處好煩~ 😢😢我都想同你講：其實如果唔係果陣鐘意你，我根本唔會浪費時間痴住你，之前我愛你，以後我唔會再愛你，其實你系愛情入面真係好自私，乜都諗自己先，希望你以後再拍拖好自為之，各位姊妹都要帶眼識人呀！

#NSS個人 [GUEST] 咁簡單介紹下自己先 本人F3女Band2中中，冇咩真心朋友，孤獨啦，其實上年好樂觀，而近期又對父母開始反感(不嬲有開，而家更反感)因為我想出街啦，我無同人出過，14年入面去過一次party room 同 冇得出街食飯 雖然本人係綜援家庭但冇必要零用錢都冇🥲 F.3last day