#NSS學校 [SXCC] 話說我地學校有個form 2女hack咗個老師account 佢睇哂老師個file 2級嘅考試卷嘅答案 仲要周圍spread，搞到我地有兩級都要重考 之後我地知道咗有呢件事之後，唔知係咪佢阿媽係家教會個whatsapp group到話係個老師誘惑佢，仲話個責任係老師到，真係笑咗。

#NSS個人 [GUEST] Hello, 我第一次喺度投稿，想分享下去英國嘅心得，同埋因為聽到幾多人話英國讀書好正，所以想澄清一下，可能會有D長：/ 咁我父母都頂唔順個垃圾政府（兩個都黃到直頭想買起林奠），所以佢哋帶埋我移民咗嚟英國，一開始未嚟之前我係有D興奮，不過驚多，畢竟係一個完全陌生既地方，而且父母係用BNO過嚟，所以我係讀政府學校（中學）（通常全間學校都係本地人） 咁不出所料，全級得果一個亞洲人，不過好彩既係我適應能力強，好快已經識到勁多玩得嚟既friend。雖然我英文唔太好，但總算可以流流利利咁溝通到，同埋我最擔心既歧視問題一D都無發生過。 問題嚟啦，英國政府學校既Policy喺好唔Make sense，同香港對比，直頭係完全唔用腦出果隻。例如PE 堂換衫，成三十幾條友迫喺一個細到無倫既更衣室（疫情無咁嚴重果陣反而比你着PE衫返學，依家有變種病毒先唔比）…英國人喺防疫方面係白痴。另外佢哋上堂係要你上堂自己聽實抄notes，絕對唔會提供Textbook，而考試就係用返果本note嚟溫，that means如果你聽漏咗少少或者果日absent

#NSS愛情 [GUEST] 話說小妹鍾意咗一個男同學，下稱V，其實班上高有大部分嘅女仔都覺得V好煩，但可能因為V冇煩過我，所以就對呢樣嘢冇乜點。 本身都以為同V唔會點相處，點知係下學期嘅時候調位調咗去V前面。其實正常嚟講根據身高我係永遠都唔會坐V附近，但今次老師唔係跟身高，所以V就坐咗喺我附近。其實我同V平時都唔會點傾計，V多數都係搵佢後面隔離嘅人傾。 V其實有時都會whatsapp搵啲女同學，但佢哋都會覺得V好煩。但係啲女同學有問題嘅話，V都會主動幫佢哋。V唔係一啲口花花嘅人，至少我未聽講過佢同啲女同學講埋啲曖昧嘅說話。 但我覺得V鍾意坐佢隔離嘅女仔，冇錯佢真係幾靚女，身高又唔錯，又瘦。個女仔成日都搵V傾計，雖然V同佢冇主動身體接觸，但個女仔就成日好似打男朋友咁樣打佢。 就算係影班相嘅時候，我企喺個女仔隔離，即使後面已經成班男仔塞住，但V重要擠過去個女仔後面，件事已經發生咗3次。同埋如果唔係平時咁坐，我同V同個女仔都成日係好似一條斜線咁樣，V坐喺最右邊最前面，個女仔坐喺中間，我坐喺最左邊最後。每次偷偷望佢嘅時候，我都感覺到佢係望緊個女仔。 同埋我都感覺到個女仔應該係鍾意V，佢成日都好主動去揾V，邊度有V，佢就去邊度。同埋我感覺佢係V前好做作，成日講到乜都唔識，我去幫佢又唔肯，反而去搵V幫佢。 其實我真係唔會同佢表白，最主要問題係我覺得我係完全唔會有機會。加上啲人比較黑人憎，佢哋會將啲秘密話曬畀所有人聽，所以我冇同任何人講呢件事。 而家只係希望有一日我可以同佢做到朋友，有多啲接觸機會。

#NSS家庭 [Guest] 阿媽真係好笑囉，又話贊成我做廚師，我放假得閒嘅時候去廚房整嘢食，又話呢樣又話嗰樣又話麻煩又話整污糟佢個廚房。點啊好矛盾呀，大佬又係你自己話贊成我做廚師嘅，我整甜品啫(我自己係好鍾意食甜品）呢樣唔得個樣唔得，好煩啊。 本po只係想擤下，sorry for 1999

#NSS個人 [guest] [ig please~thanks admin] sorry for1999小妹第一次投稿可能表達有啲唔清晰🙇🏿‍♀️ – 今年同一個tb熟左，有時有啲小動作好次比較曖昧???想問下大家意見 –

#NSS愛情 [Guest] 之前識咗個男仔兩三個月，平時喺班房零溝通，只會whatsapp傾偈（我知好奇怪），佢就話鍾意我，但係明明之前係咁同我講佢鍾意咩囡咩囡，叫雞、玩溝女app、phone sex, etc樣樣有齊，又話會為我改變，佢係認真嘅，只要有女朋友就唔會再玩。。。。。。 我嗰晚瞓唔着，因為有人同我表白仲要係估唔到嗰隻，同埋我都有諗過佢係真心，都思考過，因為我覺得佢係被學校壓榨嘅醒目仔嚟，（雖然會叫雞）咁我就拒絕咗佢啦，始終對佢冇feel。 之後隔一排我就醒返，大佬呀你鍾意人會咁同人講嘢㗎咩，信你一成都戇鳩啦，鍾意人會同人講你今日叫咗邊隻雞？中學生叫雞都唔應該啦，雖然我覺得係你自由嚟，但我唔想我男朋友係咁囉。 況且佢同我表白兩個月後就有咗個女朋友😂😂😂我心諗你啲囡係咪兩個月轉一次㗎😂😂😂

#NSS其他 [GUEST] hihi 我7月23號夜晚7點幾喺㗎40X巴士上面執到個airpod嘅盒 但上IG好似搵唔到啲咩失物Page 所以走上嚟睇下搵唔搵到失主 失主你個airpod盒出面有個類似保護殼咁嘅嘢 個design都幾得意下 麻煩你可摸耳喺下面cm或者PM admin你個case嘅design方便相認（最好有圖啦）

#NSS愛情 [YC] ［長文+小弟中文唔好希望你哋唔好介意］ 小弟係一個學渣加邊緣人平時好少講嘢。由細到大都係冇朋友，冇朋友都冇所謂由小學到中學被人欺凌 。我在IG識咗一個女網友，我有一次好唔開心嘅時候走去同傾偈，佢去樂意聽我我講嘅嘢。之後我都繼續同佢好普通咁傾吓計，我從來都未試過同人傾偈可以咁開心，開始有啲感覺自己係咪真係鍾意佢。之後識咗唔夠一個月就表白，然後我哋就開始咗網戀。佢啱啱佢已經同我講自己有情緒病（呢個病會忽然情緒高漲，有時會好低落），我都冇在意，之後我就坐左架沉船。有好多時情緒好低落唔知點解好唔開心我都會鼓勵佢支持佢，我好希望可以幫到佢但唔知可以點幫佢。之後同佢網戀咗兩個半月就分咗手，佢話佢從來都冇鍾意過我我即刻心情跌咗落谷底，之後我哋做返普通朋友。係分手之後我成日諗起，見到佢心情低落好想去幫佢好驚佢出事，但換來我係你真係好煩。（我唔知我可以點算 而家我成日煩住佢 我真係好衰）

#NSS愛情 [Guest] 如果有個好愛好愛你嘅人，但你一直當佢朋友或者家人，同埋一個你好愛好愛嘅人，但係佢成日對你忽冷忽熱……兩者同你表白，你會點揀好.…..

#NSS愛情 [Guest] 我想講我好易對人一見鐘情，唔單指係好感，係真係為佢著迷堪稱愛嘅情感，但又好快消失，我想問感情可以點樣保鮮？ 我鍾意過嘅人全部都係喺唔熟悉佢哋嘅情況下對佢有感情，而我可以癲到起佢底、專登早起番學撞佢、喺佢有機會出現嘅地方撞佢、凌晨mon住佢係咪線上或者幾時最後上線、聽佢聽嘅歌、做佢鍾意做嘅嘢、讀佢鍾意讀嘅書….. 我真係覺得我被愛情沖昏頭腦…..都好驚自己會變成嗰啲恐怖情人…… 雖然有呢啲好瘋狂嘅行為但我絕對唔會騷擾佢（例如瘋狂mssg佢嗰啲我絕對唔會），甚至真係想佢好，你開心舒服嘅話要我點陪你、、你點傷害我、點當我係出氣袋我都會接受，因為我只想你開心，赴湯蹈火都唔緊要。我曾經因為幫唔到佢一啲手而夜媽媽喺床度係咁喊，同埋我會因為佢msg我而好好開心，佢講過連自己都唔記得嘅嘢我都會記好耐。 咁我同佢越來越熟之後就冇再做上面變態嘅行為啦（正常返少少），但係對佢嘅愛好似都淡咗，已經冇以前咁著緊佢，覺得以前因為掛住佢掛住到喊嘅自己好戇鳩，甚至對於佢對我有feel有好撚柒驚恐嘅感覺，我好似淨係享受住我鍾意你但你唔鍾意我嗰個loop，點算呀……

#NSS愛情 [GUEST] 係咁嘅 我係一個讀緊form4嘅男仔 我幾個月前就鍾意左一個女仔 因為想同佢更加close 成日一見佢online就單方面sd 野比佢 又成日覆ig story

#NSS家庭 [Guest] 唉自從公佈12歲以上可以打疫苗之後屋企人就不停叫我打🥲學校仲要有通告要我哋填，唔係強制，但阿爸阿媽就當然要我打，佢哋自己亦已經打左biotech，平時又成日唔戴口罩，叫佢哋戴返又好大聲話自己打左疫苗唔使驚話好焗喎🙂其實打疫苗唔係保100%唔中ga，個個戴口罩都焗㗎啦 再扯遠d，佢哋不嬲都係偏藍，雖然一開始19年四月嗰陣已經有去遊行，做好多野，好反對正苦，但係我都唔係好知點解，同埋冇一件好大嘅事發生，不過好記得721果陣老豆已經睇住新聞講示威者咁樣做唔啱點樣唔啱（唔係睇tbb，有線）之後就開始慢慢鬧，到有阿媽都開始係咁，我覺得老豆已經有少少偏激。一開始都覺得佢講嘢有啲道理，但到後期覺得佢哋越嚟越無理🙂我自己本身都好鍾意同佢地討論新聞，但係而家已經俾佢哋搞到唔想睇新聞，唔想同佢哋講嘢，政治方面真係好少會同佢地傾 講返正題，打針我真係唔想，但佢哋係咁逼我，我真係唔知點算，又唔想同佢哋嘈得太甘，始終最後嗰個咪又係我😶‍🌫️ 其實我都唔知可以點，亦都唔覺得有啲咩好嘅解決方法，因為我又唔想同佢地嘈😂所以都係發洩吓😛多謝大家睇晒！ sorrysorrysorry for 1999(應該大家心諗終於有一個1999會打sorry for

#NSS愛情 [GUEST] 嗰一日，我終於同佢分左手。 我地係喺網上面識既，仲記唔記得我一開始係用小遊戲同你答爹，你仲尷尷尬尬咁配合左我。我地好快就一齊左，計返起我地都一齊左3個月。講出黎都驚俾人笑，可能d人會話3個月就唔好攞出黎講啦。但係我想講，喺我既經歷入面，我最認真、最重視既就係呢段感情。 直到依家，我都仲記得好多我同你之間既回憶，因為我唔太識搵一啲有新意或者比較有趣啲既地方或者事黎同你去或者做，而且我都唔係太識plan行程，所以每次約你出黎，我都淨係識帶你行街睇戲食飯。因為咁，所以一直以黎，只要你有嘢想食，有嘢想睇，有嘢想做，我都會盡量同你去，甚至你話睇一啲大陸戲，我都同你去睇。我將自己條底線越拉越低，我感覺自己越黎越唔似自己。同你拍拖，我好似變左另一個人咁，老實講其實有啲辛苦。 我諗我同你分手既原因並唔係一朝一夕就造成既。你同我都未足夠成熟，大家都未諗清楚就一齊左。但係，我從來都無後悔過同左你一齊，甚至同你一齊既時候，我會驕傲當時自己做左呢個決定。可惜現實係你我既經歷唔夠，好多嘢都唔識點樣面對或者處理。好多時候我都淨係識發脾氣，可能就係因為咁，我將我地2個之間既距離，越推越遠。 係呢段關係入面，我自問對你好好，但係呢種好可能對你造成困擾。好記得你同我講過：「你對我太好喇，每次明明係我錯，但係你都攞曬d錯黎認」依家我諗返，其實係因為我唔想失去你，所以無論妳錯幾多次，我都同自己講要原諒你。去到一個點我覺得自己真係好痴線，成日因為你一啲小小既動靜，就胡思亂想。 不過，我覺得自己咁樣係情有可原。雖然我話原諒你之前做過既事，但係因為呢d事，我心入面一直都有條刺喺到。而就係因為呢條刺插得太深，所以只要有小小動靜，我就會好大反應，搞到我好無安全感。 同你分手差唔多一個月，一開始我覺得我呢個決定做得好啱。因為我覺得我想拍拖，都只不過係想搵個可以陪伴我既人，所以無論係邊個都得。我覺得如果今次分左手之後，咁咪搵個第二個囉。但係時間慢慢過去，我發覺唔係人人都可以做到呢個角色，雖然你曾經令我傷心過，令我好嬲過，但係你都有令我開心過。所以如果可以，我真係想同你一齊返。我想今次試下用真實既自己同你拍一次拖。 希望你有緣睇到呢篇文。

#NSS學校 [GUEST] 話說我哋學校呢兩日發生咗啲事 有啲人喺度責怪緊個老師冇登出 但係其實佢有冇登出根本就唔係成件事嘅起因 因為嗰位同學根本唔係學校電腦睇 所以就算老師冇登出 都唔關事 而係佢用某種途徑攞到密碼甚至登入到 甚至有將佢想知嘅嘢留底

#NSS個人 [Guest] 小弟嚟緊升中六，讀緊Phy Chem同四科主科。唔知點解自從Form 4之後Chem 嘅成績一直下滑，跌到唔合格。一直以來小弟Chem嘅嘢記得好清楚平時補習嗰啲練習識做，平時又有溫開。有冇大神可以畀啲建議小弟點可以令chem可以上返合格分數🙏

#NSS愛情 [GUEST] 小妹之前有幸同個女同學拍拖，但係自己冇珍惜到。拍拖嗰陣成日諗太多，又會因為啲無謂嘢(例如佢之前好friend嘅朋友)而對佢無理取鬧，講好多過分嘅嘢，要佢估自己諗乜又忽冷忽熱各種試探，甚至覺得佢已經唔愛而提過兩次分手，第二次佢冇挽留 – 分左手一兩個月之後小妺就開始好內疚。基本上每日個腦都係度loop之前對佢做過所有過分嘅事、對佢講過所有難聽嘅說話、鬧自己、劃損自己、幻想我哋可以復合(雖然冇可能)、偷偷地碌佢igfb、內疚到成幾日瞓唔到都有….日日輪迴咁，小妹唔識處理呢啲自責，淨係識靠打機想令自己分心，咁樣折磨左自己成個學期，書又冇哂心機讀，甩左好多考試差啲肥佬 – 你冇fol呢個page我先夠膽講出嚟，我知自己嗰時真係做錯左好多，日日精神綁架你，冇資格求你原諒，但我都想道歉，對唔住。 – 如果我冇恃住佢愛我而做啲咁傻嘅事，我哋就嚟兩週年。我知呢啲係報應，而且一定有人慘過我，我只係想講拍拖真係唔好做啲會令自己後悔嘅事，唔好貪口爽貪面子而傷害自己另一半，到分左手先識後悔點解當初冇對佢好啲 –

#NSS社會 [蘋果大學] 希望可以喺6月24號po. 同大家分享一個故事, 從前有一個蘋果,佢一直以嚟都過住平凡嘅生活.直到有一日,蘋果身邊啲朋友開始討厭佢,蘋果就好好奇咁問佢哋做乜咁討厭佢,點知最後蘋果得到嘅答覆就係,：「冇呀,我地想討厭你就討厭你,就算要你死,你都冇得反抗架.」最後,蘋果都終於支持吾住,死左喺佢哋手上. 故事講完啦,係咪好荒謬呢？不過你點都估唔到呢件事係現實真係發生左.咁我哋可以點樣做呀？我哋而家可以做嘅,就只有大家齊心合力,一齊種返一棵屬於香港人嘅蘋果樹出嚟,至於結果係點？我吾知架,我淨係知道香港人吾會咁容易就放棄💪🏻 Sor for 1999

#NSS愛情 [Guest ] 標題：小妹同個渣男兩情相悅，但未知好無拍拖 – 小妹今年中六，其實我已經中意咗個渣男同學足足5年，大家都係好朋友，但從來都唔會越過朋友嘅界線。因為呢個人已經係全級同學公認嘅人渣（試過一腳踏兩船，仲要唔只一次） 所以我一直都唔敢表白。 但佢讀中六呢一年都無拍過拖，可能因為想專注學業啦⋯⋯ 最近佢就向我表示佢對我係有意思，想一齊拍拖嗰種，佢話自己一路以嚟都中意我，只係之前一直察覺唔到自己嘅感情。 我自己都好開心，因為難得兩情相悅。不過同時我都好驚佢唔會專一，仲係會一踏兩船。心裡面好似有條刺。

#NSS愛情 [guest] Admin pls post ig thx 給喜歡蟲柱的你… 知你有睇開呢個page，我想係度同你講聲對唔住… 我仲記得我地之前嘅經歷，由細個到近排發生嘅事，我都記得好清楚。不過對唔住，雖然我好似好傻，但係我覺得我嘅心唔屬於你..

#NSS愛情 [Guest] 各位，我係第一次投稿，所以請多多包容。 唔知道係唔係只有我有這個煩惱，我經常同班朋友傾偈時感覺很輕鬆，但當我遇上女生時，我好似啞咗，完全唔夠膽出聲，覺得好似好尷尬。上網個D經常話當佢男仔就得，我完全唔覺得幫到我，請問各位有咩方法幫到我？