#NSS愛情 [GUEST] 某一日同朋友打機識咗你，傾吓傾吓我發覺有啲心動嘅感覺⋯⋯我哋住喺學校附近，有時放學行返屋企我會不自覺咁諗起會唔會同你相遇，其實我覺得我自己好似鐘意咗你😗。我知你係一個好冷漠無情嘅人，而我，係一個活潑開朗嘅女仔，性格唔係好似，但係我可以因為你一句說話而令到我開心全日🤥。你係學校都算好多hi bye friend，我自從打機之後嗰陣時開始，就同你成日傾計，有時已經唔係只係send 一個emoji，你會打多啲字，咁樣其實對一個男仔來講係已經唔算係hea 覆，我唔知你係咪對任何人都係咁，但係我知道你當我係可以日常傾計嘅對象，我真係好開心🤣！你已經係我朋友以上戀人未滿嘅人啦😢，我覺得你係鐘意啲文靜嘅女仔，但係我希望可以成為你嘅例外🤧

#NSS個人 [GUEST] Admin plzz post🙏🏻🙏🏻 或者根本唔屬於呢個世界 又或者我根本唔適合做人 由細到大都成日俾人鬧 但係我又唔想俾人知道我真實嘅情感 所以我成日自己喺屋企對住塊鏡練習點樣笑

#NSS個人 [GUEST] 6月22日，我又午夜夢回。唔知點解呢一年好頻密咁發惡夢，總會諗起小學不堪回首嘅往事，令我決定喺今日投稿。 四年前我仲係小學六年級，嗰陣我有三個女仔朋友A,B同C，我哋鬧過三次交，基本上都唔算鬧交，而係我被單方面疏遠。 我用自己角度了解到嘅係，每次挑起事端嘅都係C，佢可能係前一晚突然諗我做嘅嘢好可疑同做錯啲乜，然後第二日返到學校同AB討論，再達成共識疏遠我。 四年過去，我對細節嘅記憶已經好模糊，所以唔可以好詳細咁描述。我記得頭兩次鬧交我都去搵佢哋解釋，兩次地點都喺女廁令我覺得呢個地方簡直就係審問室，解釋完就會和好。第三次佢哋入咗廁所等我去解釋，C趾高氣揚嘅態度令我懷疑佢係咪好想踢走我，佢哋每次審犯嘅態度令我覺得我好似唔係佢哋嘅朋友，而係一個真正嘅犯人。我坐喺班房開始猶豫應唔應該繼續落去，但係有三次就會有更多次，我冇可能真係次次都去為啲雞毛蒜皮同佢哋解釋，所以最後我冇去到，我哋就咁絕交，我嘅惡夢都算係由呢度開始。 由於AC喺班影響力大，其他同學為咗唔得罪佢哋都疏遠我，ABC同其他熟嘅男同學一齊玩欺凌。舉一啲例子，佢哋用我嘅擦膠搣爛扔我，我嗰陣安慰自己都算係第一次體驗到畀人扔擦膠係咩感覺。有一次佢哋打去我屋企然後講啲唔好聽嘅說話鬧我例如八婆嗰啲，我都幾傻冇cut線繼續聽下佢哋可以講得出啲咩嘅說話，最後聽到佢哋鬧完cut線，第二日佢哋喺學校完全冇提起過，令我都有種佢哋冇打嚟鬧我嘅錯覺。我當然試過向班主任求助，但佢叫我以佢哋嘅角度諗下點解佢哋咁對我，我返到屋企好認真諗過再話畀佢聽，佢話我諗得唔夠並冇幫我制止佢哋。我知道啦，成件事根本就係我嘅錯，我抵死我應該要承受呢啲野，呢個答案是否滿意？ 我都有同屋企人傾訴，我好想講我喺學校過得唔開心但係好難以啟齒，我講到一半佢已經太攰瞓著左，所以最後我選擇埋藏喺自己心底。 但係埋藏喺心底有個壞處，傷口唔會好轉，只會不斷惡化。每日返學壓抑住上堂 ，放學返到屋企情緒就開始翻滾，大喊大叫、自我懷疑「我根本就係一個垃圾，跳樓死左佢哋係咪就會原諒我？」「我唔係人」「我根本唔適合交朋友」，命得一條，我唔捨得死，我驚痛，我驚我屋企人會喊，我根本唔知可以點做。

#NSS愛情 [Guest ] 小妹中三 最近同咗一個男同學拍拖 佢對我好好 係未一齊之前就已經有送嘢比我 但最近有個問題 就係佢成日買嘢比我 仲要成日搶比錢

#NSS社會 [GUEST] 「真相，你搵到又點啫？」，張潤衡先生係八仙嶺山火事件過咗好耐，2015年7月3日接受蘋果動新聞嘅節目《壹錘定音》訪問俾人問到想唔想知道八仙嶺山火事件嘅真相咁樣講嘅。 我可以咁樣回應張先生：見到蘋果日報今日即將被滅聲嘅時候，就知道搵到真相有幾咁重要❗️ 有啲人話可以支持其他網媒，「終結蘋果大台」，唔使再留戀喺蘋果日報，因為佢過去有啲報道係受到爭議，但事實唔係咁，因為今日蘋果日報冇得繼續，聽日不論係立場新聞、眾新聞、MyRadio呢啲網媒，一樣都係冇得獨善其身，只會係下一個俾人針對嘅對象。 喺政權眼中，只要擁抱、追求真相嘅人，每一個傳媒、人都係蘋果日報，都係想要消滅嘅對象。 我好記得當時仲係新界西民主派初選候選人嘅黃子悅喺舊年7月3日選舉廣告嘅一句說話：政權能控制人民的言行，但卻無法控制人民的思想。 所以相比「蘋果撐唔撐到落去」、「買唔買《蘋果》」嘅討論之下，更加希望大家係撕破香港仲有新聞自由嘅假象之後，香港人仲可以繼續有一個獨立嘅思想。 香港人真係要珍重。 –

#NSS社會 [GUEST] 尋人 六月廿一號迪士尼男男Cp 見到或者佢Followers知道去左請tag佢地出來🤤 事緣今日見到佢地坐低休息, 之後又玩手仔又拖手仔 w 成半個鐘都仲玩手玩手指超級得意 腐女我表示😍🙈

#NSS其他 [GUEST] 2021年六月，係一段好黑暗既時期。 六四集會被禁，多人被捕。 政府有持無恐，變本加厲。 蘋果面臨停運。 反送中兩週年，721白衣人首被告無罪釋放。 會長宣布畢業，haachama無限期停播。 其實仲有更多更多，唔一一列舉喇。呢啲事件未必影響到每一個人，亦有可能係我未諳世事，但我從未試過咁深刻咁感受到自己既渺小，無力。 陌生人，你好。我知條路好難行，亦都未必係自己揀，但係無論呢個世界有幾仆街，應承我，喊住都要行落去。你做得好好，辛苦哂你喇，總有一日，會有彩虹。

#NSS學校 [GUEST] 好後悔點解三年前我咁單純又冇勇氣:000 話說呢果時啱啱轉咗個新男老師入我個班 就叫佢Mr I先,因為佢嘅姓氏讀&寫法完全唔一樣(好似係Ngai定咩 然後呢個Mr I次次都喺佢嘅堂蝦我哋(好教唔教佢係教數學 有次佢揼咗我個friend本workbook落街,仲要係搞到成個年級都知,不過呢個都只係冰山一角🤭 最嚴重果次都係「查人屎忽案」

#NSS個人 [我鍾意睇BL有罪？] 小妹今年就f1，我從小學五年班開始就睇BL，升咗中學之後（我升咗更唔錯嘅中學）跟唔上個課程，成績就唔係好好，壓力有啲大 我通常唔開心或者有壓力嗰陣時我都會去睇一下BL（我鍾意睇BL，除咗啲我身邊嘅朋友，冇人知嘅包括屋企人） ————————————————— 返到學校，我學校啲人用詭異嘅眼神望住我，我見到啲男仔指住我笑，啲女仔圍埋一班唔知講咩，我好奇佢哋講緊啲咩就問，結果佢哋個個都唔理我（我喺學校同同學相處都係比較和睦嘅，大家都係互相互助）我就覺得唔影響到我，我都冇理 然之後小息嗰陣時，班男仔就圍住我，鬧我：「你係咪變態㗎鍾意睇男仔同男仔嗰啲？你個人都🐶🐶地，係咪只要係兩個男嘅你都會鍾意㗎？你係咪gay？痴線，依家啲女仔真係好嘔心」我覺得好莫名其妙，唔知點解佢哋要咁樣鬧我，我就無理到佢哋 呢件事持續咗好耐，除咗啲知道我鍾意睇BL嘅朋友仲繼續同我玩之外其他都唔理我，後來聽我朋友講，我先知原來我鍾意睇BL呢件事傳到成班都知，然後呢件事都好快傳到去老師嗰度 個老師鬧/開導我，同性戀系唔應該出現系呢個世界上，你唔好再睇埋呢啲咁嘅，然之後佢日日搵我叫我接受佢嘅開導，除此之外，呢件事都傳到成級到知，啲人都成日對我指指點點，啲人成日話我係gay、變態、垃圾 ————————————————

#NSS其他 [guest] 你哋學校有冇手球隊，我哋有，手球好正㗎，但係我哋手球教練下年走，冇得再打lu，少sad，有打嘅可唔可以喺留言度講聲，主要想識多幾個波友🤣

#NSS學校 [Idwts ] 小妹而家有樣嘢好煩腦 是咁的 小妹係三角友誼退出咗 本來以為識到個同我一樣傾偈啱Key嘅女仔 我稱佢為T T佢係一個好貼心好man嘅女仔 T會借褸比我着

#NSS學業 [Guest] 小妹由細到大都俾阿媽迫要考課外試，例如樂器考試或者語文考試等等，每一年暑假都唔可以好輕鬆咁放，睇住人哋都過得好開心但自己日日都要被迫喺阿媽監督之下溫書。到咗今年佢逼我要考一個我好唔想考嘅語文試，自己都學咗好多耐但係好似冇乜進步過，有時都會自責自己點解溫咗咁耐但係一啲成績都冇，堂堂就係咁俾個老師串。每次我去問阿媽點解我一定要考呢個試，佢就會話「你食邊個，着邊個，有得你揀咩。」有時我知佢係為咗我嘅未來着想，但我真係好攰，有時都會諗點解做人會咁辛苦。想知道係咪嗰個阿媽都係會成日講呢句，小妹為咗考呢個試喊咗好多次而家好大壓力，好崩潰。

#NSS學校 [YWGS] 我讀女校，中一，我同其他3個係四人行(a,c,e)，但係我覺得四個人入邊我呷醋呷得最勁，首先稱佢哋係a, c , e 。我亦都好憎佢哋，但係班上面又冇其他朋友。 A同C其實係一個二人行，佢哋成日陶醉喺呢個二人世界裏邊，原本其實我同A都幾friend，大家都當自己係best friend，但係後來唔知發生咩事A同c突然變得好熟，從此我就呷醋了。全部野唔會考慮到我先，小息一打鐘，又話要我陪佢去廁所但係就一直等埋C。 然後E又成日同第二個朋友一齊，下稱h，但係我同H又唔係好熟嗰隻，

#NSS個人 [已退學學生] 話說小妹最近同朋友食飯,發現咗樣野… 咁我因為下個月移民,7月中飛,所以班friend就話約我去食飯啊睇戲行街之類。但係其實我feel到佢哋係當我跟屁蟲(我有次肚痛喱喺個廁格嗰陣聽到佢哋話我又煩又西。我自問係有壞習慣但係其實我哋幾個每個都係咁上下),好想撇甩我咁。但係出到嚟食飯嗰陣又有友情告白(講哂平時唔會講既野出嚟),搞到我好亂唔知佢哋係諗緊咩,所以佢哋送個手機殼俾我嗰陣我好抗拒好唔想收(當然佢哋最尾都塞咗入我個袋度俾我)。問題就係,我返到去之後好想揼咗佢,但係又唔知揼唔揼好,佢哋又係咁追問我鐘唔鐘意,直頭係好似攞嚟曬命趕走咗件麻煩友咁。成件事究竟係我份人太仆街諗得佢哋太衰定係佢哋真係當我係佢哋條𡃁 (Sor for 1999因為我其實仲有好多野想講但係好難開口…

#NSS家庭 [GUEST ] 我而家f2 我係一個追星族，平時偶像出周邊我好大機會會買。跟住有一排(大概係兩三個月前)，個偶像實在出得太多野，我嘅零用錢加埋我本身儲嘅錢都買唔起佢哋出嘅嘢。我自問真係太鍾意嗰個偶像，為咗買佢哋嘅周邊 所以就做咗D好錯嘅決定：我偷咗我阿爸啲錢去買周邊。 我阿爸本身都冇發現，但係前幾日佢就成日都神神化化咁樣進出我間房，唔知喺度搵乜嘢。佢一直都知我有追星，我平時都會同佢分享我追星嘅嘢。佢尋日無啦啦喺度講話乜嘢有人為咗追星偷人錢，我感覺佢好似喺度暗示我偷咗佢啲錢。 其實我都心裏有數，我知道佢一定係發現咗我偷佢錢，佢喺度等緊我坦誠講事實。但係唔知點解，我冇勇氣承認真相。講得越來越多大話，同埋做得越來越多對唔住自己良心嘅事(譬如為咗追星偷錢)，我而家真係好唔舒服。 我知道我阿爸好錫我，我係獨生女，我都知道我對佢唔住，咁瘋狂追星，但係我真係控制唔到自己。 我而家已經冇偷錢，但係因為佢發現咗我啲衰嘢嘅關係，搞到我平時同佢好多嘢講，而家都唔敢講嘢。我之前因為追星已經同佢鬧過幾次交，今次又犯咗啲咁嘅大錯，我都對自己好失望。

#NSS學校 [Guest] 小妹今年中四升中五 想補中文卷二作文，因為我成日都唔識寫，又冇題材，同埋想補埋英文卷二同卷三，兩份卷都搞到我就嚟痴線，paper3唔識寫tone，好難拎point，paper2成日都要唸好耐先可以落筆，又想搵人幫我改文。 想補補習社，係IG上面見到好多好似補得好好，有冇人試過補覺得好好用？ 心中有幾個想試chocxxxxxx/dse engxxx，有冇人試過？唔該哂

#NSS家庭 [GUEST ] admin po ig please 小弟f1.有個藍絲阿媽,黃絲阿哥同政治中立嘅阿爸.而有個問題已經困擾咗我幾個月,尤其係最近我同我老母的矛盾更加升級,我真係冇辦法可以再忍受佢. 第一,我老母無論何時何地都係一個深藍.無論任何新聞只要播到關於手足嘅新聞佢就會係度爆曬粗咁鬧個班人.甚至最近仲想逼我去打伏必泰,話對我身體好咁話喎…… 第二,我老母嘅價值觀係好守舊,例如：我有時食飯會同我老豆分享下個日發生左啲乜趣事,有一次係話我bff係我面前柒咗跟住我笑佢,我老母就即場屌我話好冷血,宜家啲中學生好冇家教之類.但係我始終唔明點解佢連我要點樣同我嘅好朋友講嘢

#NSS學校 [GUEST] 我真係好唔開心，小妹一開學嘅時候識到三個朋友。啱啱開學嘅時候我同佢哋好friend，但係唔知點解慢慢就開始冇咁熟。即使我平時見已經好主動WhatsApp佢哋，但係佢哋都已讀不回。 而佢哋而家都唔理我，小息嘅時候望住佢哋同其他人玩我好唔開心，但係我控制唔到自己亂唸嘢，有時候喺小息同佢哋對視，佢哋都會無視我。 我之後識到一個朋友，佢好nice.之前我哋要分組，我無人可以一組，但佢唯一同我一組，見到之前果三個friend同其他人一組，我心情好差，但好彩仲有人同我一組⋯⋯ 不過我個三個朋友就話「你們聊得很開心呢😑」… 咁我應該做啲咩？sorry for 1998+1 n

#NSS家庭 [HDC] 想分享下擤下。😮‍💨((想知)係咪唔可以打粗口) 交代背景先 屋企我媽係大陸人 我老豆係香港人 仲有個妹 然後小妹我極愛香港亦會跟香港文化講返廣東話 嘅 正題👉🏻平時我媽同佢啲朋友傾電話用普通話嗰啲我okay嘅

#NSS學校 [guest] 見到之前有個post 話佢個同學R分太煩最終老師頂佢唔順 新界區某學校都發生過啲咁嘅事 仲要該名同學因為成日捐錢畀學校 令學校好愛佢 果次某主科考試 嗰條問題本身佢錯咗 佢係咁同老師R分