#NSS家庭 [Not convince to say] 阿爸有外遇點算 一直都覺得阿爸係一個好顧家嘅人，對我同細佬仲有阿媽都好好。有一日借阿爸部手機check學校通告嘅時候無意間見到一條message彈咗出嚟，點入去見到佢同一個女人曖昧嘅訊息，果刻真係好愕然，完全冇諗過阿爸係D咁嘅人，自己喊左成晚。應該點算？應唔應該同阿媽講？唔想佢唔開心。要唔要同阿爸當面對峙？有冇D惡毒嘅方法報復個小三（合法前提下） 我真係好唔開心😫 Sorry for

#NSS學業 [Guest] 想問大學冇interview 你 係咪即係唔諗住收你 小妺自己報咗hku, cu ,科大 除咗hku in

#NSS家庭 [SLS] 小弟今年F1，因為疫情關係，工人姐姐走咗，所以我就要幫手做家務。因為我係獨生子，所以咩嘢都要我一個人做晒，我經常都有做家務，有一次我洗完碗之後坐咗喺梳發度睇電視，跟住我阿媽就喺度涼緊衫，跟住佢無啦啦就發晒脾氣咁鬧我話我唔幫手做家務，乜都佢一個人做晒。我心諗我啱啱先係廚房到洗完碗，點會乜都唔做呢？同埋我成日都幫手做其他嘅嘢例如去幫手買嘢，摺衫個類，跟住佢就調低啲衫落地就走咗入佢間房。 懇請板主po 上 ig

#NSS學校 [shcc] 我今年中三 有個同學（之前係朋友 但係發生左d事 佢依家已經唔再同我講野） 我小學已經識佢 由第一年同佢同班 已經察覺到有好多老師都好鍾意/偏心佢 去到依家

#NSS愛情 [Guest] 是咁的，小妹鍾意咗一個女仔半年，佢同我本身係老友，識咗好多年。呢排考試我一悶就發呆，但個腦成日諗起佢。我亦都好願意同去講我嘅秘密。之前都試過同女仔表白，但被拒（我自己都知成功率好低）。今次我應該點做？我怕同佢講我同佢連朋友都無得做。 Thank you admins

#NSS家庭 [Guest] （純發洩，Sorry可能影響到大家嘅情緒） 我今年中三，父母喺我好細個嘅時候離左婚 我呀爸以前成日打我呀媽，打完之後我呀媽都喺地下根本起唔到身；家務全部都係我呀媽一手包辦⋯⋯ 之後呀爸唔知做咩事問大耳窿借錢，佢還唔到錢之後就走左去大陸，我呀媽呢幾年幫佢還左大半，到而家都未還完。我呀媽知道我呀爸爭人錢，就同佢離婚。 老實講喺我成長過程中，我呀爸根本冇乜點參與過。佢嗰陣時成日夜不歸宿，兩三點先返黎，我呀媽就等佢返黎；我同我家姐生病睇醫生都係我呀媽帶我哋去嘅；接放學、去其他地方玩幾乎全部都係我呀媽帶著我哋兩個。 喺我眼中佢根本唔係一個負責任嘅丈夫、父親，毫不誇張地說，一唸到咁嘅人係我呀爸，我就感到好嘔心。我已經好耐冇同佢聯絡，但我呀媽一直嗌我同我家姐聯絡一下佢，原諒我呀爸。 我好難理解我呀媽係點唸嘅，明明被傷害得最深嘅就係佢，尤其係我呀媽被我呀爸家暴咁多年。家暴係我最難接受嘅嘢，我真係冇辦法理解點解我呀媽可以原諒我呀爸。 今日係父親節，我呀媽又叫我哋聯絡下佢，同佢講父親節快樂，但我同我家姐都冇聯絡佢。

#NSS家庭 [GUEST] 小妹今年中二，忍咗咁多年真係忍唔住想造反。 今日父親節，但係往往呢啲節日，屋企就會大吵大鬧。我唔敢去憧憬，家庭風平浪靜已經係我嘅願望。 但今日……話說我嗰陣溫緊聽日嘅考試，全神貫注目空一切。我阿爸吩咐咗我一陣幫佢做啲嘢，但當佢叫我嗰陣，我真係好專心溫緊書聽唔到，就冇應，結果佢語氣好惡咁叫我，我咪都係有回應佢……但之後佢仲得寸進尺，爆埋粗鬧我，又話我係特登唔幫佢做嘢。我都俾佢鬧到毫無顏面，喊到涕泗滂沱，含住口矢口否認，佢唔聽。我被迫承認，佢仲鬧。 其實係佢錯定係我錯？固然我聽唔到佢講嘢係我不敬，但佢呢個態度係咪真係好大問題…… 十四年嚟佢都係咁。唔單止對我，對我阿媽都係咁。 我阿媽有次因為一時疏忽，計盈利計錯，我阿爸又爆粗鬧。呢個我已經習以為常，但佢之後仲要喺我哋訓緊覺嗰陣係咁踢門，由凌晨一點踢到三點，斷斷續續，我阿媽已經係咁喊住道歉，仲係咁，第二日仲要返學啊大佬…… 細個嗰陣已經係咁，屢屢冤枉我哋。嗰陣仲衰，直接打到我阿媽成個頭腫哂，我都未能倖免。呢個情況之前一個星期就一次，直到最後我哋搬走咗一陣，佢又用啲「甜言蜜語」引我哋返嚟繼續虐待…… In

#NSS學業 [Guest ] 唔知大家有冇留過級嘅經驗或者身邊有人有過？我知咁樣問係好冇禮貌或者好奇怪，但係因為小弟今年實在考得太差，差唔多全級尾二左右，所以應該有機會留級。所以想問下大家有冇經驗打個底先🙇🏻‍♀️唔好意思阻到大家

#NSS其他 [hongkong] 有冇興趣快少少post啲投稿😅

#NSS學業 [GUEST] 溫書溫到喊係咪抗壓能力太低？

#NSS學業 [GUEST] 今年F.3 想揀中史，請問高Form 同宜家教啲野相唔相同，又或者難唔難🙏🏻🙏🏻

#NSS個人 [GUEST] 小弟想講返自己既背景先（長文慎入 我係一位2022DSEr，gay，自細被屋企既某啲兄弟姊妹bully，因為全部90後，得我一個係00後，全部人都覺得我洗咗屋企好多錢，一嚟我既身型比較高大會食好啲嘢，二嚟吾似吖哥家姐當年物價咁平，所以喺屋企人心入面有好多吾好既印象同標籤例如敗家、冇用等。 升上嚟小學係惡夢既開始，小四開始長期被排擠，同屋企人講都覺得無嘢，甚至去公園挽都係同樣情況。升上嚟初中，基本上我情緒已經變得好吾穩定，啲人因為咁覺得我好挽所以成日笑我，班上可能得幾個Fd（大多係女仔），我比較重視佢哋，但係只有一個我先肯放低自己對佢既不信任，同佢講自己啲事，比佢鼓勵底下同我班上其中一個男同學表白，因為佢曾經成日幫我同願意肯同我挽，但係比人拒絕之如，甚至比其他人知道後bully我。然而，我好似魔化甘係咁搵其他Hi-bye Fd一齊挽，但係下場都係唔啱傾、被佢哋挽或者冇再挽埋一齊，加上係屋企長期吾食夜晚而且返房匿埋，甚至自己一個着住校服遊蕩到好夜先返，直至武肺，就為咗減少自己係屋企既時間，我就覺得自己當時好似行屍走肉嗰種感覺。 可能有人睇到呢個覺得背景點解甘多，因為我吾想啲人吾明我跟住落嚟我想講既嘢。 高中我就讀理科班，想有更好既資源上大學（大機會去台灣），為咗讀好啲書，好多Fd都冇再挽，留返啲平時挽開既人，但係直接近呢幾個月，其中一個挽咗多年既男仔Fd就同某一個女性Fd挽，咁啱大家識咪一齊挽，但係成日吾太理我得佢哋兩個掛住噯味，因為我重視Fd關係，後嚟我直接頂吾順，吾再同佢哋聯絡。無幾耐，又有一個Best Fd因為吾中意啲老師錫我（中意冇乜自信嗰啲但係有潛力既人），就開始背後孤立我，份人變得更串，有時甚至笑我成績吾夠佢，但我吾係好理佢，所以佢就放低手，想同我修補返關係，但係我因為呢兩件事令到自己既心理屏障更堅硬，我已經吾太相信身邊既人，認為身邊一切都係假到想嘔，我得一個Les既Fd同一啲ACG同好。 自此，我就想開始諗開少少，當係提升下自己心理素質，唯一就係我少咗同人講嘢，慢慢收埋自己情緒，甚至好冷靜甘話人或者面對眼前一切，為咗自己過得更安落。

#NSS個人 [[Guest]] [Guest] 想問下有冇人同我一樣？次次做緊功課溫緊書嘅時候阿媽就唔入嚟，但每當我睇電話同打機佢就會開門， 跟住就係黑面咁望住我🥲 點解咁黑仔？究竟我啲運氣係咪真係咁差 🥲🌚？？ sorry for 1999,

#NSS愛情 [Guest] 我想分享一個經歷 本人F3，第一次拍拖出街，個女朋友就住得遠，喺屯門，而我就係鰂魚涌住，我搭車過去都要一個半鐘啦。 本來約咗下午4:00等，我下午兩點嘅時候特登打電話俾佢，都估到佢會想瞓多一陣，我就改咗做4:30，然之後我到咗屯門，並坐咗喺的屯門公園度等30分鐘。等到4:30，我估佢會嚟啦😇😇然而垃圾tvb劇嘅都係等咗三個幾鐘，DLLM，我成個on9仔咁坐喺個屯門公園等咗四粒鐘，八點，係下午八點，佢人先聽電話（btw我打咗成20個電話俾佢），我好聲好氣咁問佢：「諗唔諗住落嚟啊？？」點知佢就同我講：「啱啱瞓咗四個鐘頭，個身體好攰呀」，然後我再問佢咁我俾你休息15分鐘，8:45再出嚟好冇？本來佢就應承嘅，之後估下佢講咩？佢話三姨姨婆突然嚟咗，佢驚俾人阻住出唔到去，我真係呆L咗， 最後尾我夜晚10點先返到屋企。午餐都係食咗個死人餐蛋麵咋😀，估吓搭車途中我做緊啲咩，條女話自責，最後尾我要氹番佢😁😁，咁就冇撚咗一個星期日。我係咪應該要分手（？ Sor1999 ，祝大家父親節快樂😊

#NSS學業 [[GUEST]] 小妹今年中二，讀band one，想問咁多位嘅學校嘅留級制度係點？又或者有冇乜嘢留級嘅經驗可以分享？ 我今次考試有預感自己會考得好差😢（雖然未派卷），勁驚，本身自己數學係最差個科，已經預咗肥，但係其他科都好似唔好得去邊…，感覺今次應該好多都剩係得合格邊緣或者唔合格… 而家個人好淆底，雖然上到中學之後啲成績一直都係中間嗰啲位，但係我硬係覺得今次會考得勁差😕 我first term平均分得5x/100，而且冇show級名次（我都唔知點解），班名次啱啱好卡喺全班最中間嘅位置（非精英班）。 唉我而家唔知點，一諗起留級就好焦慮，只要中途留過一年就已經冇得同班frd再讀上去，好sad…，而且驚屋企人會勁失望，自己亦接受唔到如果真係留級咁點算，希望大家可以俾啲意見🙏🏻 辛苦晒admins

#NSS學業 [Guest] 小妹今年中二，成績好差 上半學期因為喺屋企上堂成個人勁懶 跟住考試就炒咗 到咗最近考試好多科都唔識基本上全炒🥲 但阿爸阿媽冇鬧過，仲係咁鼓勵我 我唔想令佢哋失望，但上堂聽極都聽唔明 溫書又溫唔明 請問大家我可以點做

#NSS愛情 [guest] 我係比阿哥炫耀嗰個細佬 因為連續兩篇睇到笑，忍唔住po返篇出嚟，比個交代你哋，同埋向阿哥坦白啲野 我確認我就係嗰個細佬嘅原因，係因為阿哥個frd同我報串，send左嗰兩個post比我，想八卦下我哋兩個咩情況 老實講你哋都估得幾準，我的確鐘意阿哥 阿哥真係乜都好，平時好好，發脾氣嘅時候都好好，文字形容唔到嘅好 阿哥你咪話唔想我去同人哋成家立室嘅？咁我唔去同人哋成家立室 我嚟同你成家立室。 我唔想再淨係做你細佬

#NSS愛情 [Guest] 有啲長，慎入‼️ 話說係f.1一開始開學個陣我就同一個男仔（下稱𝗔）傾傾下就熟咗，之後𝗔係上年11月到就同我表白，咁我都接受咗嘅。不過2個月之後就分咗(𝗔話分）咁我覺得呢啲小學雞愛情係咁架啦😂，所以我之後都無點唔開心。 再過多排，我哋就完全無傾過計，都無搵大家。咁原本諗住就咁可以無咗件事，大家都唔會再有交談㗎啦。 點知𝗔大概係今年4月頭個陣，𝗔係wts dm我問功課，我當佢係同學就教咗佢做。佢講完thx之後，就繼續開話題，最後傾咗成個鐘。 個日之後，我哋係wts就keep住有傾計，傾得都幾開心。 直到5月中（同𝗔 keep住有傾），我因為𝚏𝚛𝚍識咗另一個男仔（下稱𝘽）。因為自己嘅𝚏𝚛𝚍同B玩開，搞到我同𝘽都熟咗。咁我原本追星嘅，(𝗔唔追.𝘽追）咁因此我同𝘽就有更多嘅共同話題啦。𝗔知道咗我同𝘽嘅關係。之後近排𝗔就同我講佢開始追星😵‍💫同埋性格有少少似𝘽。

#NSS個人 [GUEST] 我想去韓國做練習生 女。我近排開始咗睇kpop ，睇睇下就忽然間有個諗法：我想好似佢哋咁，喺個台上面表演，台下有fans支持。 我預咗會比人笑、比人話發明星夢，但係我真係想試下。我識少少跳舞，但唱歌就普普通通。上個月in咗幾間比較大型嘅韓國經紀公司，我知道係冇咁快有結果，我都知係好大機會唔收我，而且我知道一定會好辛苦，未必有得出道，就算有得出道都唔一定有fans，但係我真係好想試下。有冇啲做過練習生嘅巴打絲打可以比啲意見我？🙏🏻🙏🏻 Sorry for 1999

#NSS個人 [guest] 閨蜜生日，想送禮物比佢 因為我就嚟移民，有好長一段時間都唔可以同佢過生日，所以份禮物想又靚又有紀念價值啲 有冇好提議plz sorry for 1999