#NSS愛情 [GUEST] （本文可能會好長 同埋有唔少負面情緒，請斟酌觀看，唔好對號入座🙏） 今年三月份我同左我同班嘅女仔(以下簡稱A)表白，佢亦係一個星期之後就應承左我。本來都好開心，我哋更加有唸過未來，跟住係六月初，有另一個同班同學(以下簡稱B)開始同佢傾偈，但係一兩日之後，B同A表白，話佢鐘意左A好耐，又話B自己係因為A靚女，所以先讀書。 咁A都問我可以點，我叫佢早啲解決件事，佢又話唔想B太傷心(A性格本來都係咁)，咁我有少少擔心佢會猶豫不決，拿捏唔到。我亦同A講如果佢做唔到，咁我可以幫佢。 但係事情變得越來越不可控，我以為A真係可以解決，結果係A同B越來越接近，我好似邊緣人一樣，A成日寧願覆B，都唔理我😭，我有同A講過叫佢快啲解決，佢應承左我。接下來接近兩星期都係咁，(我已經覺得A開始遠離我，可能我煩住A太多)，佢係個段時間都有應承我好多野，但係A全部都冇做。令我有少少仇視B 嗰幾禮拜都係考試之間，搞到我成日唸呢個問題，好耐先可以專心溫習，我唔想面對問題，我嗰陣時真係被件事同A搞到情緒接近崩潰⋯⋯，有時試過見到A同B一齊就想自殘，A同B講佢跟本唔鍾意我，又想同我分手之後就係一段時間後同B一齊，但係佢又係我面前話唔係好想分，我覺得A好似雙面人，同我一齊都已經咁唸，好似我唔應該出現係世上⋯⋯但係我依然鐘意佢，相信佢會改 你哋可能話我係弱智／白痴，但係A係我最鍾意嘅人，我放唔低佢，即使佢不停挑戰我底線，我都係相信佢自己會處理到，我唔想同A咁快結束 T-T

#NSS學業 [band2] 小妹下年就f4，英文同數學嘅基礎都好差，想趁呢個暑假補下習打返好啲基礎，想知道元朗，天水圍有咩補習社係有用嘅，會俾功課，啲老師會用心講解🙌🏻

#NSS愛情 [GUEST] ［個男仔大我五年］ 平時同frd傾偈都會傾得好癲，偏偏一對住你就完全唔識講嘢，擔心你會覺得我煩 畀你知道我鍾意你/對你明示暗示又驚嚇親你，好驚搞到以後你避咗我冇得再見你 好想知多啲你嘅嘢留意多啲你嘅動態，又擔心畀你發現我stalk你啲嘢覺得我係痴線 仲記得啱啱識你嘅時候，你講嘢好flirty，覺得你對我有好感，原來只係自己一廂情願，之前日日call，而家慢慢變到兩個星期先至call得一次，online都唔覆msg｛ 八個鐘～兩日先至覆我一次msg ｝唔知你係咪已經搵到新一個Target 日日都好掛住你一諗起你就成日胡思亂想，我都知道咁樣落去係好有問題唔想再係咁，但係自己又控制唔到，唔知點樣先可以正確咁接近你而又唔會令到你驚，真係好驚自己做錯嘢、畀signal會令你覺得不安，如果最後可以開花結果嘅話就算要用四五年時間嚟培養感情我都唔介意

#NSS個人 [GUEST] 點解明明乜都冇做過，啲friends會慢慢疏遠（唔係畢業後，仲係返緊學） 本來幾乎晚晚都會一齊打機，間唔中打吓波，出吓街，但係而家佢哋就算出街，食飯，打機都係成班行埋一齊傾得好開心（我就自己一個），行埋去又走開，好似磁石咁，同佢哋一齊有存在感，又好似冇咁 但係我唔想中學淨低嗰兩年都係咁，想同佢哋friend返，有冇人有推薦方法或者有冇啲有相同經歷嘅人知唔知點解會咁😭😭😭

#NSS個人 [GUEST] BMI 30 嚴重肥胖 如題所見 我係肥婆 小妹初中 身高正常 但係體重就好唔正常

#NSS個人 [Guest] 依篇文少長，如果有啲位睇唔明嘅話唔好咁執着，小弟文筆唔好 小弟因為近排嘅事過得好迷惘。我15歲，成日同阿爸嘈交，嘈交嘅原因都幾廣泛，有陣時因為成績，有陣時就係因為個人嘅問題 我本來英文唔好，有陣時考試都唔合格，跟住我阿爸就對依件事好執着，我知佢執着喺對我好，但係我覺得有陣時真係over咗，好似只要我一唔合格，佢就話我成日掛住打機唔溫書，係咪唔想讀書，如果我啱啱好合格，佢都係咁講，我知道英文成績係對我好重要，但係我其他科考得好佢都冇讚過我，例如我數學科學嗰啲科比較好，考到高分，佢唔理，我已經同佢講我有努力過，唔係嘅話我依幾科唔會咁高分，跟住佢就話依啲係應份，冇咩嘢好值得讚，成日聽佢講我都覺得好灰，好似自己真係冇努力過，就算有努力都白費，我好唔認同佢講法，但係我又駁唔到佢。跟住佢就話我如果任何一科唔合格嘅話就扣我嘅飯錢，本身我嘅飯錢都唔多，每一餐得$40。 因為個人問題我同佢嘅關係越嚟越差，好似近排佢係我間房用完啲嘢，我放學返嚟見到佢就咁劈晒喺度，我叫佢入嚟執返，可能我當時啱啱放學返嚟，天氣熱所以有啲燥，所以大聲咗啲，佢聽到之後就話我咩態度，跟住我同佢講係我大聲咗對唔住，但係你可唔可以嚟執返，聽完呢句佢就反問番我話你執有咩問題，跟住我話返佢「你成日叫我有手尾，但係你自己又唔做」，跟住佢聽到就撻着咗佢，話「我成日幫你執手尾，而家幫我執少少有咩問題，你幫我整返好啲嘢係你嘅責任，依家係我養緊你，唔係你養我，我叫你做乜就做乜，你冇得唔做，再唔係你就走唔使我養」。聽完呢句之後嗰一刻我真係有衝動想打佢然之後走咗去唔返嚟，但係我阿媽就喺度叫我哋兩個唔好嘈，成日搞到家嘈屋閉，之後我阿爸仲加多兩句話「你讀書又唔成，嘢又唔幫手做，你係咪想喺度做寄生蟲，讀唔成書就快啲出去做嘅，唔係喺度嘥我啲錢同埋時間」聽完呢句我真係想爆喊出嚟，之後我就返咗房鎖埋門，去到夜晚先出返嚟。 我想問其實係我有問題定係佢有問題，佢成日都用錢來衡量所有嘅，令到我自己都覺得我嘅價值觀有少少俾佢改變左，好似咩都同錢關事，有幾次夜晚都匿埋喺度喊，有諗過自X。有冇同路人可以答下我究竟係我有問題定係佢有問題。睇到依度嘅各位好感謝你，肯聽我吐苦水😉 Admin可唔可以post IG，萬分感激

#NSS家庭 [LKM] IG plz 估唔到第一次投稿係因為抖音 我今年中三，父母宜家越黎越鍾意睇抖音，一開始只係YouTube短片。之後download左抖音，宜家無時無刻都係睇，睇到要人叫、幫佢息電話先肯食飯。有一晚，食飯嘅時候我想叫佢唔好睇咁多抖音，唔好信哂入面啲野，點知佢就話我知好似隻蜜蜂咁係到wewewungwung，嘈住佢睇片，問我係咪有好多不滿，叫我唔好嘈。之後我成餐飯都冇講過野。我想知究竟可以點做？唔該哂

#NSS家庭 [Guest] 而家仲係阿爸車上面，好驚 啱啱上車嗰陣時個位好窄，我已經好小心咁上去，之後手賤扶一扶對面之後即刻bang一聲 撞到個欄杆😃 㗎車啱啱新買，雖然唔貴正常車價錢20萬左右，但係我超驚會凹左/花左，而家仲未知車門生死🥲 我覺得實比人鬧死了😃

#NSS個人 [JCCSSKC] [可唔可以po IG] 是咁的，我係咪已經對佢冇感覺 介紹一下我自己先，我係F.2，男仔 咁我就係自己private account 嗰度睇到一個人DM啦，然後佢就搭訕啦，咁我哋兩個就互相加咗signal，佢就話鍾意我，咁嗰陣時我渴望愛情呢樣野，咁我就受溝，然後傾咗幾日計之後就開始對佢冇感覺，過咗成廿零日都冇去搵佢，究竟我應唔應該分手 sorry

#NSS愛情 [Guest] 2月14號情人節嘅時候 小妹就約咗一個我暗戀咗好耐嘅女同學上我屋企玩。但係其實我嘅最終目的係想同佢表白。 上到嚟都正正常常嘅 但當佢坐喺我隔離嘅時候我唔知點解個腦突然間傻咗，就沖埋去想嘴佢一啖。佢嗰陣都應該係嚇親，咩都冇講就即刻走咗。 呢件事完咗之後我同佢一排都冇聯絡，直到返學嘅時候 我諗住主動去搵佢，但佢都係只會hea答我。本身其實我都同佢好friend，又攬又拖咁樣。 事到如今我都好後悔。真係唔明白點解嗰陣會咁樣做。如果你見到呢一個post嘅話，我只係想同你講一句我真係好對唔住。

#NSS個人 [Guest] 小弟有時會無聊睇下電話, 不過一直有個煩惱。 我除左YouTube, FB, IG, WhatsApp之外, 幾乎冇app可以用嚟消閒。 請問各位有冇啲非遊戲嘅app可以推薦畀我?

#NSS學校 [GTEYC] [gteyc]係咁嘅,我係一個G11嘅同學,依家學校要我哋體育堂做瑜珈,件事情就源於我嘅同學性慾好強,揚言要視奸女同學,好唔好彩佢比人發現咗,女同學條仔就話要打死佢,佢個人好瘦弱份人仲要好鬼寸,我唔知可以點幫佢 Sor for 1999

#NSS愛情 [GUEST] 我同我男朋友喺埋咗一齊半個月左右 但係我覺得自己唔係好了解佢 佢好似有好多嘢瞞住我咁 喺同佢一齊之前 我問佢幾時生日 但係佢唔答我 咁我以為我同佢唔係好熟 所以佢唔同我講住

#NSS個人 [hksc] 好想知道這樣嘅我會唔會被排擠或者會唔會識到朋友(特別係男性朋友)…🙇🏻‍♀️🙇🏻‍♀️ / 小妹下學年應該會入兆基創意書院，但我十分肥(164cm84kg) ，樣都好平庸。 現在正開始減緊肥(已減咗5kg)， 不過影學生相(7-1X)或入學(9-1)之前應該未能可以瘦到其他女仔咁。 加上雖然現在我有唔少同性好朋友，但係完全冇異性朋友， 都唔識點同男孩相處…

#NSS愛情 [GUEST] /是咁的…小妹我鍾意左自己曾經嘅best frd幾年，唔知自己做乜上年molala message表左白 /字面上我唔覺得佢有好驚訝，但好明顯佢係拒絕左啦(仲要拒絕嘅時候係好小心，唔想我唔開心咁…) /咁表白前個排我成個人都好down嘅，每日都冇精神咁，同佢冇乜話題，甚至有啲避開佢，因為好驚見到又會dead air，要佢冇嘢搵嘢黎講開話題( 點解揀個陣時表白呢on9：） /嗰陣個種好想見到佢但又驚見到佢嘅感覺真係好辛苦(依家都係咁）

#NSS愛情 [HY] 小妹中三，鍾意左個唔應該鍾意嘅女仔 我由小學開始就已經俾佢蝦，仲要係有啲過分哥種，不過我無視左佢，就冇理到佢啦，佢就冇乜再蝦我又或者同佢傾計 直到今年，我坐前面佢坐後面，我本來只係諗住同佢後面個同學調位，因為我唔想坐前面俾個老師望住，順便打機。咁但係調仲左位後佢坐我前面，就一定會傾計，我同佢傾傾吓，又覺得同佢做朋友好好，好多計傾，我好開心。但到學期尾我先慢慢有啲心動（我之前已經鍾意過其他女仔不過分左手）但係問題係我好驚如果我突然同佢表白，佢可能會嚇親、唔鍾意我，又或者我連呢個朋友都冇左 所以我好想問下大家點算🙏🏽🥲 我完全唔知點算好 Sor for 1999

#NSS個人 [GUEST] 話說小妹今年就識咗一個男仔frd，然後因為我喺學校無乜frd所以成日搵佢傾計，咁我地好快就熟咗。 但問題嚟鳥，佢有一日同我講其實佢有情緒問題，咁我以為聽佢擤下同埋無論做咩決定都support佢就可以減低佢自殺嘅念頭啦，但佢就因為咁而鍾意我，同我表白。我又唔鍾意佢咁所以就reject咗。 但係呢，佢而家成日post埋哂啲失戀語錄去story到，好似專登比我睇咁，睇完搞到覺得自己好似好衰咁，但呢個都唔係最大問題，我最驚係佢會再自殘/自殺。本身佢啲frd唔係幾會聽佢訴苦，平時都係hea下佢咁，而家佢又唔肯同我講嘢，驚佢情緒病會更嚴重。 請問大家我應該點做先可以幫到佢 >< sorry呢篇嘢我寫得唔係幾通順，但我已經儘量分段同加標點，希望大家睇得舒服同埋唔好介意🧎‍♀️

#NSS個人 [BCS school ] 唔知有冇人知道呢種面具叫乜嘢？就係用紙做 然後有字嗰啲 唔該晒Admin 圖Link: https://ibb.co/7Sm9WzG

#NSS個人 [BCS school] 有粗口注意！ 我想廢up一下… 是這樣的 每次當阿妹同阿媽話我（乜鳩嘢都有）明明我乜撚嘢都冇講、我阿媽就會一次過鬧埋我、真係勁煩。 大概一個月前阿妹知道我暑假早改佢幾日、佢到而家仲喺度嘈😒（日日嘈嗰隻） 佢嘈唔係一般嘅嘈。係呢種首先一定要 “嘖！”

#NSS學校 [guest] 話說最近我個班有個人生日，我唔係好鍾意佢，但佢同我最好嘅frd呢排唔知點解熟咗，我個frd因為佢生日放咗我同其他人飛機陪佢去慶祝生日，仲要本身慶祝嗰日已經唔係正日 原本都唔關我事，我個frd過嚟仲要問我佢哋嗰日去邊度好，同埋佢哋去嗰個地方因為我去過，佢仲問我啲門票點買，其實我真係好難受，我生日嗰陣時佢就同我講咗句生日快樂，約佢嗰排咁岩又考試，原本有講之後再補返，但一直冇咗件事 其實都唔係第一次，仲要因為另外幾個同我唔係咁熟嘅，但有認識嘅人移民，佢哋請咗全班同隔離班一共有20幾個人一齊去歡送會，我身邊啲朋友都有被邀請，但就係冇叫我，原本我都冇乜所謂，甚至知都唔知，但又係我嗰個最好嘅frd走過來同我分享佢哋嗰日嘅活動，我唔知佢知唔知我冇份去，但反正我係隔離聽到好難受 我覺得我份人唔係好識經營一段friendship，尤其是係我哋班真係好攰，每個小息佢哋就圍埋一堆，喺度聯誼，但其實我乜都唔想理，就想自己坐住做自己嘢，但試過一排之後就會發現你唔聯誼根本冇朋友，可能會有人話冇朋友咪冇朋友囉，但我又做唔到咁孤獨，之前小學嗰啲又係因為我唔鍾意聯誼，識咗好多年後尾都冇咗聯繫，就只係間唔中喺IG動態見到佢分享生活 我真係想知呢個係我問題定係佢問題？我而家係身邊嗰啲所謂朋友都冇乜幾個可以分享自己嘅事，所有嘢都唔我想比佢哋知，大部份都係喺學校傾偈拖晒手咁，但返到屋企完全冇聯繫，我最後嗰個frd佢又好擅長交際，原本中一同佢friend到而家，但佢越來越多friend，甚至原本一個佢終日淨係同我講嘅秘密，去到鍾意已經好多人都知，雖然係佢嘅嘢，但我覺得佢當時同我講嘅秘密，又係咪真係咁秘密呢？我變到好似有少少可有可無，甚至一直覺得佢係我最好嘅frd，但我覺得我應該唔係佢最好嘅friend，有時候打開IG見到動態入邊嗰啲超級close 既friendship 會好羨慕