#NSS文化 [kcckc] 其實著JK制服冇咩嘢，著JK制服≠藍,mk,抖音妹。抖音都有好多係黃嘅啦，藍偏多咋嘛（利申我黃）。講真唔明點解會有人覺得著JK制服係想勾引男人，我地著JK制服都係取悅自己姐。JK制服都有校供款，唔係全部都五顏六色，我自己喺之前學校交流團嘅時候都識咗少少日本朋友，佢哋都覺得其他國家著JK制服冇乜問題，唔係五顏六色就得。JK制服都算係日本文化啦，唔該唔好覺得著JK制服就係藍，mk，抖音/大陸妹。尊重返日本文化🙏🏻。sor for1999

#NSS文化 [GUEST] 想問吓有冇人鍾意聽CityPop或者以前80年代嘅日本歌手？例如 中森明菜 松田聖子等（本人最鍾意中原めいこ）

#NSS愛情 [外貌協會紀念中學] 其實呢個世界有冇人唔係外貌協會？有冇人真係會因為異性嘅性格而鐘意對方？

#NSS家庭 [Guest] 保守派母真係有啲煩 是咁的，早排小弟同左屋企人講有女朋友，點知我阿媽一黎就叫我記得唔好扑，仲要係咁講唔可以去人地到，人地又唔好上黎自己屋企，呢樣嗰樣。我今日只係帶左佢上黎食餐飯+温左陣書，我阿媽就話好唔鍾意咁樣。其實佢地係咪真係覺得有男/女朋友就=扑野…? Sorry for 1999

#NSS愛情 [GUEST] 是咁的， 小妹鍾意左一個女同學，因為我唔想鍾意得佢太明顯，所以整日扮唔記得佢啲嘢，又會保持距離，對到眼會怕羞到癲。 不過最近我覺得我好似扮得太多，搞到佢以為我唔係咁想同佢玩咁，其實我有好多嘢可以同佢傾，但係我次次淆底就dead air。 有咩方法可以慢慢靠近佢？😢

#NSS個人 [Guest] 在下唔知自己算唔算跨性別者。生理女性嘅，但係個人認同係無性別啦。小弟又唔啱小妹又唔啱所以叫住在下先，雖然後面都唔會用。我真心好唔鐘意自己性徵，個胸沖涼嘅時候見一次核突一次，自己低頭望都冇乜嘢，但係見到鏡裏面同自己成個人（半個上半身啦）就覺得好撚核突，好似一個唔係自己嘅人但係又跟住自己嘅反射喐一樣。自問唔係想做異性，自己好似本來就唔應該有性別一樣，個身同自己嘅認同衝突咗。成日都諗點解自己唔係機械人，又冇任何性徵又冇性別。出街一定會着外套因為想遮住自己盆骨同腰嘅線條，為咗個胸冇咁明顯越嚟越駝背。雖然已經唔係好care自己嘅稱呼，但係聽到妹妹仲唔舒服過畀人叫嗰條友或者仆街。不過呢個都冇乜事，我就係唔知點解釋畀啲人聽，我可以講到自己性取向係女性（需然屋企人冇講），但係好難講得出我唔係女仔，因為我個人、我個身體，真係一個女仔。 成日喺度諗，我真係好L煩，唔係成個世界都要配合你㗎，男就男女就女啦，係咪要專登開個新嘅俾你啊？最後都係冇講到出嚟。 曾經聽過有個比喻話，跨性別就好似喺咖啡同可樂嘅世界裏面，咖啡裝咗入可樂樽一樣，咁我可能係有茶裝喺可樂樽入面啦？如果我同一個va room擺pose用既木公仔一樣就好啦。

#NSS家庭 [[Guest]] [Guest] 想問下有咩辦法可以偷偷地離家出走？ 大家好，我係＃NSS210607E 既post 主， 我真係 受夠我阿媽日日喺度發癲鬧我， 佢成日都會冤枉我同大力推我，仲要我同佢解釋返嘅時候佢會好惡喺度問我咩態度，甚至想打我。

#NSS文化 [kcckc] 其實著JK制服冇咩嘢，著JK制服≠藍,mk,抖音妹。抖音都有好多係黃嘅啦，藍偏多咋嘛（利申我黃）。講真唔明點解會有人覺得著JK制服係想勾引男人，我地著JK制服都係取悅自己姐。JK制服都有校供款，唔係全部都五顏六色，我自己喺之前學校交流團嘅時候都識咗少少日本朋友，佢哋都覺得其他國家著JK制服冇乜問題，唔係五顏六色就得。JK制服都算係日本文化啦，唔該唔好覺得著JK制服就係藍，mk，抖音/大陸妹。尊重返日本文化🙏🏻。sor for1999

#NSS個人 [GUEST] 今日收到學校嘅通告，要填打唔打疫苗，我自己就唔想打，但仲係度諗緊 想打嘅原因： 見有d好frd嘅都填咗要打（驚自己變咗異類 驚之後強制要打但淨係得科興打 唔想打嘅原因： 唔想咁早死¯_(ツ)_/¯ 見到有啲打完有後遺症/死亡嘅個案，衰啲講句，中武肺都未必會死，但打疫苗死咗咪好唔底 thx

#NSS學校 [guest] 小弟今年f1, 讀band1A英中，小學年年全級頭三，中學就全級頭30名，雖然名次低咗好多，但係自問有認真讀書，對得起自己。我哋學校每級四班入面有兩班精英班，名次頭50%就入到，聽落好似入咗精英班就會有成班同學好熱血咁爭名次，但係事實係相反。總會有一班好勁嘅同學同你拼搏，但係嗰啲只係小部份，其實大部分人都得好hea, 我哋平時幾乎日日都有小測/默書，認真嘅同學總會好高分，因為份小測卷都係問啲好表面嘅嘢，默書就只係默10個vocab/背默課文，好輕鬆，但係每次都好多人唔合格，背默木蘭辭，有人寫得3句，梗係冇溫書啦。呢啲都算，反正唔計考試分，嗰啲同學考試都hea溫，10題MC都可以錯7題，之後仲完全唔care自己唔合格。佢哋放學之後仲周圍去玩，考試前一日都係咁，呢班人真係好影響band1學校嘅聲譽。啲人成日話band1學校啲學生好上進，我唔覺囉!!!

#NSS其他 [Guest] Po ig thx Hi 各位 , 想做個統計 想知依家有幾多人鐘意或者有玩slime

#NSS家庭 [GUEST] Admin po ig plss🙇🏼‍♀️♥️ 講下背景先～ 小妹中一…有個哥哥，家姐，阿妹，細佬 我同阿哥、家姐係同父異母…我由細到大都好鍾意黐住佢哋…不過屋企人多…所以就要我同家姐一間房…一直都係咁…直至中學…好多同學都有自己間房…我都想要一間，不過我知屋企冇可能有6間房… /

#NSS學校 [HKSC] 好想知道這樣嘅我會唔會被排擠或者會唔會識到朋友(特別係男性朋友)…🙇🏻‍♀️🙇🏻‍♀️ / 小妹下學年應該會入兆基創意書院，但我十分肥(164cm84kg) ，樣都好平庸。 現在正開始減緊肥(已減咗5kg)， 不過影學生相(7-1X)或入學(9-1)之前應該未能可以瘦到其他女仔咁。 加上雖然現在我有唔少同性好朋友，但係完全冇異性朋友， 都唔識點同男孩相處…

#NSS個人 [Guest] …唔關學校事，但係想問下大家對於搬屋嘅心情係點樣 最近屋企人計劃緊要搬屋。對於我嚟講，我唔捨得而家住緊嘅屋企，話曬都由出世住到而家。面向西邊嘅窗每一日都可以欣賞夕陽，望住窗邊嘅樹、樹枝上嘅雀巢、花花草草、好多車嘅馬路、趕住返屋企嘅路人，可能你會覺得好普通，但係我覺得係一個好有趣嘅風景。 搬咗新地方唔知仲有冇咁樣嘅景色，會唔會全部都係樓，或者睇唔到花草樹木，道路行人。 …🙇🏻‍♀️辛苦admin

#NSS個人 [GUEST] 「你唔係專注力有問題，你只係無專心讀書所以先唔明！」 「但係你小學個陣成績好好喎，有乜理由中學變成咁？」 「唔好講玩啦，你搣手指可以好簡單咁解決，你唔好諗咪得囉！」 呢個係小妹嘅人生寫照，由一升上中學到宜家中五每日係咁俾人鬧，但係我真係唔係特登㗎，你覺得我想？每次攞隻手出嚟俾人睇都會好自卑，但係壓力大又會繼續搣到流血見肉為止，問題係我控制唔到啊⋯我唔係特登唔做嘢，我都唔知道我腦裡面點解會有咁多冇用嘅擔憂，我都唔想分心，但係打機真係可以令我腦裡面把聲細聲啲，唔好問我點解打機可以做功課唔得，打機有互動有好睇嘅畫面有音效，但係做功課一樣都冇啊⋯ 之前睇完精神科，話我有ADD，醫生話要再研究下我係唔係焦慮症，但係家長依然唔信我有病，咁我可以點⋯ sorry for 1999

#NSS個人 [GUEST] 唔想同房係trans ⇒ 歧視！ 唔可以係安全、法律考慮？點解一定係歧視？ 唔贊成未做手術嘅有權揀女宿 ⇒ 歧視！ 佢生理都唔係女，點解准住女宿？唔好咁癲好唔好？唔係間間大學嘅宿舍奉旨男女混合。你中意就要全世界同你孭風險，好懷疑你有冇出過來做嘢？象牙塔就係你嘅世界？

#NSS個人 [guest] 小妹係超級抖m，好中意肉體上嘅痛楚，係完全唔驚痛，可能會被突如其來嘅痛感嚇到，但有時候例如有傷口嘅時候，會好中意係咁r或者係咁撳，而且仲想整到佢更加嚴重。 見到自己流血會欣賞，亦都會搞到佢嚴重。 雖然小妹唔會整到傷口潰爛呀或者割腕之類，但係會特登整到成身傷，亦都會大膽冒險做d可能會傷害自己嘅事，我起其他人面前就唔會咁做，但成日諗緊有咩受傷嘅方法好玩，有時就黎抑制唔住自己嘅慾望。 有冇人同我一樣？其實我呢d行為會唔會已經超越抖m？

#NSS學校 [sfxc] admin pls po ig plssss🙏 第一次投稿請多多包涵 我想問有冇師兄覺得學校專登擺晒啲凳喺度俾我哋返到學校坐有啲好笑，點解唔直接俾我哋返班房坐，起碼有冷氣🤧 純屬個人意見

#NSS個人 [GUEST] 唔知有冇人同我一樣都好驚一啲搖晃又或者旋轉嘅嘢？ 我由細細個已經好驚搖下搖下或者轉嚟轉去嘅物件，唔知點解，我成日都會想像一個好重好大嘅球體俾一條好幼好輕嘅繩連住，然後係咁喺度搖嚟搖去。 我有時候仲會幻想成個地球都喺度搖擺緊，然之後我就會緊張同埋心跳加速。 唔知你哋有冇相似嘅症狀？

#NSS家庭 [[GUEST]] 事情是咁的，我細妹寫咗BL文，主角係我同我嘅frd，連床戲都有。 我一直都係同細妹同房，於是我哋傾好咗大家要定期執房。琴日係輪到我執房，所以我就同平時一樣去咗我哋間房度執嘢。 執咗一陣，我發現細妹張床有本打開咗兼寫滿哂字嘅簿，我心諗應該係佢啲學校筆記。我諗住將本簿擺返落佢書包入面，驚佢大頭蝦唔記得將筆記帶返學校。結果我留意到本簿寫咗我同我嘅frd嘅名。 我知道未經人哋同意就睇人哋啲嘢呢個行為唔啱，但係嗰時我勁好奇點解細妹點解寫咗我同我個frd嘅名落本簿。正所謂好奇心害死貓，我好撚後悔。 救命……我細妹得小六咋。我睇到床戲嗰一刻真係呆撚咗，佢係邊度學返嚟㗎？唔怪之得細妹之前一直問我同朋友做過最close嘅嘢係咩，我答完之後，佢會笑到收唔到聲。同埋我細妹會極度厭棄異性frd嚟我屋企，同性frd嘅話反而會十分歡迎佢哋。 我覺得細妹係腐女冇問題，同我鐘意GL係同一個道理。佢寫嘅BL文主角係我同我嘅frd我都算啦，但床戲真係唔得，真！心！唔！可！以！ 我睇完之後，我將本簿擺返原位，嘗試去扮我乜撚嘢都見唔到。之後我細妹入嚟，佢見到我執緊嘢，勁緊張咁問我有冇喐過佢啲嘢。我表面上好平靜咁答細妹我冇喐過，但係我內心已經崩潰咗。 請問各位有冇辦法可以令到我唔記得嗰段床戲？而家對住細妹好同我個frd會覺得好尷尬。至於要唔要勸細妹唔好咁細個就睇埋呢啲床戲文，我覺得勸嚟都冇用，一嚟勸完之後等於承認咗我喐咗佢啲嘢，