#NSS家庭 [GUEST] 想知有冇咩方法可以擺脫心理陰影 小妺今年中二 細個嗰陣一直畀屋企人打同鬧 佢哋自己唔開心就當我係發洩工具咁鬧我打我.. – 之前細個比佢哋打俾佢哋鬧嗰陣一直都以為係自己問題 以為自己做錯咗覺得係自己激嬲咗佢哋所以先會咁。 去到上年我明明咩都冇做過自己係間房到聽歌睇書，我婆婆就無端端衝入我間房鬧我係畜牲話我係垃圾。鬧完之後仲扯住我啲頭髮冚落牆度。之後我推開佢（我冇用力）佢就喺度大嗌話我打佢又話我不孝，話我賤格。

#NSS愛情 [GUEST] 想知道大家會唔會特別在意另一半的小僻好？ 是咁的,我其實係個足控。科普下,足控即係特別鐘意腳部,而唔係特別在意胸、樣等其他“正常人”鐘意嘅地方。（當然可能有D人特別變態,會去索人地對鞋等等,但我絕對唔會做呢種事） 而之前我同個ex一路都好好關係（我男嘅,佢女嘅）,但有一次我去佢屋企,我就話想望下佢對腳（因為我係足控,比較注重對腳）但佢唔知我係足控,拒絕左比我睇。 再後來我都有解釋比佢聽,佢冇耐就話唔鐘意足控嘅男仔,同我分咗手。（好彩佢冇周圍同人講） 而冇耐之前有個學妹同我表白,我應承左佢,依家都幾sweet。但我驚我同佢講我係足控佢會好似ex咁同我分手。（但我畢竟係特別鐘意腳,好想睇下/摸下） 所以我特登嚟投稿,想問下你地 -會唔會在意另一半小僻好 -呢種情況要點婉轉D同學妹解釋

#NSS個人 [guest] 有啲嘢唔知點同屋企人講 小妹今年十歲，前兩日係屋企發現條褲有啲咖啡色嘅野，我以為係si 換咗條褲就冇乜在意，但係沖涼嘅時候一除褲發現一大片紅色 我真係好驚，即刻上網research，見到好多網上文章話咁叫月經，但係文章上面都係寫12-15歲先會嚟，仲話嚟完唔會高，我真係好驚，我而家先155如果冇得高點算。仲要呢幾日個人好唔舒服，個肚超痛，條腰又痛，成日好唔精神，唔敢問阿媽攞m巾，只係用紙巾代替住先 最大嘅問題係我真係唔知點同屋企人講，我覺得好尷尬，屋企仲有兩個阿哥，唔知佢哋會點諗。我唔知我講咗之後佢哋會唔會冇以前對我咁好，所以諗緊要唔要繼續隱瞞落去。想問吓大家應唔應該講，同埋點講🙏🏻 sor for 1999

#NSS家庭 [GUEST] 大家同屋企人多唔多溝通？ 其實大家同屋企人會唔會有溝通障礙。😩我今年16，咁多年嚟我啊媽都會成日話我太過被動，完全唔會同長輩溝通，最多都係一句起兩句止，又會話自己好冇用，好後悔生咗我。但係個問題係其實我根本唔識同長輩溝通，講真，有陣時啲長輩打嚟我哋屋企，當屋企人聽緊，就嚟到我聽嘅時候其實我會好緊張，我會驚一陣間要講啲咩、會唔會好尷尬，好驚會冷場。 可能有人會話簡單問候下就得，但係我一向以嚟其實都係問佢食咗飯未、天氣凍著多件衫就冇嘢講，亦都因為已經習慣咗呢種相處模式，無端端講其他嘢我會覺得好奇怪同埋好難講出口，唔知有冇人會咁🥲？ 我平時同朋友傾偈完全唔會咁樣，但係根本無可能將嗰啲嘢同屋企人傾，嗰種語氣根本就唔一樣，同朋友講嘢會串吓佢，講少少粗俗嘢，但係同屋企人可以點啫，又要我講多啲野，又唔可以粗俗少少，仲要代溝真係好大㗎嘛，唔通你同佢講韓劇咩。我覺得夾硬講嘢反而會令我更加尷尬，其實而家嘅我先至真正係做緊自己，但係佢又唔鍾意…😮‍💨😮‍💨😮‍💨 同佢哋溝通很難放得開，所以我自己有壓力嘅時候我都淨係會搵我好熟嘅老師傾偈。 本來冇乜嘢，但係佢一講，我就覺得佢根本唔明，我唔係唔想關心長輩，而係唔識😢，其實我內心係識關心佢哋，仲會為佢哋祈禱，不過佢覺得我嘅問題就只係唔肯出聲😔

#NSS家庭 [GUEST ] 是咁的，小妹移民到英國差唔多十日 咁到左嚟發覺同外國人溝通真係唔係好難，之要俾啲心機聽人講嘢，基本上都係可以溝通嘅。問題就嚟啦，嚟左咁多日呢出去買傢俬電器嗰啲呢全家都會叫我去同人溝通嘅，佢哋係幾乎冇同外國人溝通，可能你會話咁屋企人唔識英文啊嘛，咪叫你囉。如果係咁嘅話，我都覺得冇問題，咪當學多啲囉，反正佢哋唔識係佢哋嘅事。 重點係佢哋識啊嘛，次次去買嘢我好似做翻譯咁，嗰店員講咩，佢哋叫我翻譯俾佢哋，佢哋問嘢又要我去翻譯俾嗰店員聽，全屋啲嘢就係咁買返嚟。單單係呢樣嘢已經好嬲，大佬你識架喎，可唔可以用下個腦？ 我嗰妹細我兩年，嚟到呢度淨係同人講過good morning，買嘢嗰陣又唔知走左去邊，人影都冇個。去餐廳買嘢食嗰陣屋企又理所當然叫我去買，話自己唔識喊嘢食，大佬我都唔識架，我都係第一次嚟英國，我都係第一次見英文ver.嘅M記 KFC Menu架咋，有時會叫嗰妹同我一齊叫嘢食，不過叫佢嚟咪都係得個托，最後咪都係我去買，佢全程企係側邊等食。。

#NSS學業 [HTC] 我哋學校有一份ethics功課係要我哋喺呢個特別假期關心下啲老人家😄 要求： 1. 要搵3個老人家，但我剩係得公公婆婆。個老師話可以搵鄰居，但我唔識有咩鄰居係老人家😃 2. 寫低疫情前同疫情後關心佢哋嘅方法🫠 3. 同佢哋影張相🙄

#NSS學業 [GUEST] 勸世&發泄文：選錯科嘅悲歌 是咁的，小弟今年F5，而家選修ICT+Physics 2科，ICT成績唔算差，至少係DSE都有3嘅水平，但係Physics就差到成舊💩咁，有1都偷笑個隻😅 事源我老豆做Engine，日日係度話Engine前景好出路好收入好待遇好，總之乜都好啦😅，大家都知道Engine=Physics，所以老豆就要我揀Physics，但係我F3選科嗰年Physics得3成，即使我同佢講讀左一定炒老豆唔理照迫我揀，因為佢見我阿哥讀得幾好所以覺得Physics唔難我都可以（食💩啦，Physics咁難），我同佢傾左好耐，我又唔想同佢整僵關係，又見我自己全級80幾名，心諗理科多人揀80幾應該冇我份嘅😅，於是我就聽佢講算🤷 屌你點知又真係中撚咗喎💩💩💩又唔見六合彩咁易中 連個天都想我揀Physics我就認命啦🥲，當然係讀唔掂啦，至今5次考試以同N次Test我認真做都冇一次合格，我仲要有補習+嘗試自習都係咁，真係要坎頭埋牆🧱 之後Apl報名時間到了，簡單講就係可以drop 1科選修去報呢個Apl，但係代價係最高DSE攞4+入唔到三大，即使係咁我都唔理照攞張申請form先，但係老豆唔比我報，死都唔肯簽名，原因係…：

#NSS個人 [guest] 小妹07，想問下大家一啲關於女仔身體嘅問題。 我大概155cm/40kg，有個問題困擾咗我好耐就係我仲未嚟m。我知道我咁講一定好多人留言羨慕，但係我真係好擔心，而家疫情屋企人又唔比出街，一定唔可以睇醫生。試過問媽咪又話係正常嘅，而同學朋友只會同我講珍惜/羨慕，實質意見從來冇收過，再加上小妹讀女校，未發育都會有啲自卑或者覺得自己奇怪。 另外想問下大家關於駝背嘅野。疫情長期屈住喺屋企搞到我駝背問題越嚟越嚴重，本身已經平，搞到身形更加奇怪。而我仲要矮，駝背搞到我更加矮… 所以想大家比啲意見，唔知大家有冇相關經驗呢？Thxxxxx🤍

#NSS學校 [LTFC] 我今年f1，我想講f4有條仔好狗公，佢日日煩住我喺度撩我，日日喺度講自己好想拍拖，我已讀佢，佢都繼續搵我。 佢級啲人話佢f1一入嚟已經係咁，不過只係一直冇女受佢溝啫，佢仲連有男朋友嘅女仔都唔放過，個女仔同男朋友都一齊左一段時間。 係邊一個就唔開名啦，總之有讀bafs同中史嘅女仔自己小心啦！

#NSS個人 [Guest] 我今年中二，讀緊一間Band 1A中學，不過最近要考一場好緊要嘅音樂試，我唔清楚自己係咪因為呢件事，令到好有壓力，我好似開始出現咗少少問題，我由細到大吞藥丸都好叻，一歲九個月就已經可以吞一粒normal size 嘅藥丸，一直到咗上個月開始，我開始吞咽好困難，尤其係吞藥丸，明明細個可以吞到嘅藥丸，而家我竟然吞唔到，上次我有場大病，醫生開咗好多藥俾我，每次都要食11粒藥丸，由嗰次開始，我就好驚食藥丸，特別係膠囊，我就算係望到藥丸，都會好想嘔，上次直程嘔咗出嚟，然後開始我瞓覺會開始出現一啲好奇怪嘅夢，不斷有人逼我食藥，但係嗰個人我根本唔識佢。 我由細到大都會有神經痛，但係呢個月，我開始控制唔到隻右手，但係作為一個拉大提琴嘅人，我不能夠接受呢件事發生，就係嗰日，我拎住一隻玻璃杯，然後我隻手不自覺地放開左，甚至我開始出現幻覺，同埋幻聽，經常性聽到人喺我隔離講嘢，我而家先意識到問題嘅嚴重性。 請問我應該點解決，我知將來有病我一定要食藥，我知我一定要克服佢，但係我做唔到，有冇人有曾經類似相同嘅經歷，或者有任何解決方法，麻煩請你留言🙏🏻 Sorry for

#NSS家庭 [Guest] (Admin pls po IG) 小弟今年F3，上個星期因為壞咗電話而r阿爸阿媽幫我買一部iphone13 mini，再加上最近政府消費券發放，阿媽就應承咗借住先費權啲錢俾我用住先，到時再還返俾佢，後尾我再補咗大概1000買，但係唔知點解心入邊一直有一種內疚嘅感覺，同埋其實我咁樣算唔算濫用屋企人啲錢？

#NSS個人 [GUEST] 我發現我個frd(A)對我同另一個frd(B)有差別對待 例如之前有次我畫咗一幅畫(黑白嘅膠樽素描)，之後我send 去有我哋三個嘅whatsapp group，A見到之後第一句就話「你畫到彩色素描先算啦 😌」。當時我覺得冇乜嘢，可能只係朋友之間嘅正常對話 但之後有一日，B都畫咗一幅黑白素描畫並send去group入面。佢畫咗一個蘋果，A見到之後「wow好靚ar😍」 我自問畫畫skills 同B差唔多，而我當時開始覺得佢有少少差別對待，但我知道咁嘅諗法好衰，於是就同自己講諗得太多

#NSS個人 [BTHC] 小妹今年F2, 在上年我有一個朋友無啦啦疏離我, 跟住我就唔小心講咗一啲得罪佢嘅嘢(我後尾有同佢道歉),佢就諗起我仲有錢未還(但我嗰時候準備還), 然後佢覺得唔忿氣, 佢就凌晨轟炸我微信同whatsapp,我嗰時候仲瞓覺, 跟住我就同佢講我會還錢仲會畀多咗大約$37, 跟住從此以後我同佢冇關係, 因為佢之前成日攞我功課來抄,

#NSS其他 [GUEST] 我唔知點解之前咁好關係，宜家會變成咁。 小妹form2，小學嗰陣有個好到可以一齊著一條褲嘅frd。 form1嗰陣我哋成日傾計call約出去， 直到前幾個月少咗聯繫，佢好似愈嚟愈敷衍。 我同佢講d咩事一係就已讀一係就hea覆，後面搵佢講嘢都係咁敷衍， 佢有次有唔開心嘅事call我，好似好急。 我無睇手機所以遲咗五分鐘覆佢， 我後尾覆咗一大輪問佢有無事乜事唔開心，佢剩係覆我＂無＂同埋個微笑貼圖

#NSS個人 [GUEST] 自幼就已經知道我被我母親所討厭，可能我唔係佢心目中嘅乖女，可能我與父親太過相似。從小到大都聽到佢話我：「早知唔生你、唔解你咁乞人憎、老咗都唔使你養、見到你就嬲⋯」原以為已經習慣，但聽到都真係好心疼。 可能佢心目中家姐先係佢個女，而我只係一個負累。佢冇打我，虐待我，比起其他人而言，我甚至算係幸福。但係佢心目中根本冇我，每次主動搵佢，得到只有無視。每次對視，都見到佢眼中嘅嫌棄。每次係床上聽到佢同家姐傾得有講有笑，似乎冇咗我就係一個完美嘅家庭。 小學唔識嘢，識咗一埋捐友，吸煙,飲酒,界手。加上一直壓力大，有時候想將檯上嘅嘢推晒落地下，然後大喊，所以我開始界手。直至有一次界太深，睇住隻手，只係𢲡膠布紙巾包住，甚至止血消毒都冇。之後就一直著長袖，都冇再傷害自己。 中學之後，疫情擴散。有時佢無端端攞野打我，推哂啲書落嚟地，打爛晒我啲嘢，只係因為佢話我張枱太亂。我知道佢壓力大，但我真係好痛苦，你又有冇睇過我。但諗到我至少有野食，可以買自己鍾意嘅嘢，已經比好多人幸福，就好崩潰，我係咪太小題大造。媽，我沒辦法好憎你，但都沒有喜歡你，我好攰啦。 想問大家可以點，同父母相處同埋我啲界手疤，成日好怕被人發現。可能表達唔太好，希望大家俾啲意見。 求admin放ig,感激 sor for

#NSS個人 [Guest] 原來玩pc 主機嘅真係好少數 唔明點解啲人玩免費媚宅免洗手遊 跟住課一大堆錢 為嘅就係一個紙片人 小妹本身覺得電子遊戲唔可以叫藝術品 直到玩咗Red Dead

#NSS個人 [Guest] 第1次po希望大家手下留情 想講返早排同屋企人係商場行街嗰陣，大家有講有笑。其中我自己情緒亦都好高漲，講嘢嘅聲量亦都唔知覺提高咗。後尾返到屋企嗰陣，係到自己反思啱啱聲量會唔會太高嘅問題，驚俾啲路人diu，跟住就會陷入一個自責嘅情緒入面。 and then 下一次出街又會唔自覺大聲講嘢，再陷入呢個重複嘅自責cycle 想問下大家會唔會有呢個興奮嗰陣，會唔自覺大聲講嘢嘅問題。同咪如果大家行街嗰陣見到有人係到大聲講嘢，心裏面有點諗？ sorry for

#NSS個人 [Guest] 我想知如果大家唔開心嘅話 啲朋友走埋嚟氹你會點樣做 其實我每一次都係話我冇嘢 或者叫佢哋唔好再搵我 然後直接block人 但係其實我內心係好感謝佢哋肯氹我 只係我行為上控制唔到 因為我每次一唔開心

#NSS愛情 [Guest] 我同我女朋友分咗手,佢話佢想專注係學業上,加上佢唔比得佢屋企人知, 所以佢好大壓力.但係佢仲係鍾意我.其實我應該放手好地繼續追佢.如果追,點樣先可以成功或減少佢嘅壓力.求各位畀少少意見.

#NSS個人 [Guest] 我哥哥嘅一句話。 哥哥，對其他人黎講可能只係一個親人，但對我黎講「哥哥」唔單止係一個名，更加係我唯一嘅靠山。 小妹出生於一個少窮嘅家庭，爸爸離開左屋企，而媽媽因為呢件事而都對我同哥哥冇左希望，患有嚴重自閉症。哥哥大我7年，我15佢22。由於家庭唔富裕，所以我真係交唔到書簿費，一開始連校服都買唔起。 每一日返到學校就比老師鬧同學笑，日復一日年復一年。終於，我頂受唔住，做左人生中最錯嘅一件事———偷竊。冇錯，我14歲果年，連續偷左4次錢。果一年，我真係忍夠了。冇校服；冇書；冇面…唔好話學校嫌我廢，果一刻連我都嫌棄自己。我覺得好對唔住屋企，成頭家唔可以淨係靠阿哥養，作為個女我都有責任，但係我冇出色不特止，仲慢慢地成為左累贅。就係咁，我開始逃避現實，逃避家人。 但係作為人類都需要有人支持有人陪伴。有一日，我真係忍唔住打比住係宿舍嘅哥哥。接通左後，我如釋重負地留下了眼淚，而成通電話淨係得佢講嘅一句話。 「我知道，阿哥喺度。」 呢句話，係我聽到戳得我心底最深嘅嘅一句話，我無法忘記。好老土but雖然我阿哥未必可以比到物資上嘅支持，但佢一定係我最大嘅精神後盾。 依家回想起，經歷過家暴，校園霸凌…好啦唔開心嘢唔講，要happy