#NSS家庭 [Shss] 我同我家姐同房 佢晚晚同佢同學一邊call一邊打機 晚晚都玩到凌晨56點 我平時都係12點訓 但至少都比佢吵到4點先訓得著 已經持續左半年 好痛苦 請問有咩辦法可以令佢收聲

#NSS家庭 [KMYLS] 小妹今年六年班，想同大家分享啲嘢。 我係離異家庭，一出世個時就比我奶奶嫌棄，因為我係女仔，女仔無用，要男仔，就叫我老豆再生多個。 因為我細個嗰時屋企收入低，月租淨係交得起房租同每日四個杯面錢（差唔多），無錢買奶粉，我就淨係飲洗米水大。 因為老母返工原因，細個就係老豆身邊，不過我老豆淨係識換屎片同幫我沖涼，所以我兩歲之前學唔到任何嘢，佢唔會帶我出街，唔會教我識字，唔會教我常識，我喊嘅話淨係塞個奶嘴就算。 兩歲嗰時，老豆話出去翻工，話要去內地返兩年，老母話得，佢胎住我啊妹返工，跟著我就每日係屋企訓，肚餓口渴見都咩食得嘅就食，飲水龍頭水。 兩年後，老豆返黎，話比人炒左，淨係有七萬，所以話係屋企湊我，老母去返工。 然之後四歲，我去返學，一開始係老母湊我去搭校車跟著去賣衫，跟著老豆湊我返黎。但唔係囉，佢係放養我囉，唔理我，叫我自己搭校車自己行返屋企。每日帶佢個條女返黎，啊妹都出左世，就有奶粉飲。我都係放學肚餓見到咩就食咩，幼稚園個時我淨係食過幾次正餐，功課都唔知要做，都係老師教我先知。仲要當住我個面食煙，勁臭。 有時老母返黎，因為壓力就會攞我出氣，打到我全部紫色。

#NSS學業 [GUEST] 有冇人都係好驚中文🥲🥲 hello 小妺今年form 4, 由細到大中文就唔好。 卷一二都係喺5字頭浮動，啱啱好合格嗰隻。 卷一有時連白話文都唔知佢講咩，題目唔識答，更加唔使講文言文（有時係成篇都get唔到) 。

#NSS家庭 [Guest ] 唔知大家屋企有冇老人家呢？可能你同佢關係唔錯，但係我只可以話：我有個與眾不同，特別討厭嘅爺爺。（長文慎入） 講返少少背景先~話說係我好細嘅時候，爺爺就從嫲嫲屋企搬咗嚟我哋屋企，同我父母&我一齊住。咁其實本來就好地地嘅，基本上都相處到啦，但係我地係一兩年前搬咗屋之後，惡夢就開始咗…… 首先，我爺爺非常無衛生意識，但係佢係係搬咗之後先咁。佢係疫情無咁嚴重嘅時候都仲會出下街，所以都會整理下儀容，但係自從之前我哋唔俾佢成日出街之後，佢進化到由朝到晚淨係着住見睡衣，一個星期唔沖涼，啲衫可以幾個禮拜都唔洗。而且佢係用尿壺嘅，夜晚去完之後，朝早倒完尿又唔洗手唔刷牙，直接就行去客廳搵麵包，仲要左揀右揀，攞完呢個又果個，搞到我哋成家都唔夠膽攞麵包食，因為全部都係佢啲尿。 你話老一輩習慣咗咁樣，OK。咁好啦，第二，我爺爺已經80+，咁多多少少都有啲病痛，咁佢就有冠心病同糖尿病。正常老人家知道自己有咁嘅病點樣都會注意下自己日常飲食，唔好食得太濃味，但係佢唔係囉。佢會自己買半隻雞+可樂然後坐係街到食（疫情無咁嚴重嘅時候），然後毀屍滅跡唔同我地講。佢仲試過自己買半打蛋撻自己一個人係條街食晒，然後唔同任何人講。到佢血糖高嘅時候/覺得唔舒服，佢就會賴落其他嘢度，或者扮無辜，話自己乜都無做過，我哋成家就鬼咁擔心。好啦，之後佢好返啦，又一個人偷偷地買成盒月餅（大約有10-15個）然後一個禮拜食晒，最後入醫院。佢之後再無事，出返嚟，都繼續係咁，講極都唔聽。 第三，亦都係我最憎嘅嘢，就係佢嘅態度 。我哋成家人咁落心落力照片顧佢，但係佢竟然完全唔領情，亦都完全唔覺得自己有問題，而且仲要講啲說話搞到我哋好似虐老咁。有一次我哋返嫲嫲屋企，佢當住所有人面當眾話：「我呀，係果邊連茶都無得飲呀，又淨係得果幾味餸食，仲不如死咗好過。」果陣我阿媽係負責屋企起居飲食嘅，聽到佢咁講，即刻覺得好內疚。後來返到屋企，佢又扮嘢話我阿媽辛苦啦，點點點麻煩晒。之後我阿媽特登買咗茶葉學沖茶，又學整啲其他餸（因為醫生推薦食果幾樣食材，所以無幾多選擇）。但係辛辛苦苦整完出嚟啦，佢又話無胃口又話點，跟住同我阿爸講話以後唔晒咁樣整啦，俾豉油佢攪白粥就得架啦，果下我見到阿媽個樣超無奈，不過念在佢下長輩都無出聲（但係當然無俾佢咁做啦）。過幾日食飯，佢又係咁，然後仲要食兩啖就「唉…」又拎晒頭咁樣，仲要攞滾水撈飯，然後好似我哋迫佢食咁樣食飯，搞到我哋成家都冇胃口，我阿媽仲超委屈。 之前疫情嚴重，唔俾佢自己出街，驚佢染到，佢有講話我地囚禁佢，信唔過佢。跟住話咩反正我都咁老啦，最多咪死，但係佢又點都唔明，佢中咗會惹埋我地，可能佢真係一死了之呀，但係如果死唔去，又病咗，咁邊個照顧佢呀？咪有係我哋囉。最好笑係佢真係有啲唔舒服啦，又怕死喎，係咁話痛呀又話攰呀，但係問佢咩事又唔講，做過啲咩又話唔知，跟住過一陣無事呢又笑嘻嘻咁，搞到我哋好無語。又試過係朝早我哋全部人都未醒嘅時候自己偷偷地走出去買煨番薯，仲要係疫情咁嚴重嘅情況下係街度食完先返嚟，跟住就同我哋講佢又無胃口乜都唔想食。我哋以為佢又唔舒服，於是咪周圍搵醫生睇囉，後來先知佢出咗去，好彩無中，如果唔係就大鑊啦……

#NSS愛情 [guest] hi小妹f3，第一次投稿，有咩講得唔清楚請諒解 內容有部分修改，為咗唔比人認到，但重點都係真實嘅 麻煩晒admin幫我po上去 故事發生喺一年前，我識咗個f4嘅男仔，下稱A，嗰陣我同佢因為同一個學會咁就fd咗，之後仲互相曖昧，最後一齊咗。 一齊嘅期間因為疫情所以都冇約出街，只係通過whatsapp傾計，唯一幾次真正見面可能係學會開會先遇到 開會嘅時候佢都會主動撩我傾計，我都會答，一開頭都真係幾有愛情feel。 我以為自己遇到初戀，但估唔到原來一切都係假象。 有一次開會嘅時候，我哋女仔偷懶嗰陣傾八卦，有個同佢同班嘅女仔爆料話A原來追咗某個女仔好耐，下稱B。

#NSS個人 [Guest] 因為快畢業了,因為家裏經濟原因而暫不升讀更高學位 而且也不想申請學貸來交學費 所以就想在這裡問有什麼兼/全職職業較適合剛出來工作的人 看過麵包店,飲料店那些職業 不知道工作環境,實際待遇以及人際關係之類是怎樣(例如麵包店/飲料店的職業是不是適合剛出來工作的人) Sorry for 1999

#NSS愛情 [GUEST] 小妹今年中三 鍾意學校一個老師 我知道係唔得 有冇方法可以令我唔再掛住佢／鍾意佢？

#NSS愛情 [Guest] 究竟拍拖係咪一定要兩情相悅先可以發展？ 是咁的，話說前兩日有個都頗frd嘅男仔同我表白，我拒絕左。（可能你哋覺得有啲衰）係留有餘地咁拒絕，例如「再算啦」、「未係時候諗哩啲」etc 事後，我都冇好狠咁同哩個男仔斷絕來往，更加諷刺嘅係，仲日日傾計。咁做其實唔係想玩人，只係我唔討厭佢，甚至乎有少少好感。咁做係因為我都想睇下有冇機會（唔排除最後冇）。我估個男仔都隱約估到我做緊乜，佢都有暗示一兩句係話「最後唔得都冇辦法，試過了盡力了就夠」。 另外，我咁猶豫都係因為我遲早移民，我都有同佢講過，佢話唔介意long-D。但係講真，唔理係邊一方都好，喺長期long-D嘅情況下，邊個偷食都冇人知，隨時爆發感情危機，尤其係我同佢都唔係啲咁長情專一嘅人，係容易好感、喜歡，都容易放下嘅人。 咁問題嚟啦，究竟我應唔應該試下？我係咪要賭？賭佢其實唔會咁長情？賭我其實都唔會陷入去？賭我哋即使散都可以係輕易放下？ 定係賭我哋真係可以長長久久？ 我知我好矛盾，都講到有啲1999，只係我已經盡力組織好哩段語言嚟問。 PS.

#NSS家庭 [GUEST] 之前見到一個關於嫲嫲同媽咪關係嘅post 都想分享吓呢件事事 _ 交代清楚背景先 我有個家姐 我都係個女仔 嫲嫲重男輕女 老竇其他siblings

#NSS學業 [Guest] -就考DSE但冇動力温書- 我係今年嘅DSE考生,亦即係兩個禮拜都冇嘅之後就要開考,但係依然冇動力温書。 學校係band2,成績算中間。大概係有幾科坐3望4,但係差嘅可能連2都冇。屋企人對我一直有好大期望,因為低form嗰陣我成績係全級頭五嗰啲,升到高中玩得多咗好多就跌咗落30-40名左右。而之前學校一有考試測驗我都會温書,但而家DSE反而就好冇動力。 每日都同自己講聽日先聽日先,搞到而家先温得嗰少少。期望亦逐漸降低,由當初想入大學,到而家已經冇所謂有asso讀已經夠。心態唔知幾時變到咁,總之我就係做唔到每日温咁多。再咁落去,可能連5條2都冇。 想知有冇人都係咁,又或者有相關經驗,可以分享下自己做咗啲先有返動力温書。 Sorry for 1999

#NSS愛情 [GUEST] 雖然我今年先18歲但係呢樣嘢真係困擾咗我好耐 我爸爸係我好細個嗰陣就已經過咗身 屋企淨係我同我妹仲有我媽 再加上可能慢慢大個咗 我變到好唔識同男仔相處 其實我自己都feel到啲男仔好似都唔係好知點同我相處好 雖然我唔係好識同男仔相處 但係我對於將來拍拖同結婚都有好多憧憬

#NSS學校 [依家去咗外國讀書🙏🏿] 我細個小學嗰陣好單純，對「性」呢樣野0認知，細細個唔知乜叫打飛機（定係應該係自慰？），純粹覺得個姿勢好舒服同減到壓（嗰陣情緒同心理上有少少問題），之後冇諗咁多成日喺學校打飛機。啲同學就開始排斥我，疏遠我，嗰陣時嘅我唔知道點解佢哋會咁，我又冇搞到佢哋，我個坐姿點關佢哋咩事（依家諗返轉頭其實真係係我嘅問題），所以因為咁我小學一直以嚟都冇朋友，同學都會整啲惡作劇（攞咗我啲文具、帶頭笑我、孤立我etc.）雖然唔算好嚴重，但係已經會令到我覺得我自己係個異類。 我有試過一次同老師講，老師都有幫我處理，當個老師問佢哋點解要咁做嗰陣，佢哋話因為我坐姿好奇怪（其實即係打飛機），不過當時冇人教我乜叫打飛機、乜叫性。所以我仍然唔理解點解佢哋要咁做，就係因為我嘅一個坐姿？（依家我都知道點解佢哋咁反感 小妹為之前唔懂事嘅我道歉！）嗰陣經常性情緒低落，情緒起伏好大，認為自己係一個怪胎。 就咁浪費咗我六年嘅小學時光，依家都畢咗業喇，我都係近排先知乜叫打飛機，仲要係因為同學解釋我先至知道，可想而知現今嘅性教育又幾失敗，次次講到性嘅嘢就得過且過。我依家諗返轉頭覺得好羞恥，唔知點面對啲小學老師同同學好，我要點先可以走返出嚟個心理陰影度…我想重新開始，所以就投稿求助！多謝Admin同埋睇到呢到嘅你！🥲🙏🏿🙏🏿 Sry for 1999!

#NSS其他 [GUEST] 想問一下香港邊度有得買project Sekai嘅丁品?同埋想要實際地址💦

#NSS愛情 [Guest] 小弟今年中二，而我鐘意左一個中五既師姐。 話說上年11月，學校有個陸運會，咁我見到一個師姐，我嗰一下就覺得佢好靚。跟住我就開始問我啲friend 佢既IG。咁佢accept 左我個request 之後，我就開始睇佢既post，用佢d 相做background ，我想同佢表白，我應該點做？

[Guest ] 小妹今年F2，8月會去UK，因為我9月後出世，所以去到讀Grade9，我宜家讀緊Band1中學，成績一般，英文都有D差，特別係Reading，我有少少擔心去到UK英文會跟唔上，仲有，英國好似喺Grade10先揀科？我對Math&Bio都有興趣，我想問下UK有冇類似M1/2既科讀？讀理科喺UK有冇出路？希望有過來人可以答下我🙏 Sor for 1999

#NSS個人 [GUEST] 小妹11歲小六146cm，但其他同學155-165 💀 每次調位都第一行，其他同學大部分都坐後面，喺度話坐後面可以偷食瞓覺，自己好羨慕但知道我冇可能可以試….. 我D同學發育部分正常部分快d? 但係我又矮發育又快，對波大到自己勁肥😭 唔知點解成日有人話咩對波大就好，但係我覺得超慘。成班好似得我黎左M，其他學校話女校借M巾唔尷尬，但其實係勁尷😭每似M都唔係PE堂就係游水堂，唔知點講。 – 我想問係唔係淨係我先有呢個困擾😭我想知應該點做🙏🏻

#NSS個人 [保密] 我一直都想搵個樹窿，可以聽我講心事，但係一直都搵唔到一個願意聽我講心事嘅人，所以就試下投稿。 小妹依家f3，15歲。我覺得我細個有啲經歷影響到我依家，我媽媽係大陸人，係我好細個嘅時候，媽媽就成日返大陸，一返就過幾日先再返嚟，而阿爸都因為要返工，每日00點後先返屋企，平時都係我同阿妹係屋企。有一日，我同我阿妹無聊冇嘢做就打開我阿媽嘅行李箱睇，之後見到入面有兩盒condom同埋煙，由好細個嘅時候開始我阿媽就會係我同阿妹面前食煙飲酒。亦會成日返大陸同一堆男人去ktv唱歌跳舞，而通常呢啲party都淨係得佢一個女人，其他都係男人，我阿媽返番hk嘅時候我同阿妹就問個啲男人係邊個，佢每次回答都話係小學同學。我就問 點解要帶condom返大陸，我阿媽就即刻黑曬面咁問點解要睇佢行李，之後就問係邊個話要睇嘅，因為嗰陣時係我阿妹嘅idea，所以我就好誠實咁答咗係阿妹話要睇嘅。 結果我阿媽無啦啦行去我阿妹到車咗佢一巴，之後一腳踢佢落地下到，一直踩個肚…果陣時我聽到阿妹喊得好慘，因為我果陣時仲好細個，我都嚇到喊咗，我唔敢睇，我覺得個場面好恐怖，所以就將個頭令埋一邊 抺眼淚。之後我阿爸將隻手擺去我個頭到 將我個頭令返過去，逼我睇我阿妹畀我阿媽踢、踩，我果陣時真係好驚，之後我阿爸同我講「睇啦，睇下呢個就係唔經人同意就擅自睇人嘢嘅後果，我同你講啊，如果你哋兩姐妹之後再做錯啲乜，我同你媽我會繼續咁樣對你哋。」之後我阿媽就好大力咁踩咗一下我阿妹塊面，我阿妹流咗好多鼻血，喊得好慘，之後我阿爸阿媽就返咗房，得返我同阿妹留係客廳到喊。呢件事到而家都令我印象好深刻。 之後我同我阿妹做錯嘢，我阿爸阿媽就會打我哋，會將我哋塞落枱底到踢，會攞腰帶打我哋，最後一次畀人打係f1，我同阿媽嗌交，我阿媽就揸住我啲頭髮，一直將我個頭冚埋部牆度，呢次係最後一次俾人打，我印象亦都好深刻。我清楚記得我喺小二就開始畀阿爸阿媽咁樣對待，直至到f1先結束咁嘅生活。喺我小五嘅時候，醫生話阿妹有精神分裂，而我確診咗輕度自閉。我試過喺小六嘅時候同咗同我一個frd講我呢啲經歷，之後有一次佢直接去問咗我阿媽，我阿媽係否認咗嘅，之後佢就話我講大話，自編自導自演，話我想像力豐富，仲叫全班bully我，嗰陣時已經就嚟畢業，我就咁就渾渾噩噩咁過咗呢幾個月嘅小學生活。 之後f2，我婆婆死咗，因為我好憎我阿媽，所以我婆婆死嘅時候，我阿媽喊得好慘，我亦都有去參加葬禮，嗰陣時嘅場面好嚴肅，大家都喺度喊，我表面有好唔開心，但係唔知點解我心入面會有種好開心好舒服嘅感覺，嗰陣時直情係一直忍笑，差啲笑出嚟嗰種，我依家諗返起覺得自己好冷血好恐怖。

#NSS個人 [guest ] 唔想成世一直比人笑 – 小妹今年中五 係吸收唔到營養嘅人🤦🏻‍♀️ 自問樣係中上到，但係對波平到成部iPad咁 因為呢個問題我由細到大一直比人笑 「飛機場」「有樣冇波真係慘」仲有好多更難聽

#NSS愛情 [Guest] 六年中學生涯平平淡淡就過咗去，接踵而來嘅四年u life都喺兼職同功課嘅伴隨下匆匆完結。冇諗到輾轉間又返到中學校園，遇到你。 初到埗嘅小薯最怕環境中有大風浪要處理，偏偏我經常要同你呢個特別嘅學生相處。你出格嘅行為令我好頭痛，但係都反而令我想好好理解你行為背後嘅意思。多次被逼嘅相處後，漸漸我變得冇咁拘謹，有時你同我講學校文化，有時我幫你同老師反映難開口嘅意見，有時我哋一齊觀賞表演，有時我哋一齊過學校節日活動。 可能就係因為你性格直率，你唔會比社會規範限制，不過即使你已經成年，我始終覺得我地身份有別，我有責任保護你，我地只可以低調開始，我唔想你因為我而有咩影響。有時我地遇到啲開心嘅事，我唔可以同人分享，不過唔緊要，我地兩個開心都夠。 我有時會質疑自己，其實喺到擔心啲咩、緊張啲咩。係身份？我哋又唔係師生關係，唔存在利益衝突，我亦都唔會將敏感資料講出去。係年齡？我哋之間年齡差距又唔係太大，放喺學校以外嘅情侶身上嚟講都算常見，而且我哋相處上都冇因為年齡而遇到咩問題。我一直都有種奇怪嘅信念，就係只要過多幾個月，當你畢咗業，我哋就自由啦，但係我冇諗過我哋嘅關係原來會突然不了了之⋯⋯ 就如開心事唔可以同人分享，呢樣唔開心事更加唔可以同人傾訴，有苦自己知。我每日面對住充滿你身影嘅環境，等待一個機會，一個再見到你嘅機會，然後故作泰然咁互相揶揄，希望可以得到一個答案⋯⋯

#NSS家庭 [GUEST] 小妺f2, 想宣泄下情緒, 但係唔知自己嘅觀念係啱定錯.. 其實我屋企人對學業都執着，好睇重我嘅成績。如果考得唔係幾好，佢哋會嬲而且會用啲嘢威脅我(?)例如：如果你下次冇頭25名就收咗你部手機sth like that. 屋企人俾壓力我，有時盡咗力但係都冇達到屋企人嘅預期，佢哋都係罵我，話我唔俾心機讀書，我覺得好冤枉。阿媽自中學就唔俾我打機，驚我沉迷打機，但同時我覺得打機係令我減壓嘅其中一個途徑…仲用手機嘅Time limit