#NSS愛情 [Guest] 好希望admin可以揀我，呢個問題真係困擾咗我好耐，我好想講出嚟但係又唔夠膽😥 我係一個中五嘅女仔，性格好內向，乜都鍾意收收埋埋，又唔識拒絕人，又唔識表達自己。我同一個同年嘅男仔識咗七年，佢係我一個超好嘅朋友（下稱A）A為人幽默風趣，又暖男又鍾意9 up, 最重要係佢好了解我。我哋咁多年都keep住呢種關係，由中三開始，好似我同男朋友鬧交，A都一定會每晚call我，一齊打機一齊吹水，但係其實A喺中三至中四都有鍾意唔同嘅女仔，其中有一個喺街站識嘅仲嘴埋，我唔知A係因為溝唔到其他女所以先揾我定一話佢真係同我超熟，中四嘅時候，我同男朋友復合，A係嗰段時間暫時冇搵我，繼續同街站果條女曖昧，半年之後，我同男朋友分咗手，佢要飛美國，分散主因可能係因為我對佢成日都不瞅不睬，有啲咩事又唔肯同佢講，分手之後A依然每晚call我，晚晚都去到四點，有時去到朝早七點，但係佢其實鍾意緊第二個（街站嗰個），我繼續蒙在鼓裏乜都唔知咁同佢傾電話，不過我嗰陣都冇乜嘢因為自己都仲未放低ex. 去到中四下學期，我喺學業上面臨緊一個好大嘅問題，我由細到大讀書都算唔錯，係人哋口中嘅「學霸」，咁當然距離我覺得嘅「好」都仲有好遠距離，我中四嘅時候係讀緊phy chem bio m2,

#NSS學校 [[GUEST]] 我係女，今年F1讀緊band1A女校，小學嘅時候都係讀一間算勁嘅女校，但唔知點解五年級開始成日俾人欺凌，差唔多每日都杯葛我咁滯，平視我有零食就扮同我好friend，或者借我黎抄功課，總之一句講晒就利用我la，但小學我一直忍，以為好好讀書升間好中學就咩事都冇，但點知我阿媽同老師都推介我入我而家讀緊嗰間學校，於是真係入咗，嗰刻我係開心嘅，我屋企人都係，但係入咗去發現裏面仲是非過我小學，就本身我同三個女仔好friend嘅，四人友誼la，咁之後有一次出街玩準備返屋企嘅時候我請佢哋飲珍珠奶茶，之後就分頭走，我自己一個走佢哋三個同一條路，但我發現我有啲嘢留咗喺佢地度，我諗住去攞返，遠處見到佢哋傾得好開心，就打算去偷聽下，以為佢哋傾緊Mirror嗰啲，點知我聽到佢哋喺度講乜嘢話我成日ig post溫書嗰啲story係為咗討好Miss，因為我哋有加佢ig，但我一直都係用IG記錄日常，未有嗰位Miss IG嘅時候已經係咁post，佢哋曾經已開玩笑呢個方式問過我我都係咁答佢哋，第二件事就係體育堂玩閃避球，我俾人用軟排揼親個頭，好大聲咁嗌咗出嚟，唔係因為痛，而係嚇親，咁佢哋就話乜嘢我牛高馬大咁都嗌，話我只係想喺阿sir面前扮可憐，但我身高只係160，唔高唔矮，佢哋係160-163之間都有，所以我係無語左，但同時又諗緊點解四個人我又係俾人欺凌嗰個，我都唔知因咩事之前同佢哋friend左，但我之前已經知道佢哋三個成日為埋一齊講是非，我唔係幾參與，但又冇乜朋友，同到佢哋玩咪玩先囉，在座有冇啲方法可以令我搵到真心嘅朋友🙏🏻😓 Sor for 1999

#NSS學校 [(土xx區)某中學] 班上面有個同學畀人屈,嗰日我哋有統測,個監考老師入咗嚟,叫同學收嘢(收埋啲嘢),有個同學仲喺度睇緊本書,嗰時老師仲未派卷。 跟住考完之後,個同學畀人嗌咗去訓導室,個老師屈嗰個同學派咗卷仲喺度溫書,話佢出貓。 跟住個監考老師順便屈埋個同學話佢八婆,個老師仲話親耳聽到個同學咁講,但係我哋全班都冇聽到囉。 之後嗰個同學又畀人叫咗去訓導室,被屈嘅同學叫個老師第二日問全班有冇聽到佢話個老師八婆。個老師應該係應承咗。 到咗第二日上堂嘅時候,被屈嘅同學急於證明自己嘅清白,叫個老師問全班,個老師話一陣先再講,個同學再叫多幾次,個老師話呢啲嘢遲啲再講。一路係咁延遲一路係咁推。 之後個同學就話: 你唔敢問呀? 個老師就發火,嗌咗另外一個同學去搵訓導老師上嚟。

#NSS學業 [Guest ] 是咁的，我要係考試前最後一個禮拜交10張以上嘅工作紙。 教我地phy 嘅係個副校長，教左Phy 十幾二十年，理論上唔存在唔熟悉教學範圍嘅問題。 但係佢時間管理好有問題，教快左隔離block 成本書，但係中間最重要果D工作紙漏曬。 佢依家係中四裡面總共教曬3本書（Heat

#NSS愛情 [Guest] 小弟係男嚟嘅，唔知點解我成日成班男同學圍住我，又互揸波又互打屎忽，之前仲有個同學俾我哋搞到個波紅晒。其實成班男仔成日咁樣係咪正常？我真係好擔心佢哋係gay

#NSS愛情 [GUEST] 小弟想勉勵下各位異地戀嘅人，你哋真係好叻 知道近排都多人移民/留學，小弟女朋友都走埋，我真係好掛住佢，唯有每晚同佢傾電話，我哋係夜晚嗰陣時佢又係朝早，兩個人一個肯捱夜，一個肯早起，其實都好幸福。我同佢都相信，捱過異地戀我哋就一世❤️各位加油！俾啲信心自己同對方！

#NSS學業 [Guest ] 為什麼2024年是白老鼠？（好奇一問） To all 2024 students, if you

#NSS個人 [香城中學] 錯了，但好像沒有錯。 很好，但我覺得不好。 世界有很多東西，但我好像不屬於它。 結果很好，但我不滿意。 讀書，被弄得沒有意義。 我的努力，沒有人認可。 我的成就，沒有人重視。 失落的時候，只有自己和自己。

#NSS愛情 [Guest] 好奇一問：同ex既frd喺埋一齊會唔會好奇怪？

#NSS學校 [屯門區某1c2a中學] 麻煩post ig 唔該admin 第一次投稿，請多指教，小妹今年中一，話說我兩個月前成個人突然好灰，甚至傷害自己，好彩我身邊有一個對我好好既朋友，雖然我同係喺中學既時候先認識，但我感覺到佢係真心對我好，我一有唔開心同佢講，佢唔單止秒回，仲比咗好多意見我，可惜好景不長，我上星期六一如既往同佢一齊傾計，佢將我啲醜照po咗上story，於是我就同佢講你星期一死緊，但係佢就出咗個story話「由於我唔想死，所以我決定遠離⋯ 『⋯喺我』 （本人十分認真）」我起初都以為佢講笑，直到我發現佢己讀不回我，我先知佢係講真，我而家唔知可以點，我唔想呢段友誼咁就完咗，希望各位可以俾啲意見我 Sor for

#NSS愛情 [GUEST] 講真 我由出身到而家，我從來冇試過禁撚鐘意一個人 鐘意左佢四年幾 鐘意到係可以每晚都會諗到佢 鐘意到每次一同佢傾偈就會覺得好撚開心 鐘意到每次都會比佢嘅情緒而影響我嘅心情 我覺得呢種感覺真係好撚煩… 我有嘗試去令自已唔去鐘意你，不過真係好難…

#NSS家庭 [Guest] 我依家讀緊初中 想請問下我阿媽係有咩問題？ 由今年年頭開始,佢不停叫我溫書做功課，呢個都正常的，但係近排佢開始話唔俾我學任何課外活動，佢話佢冇錢又話我成日淨係掛住玩電話，咁聽到佢咁講我就努力啲溫書成績都有左好大進步，但係佢冇停到，脾氣越來越大嬲起上嚟會抌我啲嘢，而家佢嘅日常興趣就係上網睇吓有冇人大學生畢業搵唔到工作或者讀唔到大學要瞓街租劏房嘅新聞然後send俾我同我講呢個係我嘅未來。佢話佢呢啲叫激勵，但係我完全唔覺，請問點樣停止佢嘅行為？

#NSS個人 [可唔可以唔寫學校] 是咁的，其實我淨係想分享下我入左女校之後對感情呢啲嘢嘅諗法，以下可能會一嚿嚿，請見諒 /咁f.1 嗰時冇乜點特別對戀愛嘅feelings ，都冇 覺得特別dry ，唔知係咪因為睇得太多戀愛番定 點，到左下學期之後，冇啦啦好想有對象，但係 學校冇異性（skip

#NSS愛情 [GUEST] 唔知算唔算鐘意？ 我有一個一直由小學三年級玩到f2嘅男仔 咁啱每年都係坐我隔離所以就成日傾偈/玩 我成日上堂覺得悶就趴喺張枱度望住佢 然後佢見到我咁佢又趴喺度望住我 小息嗰陣佢同左佢啲frd玩，唔係同我，自己就會好失落 然後我最近聽其他同學講話佢有個鐘意嘅人 我唔知係咪啲同學成日講佢地兩個有野嗰個女仔（稱Y）

#NSS愛情 [[男女校]] 先拜托唔好估我係邊個 ; ; 件事係咁嘅 小弟讀男女校，今年中四，然後最近同咗鍾意咗都幾耐又幾close嘅好兄弟表白（之後會稱佢為A) 然，然後A就一野攬住我條腰嘴落我到（伸脷嗰種////) 話佢等咗好耐然後佢都鍾意我（？？) A高我成半個頭又大隻過我加上我又腳軟，然後又係我鍾意嘅人，所以我冇反抗，然後呃佢嘴完我之後（咳）我見到佢喊緊；；，所以就攬住佢安慰（我唔係幾識點講嘢），我哋最後襯小息完之前又講咗啲嘢，然後我就有咗佢呢個男朋友喇（冇諗過咁順利好驚喜⋯⋯)

#NSS個人 [無業遊民] Hi~大家好，小妹我想同大家分享最近發嘅一個夢 · 喺個夢入面，我跟一個老師上緊樂器班(好似係小提 琴)，因為唔係我玩開嗰樣同埋本身睇音比較差，所以 我一時拉下一時望下份譜。 · 拉拉下唔知點解阿媽出現咗，佢走埋嚟企喺隔離望，咁啱我嗰陣又停咗望緊咩音，跟住佢就話：「唔好發夢啦(係白日夢唔係真係發夢)！」 ·之後個老師冇眼睇執嘢走咗，全部人都以為我真係發緊夢冇認真咁拉。跟住我即刻醒咗彈咗起身。

#NSS個人 [GUEST] 其實三個人嘅友誼係咪有一個一定要退出… 小妹今年F1 小學嗰時無咩frd 自己亦都唔中意同其他人講自己心底事 所以到咗中學就盡量去識多啲frd。 小妹喺中學識咗兩個frd 下稱K 同埋C

#NSS愛情 [GUEST] 我錯過咗一個鍾意咗我好耐嘅女仔 以下A=嗰個女仔 我同A係中學同學，本身我哋係唔識嘅，直至到F2暑假去補習，A遲到左求其揀個位坐就坐咗喺我隔離，我先留意到A原來係同校隔離班同學。喺補習社個個都唔識，見到同校嘅比較有親切感，就令到我更加想認識佢。奈何我真係好怯，補左三四堂都唔夠膽同佢講野，其實我每次見到佢都會有啲緊張，驚自己隨時做錯野喺佢面前出醜，所以就令到我更加唔夠膽同佢講嘢。 諗返其實都覺得自己幾冇用… A係屬於比較活潑嘅女仔，見到佢同補習社入邊同其他同學傾偈都會傾得好開心。有一次A冇帶計數機，而佢其他frd又未返，個阿Sir就叫我哋坐埋一齊，呢次係第二次A坐喺我隔離，我同佢好近 好近。平時好憎去補習嘅我，係嗰刻真係唔想咁快落堂。A好有禮貌，每次問我借計數機機都會講唔該，就算借十幾次都照講。可能因為我識嘅女仔少啦，但係A成個人真係好有教養。臨走佢仲笑住同我好彩今日我肯借計數機如果唔係佢都唔知可以點算，講完就話拜拜，轉身走咗我依然覺得佢好甜。A每個行為都令到我好心動。 之後我哋一齊補習，有陣時有唔識嘅數都會請教對方，久而久之我哋就熟咗，時不時我會ig覆下佢嘅story，兩個人都傾得幾開心。有次我去問我啲frd知唔知A係邊個，諗住同佢地講我鍾意佢，睇吓佢哋有冇啲咩方法可以幫我更加了解A。但係得到嘅結果係發現咗A有鍾意嘅人，而且都有好多人鍾意佢，鍾意佢嘅人高又高過我靚仔又靚仔過我成績又好過我，我真係乜都冇，點配得上A… 咁又係嘅好似A咁靚女又溫柔大方

#NSS個人 [Guest] 有冇人試過因為太遲起身，訓過籠，所以直接打電話去學校請病假算？一日嘅話學校係唔會問你拎醫生紙 利申前幾日試過

#NSS愛情 [Guest] 尋人 六月二號下晝兩點半到三點搭輕鐵去元朗嗰陣見到個細細粒嘅女仔,揸住部好細部嘅數碼相機喺到影相,個袋上面仲要扣住啲動漫人物嘅襟章,一望就覺得好cute好啱feel.話咁快我就到左站,但係為左企多陣就冇落車,之後就到左總站.落左車之後我都準備走過去問人攞ig架啦,點知咁啱喺地鐵站到有啲香薰嘅promotion,又咁啱我地兩個都被人扯左過去sell野.咁樣本來應該係件好事嚟,點知我嗰邊都未講到一半,個女仔嗰邊就已經講完走左,我當下真係_出聲,同時都焗住聽埋個sales講野,一講就講左幾個世紀,而我都再揾唔返個女仔.而家真係越諗越後悔點解唔一早走過去問佢攞左ig先.如果你見到呢個po唔該喺下面講聲,想睇下你影啲相. Sor for 1999 Btw Admin po