#NSS愛情 [Guest ] 是咁的，小弟今年中三係澳洲讀書。小弟本身A0，依家我覺得自己鍾意左一個女仔，一個細我一年係香港嘅女仔。本身我同佢只不過係一個好朋友嘅關係，但係平日講嘢逐漸發覺我好似鍾意左佢？但係個女仔因為俾player 玩就完全唔想拍拖。然後同時間我住學校宿舍，有個細我2年嘅香港嚟嘅男仔，佢係一個好得意嘅男仔。我就一直好似佢阿哥咁照顧佢。最近因為放mid term 假見唔到佢，我就發覺我好似開始會掛住佢。有種鍾意咗嘅感覺。本身小弟對Bisexual 係冇問題，所以亦都接受到自己可能鍾意男仔。但係我好驚個小弟弟介意。 究竟我應該點做？我好亂。

#NSS愛情 [Guest ] 是咁的，小弟今年中三係澳洲讀書。小弟本身A0，依家我覺得自己鍾意左一個女仔，一個細我一年係香港嘅女仔。本身我同佢只不過係一個好朋友嘅關係，但係平日講嘢逐漸發覺我好似鍾意左佢？但係個女仔因為俾player 玩就完全唔想拍拖。然後同時間我住學校宿舍，有個細我2年嘅香港嚟嘅男仔，佢係一個好得意嘅男仔。我就一直好似佢阿哥咁照顧佢。最近因為放mid term 假見唔到佢，我就發覺我好似開始會掛住佢。有種鍾意咗嘅感覺。本身小弟對Bisexual 係冇問題，所以亦都接受到自己可能鍾意男仔。但係我好驚個小弟弟介意。 究竟我應該點做？我好亂。

#NSS愛情 [GUEST] 本來係外國讀書, 一年前暑假返返嚟香港 （去咗外國淨係一年）之後因為武漢肺炎返唔到返去😭, 冇得返學, 所以冇女溝, 同埋冇得見我阿爹, 人生好似冇咗目標咁, 可以點算

#NSS學業 [nss.secrets] 本人今年f.5，搵過幾間補習社都唔得，一係啲老師就喺度拖時間乜都唔俾我做（太古嗰間橋英），一係就Hea住教，想問吓各位有冇一啲補英文嘅補習社推介🙏🏻 (希望各位唔好話中五補習都冇用，我有信心我操下嘅話可以升到1到2個level)

#NSS愛情 [cuhk] ig plz :> 女朋友同我未拍拖前日日都想同我痴埋一齊 但依家食飯佢都剩係想同朋友食 嚟食飯都可能係因為有特定嘅人黎(譬如係佢啲男性朋友) 連join 個voice

#NSS個人 [Guest] 各位女仔 有冇試過校裙好長 想改短條裙 你哋有冇咩辦法可以話俾我知🙏🏻 求admin post ig🙏🏻🙏🏻🙏🏻🙏🏻🙏🏻

#NSS愛情 [Guest] 唔知各位對戀愛有咩睇法 我本人就唔係唔識feel 朋友講gor d 咩心動 完全feel 唔到 所以我係完全唔明白戀愛係咩

#NSS個人 [GUEST] Admin post ig thx 😉 我14歲仲好鍾意D動畫片 例如Disney Animation,

#NSS學校 [lstlkkc] 其實學校班相使唔使食水咁深？一張8‘’x10‘’就收啲學生65？加框同過膠就要成75？你話你抽幾蚊就話可以接受，但係65會唔會過分咗啲？出街自己印都唔使咁貴啦，想知道大家嘅班相有冇超過50？

#NSS學業 [大埔某中等中學] 小妹今年F2，九月升F3，校內成績算係最top，而且講得出嘅學生職位我都有份，但上覺期平均分得八成左右，讀英文班，小六唔温書都有A，知道自己有不足會肯努力，所以成績都有繼續向上，但同級其他班嘅表現麻麻，因為識得個銘賢書院嘅老師，諗住轉過去，想問有咩建議，校內環境同設施點（網上睇資料好細間），啲老師點，同埋老師驚我壓力會太大同埋去到科揀人，咁我應該繼續喺呢間幾科唔温都可以攞全級頭三嘅學校，定轉去試下🙏🏻（煩惱左幾日🤯）

#NSS愛情 [Guest] Admin pls post ig thx 給喜歡蟲柱的你… 知你有睇開呢個page，我想係度同你講聲對唔住… 我仲記得我地之前嘅經歷，由細個到近排發生嘅事，我都記得好清楚。不過對唔住，雖然我好似好傻，但係我覺得我嘅心唔屬於你..

#NSS愛情 [Guest] 有感情問題想問下😿兩年前鍾意左一個同班嘅男仔，但因為我同第二個男仔熟左，可能因為習慣啦，同佢一齊左1年。幾個月前分左手，發現自己都係好鍾意嗰個男仔，個問題係嗰個男仔係我個ex嘅best friend🥲我應該點算😞說服唔到自己放低 亦都無勇氣表白因為佢對我印象都唔好🥵或者點樣可以同佢frd啲😿求大家嘅意見thx🙆🏻‍♀️ 辛苦admin🙈加油！

#NSS其他 [GUEST] 小妹中文唔好，請見諒。 呢樣嘢應該喺各位嘅學業壓力家庭問題 post 入面顯得有啲唐突，事先講聲唔好意思。我本人鍾意（英文）寫作，然後之前就寫好多外國人作為主角嘅故事，但係經過某啲事之後發現我有啲太被 westernized，前幾日就突然想寫設喺香港嘅故事。 咁呢，我係高中生，所以就想寫校園愛情故事啦，但係重點係想寫 lgbt+ 嘅，然後就突然發現，我至少知道女校入面發生咩事，但係就完全對（香港）男校入面發生嘅事一啲理解都冇，又好似從來冇人出過類似嘅書，所以想知道如果你讀男校其實係咪都有同學同同校人拍拖；問題問得好似有啲蠢，但係真心嘅。男校係咪真係唔會有

#NSS學業 [Guest] 小弟英文真係好差好差，但係我係band one學校入面用英文教其他科全部都好高分。(每一科都有全級頭20左右)但係就係英國語文嗰科fail。小學我還叫做中規中距，勉強攞個B。升咗中三之後，副科多咗phychembio，用多咗時間溫。英文直接跌到最尾嗰20個。老師都話我要好好追番啲英文。唔係嘅話，第時dse英文攞咗個2就死得。但係我就完全無能為力，喺背vocab嗰一方面還算可以，但係完全唔識得點樣喺writing用返出嚟。reading啲難字根本係冇可能睇得明。listening 同speaking完全係令我死亡嘅地方。究竟有咩方法可以英文變好？我真係寧願其他科差，英文都要攞5**。呢個問題已經困擾咗小弟十年，每一個教過我嘅老師幾乎都係咁講。求大家幫幫忙😭😭😭😭我真係唔想因為英文差而入唔到大學！！！ 唔該admin 請po IG🙇🏻‍♂️🙇🏻‍♂️🙇🏻‍♂️

#NSS學校 [Guest] 唔該曬admin🙏 小弟係2022dse考生 話說今日5月31號，出咗2022 dse嘅時間表，個時間表對小弟嚟講唔算特別chur，但係唯一收咗小弟皮嘅，係要考說話 小弟speaking好屎，以前低form考speaking都係得40幾50分。而家距離dse speaking得返10個月左右，要小弟練好speaking嘅skills真係一d都唔易。 雖然話全世界都要喺呢10個月之內練好speaking，但係有堆人天生把口好勁/有玩開辯論，所以唔洗點練speaking都好勁。而家無端端要考speaking，一定係呢堆人最着數 所以想問下大家點睇要考speaking呢件事？大家覺得應唔應該考speaking？定係大家覺得10個月完全夠練speaking？thx

#NSS學業 [Guest] 小弟今年f4.，讀phychembio，但我其實是文科人，f3以前中西史都全級前十，參加校外比賽又有攞獎，自問對phy無乜數感，又吾知點讀好，從f3以來都考前一星期讀，pass左就算。到咗f4chem又無時間操卷，溫熟嘅時間都吾夠，a&b d equation 都末背熟，chemical cell 有邊幾種都唔記得。唉，吾知點讀落去好，對理科無曬興趣，好矛盾，以前做過專業IQ test 明明數理有成140幾分，參加比賽又攞過好多獎，點解會讀得咁差？好辛苦啊，就嚟精神崩潰，我可以點做呀

#NSS個人 [Guest] 唔知點解聽到人哋通常係朋友回應我自己啲嘢或者講關於我或者佢嘅嘢，（例如我同frd講我想做某樣嘢，佢就算係出於善意咁認為唔做好啲，我都會有如果我做咗之後佢唔抵得咁上下嘅感覺。又例如問我溫書未，我會覺得佢會見我溫又溫又唔想佢會咁做通常都答未。）聽親任何意見個腦第一時間自動覺得佢哋唔係出於善意😓 以上2個例子就算心入面好肯定佢哋唔會咁諗，同最frd嗰啲都係，個腦都會自動彈出嚟，然後屈係心入面，未試過同佢哋講我嘅睇法。可能會覺得咁樣嘅我好仆街，但其實仲有冇得救，因為我都唔想第一時間咁樣諗💦 雖然1999但我盡力表達了

#NSS個人 [GUEST] 小妹今年14 ,F2..第一次投稿,請多多指教 話說我喺度分享自己嘅秘密都係想個心情舒暢啲 我而家嘅事情maybe好多人都經歷過 我讀嘅係Band one中學，全級150幾人我排第50幾，老實講唔係好差，所以接下來嘅事情可以話係我犯賤⋯⋯ 我呢排學業上嘅壓力爆煲，成日玩𠝹刀，攞本簿仔寫埋啲晦氣嘢，開始係咁亂諗嘢，好想脫離呢個世界但係又冇勇氣…我係咪好廢？ 我成日俾無形嘅壓力自己，由小學頭幾名到依家中學五十幾六十幾名，我好唔甘心，我唔想阿爸阿媽失望，但係我盡咗力，成績都係唔係好ok，呢一排有啲事令到我對Bio好有興趣，下定決心要讀好書，F4選科可以揀到Bio！但係同師姐嘅談話入面得知F3係好L忙，應付唔到嘅話好大機會就會跌排名，我聽到呢度個心好亂，又俾緊無形嘅壓力自己(我真係好作賤⋯）我自己都意識到呢個問題，但係我就係唔知點解我改唔到

#NSS家庭 [guest] 我發現我越來黎越___ （我已經搵唔到字形容自己） 是咁的，我爺爺係三年前左右走左，仲記得見佢最後一面個時心情有d難過，會眼濕濕，不過一離開醫院就冇曬feel。前年我外公大病，阿媽翻左鄉下去睇佢，而過左幾個星期外公就走左，個時阿媽用視頻通話比我同阿哥見下外公嘅最後一面，係阿哥比佢部電話我聽個陣，我聽加見到阿媽同外婆喊到撕心裂肺咁，阿哥都喊都眼紅曬，而我個時只係攞住部電話粒聲唔出，內心好平靜冇咩feel，想講d野又無知講咩好，就咁靜左幾十秒，阿媽以為係網卡仲問我見唔見到外公。 而係個幾月前，阿媽生cancer，佢開左個家庭會議，同全家人講左屋企宜家嘅情況同埋佢已曬最後打算，做埋平安紙黎打呢場仗，個日佢講左個幾鐘，我就一直聽聽到眼濕濕，阿媽見到我流眼水叫我唔洗擔心，但其實我個時係因為聽太耐，一直打哈欠而飆眼水，或許我有感到難過但眼水一定係打哈欠導致。 直到呢一兩個禮拜，阿媽開始左化療超級辛苦，阿爸要照顧阿媽所以請左好多日假，阿哥要返工，而我仲係到玩緊，只有係補習個陣會睇下書，阿爸見到我咁樣忍唔住同我講左好耐野，話屋企宜家經歷緊一個好大個難關，宜家連睇私立醫院嘅錢都唔夠，而我卻係到日日玩，成績又跟唔上，問我想點，阿媽話係咪前世做錯左d咩搞到我宜家咁，阿哥問我有冇良心，我當下聽完佢地咁樣講我個時，我個內心只有一個「哦」字。

#NSS愛情 [九龍其中一間學校] 小弟今年中4，鐘意左個同班嘅女仔(A)，一直都好想同佢表白。兩個月前同幾個close friend講左我鐘意佢嘅事，佢地都俾左我好多嘅意見俾我，叫我要順住自己嘅心行，因為我起呢間學校淨低嘅時間無多，下年要去美國讀書。 一個月前我同左A表白，但係A拒絕左，話俾我聽我同佢做friend比較好。我個排唔開心左好耐，但係A話如果俾d時間俾佢就可以同我做返好好嘅friend。咁我就俾我同佢時間去冷靜。返學我地就好似當對方唔存在一樣，完全唔夠膽對望，更何況傾計。我d close friend都同A好熟，佢地一直幫我探路，問左A好多野，淨係希望我地嘅關係好似以前一樣。 兩個禮拜前，我同A終於講返野，講左我地嘅想法，我地之間就唔再係最熟嘅陌生人，而係好好嘅friend。返學都同平時一樣有玩有笑，我成日都會帶ipad返學，基本上我d同學都會攞黎用，但係A就用得最多，會睇我相簿、ig、fb，基本上咩都會睇，但係我唔介意。兩個禮拜前嘅A就好似同以前一模一樣，會搵我傾計、用我ipad，但係呢次我就冇俾佢用我ipad睇好多嘅野，因為我同我d close friend嘅對話內容都講左好多關於A嘅事，我驚佢又亂唸野。