#NSS愛情 [Guest] 小妹15中三，同男朋友啱啱一齊左一個月。 最初頭會同佢一齊因為佢真係好細心對我好好，但係一齊左陣之後發現佢好多壞習慣，例如un腳 食飯會有聲等等。難聽啲要用反感呢個字，但係我真係好唔鍾意人唔care自己衛生(?)(我唔知用呢個字啱唔啱)。因為係疫情下開始拍拖，拍拖前幾乎無見過佢唔戴口罩個樣。一齊出街食飯見到佢除口罩個樣有少少嚇親，成面暗瘡，鬍鬚又唔處理下，嗰刻真係有少少反感。 因為第一次拍拖，唔知點同佢開口講😌 可唔可以比下意見，我唔想搞到我地兩個尷尷尬尬咁 sorry for 1999

#NSS愛情 [GUEST] 小妹第一次投稿 唔好見怪 事緣係咁嘅 Form two band嗰陣識咗幾個師姐 佢哋都真係幾Nice 有一個仲好童顏好cute(下稱A)

#NSS學校 [GUEST] *長文慎入* 小妹第一次投稿 如果有咩講得唔啱 屌細力d🙏🏻 話說我哋班有一個同學 佢份人好自大同雙標 例如：佢明明成日都唔溫書 就算唔高分都合情合理

#NSS其他 [123] 我有個friend，佢條仔做咩都要跟埋黎，之前我同我個friend出街，佢條仔都會無啦啦過咗嚟，仲要唔止一次，搞到我成日都好尷尬。 近排因為考完dse，所以想一齊聚下，原本約好咗四個人，點知佢話佢條仔又想嚟，大佬呀而家四人限聚令，就唔好凸隻腳出嚟啦，咁唔識做，而且明明都唔關佢事，點知佢話可以隔住塊板，之後我終於忍唔住係咁反駁佢，之後我個friend話:「我驚我唔比佢去，佢會唔比我走姐」， 當下我真係覺得佢條仔好戇鳩，都咁大個人啦，重成個BB咁要人陪，然後我就好惡咁同佢講:「屌，你叫佢唔好On9啦，食個飯都要跟住黎」，之後佢就冇再出聲。 唔知有冇人同樣有類似嘅經歷呢?🙏🙏

#NSS個人 [WSC] 小妹今年form 2，一直都有一個夢想，就係而家可以去外國讀書。我自知家境唔係好，但每當我睇到人哋唔想去外國讀書但係被屋企人迫去外國讀書嗰陣，個心都好羨慕。但係嗰種羨慕唔係普通嘅羨慕，而係恨不得想殺咗佢，咁就唔洗見住一個又一個同學去外國讀書，而自己無得去。 或者你會問點解唔等自己經濟獨立又或者攞獎學金去，因為我讀咗咁多年書，都接受唔到香港嘅教學制度，好多人叫我忍，因為我無得揀，我明白自己嘅處境，但就係忍唔到自己羨慕嘅心情，忍唔到潛意識叫我殺人就可以唔洗羨慕人哋嘅衝動。 我成日都覺得自己由二年級諗到而家嘅夢想，點解都係要繼續忍？忍受香港惡劣的教育制度，我到而家呢刻都覺得一係就係嗰班唔想去外國但係被迫去外國嘅人死，一係就我死，或許到最後，我死先可以停止去羨慕他們。

#NSS社會 [Guest ] 之前睇過有人話喺外國讀書 屋企好有錢 都話係中產家庭 但係其實中產家庭嘅定義係咩呢

#NSS社會 [Band4生] 以下評論針對青少年on9酸民😊 酸民嘅存在可以話等於蝗蟲 而且普遍出現喺青少年入面 所以呢 呢個po都唔諗住留情面 如果你因為我打嘅內容覺得嬲 證明你中咗囉😌 咁佢哋呢就有以下特質：

#NSS個人 [Guest] 小弟14歲，社交能力好差，上網睇自閉症嘅特徵好多都中咗，就例如手指會喺面隔離做啲奇怪嘅動作 但係呢個社會好似有少少歧視自閉症患者，再加埋就算治療好似聽人講都冇乜用，再加埋我而家年紀咁大，我究竟應唔應該去求醫？

#NSS其他 [[Guest{] 第一次投稿🙇🏻‍♀️🙇🏻‍♀️小妹最近沉迷咗三味線呢樣樂器;^) 但上網搵過發現完全見唔到香港有呢樣樂器可以學或者買，想問下有冇人知道可以係邊度學或者買到三味線

#NSS家庭 [GUEST] 講少少背景資料先 小妹f3 les 細個開始返教會。 是咁的，阿爸阿媽係好虔誠嘅基督徒，不過佢哋啲思想舊到去石器時代。佢哋係過分恐同，平時如果睇電視會有一啲同性戀者，佢哋會不停咁樣去judge佢哋，因為佢哋覺得同性戀係唔正常嘅嘢。 我知道基督教係好反對同性嘅，創世記記載上帝創造一男一女一齊，所以基督教會覺得異性戀先係正常，聖經入邊嘅利未記18:22講到「不可與男人苟合、像與女人一樣、這本是可憎惡的。」基督教覺得同性一齊唔單只係唔得嘅，而且仲係有罪嘅添。喺聖經嘅舊約入邊，同性戀者係會被處死嘅。佢哋覺得同性戀即係違背自然嘅事，所以應該被禁止，但係其實性向呢樣嘢係改變唔到，有人係可以輔導去改變性向，但係其實呢樣嘢係天生嘅點解要去改變呢？更何況我哋嘅思想嘅所有嘢都係上帝創造嘅，咁即係佢創左我哋一出世就係同性戀？其實自己唔係好明同性戀有咩問題。 我自己有諗過同阿爸阿媽講自己係les，但係我每次都諗起佢哋嗰個嫌棄樣。見到佢哋每一次都咁樣講啲同性戀者，其實個心唔係幾滋味，但係我又唔可以駁嘴。 我應唔應該同父母講好？如果要講應該點講？🙇🏻‍♀️

#NSS學校 [GUEST] 想問下大家一啲問題🙏 我同一個同學互相都有做錯同一件小事，但佢對我做咗好多好離譜過份嘅事，導致我有心理陰影，甚至令我性格變得好多疑，一件好小嘅事會延伸出好多嘢，搞到自己好似成日抑鬱咁。 到後來個人只係諗住dm我就當冇事和好返，但係佢要求我都要同佢道歉，甚至打一大段嘢同我拗，而我當時覺得唔公平，點解自己只係做錯一件大家一齊做錯嘅小事，而佢做錯啲極為離譜嘅事而作出嘅「補償」係一樣？而對方就講到自己大發慈悲咁唔再要求我道歉，我自己感覺上佢好似係覺得我好麻煩，佢甚至仲要求我唔好同其他人講佢做過啲咩，過咗一陣仲delete埋某啲佢道歉嘅message。 以下係有啲嘢我唔係幾明🙏 第一，大家覺得佢做咗一件好離譜嘅事，只係靠dm同我道歉恰唔恰當？即係係咪應該起碼要現實中同對方道歉（大家星期一至五都會見到），先叫做有誠意？ 第二，我唔肯接受佢咁樣嘅道歉係咪我問題？我係咪真係好煩？因為其實佢咁樣嘅道歉方式，我係感覺唔到任何歉意，加上自己希望得到嘅道歉係可以令我好過啲，快啲放低到呢件事，但係佢message完我都冇呢種感覺。 Sorry for

#NSS家庭 [GUEST] 我有個小一嘅細妹，哩個年紀嘅細路都係見到小動物就話好鍾意要養。咁話說有一日佢地去類似金魚街咁嘅地方見到隻烏龜就話要買，而啲大人又真係買咗俾佢。 但問題係我屋企好細 根本俾唔到應有嘅生活環境龜龜 其實之前佢話要養嗰陣我已經同佢講過晒養小動物要為佢地負責等等blablablabla仲要唔止一次 雖然我都唔旨意佢真係會記得，但係啲大人明明聽著我同佢講哩啲，最後都仲俾佢買返嚟，我放學返到屋企見到隻龜真係diu出聲。 你話佢真係會用心照顧都算 但問題係無論係班大人定個細路根本就好似唔重視咁，完全就係貪得意。我喺佢地買返嚟嗰日已經係咁同個細嘅講我擔心嘅嘢同埋唔想佢買嘅原因。結果班大人就話咩我講到好似好識照顧咁，仲話只係一隻龜使乜咁著緊。雖然屋企細，其實佢地唔係唔可以俾更好嘅環境龜龜，只係佢地懶。佢地仲要話自己咩有做過資料搜集，但其實佢都只不過係問啲咩同學媽咪就算，方法完全錯L晒。明明人地係隻水龜佢竟然話水隻龜會浸死。 我好想救佢，但係我咩都做唔到，真係好無力。其他屋企人都唔認同佢地嘅做法，但係佢地唔係一齊住，都幫唔到啲咩。佢地話大個都會見到更多，要學識唔好在意。我已經試過唔好在意，但係見到隻龜龜日日都好抑鬱咁真係好想喊。可能會有人話我懶偉大咁，但係有養開寵物嘅人應該明嗰種感覺。我真係好想幫隻龜龜，少少都好，但係我連少少都幫唔到，我真係唔知要點做，好無力。

#NSS個人 [GUEST] 小妹今年F3。最近有個煩惱，唔知點算，想聽下大家嘅意見。篇文有啲長，唔好意思。 我有一個關係都幾好嘅朋友。佢係一個同我同班嘅女仔。我地翻學放學，係學校裡面都會一齊。基本上除咗同我講野之外，佢好少同其他同學傾計。有時我地放學翻咗屋企之後仲會傾好耐電話添！而且佢睇落成日都好開心，好樂觀。(例如：有一次佢好努力溫書，即使最後考得好差都唔會有任何唔開心嘅表情。)作為佢個frd，雖然有小小擔心，但都無太在意，因為有諗過可能佢真係完全唔care 嗰科嘅成績，同埋我覺得如果去問佢「點解你唔會唔開心嘅？」好似有小小奇怪。 但係最近，有一次同佢一齊去廁所洗手嘅時候我發現佢隻左手嘅前臂有好多條痕。好明顯係傷痕嚟，有深色有淺色。(=有新嘅傷口同舊嘅傷口)。我好驚佢有自殘傾向。但係我未見過自殘嘅傷口，所以唔敢肯定。嗰時佢好似發現咗我一直望住佢隻手，所以拉咗件冷衫個袖落嚟。 嗰日翻到屋企，我去Google 開無痕搵咗啲同自殘有關嘅野。其他人嘅傷口同佢嗰個真係好似。然後我又大概了解咗點解人會自殘，又嘗試學咗要點先可以係佢地有需要嘅時候幫助佢地(例如有咩講得，有咩唔講得)。其中一樣係，我無權去詢問，評論自殘者嘅傷口。我都好同意，因為我相信佢應該唔想比人知，亦都唔想無端端提起呢件事。但係如果佢真係一直都唔同我講嘅話我應該點做先幫到佢。我好驚如果我主動問佢嘅話會令佢覺得唔舒服。 之後過咗幾日無論幾熱都好佢都一直著住件冷衫，直到上PE堂嗰日。我諗應該係因為實在太熱所以佢除咗件冷衫。但係佢左手嘅前臂同膞頭下面小小嗰個位都有膠布，我真係好擔心佢。我唔知佢身體上仲有邊啲地方有傷口。我有嘗試搵機會問下佢最近有無發生啲咩唔開心嘅事，定係翻學壓力好大。但係佢無時無刻都表現得好開心，成日笑，我完全搵唔到機會去問佢。我有諗過要唔要同社工或者學校老師講。但係根據我自己嘅經歷，同社工講完嘅野第二日就會唔知點解傳到周圍都係。同老師講嘅話最後都係會連翻去社工度。我好驚我講咗嘅話到時佢仲大壓力，同埋會覺得我背叛咗佢。所以我唔夠膽講。但係我暫時又真係無能力處理到呢件事😭。 宜家諗翻，其實佢平時同我傾計嘅內容多數都係同學校或者我有關，佢好少講自己啲野。佢亦都有講過自己除咗signal

#NSS個人 [Guest] 我想問吓我07年未過生日13歲有冇咩方法可以賺錢 唔一定要太多 單純想賺少少零用錢 但係唔係幫阿媽做家務賺錢嗰啲 有諗過要打字賺錢 但係又驚俾人呃🙏🏻

#NSS愛情 [GUEST] 我知道你上周向我表白，我也知道我毫不猶豫地拒絕了你。我拒絕不是因為我不喜歡你，而是我太喜歡你了，所以才拒絕了你。我知道你的朋友告訴我你哭了，你很傷心，我知道。我很喜歡你，但我不能做出承諾。我無法想像你會在我身上浪費多少時間，或者你會有多少痛苦，因為我無法給你應得的愛。我知道我沒有能力喜歡你，在你難過時安慰你，甚至和你在一起。因為那些是關係的定義，我沒有資格。這就是為什麼我很抱歉我不能和你或任何人在一起。所以你必須知道，如果我說“我也喜歡你”。那麼，那是謊言。而我，寧願你活在真理中。 圖Link: https://www.google.com/search?q=anime+boy+smile+sad&safe=active&rlz=1C5CHFA_enHK914HK914&tbm=isch&source=iu&ictx=1&fir=YSx63P9qvDZZrM%252CFWK5dRiaCmu_5M%252C_&vet=1&usg=AI4_-kTy_c3-8kUGFQFSh7b-XcKNu_WKQA&sa=X&ved=2ahUKEwi7sqmK-vDwAhUBBZQKHSCZDhYQ9QF6BAgMEAE&biw=1440&bih=698#imgrc=YSx63P9qvDZZrM

#NSS個人 [Guest] 都唔明啲女仔唸咩，我每次出街都至少幾個望住我，好有壓迫感囉。同埋我好享受單身生活，唔該咪望住我。完。 plz po ig

#NSS個人 [Guest] 都唔明啲女仔唸咩，我每次出街都至少幾個望住我，好有壓迫感囉。同埋我好享受單身生活，唔該咪望住我。完。 plz po ig

#NSS個人 [GUEST] 大家覺得其實做邊緣人係一件好事 定係唔好…… 1.我自己有幾次同friends講嘢/whatapp 唔知佢哋係聽/睇唔到定點 佢哋係忽略咗我講嘢….. 2.我就加入咗啲telegram group 大家都唔識對方

#NSS家庭 [Guest] 首先利申 本人窮 家庭窮 住唐樓 背景: 依家同阿嬤, 姑媽, 阿叔阿嬸同佢地兩個細路,

#NSS個人 [GUEST] Admin po ig thx （純粹嚟呢度匿名放負吓，唔想又俾人話小氣同埋博同情） 首先睇之前先了解吓咩係鞭屍，鞭屍係將自己失敗咗嘅嘢，俾其他人用呢樣嘢笑（好似係咁） 小弟而家f3，係一個人緣好好嘅人，不過人緣太好其實唔係好事。小弟嘅皮膚好差，之前成面暗瘡，而且我f1嗰陣好賤，所以就變咗做又樣衰又唔信得過嘅人，咁自然就冇女朋友啦🥲。 點解我會話人緣好好唔係好事，就因為每日都會有人嚟鞭屍。我就有一班兄弟喺f2識嘅，咁我哋就會等埋一齊返學放學。之前冇咩事嘅，不過我其中一個兄弟有咗一個f2嘅女朋友(簡稱A)同埋就嚟可以同一個f2出pool嘅兄弟(簡稱B)呢兩個兄弟嘅感情生活越來越好嘅時候，佢就會開始鞭我話點解我仲未有女朋友，同埋唔係好直接咁話我係個失敗者。我曾經有諗過追B嘅曖昧對象，不過A同埋A嘅女朋友開解過，最後選擇放棄（A嘅女朋友同B嘅曖昧對象好fd)。不過到而家都仲係鞭緊