#NSS家庭 [GUEST] 大家好，小妹今年F4，想講下小妹嘅私隱度同家庭問題，希望大家可以比啲意見。 講下屋企背景先，小妹同父母、細佬一齊住，屋企家境唔好，住係300呎、冇房嘅公屋單位。小妹屋企有一張雙人床，一張碌架床，我同細佬瞓碌架床，而我父母張床就係我張床嘅斜上方，即係話，我係床上面做嘅任何嘢，佢地都會睇得一清二楚。而我屋企連張書檯都冇，只有我老豆嘅電腦檯，所以我同我細佬基本上係冇地方做功課同溫習。小妹屋企嘅飯檯係一張小朋友用嗰啲細摺檯，上面經常舖滿雜物，所以我都係冇辦法係上面做嘢。另外，我老豆好鍾意控制同催人，佢逼我地6.30前要沖完涼、11.30前訓覺，但係我有時真係有嘢忙，冇辦法係嗰個時間做到，佢就會不斷催我，搞到我好躁底。同埋小妹好討厭俾人控制，所以每次佢叫我做嘢，我都唔想黎佢，但我一唔理佢，佢就會發脾氣、鬧我，令我冇得唔服從。 細個嗰陣，唔覺得屋企冇房有咩問題，甚至覺得每個人屋企都係冇房。直至我六年級，第一次去朋友屋企玩，先發現原來正常屋企係會有房，見到我嘅朋友可以有自己嘅房、書檯，我真係好羨慕。由呢日開始，所有朋友話想黎我屋企，我都會搵藉口拒絕，因為我好驚比佢地見到我屋企。 輪到做功課嘅問題，我之前係淘寶(勿屌🙏🏻因為屋企冇錢去傢俬舖買)買左一張放係床上面嘅檯+好細嘅櫃，即係類似正常書檯嘅縮細版，其實長期係床上面做嘢真係好唔舒服，亦都會令到個人好懶散。而我細佬，會坐係床側邊，係張床上面做功課，所以令到佢坐姿唔好，對背同腰都唔好。我都有諗過同媽咪提議買張書檯，但係我發現屋企根本冇位擺，所以就放棄呢個念頭。 去到最嚴重嘅問題，就係私隱。前面都有講過，我張床離我父母張床好近，行一步就到，而我做任何嘢都要係床上面(因為冇書檯)，雖然我父母張床隔離有個窗簾遮住，但日頭時間，我媽咪通常都會拉開，令到我做任何嘢都好似比佢監視住咁，好唔舒服。同埋，我換衫嘅時候，只係可以係窗簾入面換，好多時個窗簾都會唔小心吹走，令我好冇安全感。另外，我買嘅任何嘢，幾乎都會比佢知道晒，我媽咪好鍾意乜都過問，例如我啲信，小妹有追開星，但父母都唔知，因為我唔敢講，我驚佢地話我晒錢，小妹有收小卡嘅習慣，有時會有小卡寄黎我屋企，而我老豆通常每日都會落去攞信，雖然我老豆唔會過問，但係當啲信比我老母見到就大穫。佢一見到，就會問我係乜，然後逼我係佢面前拆，係呢個時候，我就逼於無奈講大話呃佢，話幫朋友收信，但係都係冇用，佢都會照屌，叫我唔好比地址人，好危險☺️我真係唔鍾意做任何嘢都比人監視、過問，我都想有私隱同自由。 講起追星，小妹鍾意咕卡，有一次我係床上面咕，而我老母坐係下面教我細佬做功課，我唔小心跌左張卡落去，即刻落去執返，可惜佢都係見到，但第一個反應唔係幫我執，而係話：「咩黎架，咁核突嘅。」我聽到之後，唔敢講係我嘅，就話送比朋友。矛盾嘅係，我老母有鍾意大陸嘅明星，我見到嗰陣問佢咩黎，佢就話關你咩事。佢憑咩可以踩我鍾意嘅嘢，而我就問一句都唔比？我都respect你鍾意嘅嘢，點解你唔可以respect返我鍾意嘅嘢，同埋我？ 由3月中左右開始，唔知係咪因為太耐冇出街，令到我成個人都好壓抑，每晚都諗緊，點解我會出生係呢個家庭，點解我老母可以咁煩，點解所有嘢都咁煩咁黑人憎，諗諗下就喊左，幾乎每晚都係咁，我控制唔到自己，我老豆會逼我同我細佬11.30前上床瞓覺，但係我每晚都會喊到1點幾2點先瞓到。小妹仲有2年就dse，真係唔知係屋企點先溫到書，我好想快啲搬出黎住，擺脫佢地嘅監視同控制。小妹好想同老母建議間房，但係屋企冇咁多錢裝修，亦都唔知點樣開口。 多謝睇到呢度嘅大家，希望你地可以比啲意見我，唔該晒admins

#NSS學校 [GUEST] 我同學笑我阿媽做茶餐廳。 今年中三，小弟係一間band2學校讀書。由中一開始覺得班上的同學好低B，又瘦成日係到扮大隻，扮到自己好打得，又扮到自己好型，又幫人改花名，見到女仔靚就搶人筆袋和水樽，唔俾番人。 佢地中意哈d善良的同學，以為覺得咁樣做好型。 佢仲整蠱同學，有時候攞紙扔攞人個頭。平時佢地成日話自己去過咩地方旅行，又話咁都未去過真係垃圾。又話：你們未食過放題，牛排，未撘過飛機啊？ 其實我覺得有幾個係吹水，因為每次問佢去韓國邊度佢地都口啞啞，得個二世祖去過。 二世祖問我有冇去過，我話：冇，我屋企窮，冇錢。二世祖又問我屋企人做咩，我話：我爸爸唔係到了，我屋企得我同我阿媽，我媽做飲食，茶餐廳。（我唔介意我阿媽做茶餐廳，因為窮咪窮咯，有咩問題？） 二世祖聽完鄙視我，問我係唔係住公屋，我話係。佢又問我係唔係攞消費卷，我話係。我話：我唔介意自己阿媽做咩，窮咪窮咯，住公屋幾好呀。佢又問我阿媽做邊間，我話關你叉事。 因為二世祖身高比我矮，我米8，佢唔夠我打，而且佢鍾意班上學習好的女神。但女神唔so佢，佢就故意扮到自己好型，搵存在感。（小弟對女神冇興趣，但小弟數學班上第一，女神有時候會問下我數學，令到二世祖在意。女神都係屋企窮，住我隔離樓。）

#NSS其他 [Guest] 有無濕疹嘅同路人可以講啲舒緩痕癢嘅方法俾我聽 濕疹真係好攞命 我真係就快癲啦 我由出世開始就一直有濕疹 細個嗰陣嚴重到全身都有 連塊面都唔放過 手臂同大脾啲濕疹都勁嚴重 嚴重到出水嗰隻

#NSS學業 [GUEST ] 今年中2 ，自從開始放「暑假」就比之前Hea 左好多，每日嘅生活就係13:00左右起身 ，之後就不斷煲劇，當假期大約剩返10日左右，我已經唔想返學，因為我唔想面對ut ，唔知自己考成點，想趁呢幾日上堂前開始溫書，想知中二而家先發力溫書會唔會好遲，同埋有冇啲溫書同上zoom專心大法可以分享下😭。

#NSS家庭 [guest] sorry 我係第一次投稿 會1999😓 – 話說小妹我係12歲，但係阿媽仲管得好嚴。喺我呢個歲數，我好多同學都開始獨立，會自己行街買嘢。但係我每日都只可以留喺屋企做功課。明明我已經完成咗學校嘅功課，阿媽仲會比額外嘅練習我做。 我向佢有提出過話想自己出街買衫，因為阿媽成日買啲好老土嘅衫褲俾我（例如間條紋）。但係佢又唔知驚乜，唔畀我自己出街，話怕我會俾人拐走…日光日白會俾人拐走？又唔見我啲同學俾人拐？ 有時我喺屋企會覺得好悶，想行街，但係阿媽又只帶我去跟去買餸，又離唔開自己住嗰區。我有時覺得我真係好似坐緊監，完全冇自由，想做乜同買乜都被限制…

#NSS學校 [ABCD] 雖然我已經中六，仲有12日就DSE，但我真係唔明中一咁快驚做乜嘢😂

#NSS愛情 [Guest] 我好似同時鐘意左兩個人，點算好。 文長抱歉，是咁的，我係幾年前遇到個女仔，暫且叫佢A，雖然佢嘅樣貌上唔算突出，但係我居然對佢一見鐘情，佢亦都好自來熟咁我哋好快就熟絡左。相處左一排就越來越鐘意佢，有時候傻下傻下咁又好開朗，成日都覺得佢笑嘅時候好靚。但係我情竇初開唔敢追，只係偷偷地暗戀佢。 鐘意左A一年半後，佢同我個best frd一齊左，而且個frd係知道我鍾意A，佢就將呢件事講左比A聽，A就為免我個frd呷醋，就block左我ig fb，淨係得返WhatsApp搵到佢。我就諗住算啦，佢都拍拖咁我都係時候放手。A又準備移民去英國，我諗住呢一世都唔會同佢有聯絡㗎喇。 A移民走左之後，我又遇到個女仔，叫佢B，因為啱啱失戀冇耐，啱啱見到佢都覺得佢係普通女仔冇乜特別，第一次同佢傾計係因為學校D group project，然後就唔知點解越傾越多，對佢有D好感。

#NSS愛情 [guest] 小妹今年F1，幾個月前聽同學講班上有個男仔鍾意我。個陣時覺得好噁心，因為個男仔又矮又醜，讀書又差，上堂仲成日講埋啲咸濕嘢。我返學嘅時候都開始避忌佢，專登暗示俾佢知我唔鍾意佢。但係佢上堂成日都望住我，我覺得好煩。我有時會專登啤返佢轉頭，但係感覺都冇用。 之後我越來越憎佢，因為佢真係好煩，講咸濕嘢嘅次數多咗，仲成日跟住我。搞到我越來越唔鍾意返學，唔想見到佢。佢message我嘅時候仲喺到扮乖扮無辜，話係佢啲朋友教壞佢，仲話佢真係好鍾意我。之後我話我好唔鍾意佢，但係佢依然死心不息，最後我就block咗佢。 到依家停課，我唯一開心就係唔使見到佢。但係我又想返學，又唔想見到佢。下個月就復課，我應該點做？請大家比啲意見，sorry for 1999

#NSS個人 [Guest] Sor for 1999 小妹有打某種運動 最近我嘅教練叫我去幫tvb拍某啲嘢 但係我因為某啲唔講得嘅原因唔係好想去 仲喊過幾次 因為我驚俾人問呢個係咪你（只要不是tvb都冇問題😅）

#NSS愛情 [GUEST] Hello , 小弟05 最近有一樣野好困擾我 2月，我同班嘅朋友同我wts表白，咁我個陣都中意佢，就接受左。而大家都知，2月到而家一直都停緊課（冇見面），雖然唔知關唔關事，但我發現我對佢嘅感情越來越冷淡，而且真係連wts都唔想覆，但怕佢唔開心，就覆下。 到而家，我直情感覺已經唔再愛佢，我一直都想講分手，但發現真係好難講出口。 一嚟，我哋本身係frd，怕分手之後冇得做frd，而且連佢嘅朋友都係我朋友，仲怕失去埋佢地。 二嚟，我真係好驚hurt到佢，佢仲要對我幾好，但感情真係冇得勉🥲🥲

#NSS其他 [Guest] 大家好,小妹今年F2,有個問題想問吓大家應該點算好 舊年七月嗰陣開始我同我一個男同學嘅聊天變得有啲大膽(鍾意咗佢一年左右,拍咗一個月拖,散咗做普通朋友)雖然話佢好似唔係幾明我講咩(佢可能連打*槍都唔知係咩)例如話我想幫佢口*,然後佢就叫我返嚟香港或者中二返全日嘅話lunch time幫佢做(本人而家喺UK)一開始都會講話可能要點要點咁,但係我最尾後悔,話唔幫佢做,佢亦都覺得冇嘢,最尾我哋兩個好似冇咗呢件事咁,繼續做普通朋友 然後直到上個月廿八號,我同佢講話,我想同佢講嘅嘢可能要到3/5年之後先會明,然後嗰陣佢迫我講係咩,然後我唔知點解突然變得大膽咗啲,話想畀我所有嘅第一次佢,想畀佢內*… 雖然話佢都仲係唔明我喺度講咩,但係而家諗起我講咗呢啲嘢都係有啲慌張,唔知返去見到佢要點樣面對,亦都唔知佢明白咗我同佢講嘅嘢係咩意思之後,佢會點樣睇我,如果我哋真係做咗,友情會唔會變質?想問下應該點算?我咁樣係咪有啲開放得滯? Sorry for 1999🙇🏻‍♀️

#NSS其他 [guest] 大家好，小妹想同大家分享一件好無言嘅事情，亦希望大家可以防備同埋唔好認識到呢啲朋友。 唔知大家有冇同呢啲「朋友」做過frd。話說小妹就鍾意一個男仔，嗰嗰男仔係同我個friend一間學校，之後因為唔同學校所以就經常搵我個friend去問關於佢啲嘢啦。但係問題就出現，每一次我問佢關於嗰嗰男仔嘅事情佢都係講關於嗰嗰男仔同其他女仔嘅事情，好似係故意咁😅 呢樣嘢唔緊要 ，重點係我個frd講到我鐘意嗰男仔同佢勁曖昧，不過呢啲都算係小事。 本身以為佢係一個好守秘密嘅人，點知佢同嗰嗰男仔同埋佢班frd講話我鍾意佢？重點係我個frd話過唔會同我鍾意既男仔講，呢樣勁無語。之前我個friend搵過人黎無啦啦鬧我，依家又想同我爭人😅 我係學校佢間學校都認識到另外一位frd，嗰嗰frd之前講好多秘密俾佢聽，結果全部爆出黎，令到我個frd俾排擠，所有同學都用異樣既目光睇我個friend。 純粹發洩，不喜勿屌 sor

#NSS個人 [Guest ] 想問其實中學生幾點瞓先至係好💦話說係咁既，小妹今年中四，由細到大都keep到9點幾瞓，去到中一開始就10點幾先上到床。去到而家中四，其實啲功課溫書嗰啲9點前通常都搞掂。不過我就好鍾意拖既，一睇ipad 就起碼睇半個鐘🥴搞到成日明明9點 已經做曬啲嘢，都要十一點半先去刷牙上床。 問題就嚟啦 ，我阿媽同我一樣都係呢個時候上床瞓覺，但係我阿爸只不過係早我哋十分鐘上床，就每日係咁鬧我哋點解咁遲瞓， 搞到第二日勁遲起身，皮膚又差，又長唔高。 即係我都知自己十一點幾瞓真係唔算早瞓，不過佢只不過早我哋少少瞓，有咩資格係咁鬧我😩😗

#NSS社會 [GUEST] 有關LGBT （其實我都明你哋睇咗咁多關於LGBT嘅post會覺得煩，但係小弟都想喺呢度闡述下自己嘅想法，唔好意思😅） 請注意： 以下言論為本人立場，與NSS secret完全無關。歡迎理性討論。 無可否認，香港人思想一向較為保守，為LGBT人士帶嚟唔良好、不被尊重嘅感受。但係其實近年嚟，香港人對LGBT community愈發包容、尊重，尤其係年輕一輩。你哋試下隨便喺條街度問啲年輕人覺唔覺得LGBT community值得尊重；我唔敢100%肯定，但係我相信，10個裡面有9個甚至10個都會話係「值得尊重」嘅。其實依家嘅香港已經越嚟越多人明白，LGBT都係屬於我地社會嘅一份子，佢地係值得尊重嘅。

#NSS家庭 [GUEST] 是敢的, 小弟因為一D原因搬到同表哥表姊一齊住, 先發現我表哥係個2X歲既「港孩」。 首先, 佢ive畢業左成年, 唔去搵工, 仲要賴個社會唔俾機會佢, 我老母託人揾左份朝九晚五既office工,佢就鬧人八婆、多管閑事。

#NSS家庭 [GUEST] 是咁的，小妹屋企人頭先講咗啲野，令小妹覺得好confused，想同大家討論下 由於爸爸好鍾意亂搞我啲野，會不問自取我啲文具，咁啱我頭先要用塗改帶，又搵唔到，所以就問下佢有冇用到。 跟住佢就好串咁同我講：乜你咁大個人仲要用塗改帶㗎咩？我就好問號咁答：乜唔使用塗改帶㗎咩？會寫錯字㗎嘛，你都會借我嘅塗改帶用啦，唔用塗改帶，唔通用筆搽咗佢咩？ 跟住媽媽係間房聽到我咁講，就開始發功：你咁大個人仲要用塗改帶，應該反省下，如果你好專心，會寫錯字咩？需要用塗改帶咩？用塗改帶就證明你唔專心，反省下啦你 我真係唔知點反駁佢哋，所以用塗改帶＝唔專心？

#NSS個人 [GUEST] 小弟係一個初中男，亦都冇兄弟姊妹，最近因為疫情關係冇乜出街，我本身冇乜朋友（最多都只喺小息嘻嘻哈哈玩吓），由細到大我都EQ唔好，成日講嘢得罪人，細個嘅童年基本上都係自己一個，嗰陣時我覺得完全冇問題，認為自己一個冇乜大不了，最多孤獨啲。 但係當疫情開始，我發覺自己好似同其他人嘅距離越嚟越遠，好似見到啲同學一齊出街，但係自己就淨係喺屋企，我開始嘗試搵唔同嘅興趣，例如打下機煲下劇咁，但係我發現我越嚟越想搵人溝通，所以我就嘗試喺game識咗啲人，不過嗰啲一係就係呃人錢，一係就係呃人感情，最後我都放棄咗呢個途徑。 我曾經有試過得閒搵我啲同學傾吓計，但係大家都好似唔係幾想理我咁，有陣時我都幾自卑，我都自認自己唔係嗰啲靚仔，又冇咩專才，讀書又唔係特別叻，但係有啲不公義嘅嘢我就好鍾意發聲，可能就係呢啲原因我亦都成為咗係班上面俾某啲人杯葛嘅對象？我有試過反抗叫佢哋唔好，我亦都有嘗試直接無呢樣嘢，但係佢哋好似越嚟越猖狂，對於呢樣嘢我都好無奈。 平時喺學校都至少有啲朋友會一齊食下飯傾吓計，但係而家因為疫情都開始逐漸疏遠，屋企人又唔會理我（單親，此處省略1000字），而家就連有啲唔開心、嬲嘅嘢都冇得講出嚟，想同朋友講但係我又信唔過佢哋，（因為我之前俾人出賣過所以疑心好重），我好似覺得自己就嚟發癲，壓力好大，乜嘢都屈住屈住，真心覺得好辛苦，冇人理解，冇人在意，我究竟應該點做好，希望有人俾啲意見…… 純粹發洩文 第一次投稿Sor for 1999

#NSS個人 [guest] 我由幼稚園開始就已經俾濕疹纏繞著 細個嗰陣仲好啲 淨係得關節位有 但係越大就越多地方敏感 上年特登去抽血驗致敏源 check到對塵蟎同狗敏感 狗本身無養 即使見到仲可以避下

#NSS個人 [GUEST=]] 小妹今年中四🥲…… 身高166cm，56kg 雖然聽落比例上好似正常咁，但係每次拍落其他同學身邊好明顯最肥嗰個就係我….. 可能家族有遺傳啦….我全家都係肥底，就算唔係食好多，都好易肥嗰隻. 咁趁住呢段‘假期’都試咗唔同嘅減肥方法，但係都冇用….有試過節食，但出到嚟嘅效果都唔算係好好….好容易反彈 都有試過落街跑步，但係因為自己成績唔好，呢段假期好多時間都放咗喺補習度….… 每次一影相或者同其他人討論體重嘅時候，都好自卑..唔知各位有冇一啲減肥方法（唔反彈……可以介紹俾我試下🥲 Sorry

#NSS社會 [guest] lgbt同異性戀嘅分別就係 大家鍾意嘅嘢唔同 就好似我鍾意食蛋糕 你鍾意食雪糕 你唔鍾意食蛋糕 咁你係唔係異類？ 因為你唔鍾意食蛋糕所以我要反對你 因為你唔鍾意食蛋糕所以你唔可以食嘢