#NSS個人 [匿名] 點樣先可以另到塊面唔紅 係一個咁嘅熱辣辣嘅夏天又要戴口罩日日咁焗住超辛苦咁都算啦 塊面會超級紅 哭)真係有咩辦法令塊面唔紅

#NSS學業 [GUEST] 我喺band1中學讀緊f4 phychembio aim poly五寶 但由於今年多數online lesson 懶散嘅我完全冇上過堂冇做過功課 全部都靠考試前一晚至一個禮拜自學

#NSS學校 [九龍區女校] 小妹今年F4，由F1開始就同A同學同班，之後就變咗好close嘅朋友，本身我朋友唔算多，而A同學都對我好好，無論我想去邊都會陪我去，我一有心事嘅話，即時幾夜佢都會聽同鼓勵我，係大家最好嘅朋友 喺最近一年，我哋嘅關係依然好好，但係每次佢同其他friend去玩嘅時候，我都會好唔開心好妒忌，雖然我知道佢同其他friend去玩好正常，唔應該唔開心，但喺我真喺控制唔到自己嘅諗法 我有諗過同佢講，但喺又驚佢會驚咗我，或者影響到我哋嘅關係，我應該點樣做先唔會再因為咁而唔開心？我應唔應該同佢講？

#NSS學校 [GUEST] 我的中學生活 戴返個頭盔先，我唔係要講啲咩晦氣說話，只係想鼓勵同路人。 考完dse就代表自己好快就離開中學，想藉此分享下自己嘅一啲經歷。 初中嘅我，中一成年都係俾人bully。當時我腦海中只係記得，冇一個人願意幫我。班上嘅人除咗欺凌者就係旁觀者，個個都係想置身事外。班主任唔理，冇朋友，唔想屋企人擔心。當時又唔識得搵社工，結果連自己都討厭自己點解會咁，自暴自棄，反正都唔會有人嘗試了解我，就由我自己捱過啦。 當時有一個女仔，叫佢做A啦。A同我同班，但係佢冇參與到bully。好記得自己喺留堂室好無聊，未夠鐘嘅時候特登行過去搵A話有咩功課。當時嘅佢好認真咁同我講有啲咩功課，明明日日係班房都見到我欠交所有功課，但係佢都無理。我知道對於佢嚟講，依件只不過係一件小事，但對於一個從來都冇人關心過嘅人嚟講，仿佛得到救贖一樣。你嘅一言一行，可能已經扭轉一個人嘅命運。所以多啲關心身邊嘅人，可能你嘅一句關心，已經勝過千言萬語。於是乎，就好似拍劇一樣，我開始努力讀書，從頭改變自己。係度好想多謝副校長同石Sir，雖然你哋未必睇到，但係你哋冇放棄過我，一直喺留堂班陪住我成長。 中一嘅我讀英文班嘅，由於成績唔好中文自然就去咗中文班啦。喺依度認識咗一班好同學，一齊玩，一齊哈哈大笑，係我未體驗過嘅校園生活。好多謝你哋，令我明白到成績唔係一切，有時單純地講下笑就一日。嗰陣時有個癡線佬話要從D班讀返上去A班，我心諗，唔好講笑啦，邊可能做到。點知佢又真係好努力讀書，搏曬老命，為嘅就係要讀A班。喺度要好多謝你，你嘅行動鼓勵咗我，原來為咗一個目標可以博盡。就係咁，開始一場逆轉嘅試驗。 皇天不負有心人，符碌咁俾我入到精英班。中三嗰年係我整個中學生涯最美好，最懷念嘅一年。不但遠離咗嗰班bully我嘅人，而且重新做返自己。初頭以為精英班嘅人都係不食人間煙火，但原來佢哋就好搞笑，面對沈重嘅學業壓力，佢哋識得點樣放鬆心情。喺人眼中嘅成就，往往背後都係附上難以想像嘅努力。喺依度，我認識咗一群好朋友，好多謝有你哋身邊嘅一年，所有嘢都好美好。最重要又俾我遇到A，真真正正同妳相處。妳講過我唔成熟，唔理人哋感受，煩得嚟又要講經，成日放負etc。唔知妳睇唔睇到，但我想證明俾妳睇，我真係有聽妳講，真係有改。希望妳快啲好返，好多謝妳，冇妳就唔會有今日嘅我。 快樂嘅時光總係過得特別快，哪一年就過去。正當我以為可以過返啲開心嘅校園生活，高中嘅巨輪卻提醒自己面對現實。A疏遠我，各位舊時嘅朋友都各散東西。上到高中，好多嘢都唔同咗。中四嘅時候識到另一班同學，一齊度過唯一嘅高中生涯。中五停課，根本幾乎冇返過學咁。遇上疫情，返學嘅時間越來越短，連考試都史無前例地取消。當可以返學嘅時候，dse已經開始倒數。咁就結束六年中學生涯。

#NSS愛情 [[GUEST]] 究竟我哋應唔應該仲喺埋一齊？ 今年中二 有個大自己二年級嘅男朋友 拍咗拖大約兩年 我同佢唔同中學 但係我地由細玩到大 對佢有一定嘅了解 –

#NSS其他 [GUEST] 是咁的，最近小妹留左部手機係街， 再打過去已經關咗機，應該就係比人執走左🥵 想問大家其實仲有冇機會攞得返🥲

#NSS家庭 [一間B2中學] 本人一個F2學生，成日俾老母叫我去死，我上有個家姐下有個細佬都冇俾老母咁樣講過，得我一個成日俾人叫死，有時仲話如果唔係犯法一早拿把菜刀出嚟斬死我。 然後今日又係咁，我已經忍左好耐，平時我自認都算好樂觀嘅人就算聽到我老母講啲種嘢我都唔會當一回事，第一次因為佢叫我死而想直接跳樓了結自己，好辛苦，唔知點解要咁樣對我，佢話要我讀好書我都有讀，雖然成績仲係咁差，佢講乜我都聽住做，我仲有乜嘢做唔好。 啱啱等我老母帶我細佬去補習先忍唔住喊咗出嚟，成個人好大壓力，第一次咁討厭我老母。 Sorry for1999

#NSS學業 [Sopa ] 救命我真係唔夠時間溫書仲有八日就考試但係每次溫嘅時候都冇動力唔知應該點算成績又差差唔多每次考試都係前一日先溫admin pls post 想問吓大家有咩意見可以令到我更加有動力去溫

#NSS家庭 [GUEST] 我覺得我老豆，老母 on9！成日話玩game有害！佢地自己又唔Q睇新聞，好多學生因為學業有大壓力，跳樓自殺！讀書係可以改變自己嘅未來，但過度係有害架！都埋以架D教育制度有問題，老豆老母停留係他們的年代！時代改變啦，同埋因為肺炎，大學畢業後都冇野做！鍾不如做主播可能仲賺到錢！

#NSS學業 [GUEST] 我對讀書冇晒信心 就嚟大考, 溫書溫到好辛苦… 我記性差, 好多嘢都好難背, 成日抄完好多次都記唔入腦。呢排仲係咁俾阿爸阿媽鬧我固執，話我唔識另一啲讀書方法，但係我有試過佢哋教我嗰啲方法，我都係背唔入腦，最後又係俾佢哋鬧。想問吓大家有冇容易背嘢嘅方法？ 我知呢樣嘢嗰個人都唔同，不過我只係想參考吓，多謝晒！ sorry

#NSS家庭 [GUEST] 可以的話請po ig 本人雙親細個個陣已經離左婚，跟住就同“老母”冇再聯絡過 如果你老母隔左十幾年無啦啦揾你食飯你會點應佢 ps本人對老母冇咩印象，但係冇理佢

#NSS學校 [guest] 其實做人功利啲，又有咩所謂喎（親愛嘅admin, 我明示暗示都叫你攞呢句做標題） 好多人都話，待人要夠真誠，咁樣人緣先會好，但我就唔係咁諗啦！雖然我自我唔算利益至上既人，不過我唔介意身邊啲人利用我。 我有一個friend （下稱A)好明顯係有事先搵我，例如冇人陪佢食飯先搵我陪佢食、小息啲friends 冇返先搵我攝時間、wts/ signal 亦都係只會問功課再加少少閒話，我就覺得完全無問題，問題係我best

#NSS愛情 [RC] 其實啲人話男校多gay，我完全唔覺囉。 見到啲人個個都出pool，我都好想出，但係唔夠膽用app。點好？

#NSS家庭 [Guest ] 我想喺呢度訴下苦。 我嘅父母不嬲都有情緒病， 啊媽長期發作焦慮同好易發脾氣；而啊爸有鬱燥症，不過甚少發作，平時都好溫柔。啊媽每日無端端發脾氣鬧人，日日喺屋企怨自己冇錢，加上平時語都幾差，搞到我嘅心情都唔係咁好，我唯一只可以同啊爸傾。有咗疫情，佢地唔係好注重衛生，我會提佢地返屋企要洗手、換衫，我冇惡過。就係咁，提得多，令啊爸緊張，佢啲病又復發。試過好多次，我一講嘢，佢就鬧爆我，仲問我係咪想整死佢，啊媽又鬧埋一份，我次次都開始眼濕濕，又唔敢喊。我已經唔敢喺屋企開口，提更加唔敢，長期都好有罪惡感，一諗起就個心好難受，我又唔想同朋友講，每日都唔想留喺屋企，心很累。我係咪都癡左線，定係我太玻璃心？ 喺度放負，打攪晒😞 Sor for 1999

#NSS學業 [SXCC] [純發洩]小妹今年F3。今年我哋學校已經越嚟越痴線，本身仲可以容忍到，但而家係關乎全級利益嘅問題，所以想上嚟secerts投稿。 講一講背景先，我哋有兩班精英班，其餘四班係普通班。成績差距都幾大，特別係bio，精英班average有成75/100左右，但非精英班就冇合格過。 事緣就係距離考試只不過剩返兩個星期，大部份科起碼有三成書係未教晒， 例如係數學仲有整整兩課未教過（已經係教得最快嗰班），亦都有幾科已經話要考試之前狂補課。學校而家先比syllabus 仲有考試時間表我哋，比著係平時嘅話通常一個月前已經會比syllabus 加timetable，書亦都會係一兩個星期之前教曬。因為通常term尾啲野係比較難而且有啲科係要考返哂成年嘅野，再加上書仲有好多野先教完，大多數人包括精英班嘅都喊晒口話完全handle 唔到，大部分同學都未開始溫書。 其實未考之前都已經估到，因為mid

#NSS愛情 [Kn] 好唔容易揮別過去。 呢段時間我一直避免同女性交流，即使係有好感嘅亦會盡量保持距離。 因為我唔想顯得輕浮花心，於是對面前嘅關係視而不見。 其實我應該一早就知道，只係唔想喺未ready好嘅時候隨便辜負人哋嘅心意。 到我正式搞掂以前啲嘢就已經過咗兩年。 一直都冇乜事，但最近唔知點解無啦啦諗起佢。 但明明我之前對佢冇咁深嘅感受。 係因為寂寞，定係因為以前啲嘢已經放低曬呢?

#NSS學校 [Guest] 標題：我補習係我嘅事，點解要因為咁而杯我 是咁的，我係2022DSE考生，因為就嚟考DSE，所以開始認真讀書溫書咁，少咗好多同fd出街，亦都知考試skill日校比倒我嘅好有限，所以而家一個月出去補習嘅洗費過二千，成績自自然然升到頭幾名。 我係個好低調嘅人，平時就算考試測驗高分都係自己知父母知就算，但前排有次比老師攞咗篇中文作文出嚟做範例，落咗堂小息嘅時候竟然就比人話我串，話我愈嚟愈囂張，有幾個知我補習嘅人話「一睇就知篇文係跟啲名師抄出嚟架啦，都唔係靠實力」，然後而家成日放學，都會有人調侃我：「喂 補習遲到喇」「喂 夠鐘交新一期學費喇」然後成班哈哈哈咁笑我。 明明我咩都冇做過，但因為去補習/成績變好咗比人笑我nerd，笑我用錢（補習）換成績，同我講「比著係我咁樣洗錢法，用左手做卷都贏你啦……」，又話我浪費晒父母啲錢。我想講我都知父母搵錢辛苦，所以有一半補習費都係我翻part time比嘅，而且我唔係淨係付出咗錢，我付出更多嘅係時間，對住書同翻pt嘅時間。 咁樣比人杯我真係覺得好冤枉，我而家好似眾矢之的咁，連本身個圈子都唔再搵我，自己開咗個冇我嘅Signal

#NSS個人 [GUEST] 想請教下大家一d問題🙇🏻‍♀️ 是咁的，小妹成日會無端端幻想有意外發生， 就係無端端咁諗到😂 所以其實呢d情況係正常定唔正常？🥵

#NSS學業 [Guests ] 想問下大家溫書係温完一科先一科，定係每科温少少

#NSS學校 [GUEST] 2021DSER 啱啱考完dse想幫人補下習搵下錢 自問自己都係理科勁啲，phychembioM2都幾好(應該都5*或以上) 雖然自己讀得好，但係好驚教唔好高中生，累人累物 自己又邊緣，無乜熟嘅低form試下 但係如果唔補高中，phychembioM2邊有初中生讀 同埋，我上網睇人地嗰啲補習都要求提供筆記練習 我自己又無乜