#NSS學校 [GUEST] 小妹就讀東區某間中學，成績唔係太好，但基本知識都知嘅。入番正題，咁我本身數學比較差，但大家如果唔識嘅話都會去問番數學老師㗎嘛？但我班嗰位數學老師有啲唔正常。第一，佢會偏心啲成績比較好嘅人。可能你會話其實老師偏心好正常啫？但佢唔單止偏心，仲要罵番成績差嘅人。罵唔係問題，重點係成日話我哋係垃圾中嘅垃圾，失敗中嘅失敗，仲有話你個腦咩構造，跟住基本我就會sad咗。第二，勁鐘意留人堂。都係嗰句，老師留堂冇問題，但我老師好特別。留人堂永遠冇原因，想留就留，棟喺教員室幾粒鐘，你問最後學識啲咩？笑咗！因為佢留堂都唔會去教人，反而喺自己位食麥當勞。第三，拖堂然後卸膊落學生度。拖堂每天都有千萬種原因，其實想拖咪拖囉，老師拖堂天經地義，真係冇問題㗎！但都唔好用學生成為你拖堂嘅擋箭牌啦！有時因為你嘅拖堂理由卸落我身上，真係好尷尬。最後，對唔住各位，我文法就算自己睇落去都好差，辛苦曬🙏🏻

#NSS學校 [Guest] 我發現我哋嗰三個訓導主任簡直係智障。明明我哋隔離班嗰個同學做prefect得幾好但又唔畀佢做head喎。嗰Head係我嗰班，對內就炫威揚武，甚至乎鬧老師，一啲禮貌都冇；對外又逼害隔離班嘅人，尤其係隔離班嗰個同學，逼走完之後入返嚟再逼走過。點解訓導主任唔揀佢？人人都認為佢係真正有能力嘅人，最起碼服眾先啦，唔會搞到我哋嗰個都有意見啦。

#NSS學校 [GUEST] 我唔知可以點樣攞返個真心出嚟 今次係我第一次投稿，如果有錯字同講到1999，係呢到講聲Sorry先！🙇🏻‍♀️ 我係06但係讀緊中二，即係比其他人遲左啲讀。我入左一間我好鍾意嘅中學，但係冇小學啲人同我一齊入嚟，我嗰陣就覺得唔緊要嘅，都好期待可以識新同學。 但係唔知係咪我自己年齡問題（但係都係只差一年）或者咩心理問題（我小學啲best frd全部都係06，所以係心入邊應該留低左一個感覺就係我爭係可以同06嘅做到frd）我發現我好難同全班同學傾得埋，不過唔鍾意冇frd嗰個感覺（？所以開始改變自己迎接佢地，啲關係好左好多，我亦都變左受歡迎嘅人。 其中一個問題嚟啦，班入邊其他女仔分左兩三批。做project或者分組嘅時候，佢地都會嚟搵我組隊，我冇乜所謂，所以通常邊個問先我就會應承邊個。但係其他嗰幾個朋友就會好唔開心，有陣時就會鬧埋我，點解我唔揀佢地？係咪frd嚟？咁其實我好難做同埋有啲委屈，無啦啦俾人鬧，但係唔想冇左frd，所以都會用盡辦法和好，跟住下次佢地就會冇嘢咁繼續傾計。（但係我會心好攰） 咁睇到呢到，可能有人會睇得出，我好似咩都就曬人，冇咩原則咁（其實係有😂🌝）。第二個問題就係，佢地會冇意中hurt我，但佢地唔知道。即係可能我俾左啲意見，如果有一個人覺得唔同意，就會鬧我🥲其他人就都會附和話：「咪就係lor，白婆…你係咪傻㗎，你都on on地9。」佢地係唔會發現自己講嘢好難聽。又有陣時會唔尊重我，佢地好鍾意搞我啲嘢同埋冇啦啦打我屎忽…（諗返起有一個人今日成個巴掌打過嚟，痛到我CS，佢係慣性打我，但係今次轉左位，打我塊面，又冇控制好力度，之後佢有say返Sorry）但我同佢地表達左我唔想你地咁，佢地都會繼續無視…覺得係玩下，冇理由我會真係嬲。

#NSS其他 [GUEST] 唔該po IG pls 可能講嘢一舊舊🙏🏼 主要內容 朋友唔喺香港買咩禮物畀佢好 – 係咁嘅,

#NSS學校 [PLKLFC] 想紅你講呀嘛 你唔講冇人知架喎 圖Link: https://imgur.com/a/w6TiclZ

#NSS家庭 [Guest] 最近知道咗老豆偷食過勁多次，仲要有叫過雞，而家勁唔想同佢喺同一個空間。見到佢，又或者係喺我附近，我真係好想嘔。 話說就喺前幾日，我阿媽無啦啦話要同我講個秘密，我以為佢同平時一樣講下啲無聊嘢，點知佢係同我講我老豆喺大陸有女人，我嗰下聽到，我完全唔知比咩反應好，我嗰個會鬧人偷食嘅老豆自己有偷食？？？ 聽到嗰下我雖然係冇咩感覺，因為我係真係勁震驚，所以先之後越諗越嬲，點解佢有偷食，都仲可以對我阿媽完全冇歉意(佢仲要覺得自己份人唔錯)。我老豆直情當我阿媽係工人，又成日心情唔好就攞我同我阿媽出氣，我阿哥打返嚟佢又鬧阿哥，阿哥唔打返嚟佢又話阿哥好唔打返嚟(我阿哥喺外國讀緊書)，簡單啲嚟講就係成家人都係畀佢攞嚟出氣。 講返正題，我阿豆仲要原來係同我阿媽拍拖嗰陣已經有偷食，到結咗婚之後就已經換左幾個女人。其實我阿媽喺拍拖嗰陣已經知佢偷食，但係有咗我阿哥，就同我老豆結婚。因為係有咗先結婚，而導致到我阿哥咗細細個就成日比我老豆打，事後就淨係掉低阿哥比我阿媽，再叫我阿媽同我阿哥搽藥膏(我阿哥比佢打到有疤)，咁就搞到我阿哥勁憎我老豆，所以我阿媽係冇將呢件事話畀我阿哥聽(呢件事得我一個知)，驚我阿哥會打老豆(佢哋之前已經試過差啲打交)。 知道左呢件事其實我係勁心痛我阿媽，我覺得我老豆咁樣好對我阿媽唔住，其實我阿媽係可以直接掉低我同我阿哥自己走咗去都得，但係阿媽並冇咁做，佢為咗我哋可以喺完整家庭成長，一直都忍住我老豆，喺所有人面前都好似咩事都冇。 本身我都已經唔鍾意我老豆，基本上我完全喺佢身上感受唔到父愛(好彩我啲舅父都對我同阿哥好好，由其是係我個細舅父，完全當我哋係佢嘅仔女)，搞到而家我係開始好討厭我老豆，我唔想見到佢，同佢有接觸，講嘢，同埋喺同一個空間，我見到佢就好想嘔，我覺得佢好污糟。

#NSS個人 [guest] 小妹今年f5，感覺自己性格越黎越差，點算好？ 係咁嘅，小妹以前脾氣超好，完全唔識嬲，所以都算受人歡迎。老師同學、親戚朋友都成日讚我，捧到我好高，我諗可能就係咁搞到我越黎越自大。 升咗高form之後，讀書壓力大咗，打機搞到脾氣都大咗。可能俾人讚慣，我咩事都要求自己做到最好。雖然做唔到班入面最top嗰批，但一定要做我班frd入面最top嗰個。直到有一次我有個frd喺我面前炫耀自己有幾叻，我先發現其實幾黑人憎，所以逼自己低調，到而家已經收斂咗好多。問題黎啦，雖然我唔會特登去炫耀啲咩，但一旦有人串我或者睇低我，我就會忍唔住嬲，其實咁樣係咪有啲公主病？我好憎咁樣嘅自己，心情好易俾人影響，EQ都低咗好多，應該點樣改善(｡ ́︿ ̀｡)

#NSS愛情 [Guest] 鍾意咗一個有男朋友既女仔 係咪真係要放棄

#NSS個人 [guest] 大家覺唔覺得一個人一邊插住耳機聽歌一邊同你傾計好無禮貌？最近啲friend買咗airpod就成日插住隻耳，我講嘢已經算大聲，佢哋聽唔到我講嘢，係叫我行去佢哋無airpod嗰邊隻耳，而唔係除低佢。可能係我屋企家教比較嚴，食飯拎起電話傾project都鬧，所以睇到呢啲就會覺得好無禮貌，好唔尊重我，好想鬧爆佢哋。其實真係好想同佢哋講，但係又怕佢哋嬲…其實最想知嘅係我太執著定佢哋真係無禮貌？同埋大家有冇同感🙁 有冇人可以話比我聽可以點做🥴

#NSS其他 [Guest] 急問，我對返學波鞋半年冇着過，啱啱鞋櫃攞出嚟見到發咗霉，點算好？因為仲啱着，所以唔想再買多對。

#NSS個人 [屯門某校] 小妹真係好驚 每次聽到佢講心跳都會加快 腦好似爆咗 透唔到氣 話說小妹今年新識咗個同級女仔 我地好多方面都同對方好似 我地最近開始講啲鹹濕嘅話題 佢同我講：

#NSS個人 [lst] 01年，我細個個陣，仲係算係有沙藤嘅年代。好細個個陣老豆就對我好差。以下全部都係童年嘅事： 1.例如我小學10歲左右，親戚同我溫書個陣，我有時都會溫到發脾氣，佢試過係房衝出黎一嘢踢落我度同用三支沙藤fit落我度再撕爛我本書。 2.佢叫我攞電話比佢，但我搵唔到，佢丟曬我啲嘢出街。 3.無啦啦食食下飯話要打我，我笑笑口話：hiu～。然後佢就攞住沙藤追住我黎打。 4.小學三年級數學考到七十幾分，佢覺得好低，80都冇，所以超大聲鬧我，打我。然後到下次又係七十幾分個陣，我比阿媽逼我同佢講，我喊曬口好驚咁講個陣，佢先至係啤住我然後冇講嘢 5.我唔鍾意彈琴，佢就係我後面攞住沙藤逼我彈，我一唔彈或者彈極都唔好就會打我。 （我係分隔線） *每次用藤條打都係*發發*聲，每次打完都會腫幾日*

#NSS愛情 [guest ] 咁小弟今年F.2，幾個月前，見到一個同學嘅IG Fol 咗之後，就傾咗一陣，發現我哋有好多嘢都好夾，同時都有少少好感。而家返實體，我見到我個friend 成日同佢傾偈，咁我問佢「你係咪鍾意我個friend 」佢話唔係，但係我feel 到我個friend 對佢有意思。

#NSS個人 [Guest] 點解我個friend咁鐘意借錢唔還…來來去去已經借過俾佢幾十次啦：）佢次次唔係話唔記得帶就係淨係還返我一半嘅錢，跟住剩低嗰半就係咁拖 最尾扮晒乜都唔記得🎃超煩囉 唔明點解我借人錢就實係第二日即刻還俾人，點解世界上會有咁樣嘅人🥱

#NSS其他 [北區某中學] 希望可以睇完全文再黎評論🙏 長文，介意勿入 是咁的，小妹係前幾日投稿問 ‘男仔係唔係見一個愛一個‘ 既投稿人。我都好認真咁睇返d comment，咁係呢到我覺得有必要解釋一下。 1.標題寫既 ‘男仔係唔係見一個

#NSS學業 [Guest] 我屋企人有bno,想過去英國讀書,但係屋企又唔係幾多錢,走唔走好？同埋應該點樣plan or應該點樣做😶‍🌫️

#NSS學業 [Guest] 我屋企人有bno,想過去英國讀書,但係屋企又唔係幾多錢,走唔走好？同埋應該點樣plan or應該點樣做😶‍🌫️

#NSS社會 [guest] 純發洩,屌細力啲🙇🏻‍♀️。 是咁的,小妹上星期就整親腰+腳,就行路要慢少少,每行一步都好痛,同埋坐低起身要搵野扶住先得。 整親之後一日,放學後突然好肚痛,就去咗公園嘅公廁la,我同男朋友一齊,佢就擔心我自己去有可能會踩到水後跣低,或者會起唔返身,所以就陪我去殘廁la,入咗去2分鐘後,突然有個大媽拍門話：「咁耐ga！得未呀！老人家要去廁所！」咁我就答佢：「唔好意思呀！我好肚痛,要多一陣,附近有另一個殘廁,你好急嘅話可以去嗰度。」之後過咗40秒左右佢又拍門講：「好心你後生女就去返普通廁所,唔好霸住個殘廁啦！」之後我就嬲嬲地心諗：你唔知人哋咩情況就唔好亂鬧人,我都唔想去殘廁ga,但我有需要……我就話：「去廁所就係要等,唔係老人家就唔使等㗎！」之後佢更加惡咁講：「你好快啲出嚟,唔係嘅話我報警㗎」咁我唔想煩就同佢講ok之後就走,出到去佢就話：「你哋一男一女喺個殘廁度做咩？咁樣係犯法！知唔知殘廁唔係畀你哋咁用？你哋住喺邊？我要同你哋屋企人講。同埋我會通知你哋學校。」點解啲廢老可以咁樣🌝🌝 最後我冇理佢就走咗,嗰下好嬲行得好大力,結果搞到而家傷勢更加嚴重😢我去廁所都未去完就走咗,之後仲要特登行多段路去商場廁所。而家見到殘廁唔單止唔敢去,見到就已經好驚(個大媽真心恐怖🤧) 同朋友講開發現身邊有2,3個朋友都有類似經歷😅其中一個好誇張,佢當時隻腳包住石膏,朋友陪佢一齊,點知一開門口就畀個阿嬸話佢喺廁所玩霸住個廁所,問佢點解攞住拐杖行到都唔去返普通廁所😬,我就諗點解而家社會上會有啲咁嘅人😅

#NSS社會 [Guest] 發現喺香港好難實現自己嘅夢想。

#NSS學業 [Guest] 小妹今年中三🙏🏻但係對於選科好迷惘🥲 希望咁多位師兄師姐可以俾啲意見🙏🏻 純粹諗到啲咩就講啲咩 文筆可能唔太好或者流暢🙏🏻 我一開始中三就已經想揀chem and bio 因為好多人都話出路好