#NSS個人 [GUEST] 長長地嘅文 慎入 soz for 1999 近幾年開始，我就成日為左啲不必要嘅嘢喺度緊張同焦慮，例如不停check有冇帶齊嘢，功課有冇做漏，check成幾十次。 仲會自言自語同自己講嘢好似「帶齊架啦」「做完架啦」「唔好再諗啦」呢d好廢嘅說話，每日都咁樣，唔講幾十次就唔舒服會好擔心。同埋仲會無時無刻都好驚每個星期要上嘅某啲堂，可能星期一上左嗰堂我上完嘅嗰一日就開始擔心下星期一點算，驚老師點我名要我講嘢，驚自己表現差，就算上完之後好幾日都會無限loop諗返起自己講左咩。 呢啲我知道係完全過左火好唔正常，明明清楚呢d嘢係完全唔重要但都控制唔到一直諗，見到其他人個個都好似唔太care咁真係好羨慕。比呢d念頭一直困擾左幾年好辛苦，每日每晚都為左d小事不停煩惱擔心瞓唔着，究竟有冇方法可以令我放鬆d，google過但又好似冇咩人分享過類似嘅煩惱，而家有陣時會失眠，真心我都覺得好辛苦，好想擺脫

#NSS個人 [Guest] 大家好，小妹有啲煩惱想請教一下大家😥 小妹懷疑自己有妄想症，上網測試過都係咁講😓 每一次老母老豆一返到屋企，面色差咗少少，我就覺得係我錯，驚咗一日，明明根本咩都冇發生過。 呢樣野已經影響到我嘅生活，我做咩都好唔自在，飲水都覺得有人落藥(因為有啲家庭問題)。 我覺得我亦都有其他問題，但係我唔敢同屋企人講，因為我覺得錯嗰個都係我，就算我同老豆老母講，佢哋都覺得我係講笑。 同社工講就更加難，我喺學校係一個好似生活得好快樂嘅學生，完全開唔到口🥲 我好想睇吓醫生，但係如果真係咩事都冇又會俾人鬧，有事嘅話我喺其他親戚眼中就係一個精神病。 唔知點解我覺得我好唔了解自己，我覺得我好賤格，唔應該得到人哋關心，又成日亂諗嘢，搞到自己生活唔同晒。

#NSS學校 [可立小學] admin可唔可以po我嗰個！可立小學嗰個

#NSS愛情 [沙田某band 1中學] plz po ig plz 🙇🏻‍♀️🙇🏻‍♀️,長文慎入🙇🏻‍♀️ 我係1個f1女仔,份人有D怕醜內向,但熟咗就會好癲。升咗中學之後開始打排球,隊裏面有個f2嘅師姐,份人好 nice,成日都會同我係wts

#NSS個人 [CC（請不要公開）] Hello!! 我係一個來自港島區某間中學嘅F1學生，今次係我第一次投稿，講啲嘢可能有啲唔清楚，希望各位唔好屌太大力🥲 sorry for 1999🙏🏿🙏🏿 依家我讀緊嘅呢間藍到癡線又多新香港人嘅學校就係我阿媽填嘅，但我由幾年前一早已經有間學校我好想讀，以下會簡稱間學校為K學校，我想入K學校嘅事阿媽一早就知，但唔明點解當初佢唔搵我商量就一意孤行咁揀咗其他學校。 好喇問題嚟啦！我打算去K學校面試做F2嘅學生，咁都知道要寄申請表+成績表先可以去面試(已經凖備好但未寄)，呢件事屋企人都知，除咗我阿媽之外，屋企人都好支持我去面試，而我阿媽就唔係好同意啦。 想問下大家意見，我到底應唔應該去K學校面試，如果真係要去，需要帶啲咩去面試，因為上年武肺嘅關係，少咗個面試嘅機會，好多嘢都唔知頭唔知路，所以都係想試下投稿問大家意見同諗法。

#NSS學校 [沙田某Band one中學] 小弟非常不滿某主科老師 上堂唔教書同人吹水 跟住又話我哋唔專心上堂搞到教得慢 人哋隔離班可以足足快我哋1個chapter 一見到其他老師空堂就即刻霸人哋啲堂 但係霸完又係吹水 同冇上冇分別

#NSS愛情 [［某港島區男校］] 先感謝admin po ig🙌🏻 大家好～ 小弟想知道我應唔應該同點告白。 咁呢小弟今年F.2，係mb OwO, 性格普通(？)身高167cm(涙崩)

#NSS學業 [Guest] 小妹今年Form3，學校低form好多高中嘅選修科都冇得試讀🙇🏽‍♀️ 暫時諗好咗會揀Chem同Bio，但最後一科唔知揀Bafs定Econ好，因為兩科都冇試讀過 因為數底唔太好，同埋對phy冇咩興趣，所以冇phy chem bio咁揀 想問下大家會覺得bafs好啲定econ好啲？同埋佢地大概讀啲咩？希望可以比啲意見我🙏🏽 唔該晒admin同大家❤️

#NSS個人 [GUEST] 小妹今年中二，我本身中一個陣都仲好活潑，好開心，但去到中二開始就唔知點解變得唔鍾意講嘢，一見到人就好緊張，唞唔到氣嗰種，而且成日情緒都好低落，所有的狀態都不如以前。我真係唔想咁樣落去，但會過神來，我已經變得唔識同人溝通，感覺每一個人都喺度講我壞話，我真係好驚，唔知點算，日日都精神緊繃，好大壓力，大家可唔可以比啲建議我？ Sorry for1999

#NSS學業 [GUEST] Admin post ig thxxx🥸 Sorry for 1999🙇🏾‍♂️🙇🏾‍♂️ （sor🥲我知而家有好多揀科post…）

#NSS其他 [Guest] 大家覺得咩國家嘅女仔最正？歡迎排序。 1. 香港 2. 中國 3. 日本 4.

#NSS愛情 [Guest] 拍拖冇感覺真係唔緊要? 小妹第一次投稿，有少少長，希望大家唔好介意。 最近啱啱拍咗拖，一齊咗五日我已經想分手.. 同我一齊嘅嗰個男仔(簡稱B)係我同班同學，本身我哋兩個都唔算熟，有少少似陌生人咁。喺上個月，我同朋友(簡稱A)一齊傾電話，嗰陣我口快快話想pool，冇諗住真係出。A知道咗之後冇幾耐就同佢男朋友一齊ship我同B一齊，本來我哋兩個對大家都冇感覺，點知前幾日B突然之間同A講話鍾意我，B仲要講到全級都知。我自己本身就唔太介意，因為已經有鍾意嘅人(A同B都知)。喺嗰個禮拜有好多人知道咗B鍾意我之後都叫我同佢一齊，就算係試吓都好，不過我都係同佢哋講愛情冇得勉強，諗住拒絕B。 每次B想表白嘅時候，我都會特登行開。我知道自己根本都唔鍾意佢，同佢一齊都會係分手收場。喺佢表白嗰日，我放小息俾朋友拉咗過去，咩都唔知嘅我行到過去見到有好多人，然後B就喺中間望住我等我過去。過到去之後，我先發現佢原來係想表白。喺比咁多人圍住嘅情況底下，佢同我表白我就接受咗。我諗住自己可能一齊咗之後都有機會心動嘅，話唔定會鍾意佢呢。我知道B其實對我好好，我同佢一齊之後佢有陣時都會同我講嘢。雖然返到學校我哋好少互動，佢唔鍾意主動、亦都唔會講啲咩花言巧語氹我開心，但係佢會喺行動方面保護我。一齊之後我都冇過嫌棄佢，即使佢唔係我嘅理想型。有一個愛我嘅人喺我身邊我都好開心，但係好可惜佢始終都取代唔到我鍾意嘅人嘅地位，我同B講100句嘢都唔夠我同我鍾意嘅人講一句嘢開心。我根本都唔值得配擁有B對我嘅愛，我覺得我自己好似利用佢咁，每一次佢同我講我愛你，我都會覺得自己好似呃緊佢咁，根本同比綠帽佢大冇分別。 我應該點做好？繼續同佢一齊定係離開佢同我真正鍾意嘅人一齊？Sorry for 1999，希望大家可以俾啲意見我。

#NSS學校 [GUSET] 咁樣算唔算作弊?是咁的,小妹最近學校測驗嘅時候因為唔記得隻字點串所以就喺個答案位度寫咗好多次之後又塗咗好多次,咁所以塗到勁厚,咁我唔想搞到再厚啲,但係我又未諗到,又唔想寫到份卷花哂,跟住我就痴痴地線咁寫咗喺隻手度拼下點串,但係我最後寫咗幾隻英文字喺隻手度就放棄咗亂寫上份卷到 事後個監考老師就話我作弊,跟住鬧咗我一大餐。由於我一緊張就習慣揉隻手,但係個老師就叫唔好俾再揉,話點揉都揉唔走啲字,但係我真係冇諗住整走佢之不過係我習慣嚟。最後決定俾個缺點我同埋講俾個改卷老師聽就算 由細到大老師都教我唔可以攞啲書/notes出嚟抄,同埋唔可以睇人哋份卷,但係從來都冇人話過唔可以考試中途喺隻手度寫嘢,咁其實我都知我衰架啦,但係我又唔係考試之前寫哂啲嘢喺隻手度抄 咁我之後返到屋企就不停上網search作弊嘅定義同行為,但係我揾極都搵唔到有話考試途中寫字喺隻手度係唔得,全部都淨係話唔可以抄人/攞嘢出嚟抄,同埋全部都係話用唔正當獲得利益先係作弊 所以希望大家可以話俾我聽咁樣算唔算係作弊🙏🏻🙏🏻🙏🏻

#NSS其他 [Guest ] 之前見到Sercet有人講佢阿媽係腐女 開頭以為吹 點知呢件事都發生係我身上 不嬲都知我阿媽有睇漫畫 平時佢睇漫畫我睇佢睇乜 佢都會避開我 可能係嗰啲18＋漫畫所以唔比

#NSS個人 [XTLQ] 請問有冇人玩 星途戀曲 呢個game？想搵人陪我玩🙆🏻‍♀️

#NSS社會 [香港人瞓醒未] Hi大家好阿 今次係我第一次投稿 話說呢小弟就做咗香港通緝犯 1118嗰幾個潛逃海外嘅我就係其中一個 我呢就俾人加控妨礙司法公正 但係我呢就見到有人係新聞下面留言話佢亂告 反正唔會有事驚乜嘢 我想問吓你哋呢啲所謂嘅香港人

#NSS個人 [GUEST] 小妹唔知係咪鐘意咗個男仔 成日都好掛住佢，乜嘢都想同佢分享（好驚佢會覺得我煩）放學行慢啲都係想睇多佢幾眼。 其實一開始見到佢嗰陣時（講座坐我隔離）都比較留意佢（嗰陣時冇見到佢個樣，後尾先發現係佢） 但我唔係好信一見鍾情.. 同佢係social media 傾偈搞到我好心動but 係現實生活中都唔夠膽去同佢講嘢

#NSS個人 [Guest] 小弟14 around3年前知道自己係gay 自己身邊冇一位Frd 係openly gay, 所以小弟真係唔敢自爆 但係 又真係忍受唔到要Keep

#NSS個人 [Guest] 我用iphone,我係密碼與保安到delete左幾個不明app,今日突然間佢自己下載咗個app,我事前冇預訂，係咪比人hack左 求IT達人解答

#NSS學業 [GUEST] 小女今年F.2，喺學業方面上，除咗英文，其他科都唔差，有7,8成分數，但英文就一直係比合格高2,3分，最近排埋UT成績，肥咗，差6分先合格，我無論reading comprehension 或者 grammar 都好唔掂，所以諗著趁呢段時間搞一搞下啲英文，但又唔知點入手，想喺到攞啲意見，我應該點搞好啲英文同點練習？希望大家可以比啲意見同分享下溫英文嘅方法🙇🏻‍♀️🙇🏻‍♀️🙇🏻‍♀️真心想搞好英文 Sor for 1999