#NSS家庭 [GUEST=]] 你冇養過我 點解要我養返你？ . （篇嘢有啲長） 事原係今日下午，我阿爺問我點樣wechat視訊通話同老竇傾計，咁我就撳俾佢la。 一開始呢，我老豆正常同爺爺講下啲乜屋企人八卦之類嘅啦，之後呢，我阿爺又叫我同老竇傾下計 爺爺：你唔使同你老豆傾下計嘅咩？ 咁我咪過去囉。

#NSS學校 [觀塘垃圾學校] 教畜 係泳池池附近 唸起教畜就係嬲 我記得中一讀science英文交，之後阿sir英文有口音，聽唔清，我小息問多次佢啱啱果條題目解答方法，佢話我係唔係痴線？ 😰 之後測驗同考試唔洗講，超級差，40/100。之後仲係同學面前鬧我垃圾，話我理解能力有問題？ 之後中二因為成績差去其他班，miss教，又有耐性，又溫柔。之後我打翻好個基礎，science 合格番，中三開始頭幾名。

#NSS其他 [Guest] (我嘅文筆比較差，希望大家見諒）小妹今年F3,有個識咗好耐嘅friend（下面叫佢做A ）。咁F1嗰陣無乜friend，就經常同A傾電話，傾耐咗之後唔知點解又同佢啲同學一齊傾，咁我當識多個friend冇乜問題…… 但係傾傾吓計之後發現佢哋五個成日傾有關佢哋學校嘅嘢、因為唔係同一間學校所以冇乜嘢共同話題，佢哋溫書嘅嘢同我唔同，又冇乜嘢共同話題（我feel到自己好似被bully咁）但係我知道佢哋係無意嘅！ 到F2嘅時候我開始有自己嘅friend(玩得好埋嗰隻）咁之後A嘅同學就話我唔理佢哋！然之後就越嚟疏就冇乜點玩過、傾過計，但係我依然覺得A係我嘅好朋友、我唔太想同佢散！但係冇同佢班friend玩之後佢都冇乜點搵我（經常係我搵佢佢先搵我），我最後一次見佢已經係幾個月之前。我唔知點樣再同A溝通，因為就算一齊傾偈都feel到有少少僵，好似有咗隔膜咁！（希望大家可以俾啲建議我）

#NSS個人 [補習社] 希望畀admin抽中🙏🙏🙏 大家好,小妹今年F2,接下來我會分享一下我起我上一間補習社嘅經歷 . 講下背景先~ 我小學六年級嗰陣因為頹咗成個月,所以嗰陣阿媽就幫我搵咗間屋企樓下嘅補習社。初嚟報到,嗰度啲補習老師都好好人,畀人感覺就好似你屋企人咁樣,時間耐咗,我漸漸都同啲人熟咗,就係咁就,我喺補習社識咗個朋友(接下來我稱呢位朋友做A),眾所周知,友情會隨著時間嘅前進漸漸更多人加入,呢度都唔例外,因為新嚟補習社嘅女仔都有追星,咁啱A都一樣有追星,所以我同A講嘢嘅機會都少咗 . 講下點解我要離開呢間補習社😉 因為今次嘅特別假期,所以我阿媽決定唔畀我再去嗰間補習社,一開始放呢個特別假期嘅時候,A佢都有叫我入Zoom(嗰陣時補習社冇開,所以轉咗做網上),但因為我冇交學費所以就唔入😗,跟住個補習老師同A講咗我今個月唔嚟,跟住到依家A就冇再同我聯絡loo🤷,但係以前返實體嗰陣我唔去補習社A就係咁問我原因,A唔去補習社嘅時候我問你原因就嫌我煩,當然啦,其實我自己本人都唔想再去

#NSS個人 [band3A學校] 話説小妹想轉校去莫慶堯，因為我宜家嗰間學校其實校風唔係咁好而且d人好mk，所以就想轉校去莫慶堯，但係唔知難唔難入(btw我成績唔好)，所以就想問下大家意見

#NSS個人 [GUEST] 小妹因為有興趣同埋覺得自己chem bio 唔錯，所以想讀醫，但係我爸爸成日想我讀商科然後返佢公司做嘢，佢就可以退休咁(畢竟都係佢一生嘅心血)。佢話讀醫好辛苦+ 要成日OT,話我去佢公司肯定賺得多過醫生，而且輕鬆好多…同埋因為疫情佢可能覺得醫生呢個職業會好高危…我諗諗吓覺得好似都幾有道理，佢話唔會逼我，我真係唔識揀 TT

#NSS社會 [HongKong] 回覆#NSS220509A 本人作為堅決既繁體字用者，我認為自己有義務出黎講幾句。 在中國內戰結束之後，中國當局發現國內文盲率達80%，而開始掃盲，”簡體字”誕生理念確實為減少中國國內的文盲率，但係實則掃盲並非因為”簡體字”既推出，而係因為中國政府既加強教育。 閣下首先需要知道一條簡單既道理，要令人民識字，唔係要研發新既文字，而係加強教育。 以數字為例，羅馬數字同阿拉伯數字，若你冇受過教育，不論兩者寫法既簡單程度，你都係唔會明白數字既意思。 閣下正文提出咗一共兩個論點： 一，點解我地唔淘汰及嘲笑點字 二，點解唔可以係香港寫”簡體字”，但係若一個外地人黎香港寫外語又不反對。

#NSS家庭 [GUEST] 我媽咪係咪有啲唔正常..? (2) 越嚟越嚴重啦,我決定過幾日去搵社工。 我媽咪已經冇一次正常了,佢已經唔認我婆係媽咪了。 5月8日:我媽問我婆借錢(要交保險)。之後我阿婆唔借,我媽咪就開始鬧我阿婆了。之後我阿婆買咗好多零食,我媽又話做乜買呢啲?我哋都唔食呢啲! 搞到我都唔敢食。 5月9日:今日,我媽咪一起身就整爛哂啲零食,之後扔哂佢。佢扔咗勁多食得嘅菜,係人都會心痛吧?(唔心痛嗰啲我唔理la)。之後今晚返到嚟,我阿婆話佢中咗(❌📥)。之後冇打第3針唔返得工,要9月先打得。我婆話申請綜援,我媽又話痴線,真係唔知點算。我婆見到啲零食冇哂,之後我媽係咁講我食哂喎。我媽鬧我婆嗰時嗰個樣,我真係好驚,因為真係好惡。 除咗搵社工之外,我仲可以做乜嘢?🙇🏻‍♀️

[Guest] Title:《論移民》 小妹最近心血來潮想share 下自己嘅睇法同埋尋意見💁🏻‍♀️。呢幾年都好多人移民（特別係學生），我有d frd都唔例外。每次有人移民唔知點解好羨慕佢哋😵‍💫可能係喺香港讀書比較chur+壓力大（？） 入正題，我本身都有諗吓將來應唔應該出國讀書，甚少都同屋企人提起我想去邊度邊度讀書，想移民，不過佢哋每次拒絕咗，叫我大個啲先。如果你哋問我點解想移民： 1.而家香港俾我嘅感覺係算好糟蹋，特別係疫情呢段期間… 2.覺得讀書上面好chur,壓力大 3.覺得係外國讀書進修有機會有好將來（比起喺香港讀大學） 4.香港越嚟越大陸化…

#NSS個人 [Guest] 大家好，小弟f4, 阿爸阿媽諗住喺我中學畢業前送我去外國讀書，但係我其實唔係幾想。 我而家讀緊chem phy bafs m2, 呢四科都係我鍾意嘅科，日日都有得上呢啲堂真係好開心，我想完完整整考埋個dse 我學校啲老師大部分都好好人，肯花時間教啲成績唔好嘅同學，尤其係中文老師可以將我呢個之前次次都唔合格嘅蠢材，教到去6字頭。其他老師都付出好多，令到我哋全班啲成績都好好。

#NSS愛情 [GUEST] 讀女校應該點識異性:( Hello!! 小妹今年15，我覺得喺中學拍拖或者暗戀人係一件好青春好浪漫嘅事🥹無論長唔長久都好，我覺得喺中學生涯就係要有呢啲回憶，(只係我個人諗法！) 但問題嚟啦，小六揀學校嘅時候，媽咪幫我揀咗而家呢間，話安全啲喎，跟住又真係收咗我喎。🥲 我運動唔叻，就算有啲聯校比賽，我都冇得去。我又入唔到choir，補習嗰度又冇男仔喺我嗰個時段，所以我呢三年係勁少同男仔有接觸:( 今個投稿係想問下各位有冇啲咩辦法識到異性？自從p6同一個男仔表白完就冇試過有呢啲經歷。我好大機會喺f4-5移民，所以都好想趁仲喺香港讀緊中學嘅時候感受一下。🥹 唔該admins～ sorry

#NSS其他 [Guest] 大家點樣用電腦係圖書館/自修室connect公共Wi-Fi? 公共圖書館/自修室都有公共Wi-Fi，平時用手機connect個陣首先會彈個login page，跟住撳確認就OK。 用電腦選擇完Wi-Fi之後，一樣彈個網站出來，但係會顯示沒有網絡連線，跟住就用唔到。 各位有乜方法可以解決？定係其實係冇？但係我又唔想開手機個人熱點。

#NSS個人 [guest] 小妹宜家form 3，from1、2嗰陣有兩個frd，同其中一個玩得比較多。 from3升咗去其他班，佢地哋兩個一班。一開頭佢哋唔識，我就想三個一起玩，做乜都拉埋兩個去。 後黎發現佢哋本身成日黎搵我玩，宜家到我去搵佢哋，都好似好唔想add我一齊玩咁。佢哋每次三個人行都會拋棄我自己一個係後面，或者自己兩個出去玩唔俾我知，唔知係咪我太自私，真係好唔開心…因為剩係得佢哋兩個frd，又好難再識frd。 我要點算好呢⋯ sor for1999

#NSS社會 [批判思考協會] 回覆 #NSS20220509A 其實我覺得用簡體字都冇咩問題，唔好屌住，聽埋先。 首先，其實呢個世界真係唔止中國係用緊簡體字，馬來西亞嗰啲都係用緊簡體字，如果一見到簡體字就話人地支那狗，咁同啲警察見到示威者就覺得係暴徒有乜分別。 其次，我都明白大家覺得喺香港就應該用返繁體字，冇錯嘅，我都認同，不過其實作文嘅時候、寫筆記嘅時候，為左快其實寫幾隻簡體字，係唔係真係代表我唔再識寫繁體呢？我個人認為簡體字可以作為寫字更快嘅工具，不過不能夠取代繁體。（假如有啲人打字都打簡體嘅就…） 最後，希望大家明白，簡體字的確唔係香港用嘅字，但係希望大家喺網上見到嘅時候，都搞清楚對方咩來頭先。 （9up:你見到中國人用簡體字就歧視，又唔見你見到馬來西亞人用簡體字嘅時候話佢文盲）

#NSS文化 [GUEST] 其實睇咗咁多次「繁簡大戰」，頗有感觸，有啲嘢想講： 首先，有唔少人都話解決文盲率應該係加強教育，而唔係簡化文字。 然而，四五十年代嘅中國啱啱結束內戰，一窮二白，國內經濟疲軟，國庫空虛，分到落教育方面嘅資源可以話少之又少，經過多年戰爭後中國嘅文盲率又居高不下，但國家又急需人才發展經濟&科技喎，咁點算呢？既然冇錢加強教育，就惟有迫於無奈簡化現有文字喇。簡體字具有易寫、易學嘅特點(唔少考生為求快係作文考試中寫簡體字可以佐證到呢一點)。相比起繁體字，簡體字筆劃較少，學起嚟較快，寫起嚟亦都更方便，的確更適合當時中國內地嘅情況。因此，作為香港人嘅我哋，唔理解當時嘅情況，就更應該貼合當時嘅環境去睇，而唔係高高在上咁指責前人嘅選擇，做「事後諸葛亮」。 其次，有人話簡化文字會令文字喪失歷史意義同文化價值。 無可否認，部分簡體字粗暴咁將難寫嘅部分用另一文字取代(例如「難」同「难」)，令其喪失咗文字本身嘅韻味。但其實都有唔少簡體字自古已有(例如簡體字「尽」取自於草書)，簡化文字嘅行為亦都唔係現代先有，就例如「灋」簡化成為「法」等。所以講到底，大家抵制嘅都係無厘頭、亂咁嚟嘅簡化字，並唔需要一網打死所有簡化字，反之我哋應該同樣正視簡體字嘅好處，簡化字之所以誔生必定有佢嘅原因，且利處大於弊處先會被推行(唔少馬來西亞華校採用簡化字方案亦都佐證咗呢一點)，因此，係成效呢方面無需再爭議。 再者，有人就話簡化字會侵害香港本土文化 第一，我就唔明點解喇，因為香港本土文化本身就係中華文化同西方文化嘅結晶(我自己侵害自己？？？)，加上繁體字從來都唔係由香港人創造，更談不上係香港「獨有」嘅文化(冇人聽過英文係美國文化)，因此我並唔認為簡化字會侵害香港本土文化。相反，兩者共存先係硬道理，平時用繁體；速記用簡體(類似於古代楷書與草書共存咁)。需要指出嘅係，文化從唔係政治上嘅零和博弈，唔會因為「你」嘅出現，就代表「我」一定會消失。因為文化從不如政治般講求一定要擊敗對手，文化因一群人聚集而生；因一群人離散而死，只要呢一群人一直係度，文化便不會消散，就正如一直都有一群香港人堅守本土文化一樣。香港作為一座移民城市，大家祖輩均嚟自五湖四海，我相信香港容得下各種語言同文字，唔會容唔下簡體字。 總括而言，簡體字有好有唔好，但我哋唔應該為咗支持/反對，就選擇忽略哂佢嘅好處/壞處。

#NSS學校 [Guest ] 小妹中四，唔知係咪間間學校都係好多大陸人？因為果一兩個大陸人，令到我喺班上越來越寂寞(少咗同同學講嘢)，定係我開始要接納大陸文化，但我真係做唔到。有時我唔太明佢哋講咩，我只好喺旁邊聽佢哋講乜再諗吓說話的意思。亦都眼見好多身邊本身都唔太大陸嘅人都俾嗰幾個大陸人同化左，佢哋真係咁大威力咩？我知道而家有好多10後都被大陸文化同化左，但係真心估唔到00後都係咁。 其實我好羨慕身邊有人兩邊都討好，亦都有諗究竟點解佢哋可以做到，亦都想藉着問吓大家有乜嘢方法可以多啲人同自己講嘢。講番少少野先，我通常同同學熟啲嘅方法都係問功課做邊,溫習溫邊,借嘢之後先開始搭嗲，我除咗呢個方法真係諗唔到其他，唔知各位有冇第二啲意見？ 麻煩admin po ig,thx🙇🏻‍♀️

#NSS愛情 [GUEST] 小妹同男朋友一齊咗一個月。呢排佢開始考試，佢考試開始嗰幾日都會答下我，send吓相俾我咁。當去到中至後期，佢就開始好hea覆，話佢忙又一半半。佢成日都出story,但淨係永遠react個❤️或者💩 大家覺得佢係咪已經對我無feel? 定係我太敏感… 我唔敢直接問

#NSS愛情 [guest] #nss220424h 後續 相比起之前偷偷地摸我，阿哥佢喺表完白之後已經變成會毫不掩飾咁攬我同錫我。 btw當然淨係得我哋兩個嘅時候。 而我都好明白我已經鐘意佢，因為佢同我攬攬錫錫嘅時候其實真係好舒服，比起身體上嘅舒服，更多係內心嗰種舒服，or滿足感la可能。有幾次我其實仲差啲起反應。同埋佢每當想錫我嘅時候，都會輕輕拖下我隻手，然後氣氛就會突然變曬，一錫就錫好耐。我好沉迷呢種感覺，有種就嚟滿出嚟嘅feel(大概，唔識形容)。 但個問題係，佢冇再問過我「鐘唔鐘意佢」「拍唔拍拖」之類嘅野。我已經冇拒絕佢，任佢攬攬錫錫架la wo，已經表達得好清楚「我唔抗拒」，佢唔會想再表白多次meh? 定係我要主動講？又或者佢其實已經唔鐘意我……？淨係想錫錫？🥲我自己咁樣諗咗好多。佢究竟咩意思……

#NSS愛情 [GUEST ] 有個男仔frd好似鐘意我。佢簡稱x。 我哋兩個由小學識到依家F5。佢好靚仔, 又係籃球隊隊長, 仲要好多女仔追 (不過佢冇拍過拖)   唔知幾時開始,

#NSS學校 [Guest] 自從f1嗰時同個「frd」吵完架之後 就比佢周圍唱衰 小妺今年f2，上年f1啱啱開學嘅時候識咗某個「frd」。幾個月之後同佢反咗面，件事係佢自己小氣嘅，詳細就唔講啦，總之之後就同佢絕咗交。直到f2嘅時候，咁唔好彩我又同佢一班，點知佢就開始亂作嘢周圍同啲新同學唱衰我，佢哋又真係信哂。開頭都算啦，點知最近調位調到佢啲frd附近，而家日日比佢哋無視我，好似唔想睬我咁，連上堂discussion 都唔理我。真係唔知點解佢要咁做，我都冇周圍同人唱衰佢啦。我同我啲frd講佢哋都覺得我好慘……而家真係好唔開心好無助……我究竟做錯咗咩，我係冤枉嘅……如果可以返返去f1，我絕對唔會同佢做frd。