#NSS家庭 [Guest] 我嘅生活喺呢兩年唔同晒 如果可以嘅話，我都好想返去以前 嗰陣時嘅我好天真好勤力 老實說，我都好辛苦 屋企冇人支持我，踩低我 就算唔開心 我又可以同邊個講 我真係好憎佢

#NSS個人 [CCSC] 小弟第一次投稿，請大家屌得細力D （放負、咨詢、長文慎入） 基本資料： 今年中1，人緣偏好，老豆老母日日閙交，老豆每半年離家出走3日（我都唔知點解咁有規律） {正文開始} 小弟宜家仲考緊試，但呢排老豆老母又閙交，日日吵到我功課做唔到、書都溫唔到(T＿T) 琴日我老豆又離家出走，佢一走，阿媽就發哂脾氣，係一個鐘入面問咗我差唔多10幾次做完功課未 (其實我第一次就答咗佢話做哂)

#NSS學校 [GUEST] 第一次投稿 如果寫到1999希望各位唔好介意🙏🏻 事緣係我一個朋友，大家都識咗幾年，初頭一直都好friend，但係到咗今年佢成個人都變晒🤦🏻‍♂️，搞到我哋班frd對佢做啲野好失望！ 第一，之前係大家成日都會一齊出嚟玩，有事冇事都會傾吓計，甚至乎有咩事大家都可以拎出黎一齊解決⭕️但係今年開始佢已經好少同我哋一齊玩，甚至乎好少搵我哋(借錢除外❕)佢日日都走咗去同班女玩，到人地唔理佢嘅時候，佢就勁快去搵第二班女😂無限循環🤦🏻‍♂️ 第二，好老實講其實根本佢就係去咗做人哋隻兵，同班女仔一齊出去玩嘅時候，俾錢又係佢拎嘢都係佢😢搞到自己都冇錢食飯🙄之後就跑過嚟問我哋借錢，咁借錢我冇乜所謂 但係你要還囉，甚至乎你話你而家真係冇錢你想遲啲話冇所謂，但係你又唔係喎😬明明見到你銀包有$800，叫你還你就話啲錢要留返嚟請人地食放題🤨可以厚面皮到咁，其實都唔知可以再同佢講咩。 但係好老實講話晒大家識咗幾年，而佢之前又唔係咁，唔想幾年嘅友誼就咁冇咗，初頭有勸過佢但係佢聽唔入耳仲要鬧翻我哋轉頭🤬我已經諗唔到點樣可以再點勸佢

#NSS其他 [guest ] 有冇人真係試過計數機冇電？

#NSS個人 [GUEST] haloo～admin唔該可摸耳po上後備ac？因為唔想俾同學睇到 辛苦admin～ （少長慎入 今年升中但係阿爸唔俾我揀band1 小妹今年p6，成績中上，band1c，我阿爸唔俾我揀一間我嗰區嘅band1b傳統名校（叫住S中學先），因為佢覺得好遠（黎到「遠」嘅意思係指需要搭車先去到）佢就話揀一間唔使搭車都去到嘅學校最好，佢嘅原因係因為驚我打風落雨會唔識搭車返黎，但係我始終都係會大個，唔俾我自己試下搭車返學咁到時出到社會俾人笑？咁佢自己心儀嘅嗰間學校我就叫佢P中學先，P中學係band2尾band3頭，之前都有啲黎間學校嘅學生欺凌人哋嘅片流咗上網，校風麻麻，但係好近我屋企同埋係我小學嘅聯繫中學，因為banding同埋校風所以我就真係唔希望入黎間中學。 老師之前喺家長會有推展過我去揀其他區嘅band1c一樣都係傳統名校嘅中學，但係我阿爸話嗰間學校仲偏僻過S中學（而我自己覺得揀嗰間不如揀S中學好過）所以就冇考慮到啦。老師之前都有喺電話到講過面試階段可以將S中學擺第一志願，第二志願漏空，我阿爸當時就妥協咗。可惜嘅係，我S中學嘅面試冇pass到，嗰陣我都開始諗係咪自己實力問題，自己好似浪費咗老師幫我爭取嘅機會，覺得好對唔住啲老師。 咁依家唯有玩統一派位啦，一樣都係按老師嘅策略，將S中學擺甲部同乙部第一格，再將P中學擺喺乙部第二格，我知黎個組合好奇怪，因為兩間中學banding相差太遠，但係為咗滿足我同我阿爸嘅意願，就唯有咁樣啦。（我自己理想中嘅編排絕對唔係咁）我今個星期六就有家長會，希望到時班主任可以說服我阿爸改番啲次序啦。 我好多次同朋友講過自己真係真係唔想入P中學，而佢哋都覺得我入到去真係曬咗。我有嘗試同我阿爸講過黎件事，但係每次都會俾佢鬧到狗血淋頭咁，佢仲當我係細佬仔，話我依家反叛期，人哋話東我就去西，話我仆街冚家剷，真係每次聽完都覺得好唔舒服，佢講啲說話真係好難聽。我身邊啲朋友老師好好，佢哋清楚我嘅情況，成日安慰我，但係我自己冇幾耐又會諗番起我阿爸講嗰啲嘢，又開始唔開心。

#NSS其他 [GUEST] ig見唔到其他po有幾多like，有冇人知點fix

#NSS學業 [Guest] 有冇人同佢一樣成績好差? 我成積差到老師懷疑我智力問題… 我成績嚴重偏科,英文80-90/100 數,中 <20/100 而家個下學期都就嚟完,淨番最後嘅大考試,依家先發力得唔得?希望唔曬留班

#NSS社會 [Guest] 其實香港有幾多老師係真係有教學熱誠，真心想教書？見好多post提及嘅老師真係幾衰下。

#NSS愛情 [Guest] admin po ig please thanks （初次投稿請多指教） 小弟就快14，拍咗拖冇幾耐（4個幾5個月），女朋友（下稱A）條件幾好，都幾多男仔追佢（因為某啲原因唔可以公開，所以冇乜人知我同佢拍拖），同佢一直相處都幾唔錯。 –

#NSS學業 [GUEST] 小妹我以前嘅英文成績都唔錯，但自從上左中學之後，英文成績就差左，但唔多，只係呢科嘅成績冇其他科表現咁好。 但上年因為停課hea左好多，再加上本身英文就唔係好好，所以上年嘅英文成績差左勁多，可謂係直線下降，收到份卷果下呆咗，我預左會炒，但冇諗到得廿幾分，打擊頗大，至此，我漸漸討厭英文呢一科。 今年先最死，已經討厭英文去到一個地步，見到英文短句還好，但閱讀英文文章會好唔耐煩，好想撕左張紙，近期已經惡化到做英文功課會做到喊，但偏偏造化弄人，我入左間英文中學，除左中文同中史，全部科都用英文教學，真係好崩潰，再咁落去，我覺得自己啲成績真係會出事，輕則留班，重則踢出校，我可以點算？ Sorry for 1999

#NSS個人 [Guest] Admin post IG pls~ 最近多左好多人移民，本身以為讀區內學校嘅同學都係同自己一樣住公/居屋 唔會話好有錢但亦都唔係窮 。以為宜家讀中學個陣 「移民」呢件事應該唔會同自己有任何關係，但係最近有個幾熟嘅frd要去英國讀書….

#NSS家庭 [Redstone P.S. （加拿大學校）] Hi 小妹今年中二，我同爸爸媽媽個處境好尷尬，唔知點算。 事情係咁嘅，大約係我小學二年級嘅時候我嘅爸爸媽媽就已經離咗婚(撫養權係我媽媽度)，細個嗰時唔係好知道感情呢家野，只係知道爸爸媽媽成日鬧交，去到大概三年級時，我媽媽成日要出去工作，爸爸唔係一齊住，基本上都係公公婆婆照顧我，但係其實我同爸爸媽媽公公婆婆嘅關係都好好，不過有時候爸爸媽媽都會同我講雙方嘅壞話，一直去到四到五年級就開始喺學校學壞，一返到屋企就打機睇電視食零食，功課基本上唔會做，拖得就拖，成績勁差，甚至會喺學校頂撞老師，有時老師會打電話比媽媽，返到屋企基本上會俾媽媽打，但係佢打完我都會同我講道理或者勸我唔好再咁做，之後就會和好如初，關係都一直好好，去到六年級嘅時候開始知道要乖，所以開始認真讀書，可惜醒悟得太遲考上左Band 3學校，我爸爸知道左之後就想我過去外國讀書，因為始終環境好過喺香港，再加上爺爺、嫲嫲同姑姐好耐以前就已經移咗民所以我喺外國讀書係冇問題，其實佢喺我細細個嘅時候已經想帶我去外國讀書，不過我媽媽覺得我要大個啲先去會好啲，咁之後我同媽媽都同意左小學畢業之後去外國讀書，我媽媽仲同爸爸簽咗一份類似合約嘅嘢，大概內容係一年要返一次香港，同埋爸爸一定要陪我去外國讀書去到我成年(媽媽因為手頭上嘅工作再加上如果佢都去外國，個處境會變咗好尷尬，因為我住嘅地方同埋學校係喺我爺爺嫲嫲姑姐嗰度(爸爸個方)，所以變得好尷尬) 之後畢業，然後係爸爸嘅陪伴下去外國讀書，大概過咗三個月，我爸爸突然話因為公司嗰啲嘢所以要返翻香港，佢唔想比我媽媽知道就想叫我講大話，可惜最後我都講咗比媽媽聽，然後佢哋又開始鬧交，之後佢哋就開始講互相嘅壞話，好似想我選擇其中一方咁，我覺得好煩，因為我知道兩方都好錫我(唔知係咪因為想爭我嘅撫養權所以先對我咁好)，我媽媽想要我個撫養權係因為佢覺得我跟得爸爸多會變壞，而我爸爸想要我個撫養權就係為咗激嬲我媽媽，所以其實我唔知點算好，我而家係外國冇乜朋友，同爺爺嫲嫲姑姐嘅關係又唔係幾好，所以好孤獨，呢排仲記起細個嗰陣我同爸爸媽媽一齊瞓覺、玩、讀書，所有親子活動… 我勁唔開心，因為我覺得我成為咗佢哋物品爭嚟爭去，我又冇朋友可以傾訴，唯有喺度講😢

#NSS家庭 [CSS] 純碎傾訴下 女，13，band1a。父母都係中學老師，對我格外嚴格，每晚都會叫我反思自己 ，有spare time就要溫書冇得睇手機，最多睇半個鐘。佢地放工返黎就係度嘈嘈嘈，鬧我嗰樣唔得邊樣又唔得。我真係好想自己靜落黎。佢地真係好嘈我好憎佢地，中學啦一啲自由都冇。溫書佢地都睇實我，好唔自在，我明明係可以自覺搞掂，點解偏偏要睇實我？係學校，唔知點解上學期啲朋友都疏遠曬我，有啲甚至針對我，好無趣既校園生活。一係返屋溫書一係返學比人針對。生活都冇色彩。 多謝你地睇我廢話🙏🏻 sor for 1999

#NSS愛情 [guest] 小妺今年中二，話說近排鐘意咗個男仔(同班)，我同佢真係一D都唔熟，平時除咗收功課，好少講野。(我係科長) 講返個男仔，佢唔算好靚仔，高過我，成積唔好，超有禮貌，今年係留级生。 有人話可以從佢D朋友了解佢，但係佢D friend 係果種好煩嘅人，即係你見到就想打，我完全唔想接近佢哋。 我唔知應該點做，有無人有計可以救下我？ sorry for

#NSS社會 [XXXX] 有冇人/學校將国家安全日嘅書簽送咗俾垃圾桶？

#NSS學校 [Band 1女校] 上咗中學後我發現我越嚟越唔配做一個學生，一個人 升上中學辛苦，我明嘅。 但可能我唔配做band 1學生 – 升到上中學 老師成日玩針對，而我就係其中一個比佢針對對象

#NSS學校 [XxxHk] 【Y】先生，枉為人，鬼厭神憎 【L】女士，無仁義，虛情假意 「嚴」，重智力失衡，不傳道不授業不解惑 「劉」，晨曉山雞變鳳凰，出於淤泥而污染 「莘莘學子」，不需避「瑋」，需要「陳」「澄」 「春」日「欣欣」向榮，需牧「彤」趕羊；需浩「然」之氣 「銘」記初心，不退縮，抗Y如抗日；抗L如抗疫 「XXXHK」學生，光明在手，復我河山，慈愛善良，幼老皆能戰

#NSS學業 [Guest] 希望admin可以post IG 🥺🥺 咁多位好啊🤣 小妹我中文相比起同期差，英文相對係有底但係唔識做dse type 卷 想問吓邊度補習中文同英文較為好？

#NSS文化 [guest] 唔該admin post 上ig，thank you 發洩文慎入 我好羨慕日本，佢哋可以每年都著自己國家嘅傳統服飾，文化保育好好，去日本成日都見到古代建築風，有D人屋企都有。 我好鍾意中華文化，由未讀幼稚園開始就鍾意。望到中國政府如此腐敗，社會風氣差，盲目愛國叫愛國者；真正愛國被視為叛國者。 每次見到小粉紅同中共做出好多垃圾事件，真係憎死佢吔。我唔想中國再咁落去，如果有日中共被推翻，換民主政府統治中國，有民主自由，文化保育得好好，令更多外國人認識或鍾意中華文化就好啦。

#NSS學業 [GUEST] 2021dser想求句加油🥲 壓力好大，今日已經19號，我都仲未有動力溫書，專心唔到，又完全冇方向，背完啲嘢又唔記得，一份卷做第二次又錯返一樣嘅嘢，做完好似冇做咁，交啲extra文比老師，作嚟作去都係同一個分，完全feel唔到自己進步緊，好似冇乜意義咁，dse就到，唔做又有罪惡感，做完又唔知自己進步咗啲乜，真係唔知點算好，好驚到時放榜出到嚟考衰咗🥲各位dse過來人有冇建議可以比到我？感激不盡！！ 最後祝各位2021dser考到好成績，調校返個生理時鐘，養好精神，見字飲水，身體健康，前程似錦٩(˃̶͈̀௰˂̶͈́)و