#NSS學校 [Guest] 小妹F1，投稿係因為想比大家評下理（文筆唔好請見諒）（文章可能會有啲大陸用語，因為係直譯sor）（唔知算唔算長文） 咁話說呢我哋嘅班group有位BLACKPINK嘅黑粉(下稱A)，佢不斷強調自己唔係黑粉，但係又喺度做啲抹黑BLACKPINK嘅事，咁樣唔係黑粉唔通係咩？白粉？ 事緣係咁嘅，咁無端端呢位A就喺個班group話BP下年要解散，之後小妹就搵返Google，BP嘅合約到2023先會完結，而且有可能會續約。小妹就問：「你唔係唔鍾意佢哋咩？」A就話：「因為佢哋抹黑中國，同埋佢哋冇禮貌冇教養，所以我先唔鍾意佢哋」（原文係用殘體字）咁小妹就心諗，咁你哋大中華係咪咁偉大，偉大到唔可以黑咩？況且根本係小粉紅們咁玻璃心先覺得係抹黑緊中國啫。 講返正題，A話BP冇禮貌冇教養，話人哋喺度表演緊嘅時候，佢哋就不斷咁講嘢，咁其實佢哋可能唔係傾緊計，而係討論緊表演㗎嘛，咁A就話：「咁佢哋唔可以等佢哋完咗個表演先講嘢㗎咩？唔識尊重㗎？就係感覺佢哋嘅禮貌有問題…」小妹就覆返佢：「咁佢哋平時都有鞠躬呀，仲要係90度。」之後A又話：「麻煩請你睇下咩先叫真正嘅有禮貌同教養」咁90度鞠躬唔係有禮貌嘅行為咩？你講到好似成九十度鞠躬都冇乜禮貌咁？我為咗BP睇咗三個鐘去證明佢哋有禮貌，A又話： 「三個鐘就三個鐘唔係話睇得耐唔耐嘅問題，如果三個鐘就可以證明到佢哋有禮貌嘅話，咁使唔使我講一下你24小時係一個舞台上面，喺裏面不斷咁鞠躬，不斷地講唔該，不斷咁鼓掌，就證明到佢哋好冇禮貌？佢哋嘅禮貌係兩回事嚟嘅，我都唔想佢哋解散。唔好同我溝埋一齊講，我有證據咩都有，你唔信嘅話，上網去搵一下華晨宇嘅禮貌，睇下有冇人可以拍到，佢冇禮貌嘅地方。如果有嘅話，我即刻畀一千蚊你。」（總之就係長篇大論，佢啲語法有啲問題又九唔搭八我都好難譯）佢又話：「大家聽到㗎嘛，如果佢搵到出嚟，我一定比一千蚊佢」「封鎖我呀？」（總之就係好串） 嗰陣時我已經好嬲，真係忍唔住鬧A：「你有靚女過BP先好講嘢啦」之後A又喺度駁：「都話咗唔好將我同BP溝埋一齊囉，你去搵唔到先逃避話題啫，唔好當我係傻仔，我唔係，我唔係咁好屈。同埋顏值同教養，呢兩樣嘢可以溝埋嚟講咩？」之後我繼續鬧A：「係咪無聊冇嘢做呀？就係因為你哋啲鍵盤俠日日喺度抹黑BP，人哋出道都好辛苦㗎，你究竟明唔明人哋辛苦嘅點？」A就話：「明！我點會唔明？我梗係知啦，出道要經過好多嘅努力。但係唔代表出咗道，就可以冇禮貌嘞，同埋我講嘅係事實，黑粉明明就唔係咁嘅嘢，顛倒事實，但係我完全冇顛倒事實。」 小姐呀，我想請問一開頭顛倒事實嗰個唔係你咩？佢哋係喺度討論緊個表演，你仲話佢喺度傾計，佢哋平時有鞠躬，仲要90度，你就叫我去睇下咩先叫真正嘅有禮貌行為？仲有，你話BP抹黑中國，但事實就係你哋呢啲中國小粉紅黑粉玻璃心，為黑而黑，呢啲黑粉先係真正喺度抹黑緊BP嘅人。有好多韓星，就係因為你呢啲黑粉，受唔住壓力而選擇輕生（當然呢個都有關韓國本身嘅壓力），講到底就係我真係好憎呢啲黑粉。 Sor
© 2023 NSS Secrets, Seven Sisters Network Limited. All Rights Reserved.
Text is available under the CC-BY-SA 3.0 License. Additional terms may apply.