#NSS學校 [GUEST] 唔該晒admin🙏🏻以下可能有啲長，多謝大家有耐心睇🙏🏻 小妹今年中三，大家都知道呢個時候所有Test、UT、Exam等等都好緊要因為要揀科。咁啱啱就係parents day完左，成績表都排埋。問題唔係係我度，係係我個朋友度（下稱B) / 講下關於B嘅野先，佢讀普通班，成績唔好，日日上8個鐘zoom有6個鐘都會打機，溫書都好少。 好喇，parents day之後B嘅爸爸媽媽見到B嘅成績之後就好嬲，因為好多都唔合格啦。所以就有「地獄式嘅訓練」 /

#NSS愛情 [GUEST] 求admin po ig pls >///<

#NSS個人 [GUEST] 我同其他人一樣都係做咁多嘢但點解偏偏係我抑鬱？其實係咪我問題？係我抗壓性太低？請問可唔可以要個抱抱？ 唔好意思如果打擾到你哋🙏🏾🙏🏾希望唔好淨屌🥲btw祝你哋有美好嘅一日🙏🏾

#NSS個人 [GUEST] Thx admin po出嚟！ 小弟覺得活著很痛苦，我只係想要一個知己， 也是一件困難的事吧！ 點解我唔可以好似人哋咁， 我為何總是一個人， 家裡也找不到存在感。

#NSS個人 [Guest] 我有幾個煩惱希望大家可以畀下意見thanks （本人女f1） 第一個就係我覺得我屋企人成日都會唔覺意講咗啲好hurt我嘅嘢，就好似有一日我阿爸阿媽都喺度話我暗瘡好多，快啲搽暗瘡膏啦，等陣生到成個頭都係。我嗰陣feel到好唔開心，但係喺佢哋角度好似只係提醒我…仲有好多我就唔一一舉例，我好想同佢哋講我嘅想法但係我角度好尷尬或者話我好驚（？）我都唔知應該點做，因為我兩日起碼畀佢哋整喊一次。 – 第二個就係我覺得我個friend好賤，但係因為佢都有睇呢個secret所以我唔係好想舉例，但係我唔想同佢翻面，又想同佢講我嘅諗法。我都唔知應該點做好，因為如果我明明就唔中意佢咁但係又扮同佢玩嘅話我都覺得自己好衰🥵 – 第三個就係我成日因為好小嘅事然後唔開心，匿埋一邊喊，我有聽過抑鬱同抑鬱症係唔同，抑鬱症係成日都唔開心，抑鬱就係快嚟快去，我唔係好清楚自己係邊種。 同埋因為大陸人成日玻璃心，話自己抑鬱症（當然有啲係真嘅）搞到我覺得話自己抑鬱症嘅人喺度扮可憐（有醫生診斷過嘅當然唔係，我認為佢哋好慘，亦都希望佢哋早日好番）但係我依家就覺得自己有抑鬱症，同時又唔敢同人講，因為我一啲都唔肯定，而且我覺得自己好似扮慘咁。

#NSS其他 [Guest] 回覆 #NSS210323B 小妹中學嗰陣讀旅款(不過用中文讀)同埋讀中史。見呢排唔少人都選科，所以想講解下要讀啲咩。 首先，講下上堂學嘅嘢方面，旅款基本上係咩都要讀。由一開始讀就好多theory/terms要讀要記，有啲terms仲要都幾長下。F4開始記就要記旅客類型(colen & plog)、旅遊產品特性、旅遊動機、承載力等等。F5就要讀餐飲業同酒店業，兩者究竟各有咩部門、每個部門要負責啲咩，同埋有咩類型嘅酒店、酒店嘅管理模式同有咩利弊、餐單規劃因素、仲有各類型嘅細菌名等等。讀完呢2本旅遊導論之後就仲有客戶關係及服務(要讀顧客服務五個特點、服務品質差距模式)、讀地理名勝(要記唔同國家嘅首都、有咩特別嘅地標、要識睇地圖)、讀會議、獎勵及展覽業務(要讀咩類型嘅會議、規劃過程)。所以係好多嘢讀好多嘢背，theory要背、terms要記(係一字不漏咁記，因為有啲terms成8至10幾個字)、考試同dse都要apply theory所以都要明。 其次，講下呢科有咩好玩嘅地方。讀就係超級多嘢讀，但係好多outing可以去(不過可能都是乎唔同學校，加埋而家武肺…)

#NSS學業 [guest] 我想問吓你哋覺得類紙膜應該買 paperlike or elecom? 因為我通常主要係用嚟上堂同埋做功課寫筆記，所以我想寫字比較似喺張紙度，但係我亦都會用iPad嚟睇YouTube，netflix.所以你哋覺得我應該買邊隻？ thanks admit sor

#NSS其他 [GUEST] 呢排見到有好多post都係講投稿者想自殺或者抑鬱咁樣，我只係想對佢哋講一聲 一定要堅持落去。 我都係過來人，我都試過遇到一啲好無助嘅事情，身邊冇人幫到我，屋企人唔得，朋友唔得，老師都唔得，嗰陣時覺得好無助甚至有傷害自己嘅念頭。 但係有一日瞓覺前我喺度諗，我好似有好多嘢未做，我想做嘅有好多都未完成，正所謂希望在明天，只要撐過去就會恢復返平時咁樣。 最後我只係想同一啲而家過得好辛苦或者情緒好低落嘅人講，你一定要撐落去，身邊嘅人已經幫唔到你，如果連你自己都唔幫你自己，連你自己都唔相信你自己嘅話，咁就真係唔得。 記住要撐落去呀！

#NSS愛情 [ADMIN C TESTING] ADMIN C TESTINGADMIN C TESTINGADMIN C

#NSS愛情 [Nthykyldss] 我唔知道你對我有冇意思，不過我真係鍾意你。我唔要求我地要成為咩情侶之類，不過我只係想揾一個地方同你講。我地各自都陪過對方度過好多唔同事，可能因為咁產生左感情。唔理點樣，反正我鍾意你既心意係真既，不過我亦唔需要你鍾意翻我，維持現狀就可以了

#NSS個人 [Guest ] 小弟今年中一。我近排發現自己情緒好似波幅好大（細個都有，但係冇咁誇張）例如喺學校。 同啲friend會玩到好癲～突然間就呆滯左～再之後就傷心（個重點係冇受到任何刺激）。連我自己都唔知點解會咁 我想問下有冇人都係咁～定還是得我自己一個咁唔正常 😔

#NSS個人 [GUEST] 麻煩晒各位辛苦做嘢嘅Admins~🙏🏻 小妹今年f.3，f.3要揀科，自自然然就會有壓力，但係我學業進度跟唔到，功課又做極都做唔晒，又要追返喺上次exam落後嘅成績所以要成日溫書，一啲休息嘅時間都冇，屋企人又成日都煩住我，搞到我個人好忟，再加上自己本身情緒已經唔係好穩定，搞到我呢排壓力爆煲，但係又唔係好識點樣去釋放啲壓力(本人有追星，但係追星嘅時候只可以忘卻當時嘅煩惱，喺做返平常嘢嘅時候嗰種心塞嘅感覺又會返返嚟)，所以近排情緒都好低落 喺有一次我摸緊自己條頸嘅時候(唔好問我點解要摸條頸，我都唔知)，自己嘗試捏住自己條頸，我莫名覺得好爽，但係當我意識到自己做緊啲咩嘅時候，啲眼淚標晒出嚟，唔係因為抖唔到氣，都唔係因為痛，係因為我覺得自己已經有自殘傾向，啲壓力搞到我好似有少少問題，我唔係話自殘係問題，但係自己當下係覺得，我已經去到呢一步啦，我應唔應該要同父母講(父母知道我壓力大，但係唔知我情緒開始有啲問題)，但係我又驚我阿媽擔心過頭(佢自己本身都有情緒病)，我好驚佢覺得係佢自己照顧唔好我，所以我先會搞成咁，之後佢自己個病又可能嚴重咗，所以我一直都唔夠膽同佢講，然後我又係嗰種可以自己搞掂嘅就唔會搵人幫手嘅人，我亦都係嗰種唔係好想人哋關心自己啲私人嘢嘅人，而且我驚我啲負能量會影響到佢哋，所以到而家為止，我都冇搵過任何一個人求助/幫手 但係喺琴晚發生咗件事，我喺臨瞓前聽一啲放鬆嘅音樂，等自己可以易瞓啲，喺佢播其中一首歌嘅時候，我嘅情緒好似跳咗掣咁，成個人突然變到超sad，之後就忍唔住爆喊，然後我個心又好似俾人抽咗上嚟咁，嗰種感覺好奇怪，心口嗰度會好那，用力㩒住個心口先至好返少少，跟住仲會呼吸困難，成個人震晒，行路好似會飄起咁，我喺崩潰之後個人冇嚟精神、冇晒力，行路要扶牆，拖住隻腳行路，總之成個人就係好唔對路啦 最後其實我想問下我應唔應該同父母講？如果要講，應該要點講？我份人唔中意講自己嘅敏感嘢，所以我唔知點算。同埋有冇人試過有嗰種個心俾人抽咗上嚟嘅感覺，可唔可以分享吓你哋嘅經歷，唔該晒🥺 sor for 1999

#NSS愛情 [GUEST] 麻煩晒admins 小妹今年15，A0。平時都有睇開愛情戲、劇、小說等等。感覺愛情呢樣嘢好複雜。身邊朋友都唔少有拍拖經驗，但係好多悲劇收場。搞到我好驚俾人hurt，有過有好感既男仔但係因為太驚所以無主動。加上自問唔識睇人，有d蠢，但係都想搵個好鍾意既人，陪伴一生。想問點解決呢種驚被人背叛既恐懼？

#NSS其他 [Guest] 承上一篇，講完旅款讀咩之後，就講中史。我相信唔少嘅中史老師喺F3嗰陣可能都會講下高中中史大概讀咩，但小妹都會喺到講吓究竟係讀咩，同埋有咩要求。 首先，就講下要讀咩。有好多人都話中史好多嘢背，的而且確係嘅😂。我讀中四嗰陣就要由周代封建讀到去清朝民族政策，中間要背嘅嘢固然唔少。周代封建、春秋戰國、秦始皇統治措施、漢武帝統治措施、王莽、孝文帝胡漢融和、隋文帝統治措施、唐太宗統治措施、唐玄宗統治措施、安史之亂、宋朝同元朝中央集權、明朝同清朝(康熙同雍正)君主集權、仲有清朝民族政策。中五就讀鴉片戰爭、英法聯軍之役、洋務運動、甲午戰爭、列強劃分勢力範圍、維新運動、八國聯軍之役、辛亥革命、民初政治亂局、第一次國共合作及分裂、日本侵華、第二次國共合作、抗日戰爭、國共分裂、1949中共一堆政治運動、民革、對外開放、對外關係。中六就讀選修單元，我嗰陣就讀制度史(老師揀)，都係死背居多。 其次，喺考試要求方面。中史一定係咁多科選修科裏面寫字速度要求最高嘅一科。我嗰陣讀F4，miss話一條25分題，限時40分鐘要寫至少2版半。一開頭我都覺得好恐怖好難好癲，但慢慢鍛鍊下就慣，而且讀中史嘅人普遍寫字速度有返咁上下，可以幫到自己作文、中文聽綜、通識，以致英文作文都幫到，因為讀中史嘅人寫字速度會更快練成😂。不過，中史dse從來係冇固定MC題，所以要預25分全部都係要寫好多字。如果你好彩嘅話，可能會預到啲配對題，加上而家dse將中史啲分整碎咗，2020dse 25分題中都有啲1分2分題，係啲短答/填充題嚟嘅。 不過，小妹覺得讀呢科都有好處。如果你讀中史，你就算唔明其中一個課題，你後面嘅課題都唔會唔明，因為中史前後兩個topic通常冇咩關連，所以有唔少課題都可以獨立一個咁讀。同數學唔同，數學你可能斷咗課factorization，後面你就可能會唔識用唔明，跟住後面嘅課題都斷哂。 希望以上嘅資訊幫到大家🙏🙏🙏sor for 1999

#NSS個人 [Guest] 小妹由細到大都好矮，而父母一直都係因為我好細粒，擔心我嘅安全，所以監管我嘅一切。今年已經15歲，佢都係唔俾我去演唱會，又話唔安全。見到身邊嘅朋友都好自由，想去邊就去邊，但係每次我問阿媽，佢大多數都係拒絕咗先，可能有時都會比嘅，不過有時如果要去遠啲嘅話就真係唔俾。我知道佢嘅出發點係好，其實我平時都有交帶，都有打電話俾佢，但係佢仍然好唔放心。想問吓大家有冇咩解決辦法？

#NSS個人 [寶糧局🕊️中學] 我個妹好煩🤦🏻‍♀️ 感謝Admin 幫我出po Sorry for 1999 + 錯字多

#NSS學校 [W TH] 汪汪汪，停軒，咁鍾意寫人地點解唔寫自己？

#NSS個人 [school] 唉幹！穿山甲欸！嗚呼，這可以養嗎？

#NSS其他 [hk] 請問香港有冇得拎返貓嘅蛋蛋？可以點樣保存？🥸 我計劃緊幫屋企隻貓做絕育，因為會長命啲。 但係佢點長命都會死，我想佢遲啲死左之後，我可以還返蛋蛋比佢(姐係帶埋去火化/冰葬個啲) 我有上過網搵過資料，但多數係台灣個邊嘅經驗教學，香港好似好少人講同做呢樣野，咁就唯有出嚟問下。 ps.我唔係想佢死，不過我負責照顧佢成世，死後嘅事係走唔甩架啦～ 回正題 咁如果想達成保存蛋蛋呢個目標，就想問下廣大嘅貓奴朋友們啦 首先，香港可唔可以同醫生講拎返個兩粒蛋？（我打算拎隻貓去愛拹做，如果拎都無後拎就吾洗諗之後點保存..🐵）

#NSS愛情 [Xxx] 想問下大家一個女仔有男朋友仲同第二個男仔做啲勁Close嘅動作係咩意思 我就係第二個男仔 我好冧嗰個女仔 但係覺得自己好衰 可以點 Sor for 1999