#NSS其他 [guest] 想知道點樣可以說服屋企人俾自己出夜街 / 小妹今年16，平時見啲Frd除夕、聖誕萬聖節都可以出去玩通宵，當我問我阿媽可唔可以出街嘅時候時候佢竟然要我八點前返到去。大佬啊八點前我玩條毛？ 點解我唔可以好似我嘅同齡Frd咁成日玩通宵啊

#NSS愛情 [將軍澳區一間中學] 唔知大家對花心嘅同學有啲咩睇法呢 小弟係一個中二學生, 有個同學, 下稱L 咁L之前就喺網上識到一個女朋友啦, 就覺得自己好叻咁, 於是L就同佢現實有曖昧嘅女仔講佢自己喺網上識咗個女朋友.(後來L同我講番賞定個女仔呷醋) 一個月之後L又係一隻game嗰度識咗個葡萄牙嘅女朋友,

#NSS家庭 [guest] 其實我係咪唔正常 小弟中二、黃，細個開始阿爸已經喺外地工作，一年先見得一兩次 我阿爸同我阿媽本身感情關係正常，直至之前佢哋因為政治理由鬧交（阿媽黃，阿爸奶共）就算唔係面對面都隔空鬧，我阿爸仲要成日打電話嚟，想洗我腦，不斷同我講中國幾好，要愛國 幾個月前，我阿爸話咩香港有班暴徒唔安全，移民去大陸，我同我阿媽即刻反對，跟住俾佢鬧左幾日，佢地仲因為呢件事講到要離婚，其實我都幾支持佢哋咁做，我都唔想要呢啲人做我阿爸 我阿爸周圍同啲親戚講，話我阿媽點唔好，自自然然啲三唔識七嘅親戚不斷叫我做和事佬，但係我忍唔住，直接同佢哋講咗我支持佢地離婚，呢條愛國撚唔係我老竇 啲親戚之後日日都嚟搵我，不斷鬧我心理變態，辜負左我阿爸，我唔應該生存，我浪費社會資源，我唔配做佢個仔…….. 因為呢件事搞到我好唔開心，我究竟應該點做 sorry

#NSS學業 [GUEST] 小弟7月會去加拿大讀書（去到讀grade 9)，想問下大家去到嗰邊生活點？有乜嘢需要注意？🙏🙏

#NSS愛情 [gurst] 小妹f1，冇拍過拖，但好容易就中意左人。累計中意過5個人，雖然我係真心嘅，但就感覺自己係渣女。 點樣先可以控制自己？有冇人都同我一樣？

#NSS學校 [Guest] Hello 我今年form 6，本身一直target dental，但係我聽到好多人都話Hku ge hall文化好恐怖，搞到我有啲嚇怕，而且我又想independent 啲，去住hall，如果就咁放棄呢科又好似好兒戲，想問下有冇ching 玩過ocamp覺得係咪好似啲人講咁恐怖

#NSS個人 [GUEST] 長文 講野可能會1919唔好意思🙏🏻 – 我今年f4 女仔 讀女校 性格..大概係對住唔熟/陌生人會顯得比較外向+獨立 實際上對frd/屋企人都係會比較黏人同依賴

#NSS學業 [中西區小學] 小妹係小六,啱啱考完呈分試派埋卷。我雖然係精英班但係中文好差,今次仲要創歷史新低…咁當然我媽媽鬧咗我好耐啦。我自己都知道呈分試好重要,但係我已經盡咗力,我真係好驚,好驚排名低又入唔到好中學。我媽成日叫我唔好同人比較,當我低分嘅時候又要將我同人哋比較,我真係唔明,究竟考試係為乜,我自己都好辛苦,有温書都畀人鬧冇溫書。我而家好迷惘,求指點🙇 唔好意思我寫得有啲差,希望大家唔好介意

#NSS愛情 [GUEST] 話說我鐘意咗個超被動嘅男仔，唔係怕醜係被動。其實我一路都好想避開，唔想再鐘意人，因為覺得果種感覺好辛苦，又唔知佢點諗，每次見到又會有種莫名其妙嘅感覺，到頭來又可能食白果，又要再用時間忘記佢，真係好唔鍾意呢種「鍾意人」嘅感覺，但係我都係㩒唔住心入面果種心情，然後就鍾意左佢。ok入翻正題，我有時會主動去揾佢，佢從來都唔會主動text我，但係每次我揾佢通常都係問功課，即係正常都會係send張相然後thanks咁樣就完咗嘅對話，但係佢次次都會將個對話延續，有時講埋啲無厘頭嘅嘢，最尾又會莫名咁樣完咗個對話，然後一直keep住呢個循環。所以到底佢想點？？超迷，有冇人明我感受😢求解 Sorry for 1999 求Admin po ig thxx🙆🏻‍♀️

#NSS個人 [Guest] (TW: self harm) (Sorry for typing in english,

#NSS學校 [Guest] 其實香港既中學係間間都有將女仔唔可以着咩色bra寫係校規度

#NSS學校 [Guest ] 希望admin po ig thanksss🙇🏻‍♀️ 小妹08年出世 啱啱今年1月移民咗去外國 咁因為呢度嘅小學有7年所以我就讀緊小學

#NSS愛情 [Guest] 我有一個問題一直唔明 到底咩係鐘意？

#NSS學業 [香港其中一間中學🌝] 小妹今年f2 有關用中文教嘅科目都好差例如中史溫極都溫到背極都背唔到中文嘅文言文都係😢我哋嗰級啲同學嘅大概全部科目都係超勁但數學英文就一般，所以無論我數學英文幾高分都係拉唔高平均分同埋總名次 請問有咩方法可以溫到中文,中史,經濟🙇🏻‍♀️

#NSS家庭 [GUEST] 我屋企成個貨倉咁 我屋企個客廳同阿媽間房已經有五年無執過，有掃地放心，周圍都係阿媽啲櫃 鞋盒 書 衫 等等。我阿媽好懶，除咗返工就係訓覺，從來都唔執嘢。我自己有一間房，裏面都算整齊。我睇唔過眼之下幫佢執咗少少個客廳，但佢見到之後發晒癲咁將執完啲嘢推晒落地 同埋打我 (我錯sor唔應該掂佢啲嘢)

#NSS愛情 [GUEST] 我鐘意咗一個男仔 我哋喺係網上識 我哋日日都會一齊喺discord打機傾偈 慢慢識埋佢嘅朋友 我嘅朋友都識佢 大家差唔多個個星期都會出嚟行街 之後我鐘意咗佢 據我對佢嘅認識

#NSS學校 [GUEST] 我之前有一班best friend，係真係friend到咩都同對方講嗰隻，但係喺幾個月前，我哋開始出現矛盾，而家已經絕咗交。 一開始就得我一個分別同A,B熟，我自己再開始同C講嘢，慢慢變熟，就介紹咗佢哋認識，開咗個group，我以為多人就熱鬧啲，但其實原來友誼真係唔可以多過兩個人，後尾竟然連最遲add入group嘅B都熟A同C多過我。 起初我哋都幾融洽，有咩都同對方傾訴噉，但係之後佢哋開始集體串我，一齊好似講笑咁話我，我都認為佢哋係講緊笑啦，所以有時都會串返佢哋，雖然自己都有唔開心，但覺得只係朋友間嘅玩笑。 但係我越忍之後佢哋就變本加厲，一齊串我嘅頻率同埋串得mean多咗好多，好似以為我冇反應就冇事咁，所以我就同佢哋坦白咗，自己會因為佢哋講嘅嘢搞到自己好唔開心。 我以為講完之後可以互相道歉，化解呢個矛盾。點知佢哋開始話返我轉頭，話我都係噉串佢哋架啦，話我成日串佢哋係狗，又話B矮，我承認我係有咁講過，我承認呢方面係我錯，但其實佢哋同樣都有一直咁講我，我同佢哋講返佢哋都有噉做啦，佢哋就話係因為我噉做，佢哋先還手，但佢哋又有冇諗過我何嘗唔係？ 佢哋亦都有話我成日喺度捉錯字（但其實佢哋都有），柒咗唔認，所以從此以後我就冇再捉過錯字，而柒咗唔認呢方面我更加覺得係佢哋強加上嚟，有時我打錯字，只係收返個msg打多次，佢哋就話我柒咗打錯字唔認，所以之後我打錯字都唔會del，要講句「我打錯字我犯賤」，佢哋先肯收貨。有時我直情唔講某啲嘢，佢哋就話係因為我柒咗，或者柒咗唔認，先知唔講，我真係覺得好多餘，點解有啲嘢我直情skip咗唔講，都可以屈到我？ 唔只噉，當我同佢哋講我唔開心嗰陣，B亦都話佢因為我而唔開心，C仲話我同B鬥慘，B仲即刻copy低晒我話自己點唔開心法嘅msg，就算到後尾我平復完心情，del返都唔夠B快。B就開始直接send落個grp度同其他人一齊笑我，嗰陣時我真係好hurt，我有諗過結束生命，但係我都冇同佢哋講，因為我知道佢哋係會笑我，而唔係開解我，言歸正傳，同佢一齊笑我嘅A仲話係revenge，但係中一嗰陣明明佢同我傾訴啲咩，我都會開解佢，冇諗到自己會得到咁嘅回報，但係呢件事我都忍咗，因為我唔想失去呢班frd，而且，自從我知道佢哋因為我而唔開心，我串佢哋嘅頻率已經低咗好多，但佢哋知道我會唔開心之後，串我嘅行為係完全冇停過，有時我都係唔忿氣到極點先會還口。

#NSS學業 [GUEST] 小妹今年中四，住得離學校偏遠，一時online上堂，一時實體上堂，由online轉做實體要早成1.5-2小時起身，真係好攰。 喺學校上堂又瞌眼瞓，喺屋企上堂直頭瞓著咗。而家學校又為咗要升banding升上band 1A，不停俾extra野我地做，平時都野都未搞掂，真係好辛苦。 我上學期都成績都唔差，喺學校係中上至top嗰批，屋企人、同學、老師對我都有好大期望，有一次有個比賽我輸咗，其實我自己都唔介意，但係好多人都話鄧我傷心、又乜又物咁，搞到自己都開始介意。 我自己係一個對自己要求好高嘅人，都好重視人哋點睇我，想成為佢地心目中十項全能、好叻好乖嘅人，但係搞到自己壓力好大😢日日放學都要參加課外活動/學校補課，冇乜時間溫書。 嚟緊又有3個課外活動要考試，仲有學校UT, 但自己嘅成績就不停跌緊。我就語文差，數理比較好，其實一向我對數學+三科選修科好有信心，但而家好似越嚟越聽唔明 同

#NSS社會 [Guest] 草錢呢個動作好冇謂。今日唔知聽日事，話唔定聽日突然遇到交通意外身亡，所以做人唔係應該要及時行樂咩？有得用就好用。況且，我預咗自己會孤獨終老，無人要，又唔洗結婚拍拖，洗費都唔會大。啲錢又帶唔走，不如曾仲生存緊嘅時候，用盡晒啲錢。

#NSS學業 [東區男校] 有冇人想補中文？ 假如有嘅話，希望可以喺下面留言 但係唔想搵半途而廢嘅， 亦都避開過度偏執者…… 程度由小一至中六都可以 本人現時中四，資歷上信唔過就可以Skip