#NSS個人 [Guest] 有冇好似我咁 做完衰野驚被人發現 話說我地個日測咗兩個quiz,老師話我地唔合格要重測，考完發現自己唔係好識做，跟住老師比我地自己改，我發現有一題唔小心，將正號寫做負號，所以我偷偷地用藍筆加翻一橫上去，結果出嚟發現啱啱好合格，當時嘅我接受唔到自己做衰咗，所以先咁做。 另一份就發現改完都係錯…都係啱啱好合格 唔知點解我覺得自己好唔誠實，好賤格。同埋我好驚被我隔離左右見到，我個friend咁啱坐我隔離，如果佢見到會唔會睇我唔起….雖然只係quiz仔嚟… Sorry for1999 利申中三

#NSS學校 [LLCEW] 我係一個中三嘅學生，就因為我唔中意追星，群唔到去女仔果邊玩 又因為我中意打機所以男仔都會搵我打機 就係因為咁冇係女仔都會成日俾人講 話係臭雞 前世未見過仔 養魚啦擺明 其實我就完全冇諗過呢啲諗法 我就係單純學校冇朋友

#NSS其他 [GUEST] NSS secret Facebook page 下落🧐

#NSS學業 [Guest] 想請問下大家點樣背多啲英文vocabulary 本人中二，成績中等，但係就被英文作文拉低左，次次作文老師嘅評語都係叫我用多啲vocab。試過睇書，但係對我來講好似冇太大作用，而且都幾嘥時間，加上西史啲字我要用好多時間去記，但係考試有陣時又會突然諗唔出。 請問一下大家有冇快啲嘅方法去記vocab Thx!

#NSS學業 [Guest] 想請問下大家點樣背多啲英文vocabulary 本人中二，成績中等，但係就被英文作文拉低左，次次作文老師嘅評語都係叫我用多啲vocab。試過睇書，但係對我來講好似冇太大作用，而且都幾嘥時間，加上西史啲字我要用好多時間去記，但係考試有陣時又會突然諗唔出。 請問一下大家有冇快啲嘅方法去記vocab Thx!

#NSS學業 [GUEST ] 我係一個中四嘅學生,學校最近就講有關ApL (apply learning) 嘅野,想問下讀過嘅人: 1)ApL揀左咩科? 2)你揀個科係讀d咩? 3)會唔會同你理想中會讀嘅野有好大落差?

#NSS其他 [GUEST] 如果可以的話希望admin可以po IG🙏 多謝麻煩曬你哋🙏 （可能各位覺得我玻璃心 所以要鬧嘅話請細力啲🙏🙏） 小妹今年F1 有件事就算一直都有困擾我（？ 就係我係中學入面識咗個朋友

#NSS其他 [Guest] 小妺今年中二，我個best friend下星期四移民，我好唔捨得佢，我想送份禮物俾佢，但係小妹又冇咩錢，所以想問吓各位大大有冇咩意見比我？ 初次投稿，屌細力啲🙇🏼‍♀️ Admin pls po ig ,

#NSS學校 [Guest] 是咁的，小妹上VA嗰陣老師叫開電話睇相畫畫，咁我就一時貪玩走去po咗個ig story，就tag咗兩個人話一齊偷玩電話。但其實我哋只係airdrop咗俾對方幾張相跟住我po咗個ig story ，之後咩都無做，都好認真咁畫。 跟住放學嗰陣有個同學同我講有師姐同咗老師講有F1仔上VA po story。 到咗今日考試，個同學又同我講個師姐同埋個老師講我咩班，俾埋老師睇我咩樣，唯獨仲未知我咩名:(。而我亦知隔離班都有人咁做，仲有一班做嘅嘢過份過我哋好多（e.g出貓）雖然我唔知個老師會唔會處理，但如果啲老師真係過嚟審嘅話我應該點做？應唔應該篤埋嗰幾班出嚟？（我知咁樣超pk，但係真係好驚一時口快講出嚟）而家考緊試，我完全無心情溫書，好驚炒……

#NSS個人 [aschool] 我發現我間學校超多人走，唔係去外國，就去其他學。我有兩個close frd都走，我已經接受唔到現實，因為都識咗好多年。其實見到咁多人都走，自己都想埋一份，因為唔想再因為frd啲離開而唔開心。但係我又好鬼矛盾，唔知想點好，又怕面對新環境。 🙁

#NSS家庭 [Guest] 阿嫲跌親入咗醫院，求集氣

#NSS其他 [guest] plz po ig 想問大家如果喺ig「黃店」見到自己好想買嘅嘢，點知喺淘寶見到一模一樣嘅，價錢仲俾間黃店mark up 咗成兩倍，瞰大家會幫襯邊？

#NSS愛情 [GUEST] 小妹今年F3，好似鍾意左個姐姐。 F1嗰陣我識左個大我一年嘅師姐，佢好好人，我地成日傾計，我哋咁啱有共同話題所以好快熟左。之後我哋講嘅嘢都有時有少少曖昧，有時會互flirt咁，總之唔係同普通好朋友嘅對話模式。 之前我都以為係我錯覺，但係最近我發現我好似真係鍾意左佢。我唔知佢有冇依種感覺，我真係有少少想同佢講清楚，但係我好驚失敗左佢會唔敢同我咁close。 所以我應唔應該表白？ admin post IG please唔該曬

#NSS愛情 [GUEST] ［略長慎入］ Admin pls po ig thx🙏🏻🙏🏻 是咁的，小妹今年中二，(希望大家唔好見到我係中二就唔睇），一直單戀緊一個以前讀同一間小學嘅男同學（下稱A、冇女友）。直至之前都有同佢keep frd(但只限於網上，現實冇乜點講嘢），都幾close下。

#NSS個人 [guest] 我讀港島區某傳統名校，由小學都係band1，不過成績一直都唔係特別好嘅人。我對自己要求都算幾高，之前更加有少少不切實際(有關大學選科)，但係依家改變左自己嘅理想感覺同目標近左。 眼睇對入U都ok有信心，但係唔知點解總係覺得自己好大壓力好辛苦，因為依家study leave，所以我每日都會出去溫書，基本上係屋企嘅時間只有沖涼訓覺。呢排係自修室做練習做pp都總係覺得自己能力仲係好有限，根本就好似溫極都係唔識做，每次做做下都會成個人好熱，好緊張，手汗出曬黎，心跳加速，嗰種感覺真係好難受。不過呢啲狀況其實係小學已經出現過，嗰時睇過心理醫生，結果係要靠食藥控制。初中情況有好轉，但係到高中開始壓力大左個人情緒就好大波動，好似成日覺得周身唔自在。因為咁我又開始食返藥，一食就幾年，醫生話要dse之後先可以試下cut個treatment。我對食藥物方面無咩嘢，但係其實我一直都無俾人diagnosed係有咩病。 我一直覺得自己可能有anxiety或者depression，嘗試自己了解過更加覺得自己可能係有微笑抑鬱症。身邊嘅朋友覺得我成日都好積極，好努力溫書但係真實嘅情況根本無人知。我都上過網去同社工傾過，但係感覺無咩用，亦都嘗試去做唔同有關心理疾病嘅測試，幾乎全部都話我有起碼中度抑鬱症。因為咁我試過委婉啲同屋企人講但係總係會被無視。 但係其實屋企人對我真係好好，我都好鍾意佢地，不過曾經試過幾次因為考試壓力大到爆煲，同媽咪大鬧我想去死，想結束一切，仲要整喊左佢。我覺得自己真係唔可以再咁落去，但係就算發生過咁多狀況我都唔係好敢同屋企人直接講我嘅心事，好似個個都想逃避我嘅情緒問題。 有時真係覺得好無助，成個人無曬動力，見到身邊無論係陌生人定係同學個個都好努力，我就會好自然咁將自己比較落去，我知我唔夠人勁，但係我真係好想考好DSE，但係心入面總係有把聲一直否定我嘅能力。DSE都真係殺到埋身，我真係好希望可以擺脫呢一切，好好應付呢場考試。 最後都不忘同各位2021dser講聲加油💪🏾;) –

#NSS社會 [Guest] 疫情到尾聲未？ 香港人加油！！！！

#NSS學校 [沙田某Band 1中學] 小弟今年F2，是咁的，小弟F1成績唔係太好，入唔到精英班，不過班frd就個個都入曬精英班。咁新一年入到新嘅一班，咁就識下frd等大家都熟啲先啦。 咁我都好順利咁未開學已經識到frd。同班frd就大家每日都煲電話粥，開學唔係好耐大家已經好熟。咁我就鍾意咗班friend裏面其中一個女仔(下稱A)，每日都同佢傾計傾到凌晨2，3點。咁大約11月就同個A表咗白，俾人派左好人卡。 不過就喺我同個A表白之後，佢就夾埋班friend一齊欺凌我(cap我黑圖整sticker然後send落班grp度，喺個chat grp度講句粗口就報串畀老師，言語欺淩等等)咁過咗一兩個禮拜之後，我就退咗佢哋個group，諗住唔同佢哋再frd落去啦。點知佢哋就喺班group度kick埋我走，咁我都算啦唔喺班group唔係咩咁大鑊嘅啫。 咁到3月頭開始，我間學校要開始返實體，返到實體我都盡量唔同佢哋有接觸㗎喇，但係而家就好似成班都排斥緊我咁(不論男女，大部分都係言語欺凌啦)。我諗過轉校但係我唔捨得F.1班frd，請問可以點算。 Sor for

#NSS個人 [GUEST] [長文(因為真係好長，所以如果冇興趣嘅話直接skip咗佢啦~) 大家好~小妹今年form 2，有啲困擾 咗我好耐嘅嘢想請教大家🙇 話說小妹由中一升上中二嗰陣知道會有幾個隔離班嘅同學轉過嚟我哋呢班。學期初我哋係跟學號坐，所以我同其中一個新轉入嚟嘅男同學坐得好近。之後都係好似普通朋友咁開始上堂傾偈、一齊笑，到之後慢慢喺ig都有dm一齊傾偈、一齊打機。嗰段時間可以係話小妹最開心，亦都因為咁對佢產生咗啲好感… 之後又調多一次位，真係好好彩咁又坐埋一齊，就變得更加熟，一齊互串又一齊笑。但係小妹冇好好珍惜… 大約上年年尾，佢問我鍾意邊個，由於嗰陣時我對佢都有唔少嘅好感，所以我係抱住一半開玩笑嘅心態再加一半真心，就話畀佢知我鍾意佢…諗住講下冇所謂，或者嚇下佢，但係點知佢好認真，仲特登解釋畀我聽點解我哋唔可以一齊。其實個結果我都預咗，因為我都太急進，我只係想睇下我哋嗰一種關係有冇可能可以令到佢鍾意我(小妹諗太多XD) 但係知道呢個消息唔係最唔開心嘅事

#NSS家庭 [guest] 真心求po。我打咗好耐。都真係唔想再繼續落去所以投稿。所有留言我都會睇。唔好話我啲標點得句號。因為貪快但又想你哋易睇。小編想改就改。唔改都ok。 。 是咁的。我由細到大我屋企人包括爸爸媽媽兩個都同我唱反調。令我好大壓力。成日好想喊好無助唔知點。但無同佢哋講過。 。 舉少少例啦。例如我食飯嘅時候。佢哋係好愛我。都好尊重我。佢哋夾餸比我之前會問我食唔食。但無論我食唔食佢哋都會照夾比我。我試過話唔洗啦你哋食啦，或者夾翻比佢。佢哋就會一換二。二換四。四換八嘅方式比翻我。令到我越食越多。佢哋係想我食飽啲。但我已經因為咁樣肥過我爸爸。同同學講佢話生在福中不知福。我知係福但會唔會過咗龍。 。 有日上堂老師話要孝順。其中一個係要夾菜比佢哋。全班得我一個無舉手。個個都話我係不孝女。究竟係我問題定佢哋代入唔到我。其實食飯係想放鬆。舒服。但佢哋嘅行為令我好想發癲。 。

#NSS愛情 [///////] 第一次投稿講嘢一嚿嚿唔好介意 小妹今年14 話說大概一歲嘅時候識咗兩個frd，一男一女（男嗰個可以話係「青梅竹馬」啦下（男下稱A，女下稱B）。 A有操水，身材幾好；B成日行山做運動，好鬼死瘦都幾靓女；我就唔瘦但係又唔算肥，會有肚腩同雙下巴 我哋三家人關係都幾好，成日出去玩，通常都係去露營、海灘、宿營之類嗰啲活動。 基本上我哋每次出去玩搭車A都會同佢阿媽講佢想同我坐，食飯基本上都係我同佢坐。因為我之前同A同B玩真心話大冒險，佢哋都知我同過一個男仔（下稱X）表白但係比人拒絕咗，比佢哋睇過X同我張相，A唔覺意咁話目標要生到同X一樣高（A依家矮我少少，X高過我），我就懷疑佢可能都鍾意我，加上A次次出去玩都要單獨同我影一張相、黐住我。 又有一次我帶咗個同學一齊去宿營，因為照頭早嗰個同學同A玩得好好，之後嗰晚因為我同個同學一間房隔離床，我成晚無理佢（唔知係咪因為我呷醋）。 就係嗰次之後我開始懷疑我對佢好似唔止朋友上嘅好感，再之後我睇返以前啲相，我總覺得A好似鍾意B