#NSS其他 [guest] oh hello 最近想聽多d歌 有咩好聽嘅廣東歌 各位介紹下haha pls po ig

#NSS家庭 [Guest 019264528] 最近小弟好無助 希望大家可以俾啲意見 是咁的，屋企以前家境唔錯。由細到大都係阿爸阿媽同埋B一齊住。但自從有屋企人賭錢輸晒之後，又八百幾呎（買、私樓）搬到四百幾呎（租、居屋）。 我都冇乜怨言，始終我知道我並唔係最痛苦。但係，今年都14歲，屋企人開始俾啲壓力我。 講話要讀啲名牌大學（香港）然後又話第時仲要買樓比佢哋，然後又要每個月比一萬佢地。 咁大佬呀我自己未來都要生活我都要買樓或者租樓比自己。 當然最好梗係買啦，我已經唔想自己嘅小朋友咁辛苦，但就算只係生一個都好都要唔少錢。

#NSS個人 [珍愛自己學校] （sor for 1999🙏🙏🙏冇代表任何人） 想分享下之前自己嘅經驗，我以前停課嗰段時間，係直情將自己封閉咗唔出門口，嗰陣唔單只我自己覺得異常，我父母都察覺到，然後咁啱有約期可以見心理醫生（我本身有自閉症），咁我就同咗醫生講，後面開始食藥至今(fluoxetine)，我係四月到六月頭呢段時間覺得自己有少少唔妥，我嗰陣甚至覺得自己好似癲咗咁樣，舉個例子：我就咁坐喺度玩電話，然後會毛啦啦喊，冇理由，完全唔知點解。嗰陣一喊就界，界到自己隻手花曬，宜家仲有疤痕。 （有加相，唔知會唔會唔可以po，六月開學嗰陣影） 我宜家係長期會同社工有聯繫，已經幫過兩個朋友揾社工，精神狀態都好好，會約人出街玩，同frd同同學都可以正常相處，唔講冇人覺得我有事嗰種。 講到呢度，唔知你哋會唔會覺得我作故仔之類，但係我想講嘅係如果你真係覺得自己有啲影響自己日常生活嘅狀況發生，唔好怕其他嘢，一定要主動求助，如果嗰陣我唔同醫生講我有事嘅話我可能到今日都仲冇辦法交際，甚至已經了結咗自己（ps:我以前好灰，學業壓力搞到我想死），都希望同我有相似情況嘅人可以儘快求助，唔好驚畀人當異類，或者畀人話扮曬野，要記住，受害者始終是受害者，尋求協助需要好大勇氣，你甚至可以為咗呢件事而自豪，起碼我係咁樣覺得。 圖Link:

#NSS其他 [GUEST] 回覆 #NSS210320L 見到了 多謝你…我會加油

#NSS個人 [容貌焦慮症] 我今年15歲 讀緊一間band1中學 由中一入學開始 就覺得我個級啲人好靚女 到咗宜家中三 個個都開始打扮 而我就得158 又唔靚又冇身材

#NSS個人 [toss] Admin post ig plz 小妺近排有個frd 為咗學業好煩惱，每次上堂教新野都會唔明，去問完老師都係唔明，都會喊住咁返嚟，我又唔知可以點樣安慰佢，見到佢成日因為咁樣唔開心，我都好心痛，試過嘗試解釋我點樣理解，但係佢都唔明，佢又會好唔開心，其實佢讀書仲勁過我，但係佢會好執著，見到佢咁痛苦，可以嘅話我真係想幫佢拎走哂啲痛苦，但係我又唔識點安慰佢，所以想問下各位我可以做乜野幫佢

#NSS其他 [Guest] 唔記得密碼 @chattellumy

#NSS其他 [Guest] 最近迷上咗vtuber，無論係台灣嘅定日本嘅都有睇。 就係咁嘅，我家姐平時都好鐘意係我用電話嗰時望過黎嘅，咁我都冇乜所謂，咪俾佢睇。但係前日佢又望過黎，我就睇緊vtuber啦。以下係我哋嘅對話： 佢望完就話“你睇緊咩啊” 我“vtuber囉” 家姐“咩黎架” 我“虛擬實況主” 家姐“吓 睇住個假人係度有乜好睇”

#NSS文化 [Guest] 是咁的, 我有一個朋友出咗pool, 正當我們對破咗處未嘅時候, 佢竟然答我「 我唔夠膽呀」， 正當我想進一步恥笑佢嘅時候， 佢加多句「 我驚放咗入去之後抽唔返出嚟亅。

#NSS文化 [bkkss] 前言+世界觀: 故事講述一個女孩子叫做天恩和她的好朋友們在大學的故事，包括傾國傾城的校花天頌，熱愛中國歷史以及世界歷史的天祐以及他的雙胞胎弟弟天耀，性格懶惰做事總是保持「佛系」態度的天華，做事衝動不考慮後果的天瑞，熱情開朗，可是卻不會看別人眼色經常闖禍的天晴，歡喜冤家天悅和天富，性格文靜的天慈等等。於此同時,天恩暗戀她的中學兼大學同學話癆性格的天恆！他們為枯燥的大學生活帶來帶來什麼笑話呢？一場有笑有淚的大學生活，即將開始！ 序言： 明天就是畢業典禮了。 這，也意味著天恩長大了，邁向大人的一步了。 可是，天恩卻以為這是一場夢。 「我唔捨得天頌，天晴，天瑞佢地呢班咁好嘅best friend…..我唔想離開天恆…..」天恩坐在床邊看著窗外的月亮，自言自語。

#NSS愛情 [GUEST] 長文慎入！ ！ ！ admin po ig please！ 大家好啊~今日我係嚟講一件算係困擾咗我好耐嘅事…

#NSS個人 [Ben1 女校] 我係咪有異性歧視？ 小妹由幼稚園到中學都係讀女校 由細到大好小接觸男仔(除咗長輩）平時見到男仔就彈開0交流 平時補習都要係女人先ok 之前有幾次阿媽就叫咗佢個frd個仔上屋企一齊交流吓 嗰陣我已經好唔耐煩 去到嗰日好彩佢有個啊妺我就同佢個細妹玩

#NSS個人 [Guest] Hello大家好，小妹今年中五，由好耐之前已經想大個做老師教世史，為咗呢個夢想，一直都好俾心機讀世史同了解其他唔同嘅歷史，同學有問題問我嗰時我都好樂意詳細解釋教下佢哋，好享受自己講解完啲嘢見到人地明咗嗰刻。更加係中四嗰年遇到一個好有heart嘅老師教我世史，所以令我更加想係未來可以做個好嘅老師去帶同學認清史實。但呢近呢幾年教育界嘅淪陷越趨明顯，政府對學校嘅壓制，教育制度嘅不知所謂，令我呢個想法開始有啲動搖，特別係我想教嘅科係世史，到我幾年後讀完大學，攞埋牌，睇怕呢科都可能被改到面目全非……「我仲應唔應該堅持落去？」呢啲問題每日都困擾緊我自己，雖然心底都已經明白香港教育制度已死，但係真係唔太想放棄呢個由細到大嘅夢想，好想做到以生命影響生命，奈何呢度係香港，唉……

#NSS愛情 [青衣某中學] 是咁的，小妹同現任拍左拖三個幾月，同班左四五年，我地都知道對方嘅性格，佢對我好好，唯獨是遲到同小題大做呢兩點，我不斷提醒佢佢都唔改。 譬如岀街食飯約佢1PM，每次佢都會遲一個幾鐘，我已經去埋屋企樓下佢都係咁遲(我住欣澳佢住青衣)，我通常到咗會同佢講一聲，佢ok完之後冇咗回事，岀現嘅時候即使佢知道我等咗佢成粒鐘一句sorry都冇，約十次九次都係咁。所以我就諗住約早佢半個鐘我遲幾分鐘，咁就唔洗等咁耐，結果佢又超准時，嗰陣我遲咗十分鐘佢已經催咗我五次，之後就一直拎呢件事周圍講，咁樣令到我有啲唔舒服。 另外就係小事大做、乜都post上story，有一次我行山拗柴，佢就整到好似佢自己骨折咁又post story又岀post，caption寫到好心痛但係現實中連問候可能都冇一句。又有一次10幾度底下m痛住咁等咗佢兩個鐘，一時燥底鬧佢可唔可以有返啲時間觀念(第一次發佢脾氣)，佢就岀曬story話我唔愛佢、打埋曬啲失戀語錄，佢啲兄弟又走嚟dm我話叫我有返啲自知之明、佢咁愛我我又唔珍惜佢等等… 呢兩樣野我已經同佢傾過，佢又聽完就算。。。 Sor for 1999

#NSS愛情 [GUEST] 小弟F5,A0， 自問樣貌普通， 唔算矮又唔算高 鍾意咗一個女仔， 但唔知佢係點諗, 驚表白咗之後連friend都冇得做, 但係唔表白個心就一直好亂, 咁問各位應該點做好🙇

#NSS愛情 [GUEST] 14歲form 2 第一次拍拖係咪太早?

#NSS個人 [Stcc(可以不公開出去嗎？)] 大家好！我是一名中二生！因為某些疾病而導致必須休學一年，這疾病影響了我很多身邊的事物，例如人際關係，學業問題，個人護理問題等等，現在就來分享下我面對的困難: 1.我平時上學時會遭到很多同學的欺凌，他們會排斥我，會弄傷我，會偷我的東西，雖然我父母找我校長求助她也不理會，但我的老師還是很關心我的，他們還答應我要跟我一起慶祝生日呢！(別以為我這是在放負，這裡我是想透過分享我過往不好的經歷，為大家帶來人生的希望) 2.可能是因為我沒有很多朋友，導致我跟現在流行的東西完全脫節，我也不太能接受現在的網絡流行用語，還有青少年的衣著打扮，對我來說有些他們的係咪簡直是道德淪亡，別人都說我太保守(自己也覺得)但仔細想想，其實根本沒有人要求你一定要跟他們一樣，你想怎樣就怎樣，你的價值觀跟他們不同就不同，反正這是屬於你的腦袋，做你自己變行了！(當然我也會嘗試接觸新的事物，那我想我說一點時間去適應) 3.我的夢想是成為一名老師兼作家，但身邊人似乎都不太希望我成為這作家或老師，他們覺得我應該當畫家(我的美術課時全級頭三)他們總是跟我說:「你不要當作家啦！你不當畫家的話會浪費才能的！」其實聽到會不太高興的，連自己的夢想也不被人認同，但如同上段所述，你的人生是屬於自己的，你想怎樣就怎樣，對不對？ 最後我想說雖然我有個很嚴重的病，不能跟其他人合群，沒有人支持我的夢想也好，我都會跟自己說一句:「人本身就沒有意義，意義是要自己創造出來的！」 謝謝大家看到這裡！雖然你們可能會覺得我寫得很沒有重點，但我只是把我心中最正面的想法說出來而已，總之都是那一句，人生是有希望的！請大家加油！！！

#NSS個人 [Guest] 小妹今年f3, 仲好記得小三嘅時候俾人欺凌。雖然唔係好嚴重，但而家諗返起都有啲心酸，想同大家分享同埋講吓自己嘅感受。 我小二就識左一班friend , 日日都同佢地玩得好開心，相處冇問題。但當我升小三嘅時候，因為一個新同學嘅介入，搞到我開始俾個一班friend排斥。 佢哋會成日用我對佢哋嘅信任同埋感情嚟玩我，例如小息特登放我飛機（ 我嗰時日日冇人陪，好孤獨）又喺我面前講我壞話，令到我好難受。 但我當時好天真，就算佢哋咁做，我都好想爭取機會同佢哋玩，做返好朋友。我嗰時唔明白點解本身同佢哋咁friend,

#NSS其他 [Guest] Admins 已經食咗我兩個 posts

#NSS個人 [Sleep ] 純分享 唔知大家有冇試過長時間太夜瞓而成日到咗夜晚就想嘔同心口痛兼呼吸困難？之前返中學就1:00左右瞓，7:15起床，雖然瞓得唔算多但起碼身體都冇咩好大嘅問題。依家上咗大學，已經持續咗一年左右2:00-4:00先瞓覺。 近依半年開始嚟料，開頭嗰排就會間唔中心口痛同呼吸困難，嗰一排早瞓返就冇事，到咗近依兩個月仲開始“作嘔”，咁我開始懷疑自己身體係咪有啲問題啦，咁都Google一下睇下搵唔搵到啲咩結果，就顯示話因為太夜瞓令到個肝太傷所以就會咁，咁我都識驚啦，控制緊唔好遲過兩點瞓。 希望睇到依段文章又好夜瞓嘅各位都留意下自己嘅身體健康，如果有其他身體警號就一定一定要早瞓返，萬一出咗咩事就唔好啦。